1	விசுவாசமானது நம்பப்படுகிறவைகளின் உறுதியும், காணப்படாதவைகளின் நிச்சயமுமாயிருக்கிறது.	எபிரெ 11:13 எபிரெ 10:22 எபிரெ 10:39 அப் 20:21 1கொரி 13:13 கலா 5:6 தீத் 1:1 1பேது 1:7 2பேது 1:1
2	அதினாலே முன்னோர்கள் நற்சாட்சி பெற்றார்கள்.
3	விசுவாசத்தினாலே நாம் உலகங்கள் தேவனுடைய வார்த்தையினால் உண்டாக்கப்பட்டதென்றும், இவ்விதமாய், காணப்படுகிறவைகள் தோன்றப்படுகிறவைகளால் உண்டாகவில்லையென்றும் அறிந்திருக்கிறோம்.	எபிரெ 1:2 ஆதி 1:1-31 ஆதி 2:1 சங் 33:6 ஏசா 40:26 எரே 10:11 எரே 10:16 யோவா 1:3 அப் 14:15 அப் 17:24 ரோம 1:19-21 ரோம 4:17 2பேது 3:5 வெளிப் 4:11
4	விசுவாசத்தினாலே ஆபேல் காயீனுடைய பலியிலும் மேன்மையான பலியை தேவனுக்குச் செலுத்தினான்; அதினாலே அவன் நீதிமானென்று சாட்சிபெற்றான்; அவனுடைய காணிக்கைகளைக் குறித்து தேவனே சாட்சிகொடுத்தார்; அவன் மரித்தும் இன்னும் பேசுகிறான்.	ஆதி 4:3-5 ஆதி 4:15-5 ஆதி 4:25-5 1யோவா 3:11 1யோவா 3:12
5	விசுவாசத்தினாலே ஏனோக்கு மரணத்தைக் காணாதபடிக்கு எடுத்துக்கொள்ளப்பட்டான்; தேவன் அவனை எடுத்துக்கொண்டபடியினாலே, அவன் காணப்படாமற்போனான்; அவன் தேவனுக்குப் பிரியமானவனென்று அவன் எடுத்துக்கொள்ளப்படுவதற்கு முன்னமே சாட்சி பெற்றான்.	ஆதி 5:22-24 லூக் 3:37 யூதா 1:14
6	விசுவாசமில்லாமல் தேவனுக்குப் பிரியமாயிருப்பது கூடாதகாரியம்; ஏனென்றால், தேவனிடத்தில் சேருகிறவன் அவர் உண்டென்றும், அவர் தம்மைத் தேடுகிறவர்களுக்குப் பலன் அளிக்கிறவரென்றும் விசுவாசிக்கவேண்டும்.	எபிரெ 3:12 எபிரெ 3:18 எபிரெ 3:19 எபிரெ 4:2 எபிரெ 4:6 எண் 14:11 எண் 20:12 சங் 78:22 சங் 78:32 சங் 106:21 சங் 106:22 சங் 106:24 ஏசா 7:9 மாற் 16:17 யோவா 3:18 யோவா 3:19 யோவா 8:24 கலா 5:6 வெளிப் 21:8
7	விசுவாசத்தினாலே நோவா தற்காலத்திலே காணாதவைகளைக்குறித்து தேவ எச்சரிப்புப்பெற்று, பயபக்தியுள்ளவனாகி, தன் குடும்பத்தை இரட்சிப்பதற்குப் பேழையை உண்டுபண்ணினான்; அதினாலே அவன் உலகம் ஆக்கினைக்குள்ளானதென்று தீர்த்து, விசுவாசத்தினாலுண்டாகும் நீதிக்குச் சுதந்தரவாளியானான்.	ஆதி 6:13 ஆதி 6:22 ஆதி 7:1 ஆதி 7:5 மத் 24:38 லூக் 17:26
8	விசுவாசத்தினாலே ஆபிரகாம் தான் சுதந்தரமாகப் பெறப்போகிற இடத்திற்குப் போகும்படி அழைக்கப்பட்டபோது, கீழ்ப்படிந்து, தான் போகும் இடம் இன்னதென்று அறியாமல் புறப்பட்டுப்போனான்.	ஆதி 11:31 ஆதி 12:1-4 யோசு 24:3 நெகே 9:7 நெகே 9:8 ஏசா 41:2 ஏசா 51:2 அப் 7:2-4
9	விசுவாசத்தினாலே அவன் வாக்குத்தத்தம்பண்ணப்பட்ட தேசத்திலே பரதேசியைப்போல சஞ்சரித்து, அந்த வாக்குத்தத்தத்திற்கு உடன் சுதந்தரராகிய ஈசாக்கோடும் யாக்கோபோடும் கூடாரங்களிலே குடியிருந்தான்;	ஆதி 17:8 ஆதி 23:4 ஆதி 26:3 ஆதி 35:27 அப் 7:5 அப் 7:6
10	ஏனெனில், தேவன் தாமே கட்டி உண்டாக்கின அஸ்திபாரங்களுள்ள நகரத்துக்கு அவன் காத்திருந்தான்.	எபிரெ 12:22 எபிரெ 12:28 எபிரெ 13:14 யோவா 14:2 பிலிப் 3:20 வெளிப் 21:2 வெளிப் 21:10-27
11	விசுவாசத்தினாலே சாராளும் வாக்குத்தத்தம்பண்ணினவர் உண்மையுள்ளவரென்றெண்ணி, கர்ப்பந்தரிக்கப் பெலனடைந்து, வயதுசென்றவளாயிருந்தும் பிள்ளைபெற்றாள்.	ஆதி 17:17-19 ஆதி 18:11-14 ஆதி 21:1 ஆதி 21:2 லூக் 1:36 1பேது 3:5 1பேது 3:6
12	ஆனபடியால், சரீரஞ்செத்தவனென்று எண்ணத்தகும் ஒருவனாலே, வானத்திலுள்ள பெருக்கமான நட்சத்திரங்களைப்போலவும் கடற்கரையிலுள்ள எண்ணிறந்த மணலைப்போலவும், மிகுந்த ஜனங்கள் பிறந்தார்கள்.	ரோம 4:19
13	இவர்களெல்லாரும், வாக்குத்தத்தம்பண்ணப்பட்டவைகளை அடையாமல், தூரத்திலே அவைகளைக் கண்டு, நம்பி அணைத்துக்கொண்டு, பூமியின்மேல் தங்களை அந்நியரும் பரதேசிகளும் என்று அறிக்கையிட்டு, விசுவாசத்தோடே மரித்தார்கள்.	ஆதி 25:8 ஆதி 27:2-4 ஆதி 48:21 ஆதி 49:18 ஆதி 49:28 ஆதி 49:33 ஆதி 50:24
14	இப்படி அறிக்கையிடுகிறவர்கள் சுயதேசத்தை நாடிப்போகிறோம் என்று தெரியப்படுத்துகிறார்கள்.	எபிரெ 11:16 எபிரெ 13:14 ரோம 8:23-25 2கொரி 4:18 2கொரி 5:1-7 பிலிப் 1:23
15	தாங்கள் விட்டுவந்த தேசத்தை நினைத்தார்களானால், அதற்குத் திரும்பிப்போவதற்கு அவர்களுக்குச் சமயங்கிடைத்திருக்குமே.	ஆதி 11:31 ஆதி 12:10 ஆதி 24:6-8 ஆதி 31:18 ஆதி 32:9-11
16	அதையல்ல, அதிலும் மேன்மையான பரமதேசத்தையே விரும்பினார்கள்; ஆகையால் தேவன் அவர்களுடைய தேவனென்னப்பட வெட்கப்படுகிறதில்லை; அவர்களுக்கு ஒரு நகரத்தை ஆயத்தம்பண்ணினாரே.	எபிரெ 11:14 எபிரெ 12:22
17	மேலும் விசுவாசத்தினாலே ஆபிரகாம் தான் சோதிக்கப்பட்டபோது ஈசாக்கைப் பலியாக ஒப்புக்கொடுத்தான்.	ஆதி 22:1-12 யாக் 2:21-24
18	ஈசாக்கினிடத்தில் உன் சந்ததி விளங்கும் என்று அவனோடே சொல்லப்பட்டிருந்ததே; இப்படிப்பட்ட வாகுத்தத்தங்களைப் பெற்றவன், மரித்தோரிலிருந்துமெழுப்ப தேவன் வல்லவராயிருக்கிறாரென்றெண்ணி,	ஆதி 17:19 ஆதி 21:12 ரோம 9:7
19	தனக்கு ஒரேபேறானவனையே பலியாக ஒப்புக்கொடுத்தான்; மரித்தோரிலிருந்து அவனை பாவனையாகத் திரும்பவும் பெற்றுக்கொண்டான்.	ஆதி 22:5 மத் 9:28 ரோம 4:17-21 எபே 3:20
20	விசுவாசத்தினாலே ஈசாக்கு வருங்காரியங்களைக்குறித்து யாக்கோபையும் ஏசாவையும் ஆசீர்வதித்தான்.	ஆதி 27:27-40 ஆதி 28:2 ஆதி 28:3
21	விசுவாசத்தினாலே யாக்கோபு தன் மரணகாலத்தில் யோசேப்பினுடைய குமாரர் இருவரையும் ஆசீர்வதித்து, தன் கோலின் முனையிலே சாய்ந்து தொழுதுகொண்டான்.	ஆதி 48:5-22
22	விசுவாசத்தினாலே யோசேப்பு இஸ்ரவேல் புத்திரர் எகிப்து தேசத்தைவிட்டுப் புறப்படுவார்களென்பதைப்பற்றித் தன் அந்தியகாலத்தில் பேசி, தன் எலும்புகளைக்குறித்துக் கட்டளைகொடுத்தான்.	ஆதி 50:24 ஆதி 50:25 யாத் 13:19 யோசு 24:32 அப் 7:16
23	மோசே பிறந்தபோது அவனுடைய தாய்தகப்பன்மார் அவனை அழகுள்ள பிள்ளையென்று கண்டு, விசுவாசத்தினாலே, ராஜாவினுடைய கட்டளைக்குப் பயப்படாமல் அவனை மூன்றுமாதம் ஒளித்துவைத்தார்கள்.	யாத் 2:2-10 அப் 7:20
24	விசுவாசத்தினாலே மோசே தான் பெரியவனானபோது பார்வோனுடைய குமாரத்தியின் மகன் என்னப்படுவதை வெறுத்து,	யாத் 2:10 அப் 7:21-24
25	அநித்தியமான பாவசந்தோஷங்களை அநுபவிப்பதைப்பார்க்கிலும் தேவனுடைய ஜனங்களோடே துன்பத்தை அநுபவிப்பதையே தெரிந்துகொண்டு,	எபிரெ 10:32 யோபு 36:21 சங் 84:10 மத் 5:10-12 மத் 13:21 அப் 7:24 அப் 7:25 அப் 20:23 அப் 20:24 ரோம 5:3 ரோம 8:17 ரோம 8:18 ரோம 8:35-39 2கொரி 5:17 கொலோ 1:24 2தெச 1:3-6 2தீமோ 1:8 2தீமோ 2:3-10 2தீமோ 3:11 2தீமோ 3:12 யாக் 1:20 1பேது 1:6 1பேது 1:7 1பேது 4:12-16
26	இனிவரும் பலன்மேல் நோக்கமாயிருந்து, எகிப்திலுள்ள பொக்கிஷங்களிலும் கிறிஸ்துவினிமித்தம் வரும் நிந்தையை அதிக பாக்கியமென்று எண்ணினான்.	எபிரெ 10:33 எபிரெ 13:13 சங் 69:7 சங் 69:20 சங் 89:50 சங் 89:51 ஏசா 51:7 அப் 5:41 2கொரி 12:10 2கொரி 12:10 1பேது 1:11 1பேது 4:14
27	விசுவாசத்தினாலே அவன் அதரிசனமானவரைத் தரிசிக்கிறதுபோல உறுதியாயிருந்து, ராஜாவின் கோபத்துக்குப் பயப்படாமல் எகிப்தைவிட்டுப் போனான்.	யாத் 10:28 யாத் 10:29 யாத் 11:8 யாத் 12:11 யாத் 12:37-42 யாத் 13:17-21
28	விசுவாசத்தினாலே, முதற்பேறானவைகளைச் சங்கரிக்கிறவன் இஸ்ரவேலரைத் தொடாதபடிக்கு, அவன் பஸ்காவையும் இரத்தம் பூசுதலாகிய நியமத்தையும் ஆசரித்தான்.	யாத் 12:3-14 யாத் 12:21-30
29	விசுவாசத்தினாலே அவர்கள் சிவந்த சமுத்திரத்தை உலர்ந்த தரையைக் கடந்துபோவதுபோலக் கடந்து போனார்கள்; எகிப்தியர் அப்படிச் செய்யத்துணிந்து அமிழ்ந்துபோனார்கள்.	யாத் 14:13-31 யாத் 15:1-21 யோசு 2:10 நெகே 9:11 சங் 66:6 சங் 78:13 சங் 106:9-11 சங் 114:1-5 சங் 136:13-15 ஏசா 11:15 ஏசா 11:16 ஏசா 51:9 ஏசா 51:10 ஏசா 63:11-16 ஆபகூ 3:8-10
30	விசுவாசத்தினாலே எரிகோ பட்டணத்தின் மதில்கள் ஏழுநாள் சுற்றிவரப்பட்டு விழுந்தது.	யோசு 6:3-20 2கொரி 10:4 2கொரி 10:5
31	விசுவாசத்தினாலே ராகாப் என்னும் வேசி வேவுகாரரைச் சமாதானத்தோடே ஏற்றுக்கொண்டு, கீழ்ப்படியாதவர்களோடேகூடச் சேதமாகாதிருந்தாள்.	யோசு 2:1-22 யோசு 6:22-25 மத் 1:1 மத் 1:5 யாக் 2:25
32	பின்னும் நான் என்ன சொல்லுவேன்? கிதியோன், பாராக், சிம்சோன், யெப்தா, தாவீது, சாமுவேல் என்பவர்களையும், தீர்க்கதரிசிகளையுங்குறித்து நான் விவரஞ்சொல்லவேண்டுமானால் காலம்போதாது.	ரோம 3:5 ரோம 4:1 ரோம 6:1 ரோம 7:7
33	விசுவாசத்தினாலே அவர்கள் ராஜ்யங்களை ஜெயித்தார்கள், நீதியை நடப்பித்தார்கள், வாக்குத்தத்தங்களைப் பெற்றார்கள், சிங்கங்களின் வாய்களை அடைத்தார்கள்,	யோசு 6:1-13 2சாமு 5:4-25 2சாமு 8:1-14 சங் 18:32-34 சங் 44:2-6 சங் 144:1 சங் 144:2 சங் 144:10
34	அக்கினியின் உக்கிரத்தை அவித்தார்கள், பட்டயக்கருக்குக்குத் தப்பினார்கள், பலவீனத்தில் பலன் கொண்டார்கள்; யுத்தத்தில் வல்லவர்களானார்கள், அந்நியருடைய சேனைகளை முறியடித்தார்கள்.	சங் 66:12 ஏசா 43:2 தானி 3:19-28 1பேது 4:12
35	ஸ்திரீகள் சாகக்கொடுத்த தங்களுடையவர்களை உயிரோடெழுந்திருக்கப் பெற்றார்கள்; வேறுசிலர் மேன்மையான உயிர்த்தெழுதலை அடையும்படிக்கு, விடுதலைபெறச் சம்மதியாமல், வாதிக்கப்பட்டார்கள்;	1இரா 17:22-24 2இரா 4:27-37 லூக் 7:12-16 யோவா 11:40-45 அப் 9:41
36	வேறு சிலர் நிந்தைகளையும் அடிகளையும் கட்டுகளையும் காவலையும் அநுபவித்தார்கள்;	நியா 16:25 2இரா 2:23 2நாளா 30:10 2நாளா 36:16 எரே 20:7 மத் 20:19 மாற் 10:34 லூக் 18:32 லூக் 23:11 லூக் 23:36
37	கல்லெறியுண்டார்கள், வாளால் அறுப்புண்டார்கள், பரீட்சைபார்க்கப்பட்டார்கள், பட்டயத்தினாலே வெட்டப்பட்டு மரித்தார்கள், செம்மறியாட்டுத் தோல்களையும் வெள்ளாட்டுத் தோல்களையும் போர்த்துக்கொண்டு திரிந்து, குறைவையும் உபத்திரவத்தையும் துன்பத்தையும் அநுபவித்தார்கள்;	1இரா 21:10 1இரா 21:13-15 2நாளா 24:21 மத் 21:35 மத் 23:37 லூக் 13:34 யோவா 10:31-33 அப் 7:58 அப் 7:59 அப் 14:19 2கொரி 11:25
38	உலகம் அவர்களுக்குப் பாத்திரமாயிருக்கவில்லை; அவர்கள் வனாந்தரங்களிலேயும் மலைகளிலேயும் குகைகளிலேயும் பூமியின் வெடிப்புகளிலேயும் சிதறுண்டு அலைந்தார்கள்.	1இரா 14:12 1இரா 14:13 2இரா 23:25-29 ஏசா 57:1
39	இவர்களெல்லாரும் விசுவாசத்தினாலே நற்சாட்சிபெற்றும், வாக்குத்தத்தம்பண்ணப்பட்டதை அடையாமற்போனார்கள்.	எபிரெ 11:2 எபிரெ 11:13 லூக் 10:23 லூக் 10:24 1பேது 1:12
40	அவர்கள் நம்மையல்லாமல் பூரணராகாதபடிக்கு விசேஷித்த நன்மையானதொன்றை தேவன் நமக்கென்று முன்னதாக நியமித்திருந்தார்.	எபிரெ 7:19 எபிரெ 7:22 எபிரெ 8:6 எபிரெ 9:23 எபிரெ 12:24