1	நான் துக்கத்துடனே உங்களிடத்தில் மறுபடியும் வராதபடிக்கு எனக்குள்ளே தீர்மானித்துக்கொண்டேன்.	2கொரி 1:15-17 அப் 11:29 அப் 15:2 அப் 15:37 1கொரி 2:2 1கொரி 5:3 தீத் 3:12
2	நான் உங்களைத் துக்கப்படுத்தினால், என்னாலே துக்கமடைந்தவனேயல்லாமல், எவன் என்னைச் சந்தோஷப்படுத்துவான்?	2கொரி 1:14 2கொரி 11:29 ரோம 12:15 1கொரி 12:26
3	என்னுடைய சந்தோஷம் உங்களெல்லாருக்கும் சந்தோஷமாயிருக்குமென்று, நான் உங்களெல்லாரையும்பற்றி நம்பிக்கையுள்ளவனாயிருந்து, நான் வரும்போது, என்னைச் சந்தோஷப்படுத்தவேண்டியவர்களால் நான் துக்கமடையாதபடிக்கு, அதை உங்களுக்கு எழுதினேன்.	1கொரி 4:21 1கொரி 5:1-13
4	அன்றியும், நீங்கள் துக்கப்படும்படிக்கு எழுதாமல், உங்கள்மேல் நான் வைத்த அன்பின் மிகுதியை நீங்கள் அறியும்படிக்கே, மிகுந்த வியாகுலமும் மனயிடுக்கமும் அடைந்தவனாய் அதிகக் கண்ணீரோடே உங்களுக்கு எழுதினேன்.	லேவி 19:17 லேவி 19:18 சங் 119:136 நீதி 27:5 நீதி 27:6 எரே 13:15-17 லூக் 19:41-44 ரோம 9:2 ரோம 9:3 பிலிப் 3:18
5	துக்கமுண்டாக்கினவன் எனக்குமாத்திரமல்ல, ஒருவாறு உங்களெல்லாருக்கும் துக்கமுண்டாக்கினான்; நான் உங்கள் எல்லார்மேலும் அதிக பாரஞ்சுமத்தாதபடிக்கு இதைச் சொல்லுகிறேன்.	நீதி 17:25 1கொரி 5:1-5 1கொரி 5:12-5 1கொரி 5:13-5 கலா 5:10
6	அப்படிப்பட்டவனுக்கு அநேகரால் உண்டான இந்தத் தண்டனையே போதும்.	2கொரி 13:10 1கொரி 5:4 1கொரி 5:5 1தீமோ 5:20
7	ஆதலால் அவன் அதிக துக்கத்தில் அமிழ்ந்துபோகாதபடிக்கு, நீங்கள் அவனுக்கு மன்னித்து ஆறுதல் செய்யவேண்டும்.	கலா 6:1 கலா 6:2 எபே 4:32 கொலோ 3:13 2தெச 3:6 2தெச 3:14 2தெச 3:15 எபிரெ 12:12-15
8	அந்தப்படி, உங்கள் அன்பை அவனுக்குக் காண்பிக்கும்படி உங்களை வேண்டிக்கொள்ளுகிறேன்.	கலா 5:13 கலா 6:1 கலா 6:2 கலா 6:10 யூதா 1:22 யூதா 1:23
9	நீங்கள் எல்லாவற்றிலேயும் கீழ்ப்படிந்திருக்கிறீர்களோ என்று உங்களைச் சோதித்தறியும்படி இப்படி எழுதினேன்.	2கொரி 7:12-15 2கொரி 8:24 யாத் 16:4 உபா 8:2 உபா 8:16 உபா 13:3 பிலிப் 2:22
10	எவனுக்கு நீங்கள் மன்னிக்கிறீர்களோ, அவனுக்கு நானும் மன்னிக்கிறேன்; மேலும் எதை நான் மன்னித்திருக்கிறேனோ, அதை உங்கள்நிமித்தம் கிறிஸ்துவினுடைய சந்நிதானத்திலே மன்னித்திருக்கிறேன்.	2கொரி 5:20 மத் 18:18 யோவா 20:23 1கொரி 5:4
11	சாத்தானாலே நாம் மோசம்போகாதபடிக்கு அப்படிச் செய்தேன்; அவனுடைய தந்திரங்கள் நமக்குத் தெரியாதவைகள் அல்லவே.	2கொரி 11:3 2கொரி 11:14 1நாளா 21:1 1நாளா 21:2 யோபு 1:11 யோபு 2:3 யோபு 2:5 யோபு 2:9 சகரி 3:1-4 லூக் 22:31 யோவா 13:2 அப் 1:25 1கொரி 7:5 எபே 6:11 எபே 6:12 2தீமோ 2:25 1பேது 5:8 வெளிப் 2:24 வெளிப் 12:9-11 வெளிப் 13:8
12	மேலும் நான் கிறிஸ்துவின் சுவிசேஷத்தைப் பிரசங்கிக்கும்படி துரோவாபட்டணத்தில் வந்தபோது, கர்த்தராலே எனக்குக் கதவு திறக்கப்பட்டிருக்கையில்,	அப் 16:8 அப் 20:1-6 அப் 20:8-6
13	நான் என் சகோதரனாகிய தீத்துவைக் காணாததினாலே, என் ஆவிக்கு அமைதலில்லாதிருந்தது. ஆதலால் நான் அவர்களிடத்தில் அனுப்புவித்துக்கொண்டு, மக்கெதோனியா நாட்டுக்குப் புறப்பட்டுப்போனேன்.	2கொரி 7:5 2கொரி 7:6
14	கிறிஸ்துவுக்குள் எப்பொழுதும் எங்களை வெற்றிசிறக்கப்பண்ணி, எல்லா இடங்களிலேயும் எங்களைக் கொண்டு அவரை அறிகிற அறிவின் வாசனையை வெளிப்படுத்துகிற தேவனுக்கு ஸ்தோத்திரம்.	2கொரி 1:11 2கொரி 8:16 2கொரி 9:15 எபே 5:20 1தெச 3:9 வெளிப் 7:12
15	இரட்சிக்கப்படுகிறவர்களுக்குள்ளேயும், கெட்டுப்போகிறவர்களுக்குள்ளேயும், நாங்கள் தேவனுக்குக் கிறிஸ்துவின் நற்கந்தமாயிருக்கிறோம்.	ஆதி 8:21 யாத் 29:18 யாத் 29:25 எசே 20:41 எபே 5:2 பிலிப் 4:18
16	கெட்டுப்போகிறவர்களுக்குள்ளே மரணத்திற்கேதுவான மரணவாசனையாகவும், இரட்சிக்கப்படுகிறவர்களுக்குள்ளே ஜீவனுக்கேதுவான ஜீவவாசனையாகவும் இருக்கிறோம். இவைகளை நடப்பிக்கிறதற்கு எவன் தகுதியானவன்?	லூக் 2:34 யோவா 9:39 அப் 13:45-47 அப் 20:26 அப் 20:27 1பேது 2:7 1பேது 2:8
17	அநேகரைப்போல, நாங்கள் தேவவசனத்தைக் கலப்பாய்ப் பேசாமல், துப்புரவாகவும், தேவனால் அருளப்பட்டபிரகாரமாகவும், கிறிஸ்துவுக்குள் தேவசந்நிதியில் பேசுகிறோம்.	2கொரி 4:2 2கொரி 11:13-15 எரே 5:31 எரே 23:27-32 மத் 24:24 1தீமோ 1:19 1தீமோ 1:20 1தீமோ 4:1-3 2தீமோ 2:6-18 2தீமோ 4:3 2தீமோ 4:4 தீத் 1:11 2பேது 2:1-3 1யோவா 4:1 2யோவா 1:7-11 யூதா 1:4 வெளிப் 2:14 வெளிப் 2:15 வெளிப் 2:20 வெளிப் 12:9 வெளிப் 19:20