1	கண்காணிப்பை விரும்புகிறவன் நல்ல வேலையை விரும்புகிறான், இது உண்மையான வார்த்தை.	1தீமோ 1:15 1தீமோ 4:9 2தீமோ 2:11 தீத் 3:8
2	ஆகையால் கண்காணியானவன் குற்றஞ்சாட்டப்படாதவனும், ஒரே மனைவியை உடைய புருஷனும், ஜாக்கிரதையுள்ளவனும், தெளிந்த புத்தியுள்ளவனும், யோக்கியதையுள்ளவனும், அந்நியரை உபசரிக்கிறவனும், போதகசமர்த்தனுமாய் இருக்கவேண்டும்.	தீத் 1:6-9
3	அவன் மதுபானப்பிரியனும், அடிக்கிறவனும், இழிவான ஆதாயத்தை இச்சிக்கிறவனுமாயிராமல், பொறுமையுள்ளவனும், சண்டைபண்ணாதவனும், பண ஆசையில்லாதவனுமாயிருந்து,	1தீமோ 3:8 லேவி 10:9 ஏசா 5:11 ஏசா 5:12 ஏசா 28:1 ஏசா 28:7 ஏசா 56:12 எசே 44:21 மீகா 2:11 மத் 24:45-51 லூக் 12:42-46 லூக் 21:34-36 எபே 5:18 தீத் 1:7 தீத் 2:3
4	தன் சொந்தக் குடும்பத்தை நன்றாய் நடத்துகிறவனும், தன் பிள்ளைகளைச் சகல நல்லொழுக்கமுள்ளவர்களாகக் கீழ்ப்படியப்பண்ணுகிறவனுமாயிருக்கவேண்டும்.	1தீமோ 3:12 ஆதி 18:19 யோசு 24:15 சங் 101:2-8 அப் 10:2 தீத் 1:6
5	ஒருவன் தன் சொந்தக் குடும்பத்தை நடத்த அறியாதிருந்தால், தேவனுடைய சபையை எப்படி விசாரிப்பான்?	1சாமு 2:29 1சாமு 2:30 1சாமு 3:13
6	அவன் இறுமாப்படைந்து, பிசாசு அடைந்த ஆக்கினையிலே விழாதபடிக்கு, நூதன சீஷனாயிருக்கக்கூடாது.	1கொரி 3:1 எபிரெ 5:12 எபிரெ 5:13 1பேது 2:2
7	அவன் நிந்தனையிலும், பிசாசின் கண்ணியிலும் விழாதபடிக்கு, புறம்பானவர்களால் நற்சாட்சி பெற்றவனாயுமிருக்கவேண்டும்.	1தீமோ 5:24 1தீமோ 5:25 1சாமு 2:24 அப் 6:3 அப் 10:22 அப் 22:12 3யோவா 1:12
8	அந்தப்படியே, உதவிக்காரரும் இருநாக்குள்ளவர்களாயும், மதுபானப்பிரியராயும், இழிவான ஆதாயத்தை இச்சிக்கிறவர்களாயும் இராமல், நல்லொழுக்கமுள்ளவர்களாயும்,	அப் 6:3-6 பிலிப் 1:1
9	விசுவாசத்தின் இரகசியத்தைச் சுத்த மனச்சாட்சியிலே காத்துக்கொள்ளுகிறவர்களாயும் இருக்கவேண்டும்.	1தீமோ 1:5 1தீமோ 1:19
10	மேலும், இவர்கள் முன்னதாகச் சோதிக்கப்படவேண்டும்; குற்றஞ்சாட்டப்படாதவர்களானால் உதவிக்காரராக ஊழியஞ்செய்யலாம்.	1தீமோ 3:6 1தீமோ 5:22 1யோவா 4:1
11	அந்தப்படியே ஸ்திரீகளும் நல்லொழுக்கமுள்ளவர்களும், அவதூறுபண்ணாதவர்களும், தெளிந்த புத்தியுள்ளவர்களும், எல்லாவற்றிலேயும் உண்மையுள்ளவர்களுமாயிருக்கவேண்டும்.	லேவி 21:7 லேவி 21:13-15 எசே 44:22 லூக் 1:5-6 தீத் 2:3
12	மேலும், உதவிக்காரரானவர்கள் ஒரே மனைவியையுடைய புருஷருமாய், தங்கள் பிள்ளைகளையும் சொந்தக் குடும்பங்களையும் நன்றாய் நடத்துகிறவர்களுமாயிருக்கவேண்டும்.	1தீமோ 3:2 1தீமோ 3:4 1தீமோ 3:5
13	இப்படி உதவிக்காரருடைய ஊழியத்தை நன்றாய்ச் செய்கிறவர்கள் தங்களுக்கு நல்ல நிலையையும், கிறிஸ்து இயேசுவைப்பற்றும் விசுவாசத்தில் மிகுந்த தைரியத்தையும் அடைவார்கள்.	மத் 25:21 லூக் 16:10-12 லூக் 19:17
14	நான் உன்னிடத்திற்குச் சீக்கிரமாய் வருவேனென்று நம்பியிருக்கிறேன்.	1தீமோ 4:13 1கொரி 11:34 1கொரி 16:5-7 2கொரி 1:15-17 1தெச 2:18 பிலேமோ 1:22 எபிரெ 13:23 2யோவா 1:12 3யோவா 1:14
15	தாமதிப்பேனாகில், தேவனுடைய வீட்டிலே நடக்கவேண்டிய வகையை நீ அறியும்படி இவைகளை உனக்கு எழுதுகிறேன்; அந்த வீடு ஜீவனுள்ள தேவனுடைய சபையாய்ச் சத்தியத்துக்குத் தூணும் ஆதாரமுமாயிருக்கிறது.	1தீமோ 3:2 உபா 31:23 1இரா 2:2 1இரா 2:4 1நாளா 22:13 1நாளா 28:9-21 அப் 1:2
16	அன்றியும், தேவபக்திக்குரிய இரகசியமானது யாவரும் ஒப்புக்கொள்ளுகிறபடியே மகாமேன்மையுள்ளது. தேவன் மாம்சத்திலே வெளிப்பட்டார், ஆவியிலே நீதியுள்ளவரென்று விளங்கப்பட்டார், தேவதூதர்களால் காணப்பட்டார், புறஜாதிகளிடத்தில் பிரசங்கிக்கப்பட்டார், உலகத்திலே விசுவாசிக்கப்பட்டார், மகிமையிலே ஏறெடுத்துக்கொள்ளப்பட்டார்.	எபிரெ 7:7