| 1 | என் பிள்ளைகளே, நீங்கள் பாவஞ்செய்யாதபடிக்கு இவைகளை உங்களுக்கு எழுதுகிறேன்; ஒருவன் பாவஞ்செய்வானானால் நீதிபரராயிருக்கிற இயேசுகிறிஸ்து நமக்காகப் பிதாவினிடத்தில் பரிந்து பேசுகிறவராயிருக்கிறார். | 1யோவா 2:12 1யோவா 2:13 1யோவா 3:7 1யோவா 3:18 1யோவா 4:4 1யோவா 5:21 யோவா 13:33 யோவா 21:5 1கொரி 4:14 1கொரி 4:15 கலா 4:19 |
| 2 | நம்முடைய பாவங்களை நிவிர்த்தி செய்கிற கிருபாதாரபலி அவரே; நம்முடைய பாவங்களை மாத்திரம் அல்ல, சர்வலோகத்தின் பாவங்களையும் நிவிர்த்தி செய்கிற பலியாயிருக்கிறார். | 1யோவா 1:7 1யோவா 4:10 ரோம 3:25 ரோம 3:26 1பேது 2:24 1பேது 3:18 |
| 3 | அவருடைய கற்பனைகளை நாம் கைக்கொள்ளுகிறவர்களானால், அவரை அறிந்திருக்கிறோமென்பதை அதினால் அறிவோம். | 1யோவா 2:4-6 1யோவா 3:14 1யோவா 3:19 1யோவா 4:13 1யோவா 5:19 |
| 4 | அவரை அறிந்திருக்கிறேனென்று சொல்லியும், அவருடைய கற்பனைகளைக் கைக்கொள்ளாதவன் பொய்யனாயிருக்கிறான், அவனுக்குள் சத்தியமில்லை. | 1யோவா 2:9 1யோவா 1:6 1யோவா 1:8 1யோவா 1:10 1யோவா 4:20 யாக் 2:14-16 |
| 5 | அவருடைய வசனத்தைக் கைக்கொள்ளுகிறவனிடத்தில் தேவ அன்பு மெய்யாகப் பூரணப்பட்டிருக்கும்; நாம் அவருக்குள் இருக்கிறோமென்பதை அதினாலே அறிந்திருக்கிறோம். | 1யோவா 2:3 1யோவா 2:4 சங் 105:45 சங் 106:3 சங் 119:2 சங் 119:4 சங் 119:146 நீதி 8:32 நீதி 28:7 பிரச 8:5 எசே 36:27 லூக் 11:28 யோவா 14:21 யோவா 14:23 வெளிப் 12:17 வெளிப் 14:12 |
| 6 | அவருக்குள் நிலைத்திருக்கிறேனென்று சொல்லுகிறவன், அவர் நடந்தபடியே தானும் நடக்கவேண்டும். | 1யோவா 2:4 1யோவா 1:6 |
| 7 | சகோதரரே, நான் உங்களுக்குப் புதிய கற்பனையை அல்ல, ஆதிமுதல் நீங்கள் பெற்றிருக்கிற பழைய கற்பனையையே எழுதுகிறேன்; அந்தப் பழைய கற்பனை நீங்கள் ஆதிமுதல் கேட்டிருக்கிற வசனந்தானே. | 1யோவா 3:11 அப் 17:19 2யோவா 1:5 |
| 8 | மேலும், நான் புதிய கற்பனையையும் உங்களுக்கு எழுதுகிறேன், இது அவருக்குள்ளும் உங்களுக்குள்ளும் மெய்யாயிருக்கிறது; ஏனென்றால், இருள் நீங்கிப்போகிறது, மெய்யான ஒளி இப்பொழுது பிரகாசிக்கிறது. | 1யோவா 4:21 யோவா 13:34 யோவா 15:12 |
| 9 | ஒளியிலே இருக்கிறேன் என்று சொல்லியும் தன் சகோதரனைப் பகைக்கிறவன் இதுவரைக்கும் இருளிலே இருக்கிறான். | 1யோவா 2:4 |
| 10 | தன் சகோதரனிடத்தில் அன்புகூருகிறவன் ஒளியிலே நிலைகொண்டிருக்கிறான்; அவனிடத்தில் இடறல் ஒன்றுமில்லை. | 1யோவா 3:14 ஓசி 6:3 யோவா 8:31 ரோம 14:13 2பேது 1:10 |
| 11 | தன் சகோதரனைப் பகைக்கிறவன் இருளிலே இருந்து இருளிலே நடக்கிறான்; இருளானது அவன் கண்களைக் குருடாக்கினபடியால் தான் போகும் இடம் இன்னதென்று அறியாதிருக்கிறான். | 1யோவா 2:9 யோவா 12:35 தீத் 3:3 |
| 12 | பிள்ளைகளே, அவருடைய நாமத்தினிமித்தம் உங்கள் பாவங்கள் மன்னிக்கப்பட்டிருக்கிறதினால் உங்களுக்கு எழுதுகிறேன். | 1யோவா 2:7 1யோவா 2:13 1யோவா 2:14 1யோவா 2:21 1யோவா 1:4 |
| 13 | பிதாக்களே, ஆதிமுதலிருக்கிறவரை நீங்கள் அறிந்திருக்கிறதினால் உங்களுக்கு எழுதுகிறேன். வாலிபரே, பொல்லாங்கனை நீங்கள் ஜெயித்ததினால் உங்களுக்கு எழுதுகிறேன். பிள்ளைகளே, நீங்கள் பிதாவை அறிந்திருக்கிறதினால் உங்களுக்கு எழுதுகிறேன். | 1யோவா 2:14 1தீமோ 5:1 |
| 14 | பிதாக்களே, ஆதிமுதலிருக்கிறவரை நீங்கள் அறிந்திருக்கிறதினால் உங்களுக்கு எழுதியிருக்கிறேன். வாலிபரே, நீங்கள் பலவான்களாயிருக்கிறதினாலும், தேவவசனம் உங்களில் நிலைத்திருக்கிறதினாலும், நீங்கள் பொல்லாங்கனை ஜெயித்ததினாலும், உங்களுக்கு எழுதியிருக்கிறேன். | 1யோவா 2:13 |
| 15 | உலகத்திலும் உலகத்திலுள்ளவைகளிலும் அன்புகூராதிருங்கள்; ஒருவன் உலகத்தில் அன்புகூர்ந்தால் அவனிடத்தில் பிதாவின் அன்பில்லை. | 1யோவா 4:5 1யோவா 5:4 1யோவா 5:5 1யோவா 5:10 யோவா 15:19 ரோம 12:2 கலா 1:10 எபே 2:2 கொலோ 3:1 கொலோ 3:2 1தீமோ 6:10 |
| 16 | ஏனெனில், மாம்சத்தின் இச்சையும, கண்களின் இச்சையும், ஜீவனத்தின் பெருமையுமாகிய உலகத்திலுள்ளவைகளெல்லாம் பிதாவினாலுண்டானவைகளல்ல, அவைகள் உலகத்தினாலுண்டானவைகள். | எண் 11:4 எண் 11:34 சங் 78:18 சங் 78:30 நீதி 6:25 மத் 5:28 ரோம 13:14 1கொரி 10:6 கலா 5:17 கலா 5:24 எபே 2:3 தீத் 2:12 தீத் 3:3 1பேது 1:14 1பேது 2:11 1பேது 4:2 1பேது 4:3 1பேது 4:2 1பேது 4:3 2பேது 2:10 2பேது 2:18 யூதா 1:16-18 |
| 17 | உலகமும் அதின் இச்சையும் ஒழிந்துபோம்; தேவனுடைய சித்தத்தின்படி செய்கிறவனோ என்றென்றைக்கும் நிலைத்திருப்பான். | சங் 39:6 சங் 73:18-20 சங் 90:9 சங் 102:26 ஏசா 40:6-8 மத் 24:35 1கொரி 7:31 யாக் 1:10 யாக் 1:11 யாக் 4:14 1பேது 1:24 |
| 18 | பிள்ளைகளே, இது கடைசிக்காலமாயிருக்கிறது; அந்திக்கிறிஸ்து வருகிறானென்று நீங்கள் கேள்விப்பட்டபடி இப்பொழுதும் அநேக அந்திக்கிறிஸ்துகள் இருக்கிறார்கள்; அதினாலே இது கடைசிக்காலமென்று அறிகிறோம். | யோவா 21:5 |
| 19 | அவர்கள் நம்மைவிட்டுப் பிரிந்துபோனார்கள், ஆகிலும் அவர்கள் நம்முடையவர்களாயிருக்கவில்லை; நம்முடையவர்களாயிருந்தார்களானால் நம்முடனே நிலைத்திருப்பார்களே; எல்லாரும் நம்முடையவர்களல்லவென்று வெளியாகும்படிக்கே பிரிந்து போனார்கள். | உபா 13:13 சங் 41:9 மத் 13:20 மத் 13:21 மாற் 4:5 மாற் 4:6 மாற் 4:16 மாற் 4:17 லூக் 8:13 யோவா 15:2 அப் 15:24 அப் 20:30 2பேது 2:20 2பேது 2:21 யூதா 1:19 |
| 20 | நீங்கள் பரிசுத்தராலே அபிஷேகம்பெற்றுச் சகலத்தையும் அறிந்திருக்கிறீர்கள். | 1யோவா 2:27 1யோவா 4:13 சங் 23:5 சங் 45:7 சங் 92:10 ஏசா 61:1 லூக் 4:18 அப் 10:38 2கொரி 1:21 2கொரி 1:22 எபிரெ 1:9 |
| 21 | சத்தியத்தை நீங்கள் அறியாததினாலல்ல, நீங்கள் சத்தியத்தை அறிந்திருக்கிறதினாலும், சத்தியத்தினால் ஒரு பொய்யுமுண்டாயிராதென்பதை நீங்கள் அறிந்திருக்கிறதினாலும், உங்களுக்கு எழுதியிருக்கிறேன். | நீதி 1:5 நீதி 9:8 நீதி 9:9 ரோம 15:14 ரோம 15:15 2பேது 1:12 |
| 22 | இயேசுவைக் கிறிஸ்து அல்ல என்று மறுதலிக்கிறவனேயல்லாமல் வேறே யார் பொய்யன்? பிதாவையும் குமாரனையும் மறுதலிக்கிறவனே அந்திக்கிறிஸ்து. | 1யோவா 2:4 1யோவா 1:6 1யோவா 4:20 யோவா 8:44 வெளிப் 3:9 |
| 23 | குமாரனை மறுதலிக்கிறவன் பிதாவையுடைவனல்ல, குமாரனை அறிக்கையிடுகிறவன் பிதாவையும் உடையவனாயிருக்கிறான். | 1யோவா 2:22 1யோவா 4:15 மத் 11:27 லூக் 10:22 யோவா 5:23 யோவா 8:19 யோவா 10:30 யோவா 14:9 யோவா 14:10 யோவா 15:23 யோவா 15:24 2யோவா 1:9-11 |
| 24 | ஆகையால் ஆதிமுதல் நீங்கள் கேள்விப்பட்டது உங்களில் நிலைத்திருக்கக்கடவது; ஆதிமுதல் நீங்கள் கேள்விப்பட்டது உங்களில் நிலைத்திருந்தால், நீங்களும் குமாரனிலும் பிதாவிலும் நிலைத்திருப்பீர்கள். | சங் 119:11 நீதி 23:23 லூக் 9:44 யோவா 15:7 கொலோ 3:16 எபிரெ 2:1 எபிரெ 3:14 2யோவா 1:2 3யோவா 1:3 வெளிப் 3:3 வெளிப் 3:11 |
| 25 | நித்தியஜீவனை அளிப்பேன் என்பதே அவர் நமக்குச் செய்த வாக்குத்தத்தம். | 1யோவா 1:2 1யோவா 5:11-13 1யோவா 5:20-13 தானி 12:2 லூக் 18:30 யோவா 5:39 யோவா 6:27 யோவா 6:47 யோவா 6:54 யோவா 6:68 யோவா 10:28 யோவா 12:50 யோவா 17:2 யோவா 17:3 ரோம 2:7 ரோம 5:21 ரோம 6:23 கலா 6:8 1தீமோ 1:16 1தீமோ 6:12 1தீமோ 6:19 தீத் 1:2 தீத் 3:7 யூதா 1:21 |
| 26 | உங்களை வஞ்சிக்கிறவர்களைக் குறித்து இவைகளை உங்களுக்கு எழுதியிருக்கிறேன். | 1யோவா 3:7 நீதி 12:26 எசே 13:10 மாற் 13:22 அப் 20:29 அப் 20:30 2கொரி 11:13-15 கொலோ 2:8 கொலோ 2:18 1தீமோ 4:1 2தீமோ 3:13 2பேது 2:1-3 2யோவா 1:7 |
| 27 | நீங்கள் அவராலே பெற்ற அபிஷேகம் உங்களில் நிலைத்திருக்கிறது, ஒருவரும் உங்களுக்குப் போதிக்கவேண்டுவதில்லை; அந்த அபிஷேகம் சகலத்தையுங்குறித்து உங்களுக்குப் போதிக்கிறது; அது சத்தியமாயிருக்கிறது, பொய்யல்ல, அது உங்களுக்குப் போதித்தபடியே அவரில் நிலைத்திருப்பீர்களாக. | 1யோவா 2:20 1யோவா 3:24 யோவா 4:14 1பேது 1:23 2யோவா 1:2 |
| 28 | இப்படியிருக்க, பிள்ளைகளே, அவர் வெளிப்படும்போது நாம் அவர் வருகையில் அவருக்கு முன்பாக வெட்கப்பட்டுப் போகாமல் தைரியமுள்ளவர்களாயிருக்கும்படிக்கு அவரில் நிலைத்திருங்கள். | 1யோவா 2:1 |
| 29 | அவர் நீதியுள்ளவராயிருக்கிறாரென்று உங்களுக்குத் தெரிந்திருப்பதினால், நீதியைச் செய்கிறவனெவனும் அவரில் பிறந்தவனென்று அறிந்திருக்கிறீர்கள். | 1யோவா 2:1 1யோவா 3:5 சகரி 9:9 அப் 3:14 அப் 22:14 2கொரி 5:21 எபிரெ 1:8 எபிரெ 1:9 எபிரெ 7:2 எபிரெ 7:26 1பேது 3:18 |
