1	தேவனுடைய சித்தத்தினாலே இயேசுகிறிஸ்துவின் அப்போஸ்தலனாகிய பவுலும், சகோதரனாகிய தீமோத்தேயும், கொரிந்துபட்டணத்திலுள்ள தேவனுடைய சபைக்கும், அகாயா நாடெங்குமுள்ள எல்லாப் பரிசுத்தவான்களுக்கும் எழுதுகிறதாவது:	ரோம 1:1-5 1கொரி 1:1 1தீமோ 1:1 2தீமோ 1:1
2	நம்முடைய பிதாவாகிய தேவனாலும், கர்த்தராகிய இயேசுகிறிஸ்துவினாலும் உங்களுக்குக் கிருபையும் சமாதானமும் உண்டாவதாக.	ரோம 1:7 2சாமு 15:20 1நாளா 12:18 தானி 4:1 1கொரி 1:3 கலா 6:16 எபே 6:23 பிலிப் 1:2 கொலோ 1:2 1தெச 1:1 2தெச 1:2 பிலேமோ 1:3
3	நமது கர்த்தராகிய இயேசுகிறிஸ்துவின் பிதாவாகிய தேவனும், இரக்கங்களின் பிதாவும், சகலவிதமான ஆறுதலின் தேவனுமாயிருக்கிறவருக்கு ஸ்தோத்திரம்.	ஆதி 14:20 1நாளா 29:10 நெகே 9:5 யோபு 1:21 சங் 18:46 சங் 72:19 தானி 4:34 எபே 1:3 1பேது 1:3
4	தேவனால் எங்களுக்கு அருளப்படுகிற ஆறுதலினாலே, எந்த உபத்திரவத்திலாகிலும் அகப்படுகிறவர்களுக்கு நாங்கள் ஆறுதல்செய்யத் திராணியுள்ளவர்களாகும்படி, எங்களுக்கு வரும் சகல உபத்திரவங்களிலேயும் அவரே எங்களுக்கு ஆறுதல்செய்கிறவர்.	2கொரி 7:6 2கொரி 7:7 சங் 86:17 ஏசா 12:1 ஏசா 49:10 ஏசா 51:3 ஏசா 51:12 ஏசா 52:9 ஏசா 66:12 ஏசா 66:13 யோவா 14:16 யோவா 14:18 யோவா 14:26 2தெச 2:16 2தெச 2:17
5	எப்படியெனில், கிறிஸ்துவினுடைய பாடுகள் எங்களிடத்தில் பெருகுகிறதுபோல, கிறிஸ்துவினாலே எங்களுக்கு ஆறுதலும் பெருகுகிறது.	2கொரி 4:10 2கொரி 4:11 2கொரி 11:23-30 அப் 9:4 1கொரி 4:10-13 பிலிப் 1:20 பிலிப் 3:10 கொலோ 1:24
6	ஆதலால், நாங்கள் உபத்திரவப்பட்டாலும் அது உங்கள் ஆறுதலுக்கும் இரட்சிப்புக்கும் ஏதுவாகும்; நாங்கள் ஆறுதலடைந்தாலும் அதுவும் உங்கள் ஆறுதலுக்கும் இரட்சிப்புக்கும் ஏதுவாகும்; நாங்கள் பாடுபடுகிறதுபோல நீங்களும் பாடுபட்டுச் சகிக்கிறதினாலே அந்த இரட்சிப்பு பலன்செய்கிறது.	2கொரி 1:4 2கொரி 4:15-18 1கொரி 3:21-23 2தீமோ 2:10
7	நீங்கள் எங்களோடேகூடப் பாடுபடுகிறதுபோல, எங்களோடேகூட ஆறுதலும் அடைகிறீர்களென்று நாங்கள் அறிந்து, உங்களைக்குறித்து உறுதியான நம்பிக்கையுள்ளவர்களாயிருக்கிறோம்.	2கொரி 1:14 2கொரி 7:9 2கொரி 12:20 பிலிப் 1:6 பிலிப் 1:7 1தெச 1:3 1தெச 1:4
8	ஆகையால் சகோதரரே, ஆசியாவில் எங்களுக்கு நேரிட்ட உபத்திரவத்தை நீங்கள் அறியாதிருக்க எங்களுக்கு மனதில்லை. என்னவெனில், பிழைப்போம் என்கிற நம்பிக்கை அற்றுப்போகத்தக்கதாக, எங்கள் பலத்திற்கு மிஞ்சின அதிக பாரமான வருத்தம் எங்களுக்கு உண்டாயிற்று.	2கொரி 4:7-12 அப் 19:23-35 1கொரி 15:32 1கொரி 16:9
9	நாங்கள் எங்கள்மேல் நம்பிக்கையாயிராமல், மரித்தோரை எழுப்புகிற தேவன்மேல் நம்பிக்கையாயிருக்கத்தக்கதாக, மரணம் வருமென்று நாங்கள் எங்களுக்குள்ளே நிச்சயித்திருந்தோம்.	2கொரி 3:5 2கொரி 4:7 2கொரி 12:7-10 யோபு 40:14 சங் 22:29 சங் 44:5-7 நீதி 28:26 எரே 9:23 எரே 9:24 எரே 17:5-7 எசே 33:13 லூக் 18:9
10	அப்படிப்பட்ட மரணத்தினின்றும் அவர் எங்களைத் தப்புவித்தார், இப்பொழுதும் தப்புவிக்கிறார், இன்னும் தப்புவிப்பார் என்று அவரை நம்பியிருக்கிறோம்.	1சாமு 7:12 1சாமு 17:37 யோபு 5:17-22 சங் 34:19 ஏசா 46:3 அப் 26:21 2தீமோ 4:17 2பேது 2:9
11	அநேகர்மூலமாய் எங்களுக்கு உண்டான தயவுக்காக அநேகரால் எங்கள் நிமித்தம் ஸ்தோத்திரங்கள் செலுத்தப்படும்பொருட்டு, நீங்களும் விண்ணப்பத்தினால் எங்களுக்கு உதவிசெய்யுங்கள்.	2கொரி 9:14 ஏசா 37:4 ஏசா 62:6 ஏசா 62:7 அப் 12:5 ரோம 15:30-32 எபே 6:18 எபே 6:19 பிலிப் 1:19 கொலோ 4:3 1தெச 5:25 2தெச 3:1 பிலேமோ 1:22 எபிரெ 13:18 யாக் 5:16-18
12	மாம்சத்திற்கேற்ற ஞானத்தோடே நடவாமல், தேவனுடைய கிருபையினால் நாங்கள் உலகத்திலேயும், விசேஷமாக உங்களிடத்திலேயும், கபடமில்லாமல் திவ்விய உண்மையோடே நடந்தோமென்று, எங்கள் மனது எங்களுக்குச் சொல்லுஞ்சாட்சியே எங்கள் புகழ்ச்சியாயிருக்கிறது.	யோபு 13:15 யோபு 23:10-12 யோபு 27:5 யோபு 27:6 யோபு 31:1-40 சங் 7:3-5 சங் 44:17-21 ஏசா 38:3 அப் 24:16 ரோம 9:1 1கொரி 4:4 கலா 6:4 1தீமோ 1:5 1தீமோ 1:19 1தீமோ 1:20 எபிரெ 13:18 1பேது 3:16 1பேது 3:21 1யோவா 3:19-22
13	ஏனென்றால், நீங்கள் வாசித்தும் ஒத்துக்கொண்டுமிருக்கிற காரியங்களையேயன்றி, வேறொன்றையும் நாங்கள் உங்களுக்கு எழுதவில்லை; முடிவுபரியந்தமும் அப்படியே ஒத்துக்கொள்வீர்களென்று நம்பியிருக்கிறேன்.	2கொரி 4:2 2கொரி 5:11 2கொரி 13:6 பிலேமோ 1:6
14	கர்த்தராகிய இயேசுவினுடைய நாளிலே நீங்கள் எங்களுக்குப் புகழ்ச்சியாயிருப்பதுபோல, நாங்களும் உங்களுக்குப் புகழ்ச்சியாயிருக்கிறதை ஒருவாறு ஒத்துக்கொண்டிருக்கிறீர்களே.	2கொரி 2:5 ரோம 11:25 1கொரி 11:18
15	நான் இப்படிப்பட்ட நம்பிக்கையைக் கொண்டிருக்கிறபடியினால், உங்களுக்கு இரண்டாந்தரமும் பிரயோஜனமுண்டாகும்படி, முதலாவது உங்களிடத்தில் வரவும்,	1கொரி 4:19 1கொரி 11:34
16	பின்பு உங்கள் ஊர்வழியாய் மக்கெதோனியா நாட்டுக்குப் போகவும், மக்கெதோனியாவை விட்டு மறுபடியும் உங்களிடத்திற்கு வரவும், உங்களால் யூதேயா தேசத்துக்கு வழிவிட்டனுப்பப்படவும் யோசனையாயிருந்தேன்.	அப் 19:21 அப் 19:22 அப் 21:5 1கொரி 16:5-7
17	இப்படி நான் யோசித்தது வீணாக யோசித்தேனோ? அல்லது ஆம் ஆம் என்கிறதும், அல்ல அல்ல என்கிறதும், என்னிடத்திலே இருக்கத்தக்கதாக, நான் யோசிக்கிறவைகளை மாம்சத்தின்படி யோசிக்கிறேனோ?	நியா 9:4 எரே 23:32 செப் 3:4
18	நாங்கள் உங்களுக்குச் சொன்ன வார்த்தை ஆம் அல்ல என்று இருக்கவில்லை; அதற்கு உண்மையுள்ள தேவனே சாட்சி.	2கொரி 1:23 2கொரி 11:31 யோவா 7:28 யோவா 8:26 1யோவா 5:20 வெளிப் 3:7 வெளிப் 3:14
19	என்னாலும், சில்வானுவினாலும், தீமோத்தேயுவினாலும், உங்களுக்குள்ளே பிரசங்கிக்கப்பட்ட தேவகுமாரனாகிய இயேசுகிறிஸ்துவும் ஆம் என்றும் அல்ல என்றும் இராமல், ஆம் என்றே இருக்கிறார்.	சங் 2:7 மத் 3:17 மத் 16:16 மத் 16:17 மத் 17:5 மத் 26:63 மத் 26:64 மத் 27:40 மத் 27:54 மாற் 1:1 லூக் 1:35 யோவா 1:34 யோவா 1:49 யோவா 3:16 யோவா 3:35 யோவா 3:36 யோவா 6:69 யோவா 19:7 யோவா 20:28 யோவா 20:31 அப் 8:37 அப் 9:20 ரோம 1:3 ரோம 1:4 2பேது 1:17 1யோவா 1:3 1யோவா 5:9-13 1யோவா 5:20-13 2யோவா 1:9 வெளிப் 2:18
20	எங்களால் தேவனுக்கு மகிமையுண்டாகும்படி, தேவனுடைய வாக்குத்தத்தங்களெல்லாம் இயேசுகிறிஸ்துவுக்குள் ஆம் என்றும், அவருக்குள் ஆமென் என்றும் இருக்கிறதே.	ஆதி 3:15 ஆதி 22:18 ஆதி 49:10 சங் 72:17 ஏசா 7:14 ஏசா 9:6 ஏசா 9:7 லூக் 1:68-74 யோவா 1:17 யோவா 14:6 அப் 3:25 அப் 3:26 அப் 13:32-39 ரோம 6:23 ரோம 15:8 ரோம 15:9 கலா 3:16-18 கலா 3:22-18 எபிரெ 6:12-19 எபிரெ 7:6 எபிரெ 9:10-15 எபிரெ 11:13 எபிரெ 11:39 எபிரெ 11:40 எபிரெ 13:8 1யோவா 2:24 1யோவா 2:25 1யோவா 5:11
21	உங்களோடேகூட எங்களையும் கிறிஸ்துவுக்குள் ஸ்திரப்படுத்தி, நம்மை அபிஷேகம்பண்ணினவர் தேவனே.	2கொரி 5:5 சங் 37:23 சங் 37:24 சங் 87:5 சங் 89:4 ஏசா 9:7 ஏசா 49:8 ஏசா 62:7 ரோம 16:25 கொலோ 2:7 1தெச 3:13 2தெச 2:8 2தெச 2:17 2தெச 3:3 1பேது 5:10
22	அவர் நம்மை முத்திரித்து, நம்முடைய இருதயங்களில் ஆவியென்னும் அச்சாரத்தையும் கொடுத்திருக்கிறார்.	யோவா 6:27 ரோம 4:11 எபே 1:13 எபே 1:14 எபே 4:30 2தீமோ 2:19 வெளிப் 2:17 வெளிப் 7:3 வெளிப் 9:4
23	மேலும் நான் உங்களைத் தப்பவிடும்படிக்கே இதுவரைக்கும் கொரிந்துபட்டணத்திற்கு வராதிருக்கிறேனென்று, என் ஆத்துமாவின்பேரில் தேவனையே சாட்சியாகக் கோருகிறேன்.	2கொரி 1:18 2கொரி 11:11 2கொரி 11:31 ரோம 1:9 ரோம 9:1 கலா 1:20 பிலிப் 1:8 1தெச 2:5
24	உங்கள் விசுவாசத்திற்கு நாங்கள் அதிகாரிகளாயிராமல், உங்கள் சந்தோஷத்திற்குச் சகாயராயிருக்கிறோம்; விசுவாசத்தினாலே நிலைநிற்கிறீர்களே.	மத் 23:8-10 மத் 24:49 1கொரி 3:5 2தீமோ 2:24-26 1பேது 5:3