1	அன்பை நாடுங்கள்; ஞானவரங்களையும் விரும்புங்கள்; விசேஷமாய்த் தீர்க்கதரிசன வரத்தை விரும்புங்கள்.	நீதி 15:9 நீதி 21:21 ஏசா 51:1 ரோம 9:30 ரோம 14:19 1தீமோ 5:10 1தீமோ 6:11 எபிரெ 12:14 1பேது 3:11-13 3யோவா 1:11
2	ஏனெனில், அந்நிய பாஷையில் பேசுகிறவன், ஆவியினாலே இரகசியங்களைப் பேசினாலும், அவன் பேசுகிறதை ஒருவனும் அறியாதிருக்கிறபடியினாலே, அவன் மனுஷரிடத்தில் பேசாமல், தேவனிடத்தில் பேசுகிறான்.	1கொரி 14:9-11 1கொரி 14:16-11 1கொரி 14:21-11 1கொரி 14:22-11 ஆதி 11:7 ஆதி 42:23 உபா 28:49 2இரா 18:26 அப் 2:4-11 அப் 10:46 அப் 19:6
3	தீர்க்கதரிசனஞ்சொல்லுகிறவனோ மனுஷருக்கு பக்திவிருத்தியும், புத்தியும், ஆறுதலும் உண்டாகத்தக்கதாகப் பேசுகிறான்.	1கொரி 14:4 1கொரி 14:12 1கொரி 14:26 1கொரி 8:1 1கொரி 10:23 அப் 9:31 ரோம 14:19 ரோம 15:2 எபே 4:12-16 எபே 4:29-16 1தெச 5:11 1தீமோ 1:4 யூதா 1:20
4	அந்நியப்பாஷையில் பேசுகிறவன் தனக்கே பக்திவிருத்தி உண்டாகப்பேசுகிறான்; தீர்க்கதரிசனஞ் சொல்லுகிறவனோ சபைக்கு பக்திவிருத்தி உண்டாகப்பேசுகிறான்.	1கொரி 14:3 1கொரி 14:18 1கொரி 14:19
5	நீங்களெல்லாரும் அந்நியபாஷைகளைப் பேசும்படி விரும்புகிறேன்; ஆகிலும், அந்நியபாஷைகளில் பேசுகிறவன் சபைக்குப் பக்திவிருத்தி உண்டாகும்படிக்கு அர்த்தத்தையும் சொல்லாவிட்டால், தீர்க்கதரிசனஞ் சொல்லுகிறவன் அவனிலும் மேன்மையுள்ளவன்; ஆதலால் நீங்கள் தீர்க்கதரிசனஞ் சொல்லுகிறவர்களாகவேண்டுமென்று அதிகமாய் விரும்புகிறேன்.	1கொரி 12:28-30 1கொரி 13:4 எண் 11:28 எண் 11:29
6	மேலும், சகோதரரே, நான் உங்களிடத்தில் வந்து உங்களுக்கு இரகசியங்களை வெளிப்படுத்துவதற்காவது, அறிவுண்டாக்குவதற்காவது, தீர்க்கதரிசனத்தை அறிவிக்கிறதற்காவது, போதகத்தைப் போதிக்கிறதற்காவது ஏதுவானதைச் சொல்லாமல், அந்நியபாஷைகளில் பேசினால் என்னாலே உங்களுக்குப் பிரயோஜனம் என்ன?	1கொரி 10:33 1கொரி 12:7 1கொரி 13:3 1சாமு 12:21 எரே 16:19 எரே 23:32 மத் 16:26 2தீமோ 2:14 தீத் 3:8 எபிரெ 13:9
7	அப்படியே புல்லாங்குழல், சுரமண்டலம் முதலாகிய சத்தமிடுகிற உயிரில்லாத வாத்தியங்கள் தொனிகளில் வித்தியாசம் காட்டாவிட்டால், குழலாலே ஊதப்படுகிறதும், சுரமண்டலத்தாலே வாசிக்கப்படுகிறதும் இன்னதென்று எப்படித் தெரியும்?	1கொரி 13:1
8	அந்தப்படி எக்காளமும் விளங்காத சத்தமிட்டால் எவன் யுத்தத்திற்கு ஆயத்தம்பண்ணுவான்?	எண் 10:9 யோசு 6:4-20 நியா 7:16-18 நெகே 4:18-21 யோபு 39:24 யோபு 39:25 ஏசா 27:13 ஆமோ 3:6 எபே 6:11-18
9	அதுபோல, நீங்களும் தெளிவான பேச்சை நாவினால் வசனியாவிட்டால் பேசப்பட்டது இன்னதென்று எப்படித் தெரியும்? ஆகாயத்தில் பேசுகிறவர்களாயிருப்பீர்களே.	1கொரி 9:26
10	உலகத்திலே எத்தனையோவிதமான பாஷைகள் உண்டாயிருக்கிறது, அவைகளில் ஒன்றும் அர்த்தமில்லாததல்ல.
11	ஆயினும், பாஷையின் கருத்தை நான் அறியாமலிருந்தால், பேசுகிறவனுக்கு அந்நியனாயிருப்பேன், பேசுகிறவனும் எனக்கு அந்நியனாயிருப்பான்.	1கொரி 14:21 அப் 28:2 அப் 28:4 ரோம 1:14 கொலோ 3:11
12	நீங்களும் ஆவிக்குரிய வரங்களை நாடுகிறவர்களானபடியால், சபைக்குப் பக்திவிருத்தி உண்டாகத்தக்கதாக அவைகளில் தேறும்படி நாடுங்கள்;	1கொரி 14:1 1கொரி 12:7 1கொரி 12:31 தீத் 2:14
13	அந்தப்படி அந்நியபாஷையில் பேசுகிறவன் அதின் அர்த்தத்தையும் சொல்லத்தக்கதாக விண்ணப்பம் பண்ணக்கடவன்.	1கொரி 14:27 1கொரி 14:28 1கொரி 12:10 1கொரி 12:30 மாற் 11:24 யோவா 14:13 யோவா 14:14 அப் 1:14 அப் 4:29-31 அப் 8:15
14	என்னத்தினாலெனில், நான் அந்நியபாஷையிலே விண்ணப்பம்பண்ணினால் என் ஆவி விண்ணப்பம்பண்ணுமேயன்றி, என் கருத்து பயனற்றதாயிருக்கும்.	1கொரி 14:2 1கொரி 14:15 1கொரி 14:16 1கொரி 14:19
15	இப்படியிருக்க, செய்யவேண்டுவதென்ன? நான் ஆவியோடும் விண்ணப்பம்பண்ணுவேன்; கருத்தோடும் விண்ணப்பம்பண்ணுவேன்; நான் ஆவியோடும் பாடுவேன், கருத்தோடும் பாடுவேன்.	1கொரி 10:19 ரோம 3:5 ரோம 8:31 பிலிப் 1:18
16	இல்லாவிட்டால், நீ ஆவியோடு ஸ்தோத்திரம்பண்ணும்போது, கல்லாதவன் உன் ஸ்தோத்திரத்திற்கு ஆமென் என்று எப்படிச் சொல்லுவான்? நீ பேசுகிறது இன்னதென்று அவன் அறியானே.	1கொரி 14:2 1கொரி 14:14
17	நீ நன்றாய் ஸ்தோத்திரம்பண்ணுகிறாய், ஆகிலும் மற்றவன் பக்திவிருத்தியடையமாட்டானே.	1கொரி 14:4 1கொரி 14:6
18	உங்களெல்லாரிலும் நான் அதிகமாய்ப் பாஷைகளைப் பேசுகிறேன், இதற்காக என் தேவனை ஸ்தோத்திரிக்கிறேன்.	1கொரி 1:4-6 1கொரி 4:7
19	அப்படியிருந்தும், நான் சபையிலே அந்நியபாஷையில் பதினாயிரம் வார்த்தைகளைப் பேசுகிறதிலும், மற்றவர்களை உணர்த்தும்படி என் கருத்தோடே ஐந்து வார்த்தைகளைப் பேசுகிறதே எனக்கு அதிக விருப்பமாயிருக்கும்.	1கொரி 14:4 1கொரி 14:21 1கொரி 14:22
20	சகோதரரே, நீங்கள் புத்தியிலே குழந்தைகளாயிராதேயுங்கள்; துர்க்குணத்திலே குழந்தைகளாயும், புத்தியிலோ தேறினவர்களாயுமிருங்கள்.	1கொரி 3:1 1கொரி 3:2 1கொரி 13:11 சங் 119:99 ஏசா 11:3 ரோம 16:19 எபே 4:14 எபே 4:15 பிலிப் 1:9 எபிரெ 5:12 எபிரெ 5:13 எபிரெ 6:1-3 2பேது 3:18
21	மறுபாஷைக்காரராலும், மறுவுதடுகளாலும் இந்த ஜனங்களிடத்தில் பேசுவேன்; ஆகிலும் அவர்கள் எனக்குச் செவிகொடுப்பதில்லையென்று கர்த்தர் சொல்லுகிறார் என்று வேதத்தில் எழுதியிருக்கிறதே.	யோவா 10:34 ரோம 3:19
22	அப்படியிருக்க, அந்நியபாஷைகள் விசுவாசிகளுக்கு அடையாளமாயிராமல், அவிசுவாசிகளுக்கு அடையாளமாயிருக்கிறது; தீர்க்கதரிசனமோ அவிசுவாசிகளுக்கு அடையாளமாயிராமல், விசுவாசிகளுக்கு அடையாளமாயிருக்கிறது.	மாற் 16:17 அப் 2:6-12 அப் 2:32-36
23	ஆகையால், சபையாரெல்லாரும் ஏகமாய்க் கூடிவந்து, எல்லாரும் அந்நியபாஷைகளிலே பேசிக்கொள்ளும்போது, கல்லாதவர்களாவது, அவிசுவாசிகளாவது உள்ளே பிரவேசித்தால், அவர்கள் உங்களைப் பைத்தியம் பிடித்தவர்களென்பார்களல்லவா?	1கொரி 11:18
24	எல்லாரும் தீர்க்கதரிசனஞ் சொல்லுகையில், அவிசுவாசியொருவன், அல்லது கல்லாதவனொருவன், உள்ளே பிரவேசித்தால், அவன் எல்லாராலும் உணர்த்துவிக்கப்பட்டும், எல்லாராலும் நிதானிக்கப்பட்டும் இருப்பான்.	1கொரி 2:15 யோவா 1:47-49 யோவா 4:29 அப் 2:37 எபிரெ 4:12 எபிரெ 4:13
25	அவனுடைய இருதயத்தின் அந்தரங்கங்களும் வெளியரங்கமாகும்; அவன் முகங்குப்புற விழுந்து, தேவனைப்பணிந்துகொண்டு, தேவன் மெய்யாய் உங்களுக்குள்ளே இருக்கிறாரென்று அறிக்கையிடுவான்.	ஆதி 44:14 உபா 9:18 சங் 72:11 ஏசா 60:14 லூக் 5:8 லூக் 8:28 வெளிப் 5:8 வெளிப் 19:4
26	நீங்கள் கூடிவந்திருக்கிறபோது, உங்களில் ஒருவன் சங்கீதம் பாடுகிறான், ஒருவன் போதகம் பண்ணுகிறான், ஒருவன் அந்நியபாஷையைப் பேசுகிறான், ஒருவன் இரகசியத்தை வெளிப்படுத்துகிறான், ஒருவன் வியாக்கியானம்பண்ணுகிறான். சகோதரரே, இது என்ன? சகலமும் பக்திவிருத்திக்கேதுவாகச் செய்யப்படக்கடவது.	1கொரி 14:6 1கொரி 12:8-10
27	யாராவது அந்நியபாஷையிலே பேசுகிறதுண்டானால், அது இரண்டுபேர்மட்டில், அல்லது மிஞ்சினால் மூன்றுபேர்மட்டில் அடங்கவும், அவர்கள் ஒவ்வொருவராய்ப் பேசவும், ஒருவன் அர்த்தத்தைச் சொல்லவும் வேண்டும்.
28	அர்த்தஞ் சொல்லுகிறவனில்லாவிட்டால், சபையிலே பேசாமல், தனக்கும் தேவனுக்கும் தெரியப் பேசக்கடவன்.
29	தீர்க்கதரிசிகள் இரண்டு பேராவது மூன்றுபேராவது பேசலாம், மற்றவர்கள் நிதானிக்கக்கடவர்கள்.	1கொரி 14:39 1கொரி 12:10 1தெச 5:19-21 1யோவா 4:1-3
30	அங்கே உட்கார்ந்திருக்கிற மற்றொருவனுக்கு ஏதாகிலும் வெளிப்படுத்தப்பட்டால், முந்திப் பேசினவன் பேசாமலிருக்கக்கடவன்.	1கொரி 14:6 1கொரி 14:26
31	எல்லாரும் கற்கிறதற்கும் எல்லாரும் தேறுகிறதற்கும், நீங்கள் அனைவரும் ஒவ்வொருவராகத் தீர்க்கதரிசனஞ்சொல்லலாம்.	1கொரி 14:3 1கொரி 14:19 1கொரி 14:35 நீதி 1:5 நீதி 9:9 எபே 4:11 எபே 4:12
32	தீர்க்கதரிசிகளுடைய ஆவிகள் தீர்க்கதரிசிகளுக்கு அடங்கியிருக்கிறதே.	1கொரி 14:29 1கொரி 14:30 1சாமு 10:10-13 1சாமு 19:19-24 2இரா 2:3 2இரா 2:5 யோபு 32:8-11 எரே 20:9 அப் 4:19 அப் 4:20 1யோவா 4:1
33	தேவன் கலகத்திற்குத் தேவனாயிராமல், சமாதானத்திற்குத் தேவனாயிருக்கிறார்; பரிசுத்தவான்களுடைய சபைகளெல்லாவற்றிலேயும் அப்படியே இருக்கிறது.	1கொரி 7:15 லூக் 2:14 ரோம 15:33 கலா 5:22 2தெச 3:16 எபிரெ 13:20 யாக் 3:17 யாக் 3:18
34	சபைகளில் உங்கள் ஸ்திரீகள் பேசாமலிருக்கக்கடவர்கள்; பேசும்படிக்கு அவர்களுக்கு உத்தரவில்லை; அவர்கள் அமர்ந்திருக்கவேண்டும்; வேதமும் அப்படியே சொல்லுகிறது.	1கொரி 11:5 1தீமோ 2:11 1தீமோ 2:12
35	அவர்கள் ஒரு காரியத்தைக் கற்றுக்கொள்ளவிரும்பினால், வீட்டிலே தங்கள் புருஷரிடத்தில் விசாரிக்கக்கடவர்கள்; ஸ்திரீகள் சபையிலே பேசுகிறது அயோக்கியமாயிருக்குமே.	எபே 5:25-27 1பேது 3:7
36	தேவவசனம் உங்களிடத்திலிருந்தா புறப்பட்டது? அது உங்களிடத்துக்கு மாத்திரமா வந்தது?	ஏசா 2:3 மீகா 4:1 மீகா 4:2 சகரி 14:8 அப் 13:1-3 அப் 15:35 அப் 15:36 அப் 16:9 அப் 16:10 அப் 17:1 அப் 17:10 அப் 17:11 அப் 17:15 அப் 18:1-17 2கொரி 10:13-16 1தெச 1:8
37	ஒருவன் தன்னைத் தீர்க்கதரிசியென்றாவது, ஆவியைப் பெற்றவனென்றாவது எண்ணினால், நான் உங்களுக்கு எழுதுகிறவைகள் கர்த்தருடைய கற்பனைகளென்று அவன் ஒத்துக்கொள்ளக்கடவன்.	1கொரி 8:2 1கொரி 13:1-3 எண் 24:3 எண் 24:4 எண் 24:16 ரோம 12:3 2கொரி 10:7 2கொரி 10:12 2கொரி 11:4 2கொரி 11:12-15 கலா 6:8
38	ஒருவன் அறியாதவனாயிருந்தால், அவன் அறியாதவனாயிருக்கட்டும்.	ஓசி 4:17 மத் 7:6 மத் 15:14 1தீமோ 6:3-5 2தீமோ 4:3 2தீமோ 4:4 வெளிப் 22:11 வெளிப் 22:12
39	இப்படியிருக்க, சகோதரரே, தீர்க்கதரிசனஞ்சொல்ல நாடுங்கள், அந்நியபாஷைகளைப் பேசுகிறதற்கும் தடைபண்ணாதிருங்கள்.	1கொரி 14:1 1கொரி 14:3 1கொரி 14:5 1கொரி 14:24 1கொரி 14:25 1கொரி 12:31 1தெச 5:20
40	சகலமும் நல்லொழுக்கமாயும் கிரமமாயும் செய்யப்படக்கடவது.	1கொரி 14:26-33 1கொரி 11:34 ரோம 13:13 கொலோ 2:5 தீத் 1:5