1	இப்படியிருக்க, கிறிஸ்து நமக்காக மாம்சத்திலே பாடுபட்டபடியால், நீங்களும் அப்படிப்பட்ட சிந்தையை ஆயுதமாகத் தரித்துக்கொள்ளுங்கள்.	1பேது 3:18
2	ஏனென்றால் மாம்சத்தில் பாடுபடுகிறவன் இனி மாம்சத்திலிருக்கும் காலம்வரைக்கும் மனுஷருடைய இச்சைகளின்படி பிழைக்காமல் தேவனுடைய சித்தத்தின்படியே பிழைக்கத்தக்கதாகப் பாவங்களை விட்டோய்ந்திருப்பான்.	1பேது 2:1 1பேது 2:14 ரோம 7:4 ரோம 14:7 எபே 4:17 எபே 4:22-24 எபே 5:7 எபே 5:8 கொலோ 3:7 கொலோ 3:8 தீத் 3:3-8
3	சென்ற வாழ்நாட்காலத்திலே நாம் புறஜாதிகளுடைய இஷ்டத்தின்படி நடந்துகொண்டது போதும்; அப்பொழுது நாம் காமவிகாரத்தையும் துர் இச்சைகளையும் நடப்பித்து, மதுபானம்பண்ணி, களியாட்டுச்செய்து, வெறிகொண்டு, அருவருப்பான விக்கிரகாராதனையைச் செய்துவந்தோம்.	எசே 44:6 எசே 45:9 அப் 17:30 ரோம 8:12 ரோம 8:13 1கொரி 6:11
4	அந்தத் துன்மார்க்க உளையிலே அவர்களோடேகூட நீங்கள் விழாமலிருக்கிறதினாலே அவர்கள் ஆச்சரியப்பட்டு, உங்களைத் தூஷிக்கிறார்கள்.	மத் 23:25 லூக் 15:13 ரோம 13:13 2பேது 2:22
5	உயிரோடிருக்கிறவர்களுக்கும் மரித்தோர்களுக்கும் நியாயத்தீர்ப்புக்கொடுக்க ஆயத்தமாயிருக்கிறவருக்கு அவர்கள் கணக்கொப்புவிப்பார்கள்.	மல்கி 3:13-15 மத் 12:36 லூக் 16:2 ரோம 14:12 யூதா 1:14 யூதா 1:15
6	இதற்காக மரித்தோரானவர்கள், மனுஷர்முன்பாக மாம்சத்திலே ஆக்கினைக்குள்ளாக்கப்பட்டிருந்தும், தேவன்முன்பாக ஆவியிலே பிழைக்கும்படியாக, அவர்களுக்கும் சுவிசேஷம் அறிவிக்கப்பட்டது.	1பேது 3:19 யோவா 5:25 யோவா 5:26
7	எல்லாவற்றிற்கும் முடிவு சமீபமாயிற்று; ஆகையால் தெளிந்த புத்தியுள்ளவர்களாயிருந்து, ஜெபம்பண்ணுவதற்கு ஜாக்கிரதையுள்ளவர்களாயிருங்கள்.	பிரச 7:2 எரே 5:31 எசே 7:2 எசே 7:3 எசே 7:6 மத் 24:13 மத் 24:14 ரோம 13:12 1கொரி 7:29 1கொரி 15:24 பிலிப் 4:5 எபிரெ 10:25 யாக் 5:8 யாக் 5:9 2பேது 3:9-11 1யோவா 2:18 1யோவா 2:19
8	எல்லாவற்றிற்கும் மேலாக ஒருவரிலொருவர் ஊக்கமான அன்புள்ளவர்களாயிருங்கள்; அன்பு திரளான பாவங்களை மூடும்.	கொலோ 3:14 யாக் 5:12 3யோவா 1:2
9	முறுமுறுப்பில்லாமல் ஒருவரையொருவர் உபசரியுங்கள்.	ரோம 12:13 ரோம 16:23 1தீமோ 3:2 தீத் 1:8 எபிரெ 13:2 எபிரெ 13:16
10	அவனவன் பெற்ற வரத்தின்படியே நீங்கள் தேவனுடைய பற்பல கிருபையுள்ள ஈவுகளைப் பகிர்ந்துகொடுக்கும் நல்ல உக்கிராணக்காரர்போல, ஒருவருக்கொருவர் உதவிசெய்யுங்கள்.	மத் 25:14 மத் 25:15 லூக் 19:13 ரோம 12:6-8 1கொரி 4:7 1கொரி 12:4-11
11	ஒருவன் போதித்தால் தேவனுடைய வாக்கியங்களின்படி போதிக்கக்கடவன்; ஒருவன் உதவிசெய்தால் தேவன் தந்தருளும் பெலத்தின்படி செய்யக்கடவன்; எல்லாவற்றிலேயும் இயேசுகிறிஸ்து மூலமாய் தேவன் மகிமைப்படும்படியே செய்வீர்களாக; அவருக்கே மகிமையும் வல்லமையும் சதாகாலங்களிலும் உண்டாயிருப்பதாக. ஆமென்.	ஏசா 8:20 எரே 23:22 எபே 4:29 கொலோ 4:6 யாக் 1:19 யாக் 1:26 யாக் 3:1-6
12	பிரியமானவர்களே, உங்களைச் சோதிக்கும்படி உங்கள் நடுவில் பற்றியெரிகிற அக்கினியைக்குறித்து ஏதோ புதுமையென்று திகையாமல்,	1பேது 4:4 ஏசா 28:21
13	கிறிஸ்துவின் மகிமை வெளிப்படும்போது நீங்கள் களிகூர்ந்து மகிழும்படியாக அவருடைய பாடுகளுக்கு நீங்கள் பங்காளிகளானதால் சந்தோஷப்படுங்கள்.	1பேது 1:6 மத் 5:12 லூக் 6:22 லூக் 6:23 அப் 5:41 அப் 16:25 ரோம 5:3 2கொரி 4:17 2கொரி 12:9 2கொரி 12:10 யாக் 1:2 யாக் 1:3
14	நீங்கள் கிறிஸ்துவின் நாமத்தினிமித்தம் நிந்திக்கப்பட்டால் பாக்கியவான்கள்; ஏனென்றால் தேவனுடையய ஆவியாகிய மகிமையுள்ள ஆவியானவர் உங்கள்மேல் தங்கியிருக்கிறார்; அவர்களாலே தூஷிக்கப்படுகிறார்; உங்களாலே மகிமைப்படுகிறார்.	1பேது 2:19 1பேது 2:20 1பேது 3:14 1பேது 3:16
15	ஆதலால் உங்களில் ஒருவனும் கொலைபாதகனாயாவது, திருடனாயாவது, பொல்லாங்கு செய்தவனாயாவது, அந்நிய காரியங்களில் தலையிட்டுக்கொண்டவனாயாவது பாடுபடுகிறவனாயிருக்கக்கூடாது.	1பேது 2:20 மத் 5:11 2தீமோ 2:9
16	ஒருவன் கிறிஸ்தவனாயிருப்பதினால் பாடுபட்டால் வெட்கப்படாமலிருந்து, அதினிமித்தம் தேவனை மகிமைப்படுத்தக்கடவன்.	1பேது 4:19 1பேது 3:17 1பேது 3:18 அப் 11:26 அப் 26:28 எபே 3:13-15
17	நியாயத்தீர்ப்பு தேவனுடைய வீட்டிலே துவக்குங்காலமாயிருக்கிறது; முந்தி நம்மிடத்திலே அது துவக்கினால் தேவனுடைய சுவிசேஷத்திற்குக் கீழ்ப்படியாதவர்களின் முடிவு என்னமாயிருக்கும்?	ஏசா 10:12 எரே 25:29 எரே 49:12 எசே 9:6 மல்கி 3:5 மத் 3:9 மத் 3:10 லூக் 12:47 லூக் 12:48
18	நீதிமானே இரட்சிக்கப்படுவது அரிதானால், பக்தியில்லாதவனும் பாவியும் எங்கே நிற்பான்?	1பேது 5:8 நீதி 11:31 எரே 25:29 எசே 18:24 சகரி 13:9 மத் 24:22-24 மாற் 13:20-22 லூக் 23:31 அப் 14:22 அப் 27:24 அப் 27:31 அப் 27:42-44 1கொரி 10:12 எபிரெ 4:1 எபிரெ 10:38 எபிரெ 10:39
19	ஆகையால் தேவனுடைய சித்தத்தின்படி பாடநுபவிக்கிறவர்கள் நன்மை செய்கிறவர்களாய்த் தங்கள் ஆத்துமாக்களை உண்மையுள்ள சிருஷ்டிகர்த்தாவாகிய அவருக்கு ஒப்புக்கொடுக்கக்கடவர்கள்.	1பேது 4:12-16 1பேது 3:17 அப் 21:11-14