1	ஆனபடியினாலே, அவருடைய இளைப்பாறுதலில் பிரவேசிப்பதற்கேதுவான வாக்குத்தத்தம் நமக்குண்டாயிருக்க, உங்களில் ஒருவனும் அதை அடையாமல் பின்வாங்கிப்போனவனாகக் காணப்படாதபடிக்குப் பயந்திருக்கக்கடவோம்.	எபிரெ 4:11 எபிரெ 2:1-3 எபிரெ 12:15 எபிரெ 12:25 எபிரெ 13:7 நீதி 14:16 நீதி 28:14 எரே 32:40 ரோம 11:20 1கொரி 10:12
2	ஏனெனில், சுவிசேஷம் அவர்களுக்கு அறிவிக்கப்பட்டதுபோல நமக்கும் அறிவிக்கப்பட்டது; கேட்டவர்கள் விசுவாசமில்லாமல் கேட்டபடியினால், அவர்கள் கேட்ட வசனம் அவர்களுக்குப் பிரயோஜனப்படவில்லை.	அப் 3:26 அப் 13:46 கலா 3:8 கலா 4:13 1பேது 1:12
3	விசுவாசித்தவர்களாகிய நாமோ அந்த இளைப்பாறுதலில் பிரவேசிக்கிறோம்; அவருடைய கிரியைகள் உலகத்தோற்றமுதல் முடிந்திருந்தும்: இவர்கள் என்னுடைய இளைப்பாறுதலில் பிரவேசிப்பதில்லையென்று என்னுடைய கோபத்திலே ஆணையிட்டேன் என்றார்.	எபிரெ 3:14 ஏசா 28:12 எரே 6:16 மத் 11:28 மத் 11:29 ரோம 5:1 ரோம 5:2
4	மேலும், தேவன் தம்முடைய கிரியைகளையெல்லாம் முடித்து ஏழாம் நாளிலே ஓய்ந்திருந்தார் என்று ஏழாம்நாளைக்குறித்து ஓரிடத்தில் சொல்லியிருக்கிறார்.	எபிரெ 2:6
5	அன்றியும், அவர்கள் என்னுடைய இளைப்பாறுதலில் பிரவேசிப்பதில்லை என்றும் அந்த இடத்திலேதானே சொல்லியிருக்கிறார்.	எபிரெ 4:3 எபிரெ 3:11
6	ஆகையால், சிலர் அதில் பிரவேசிப்பது இன்னும் வரப்போகிற காரிமாயிருக்கிறபடியினாலும், சுவிசேஷத்தை முதலாவது கேட்டவர்கள் கீழ்ப்படியாமையினாலே அதில் பிரவேசியாமற் போனபடியினாலும்,	எபிரெ 4:9 1கொரி 7:29
7	இன்று அவருடைய சத்தத்தைக் கேட்பீர்களாகில் உங்கள் இருதயங்களைக் கடினப்படுத்தாதிருங்கள் என்று வெகுகாலத்திற்குப்பின்பு தாவீதின் சங்கீதத்திலே சொல்லியிருக்கிறபடி, இன்று என்று சொல்வதினாலே பின்னும் ஒரு நாளைக் குறித்திருக்கிறார்.	எபிரெ 3:7 எபிரெ 3:8 2சாமு 23:1 2சாமு 23:2 மத் 22:43 மாற் 12:36 லூக் 20:42 அப் 2:29 அப் 2:31 அப் 28:25
8	யோசுவா அவர்களை இளைப்பாறுதலுக்குட்படுத்தியிருந்தால், பின்பு அவர் வேறொரு நாளைக்குறித்துச் சொல்லியிருக்கமாட்டாரே.	அப் 7:45
9	ஆகையால், தேவனுடைய ஜனங்களுக்கு இளைப்பாறுகிற காலம் இனி வருகிறதாயிருக்கிறது.	எபிரெ 4:1 எபிரெ 4:3 எபிரெ 3:11 ஏசா 11:10 ஏசா 57:2 ஏசா 60:19 ஏசா 60:20 வெளிப் 7:14-17 வெளிப் 21:4
10	ஏனெனில், அவருடைய இளைப்பாறுதலில் பிரவேசித்தவன், தேவன் தம்முடைய கிரியைகளை முடித்து ஓய்ந்ததுபோல, தானும் தன் கிரியைகளை முடித்து ஓய்ந்திருப்பான்.	எபிரெ 1:3 எபிரெ 10:12 வெளிப் 14:13
11	ஆகையால், அந்தத் திருஷ்டாந்தத்தின்படி, ஒருவனாகிலும் கீழ்ப்படியாமையினாலே விழுந்துபோகாதபடிக்கு, நாம் இந்த இளைப்பாறுதலில் பிரவேசிக்க ஜாக்கிரதையாயிருக்கக்கடவோம்.	எபிரெ 4:1 எபிரெ 6:11 மத் 7:13 மத் 11:12 மத் 11:28-30 லூக் 13:24 லூக் 16:16 யோவா 6:27 பிலிப் 2:12 2பேது 1:10 2பேது 1:11
12	தேவனுடைய வார்த்தையானது ஜீவனும் வல்லமையும் உள்ளதாயும், இருபுறமும் கருக்குள்ள எந்தப் பட்டயத்திலும் கருக்கானதாயும், ஆத்துமாவையும், ஆவியையும், கணுக்களையும் ஊனையும் பிரிக்கத்தக்கதாக உருவக் குத்துகிறதாயும், இருதயத்தின் நினைவுகளையும் யோசனைகளையும் வகையறுக்கிறதாயும் இருக்கிறது.	எபிரெ 13:7 ஏசா 49:2 லூக் 8:11 அப் 4:31 2கொரி 2:17 2கொரி 4:2 வெளிப் 20:4
13	அவருடைய பார்வைக்கு மறைவான சிருஷ்டி ஒன்றுமில்லை; சகலமும் அவருடைய, கண்களுக்குமுன்பாக நிர்வாணமாயும் வெளியரங்கமாயுமிருக்கிறது, அவருக்கே நாம் கணக்கு ஒப்புவிக்கவேண்டும்.	1சாமு 16:7 1நாளா 28:9 2நாளா 6:30 சங் 7:9 சங் 33:13-15 சங் 44:21 சங் 90:8 சங் 139:11 சங் 139:12 நீதி 15:3 நீதி 15:11 எரே 17:10 எரே 17:23 எரே 17:24 யோவா 2:24 யோவா 21:17 1கொரி 4:5 வெளிப் 2:23
14	வானங்களின் வழியாய்ப் பரலோகத்திற்குப்போன தேவகுமாரனாகிய இயேசு என்னும் மகா பிரதான ஆசாரியர் நமக்கு இருக்கிறபடியினால், நாம் பண்ணின அறிக்கையை உறுதியாய்ப் பற்றிக்கொண்டிருக்கக்கடவோம்.	எபிரெ 2:17 எபிரெ 3:1 எபிரெ 3:5 எபிரெ 3:6
15	நம்முடைய பலவீனங்களைக்குறித்துப் பரிதபிக்கக்கூடாத பிரதான ஆசாரியர் நமக்கிராமல், எல்லாவிதத்திலும் நம்மைப்போல் சோதிக்கப்பட்டும், பாவமில்லாதவராயிருக்கிற பிரதான ஆசாரியரே நமக்கிருக்கிறார்.	எபிரெ 5:2 யாத் 23:9 ஏசா 53:4 ஏசா 53:5 ஓசி 11:8 மத் 8:16 மத் 8:17 மத் 12:20 பிலிப் 2:7 பிலிப் 2:8
16	ஆதலால், நாம் இரக்கத்தைப் பெறவும், ஏற்ற சமயத்தில் சகாயஞ்செய்யுங்கிருபையை அடையவும், தைரியமாய்க் கிருபாசனத்தண்டையிலே சேரக்கடவோம்.	எபிரெ 10:19-23 எபிரெ 13:6 ரோம 8:15-17 எபே 2:18 எபே 3:12