1	உங்களிலுள்ள மூப்பருக்கு உடன்மூப்பனும், கிறிஸ்துவின் பாடுகளுக்குச் சாட்சியும், இனி வெளிப்படும் மகிமைக்குப் பங்காளியுமாயிருக்கிற நான் புத்தி சொல்லுகிறதென்னவென்றால்:	அப் 11:30 அப் 14:23 அப் 15:4 அப் 15:6 அப் 15:22 அப் 15:23 அப் 20:17 அப் 20:28 அப் 21:18 1தீமோ 5:1 1தீமோ 5:19 தீத் 1:5
2	உங்களிடத்திலுள்ள தேவனுடைய மந்தையை நீங்கள் மேய்த்து, கட்டாயமாய் அல்ல, மனப்பூர்வமாயும். அவலட்சணமான ஆதாயத்திற்காக அல்ல, உற்சாக மனதோடும்,	உன்ன 1:8 ஏசா 40:11 எசே 34:2 எசே 34:3 எசே 34:23 மீகா 5:4 மீகா 7:14 யோவா 21:15-17 அப் 20:28
3	சுதந்தரத்தை இறுமாப்பாய் ஆளுகிறவர்களாக அல்ல, மந்தைக்கு மாதிரிகளாகவும், கண்காணிப்பு செய்யுங்கள்.	எசே 34:4 மத் 20:25 மத் 20:26 மத் 23:8-10 மாற் 10:42-45 லூக் 22:24-27 1கொரி 3:5 1கொரி 3:9 2கொரி 1:24 2கொரி 4:5 3யோவா 1:9 3யோவா 1:10
4	அப்படிச் செய்தால் பிரதான மேய்ப்பர் வெளிப்படும்போது மகிமையுள்ள வாடாத கிரீடத்தைப் பெறுவீர்கள்.	1பேது 5:2 1பேது 2:25 சங் 23:1 ஏசா 40:11 எசே 34:23 எசே 37:24 சகரி 13:7 யோவா 10:11 எபிரெ 13:20
5	அந்தப்படி, இளைஞரே, மூப்பருக்குக் கீழ்ப்படியுங்கள். நீங்களெல்லாரும் ஒருவருக்கொருவர் கீழ்ப்படிந்து, மனத்தாழ்மையை அணிந்துகொள்ளுங்கள்; பெருமையுள்ளவர்களுக்கு தேவன் எதிர்த்து நிற்கிறார், தாழ்மையுள்ளவர்களுக்கோ கிருபை அளிக்கிறார்.	லேவி 19:32 எபிரெ 13:17
6	ஆகையால், ஏற்றகாலத்திலே தேவன் உங்களை உயர்த்தும்படிக்கு, அவருடைய பலத்த கைக்குள் அடங்கியிருங்கள்.	யாத் 10:3 லேவி 26:41 1இரா 21:29 2இரா 22:19 2நாளா 12:6 2நாளா 12:7 2நாளா 12:12 2நாளா 30:11 2நாளா 32:26 2நாளா 33:12 2நாளா 33:19 2நாளா 33:23 2நாளா 36:12 நீதி 29:23 ஏசா 2:11 ஏசா 57:15 எரே 13:18 எரே 44:10 தானி 5:22 மீகா 6:8 லூக் 14:11 லூக் 18:14 யாக் 4:10 யாக் 5:10
7	அவர் உங்களை விசாரிக்கிறவரானபடியால், உங்கள் கவலைகளையெல்லாம் அவர்மேல் வைத்துவிடுங்கள்.	1சாமு 1:10-18 1சாமு 30:6 சங் 27:13 சங் 27:14 சங் 37:5 சங் 55:22 சங் 56:3 சங் 56:4 மத் 6:25 மத் 6:34 லூக் 12:11 லூக் 12:12 லூக் 12:22 பிலிப் 4:6 எபிரெ 13:5 எபிரெ 13:6
8	தெளிந்த புத்தியுள்ளவர்களாயிருங்கள், விழித்திருங்கள்; ஏனெனில், உங்கள் எதிராளியாகிய பிசாசானவன் கெர்ச்சிக்கிற சிங்கம்போல் எவனை விழுங்கலாமோ என்று வகைதேடிச் சுற்றித்திரிகிறான்.	1பேது 1:13 1பேது 4:7 மத் 24:48-50 லூக் 12:45 லூக் 12:46 லூக் 21:34 லூக் 21:36 ரோம 13:11-13 1தெச 5:6-8 1தீமோ 2:9 1தீமோ 2:15 1தீமோ 3:2 1தீமோ 3:11 தீத் 1:8 தீத் 2:2 தீத் 2:4 தீத் 2:6 தீத் 2:12
9	விசுவாசத்தில் உறுதியாயிருந்து, அவனுக்கு எதிர்த்து நில்லுங்கள்; உலகத்திலுள்ள உங்கள் சகோதரரிடத்திலே அப்படிப்பட்ட பாடுகள் நிறைவேறிவருகிறதென்று அறிந்திருக்கிறீர்களே.	லூக் 4:3-12 எபே 4:27 எபே 6:11-13 யாக் 4:7
10	கிறிஸ்து இயேசுவுக்குள் நம்மைத் தமது நித்திய மகிமைக்கு அழைத்தவராயிருக்கிற சகல கிருபையும் பொருந்திய தேவன்தாமே கொஞ்சக்காலம் பாடநுபவிக்கிற உங்களைச் சீர்ப்படுத்தி, ஸ்திரப்படுத்தி, பலப்படுத்தி, நிலைநிறுத்துவாராக;	யாத் 34:6 யாத் 34:7 சங் 86:5 சங் 86:15 மீகா 7:18 மீகா 7:19 ரோம 5:20 ரோம 5:21 ரோம 15:5 ரோம 15:13 2கொரி 13:11 எபிரெ 13:20
11	அவருக்கு மகிமையும் வல்லமையும் சதாகாலங்களிலும் உண்டாயிருப்பதாக. ஆமென்.	1பேது 4:11 வெளிப் 1:6 வெளிப் 5:13
12	உங்களுக்குப் புத்திசொல்லும்படிக்கும், நீங்கள் நிலைகொண்டு நிற்கிற கிருபை தேவனுடைய மெய்யான கிருபைதானென்று சாட்சியிடும்படிக்கும், நான் சுருக்கமாய் உங்களுக்கு எழுதி, எனக்குத் தோன்றுகிறபடி உண்மையுள்ள சகோதரனாகிய சில்வானுவின் கையிலே கொடுத்து அனுப்பியிருக்கிறேன்.	2கொரி 1:19 1தெச 1:1 2தெச 1:1
13	உங்களுடனேகூடத் தெரிந்துகொள்ளப்பட்டிருக்கிற பாபிலோனிலுள்ள சபையும், என் குமாரனாகிய மாற்கும் உங்களுக்கு வாழ்த்துதல் சொல்லுகிறார்கள்.	சங் 87:4 வெளிப் 17:5 வெளிப் 18:2
14	ஒருவரையொருவர் அன்பின் முத்தத்தோடே வாழ்த்துதல் செய்யுங்கள். கிறிஸ்து இயேவுக்குள்ளான உங்கள் அனைவருக்கும் சமாதானமுண்டாவதாக. ஆமென்.	ரோம 16:16 1கொரி 16:20 2கொரி 13:12 1தெச 5:26