1	கிறிஸ்து இயேசுவினால் உண்டாயிருக்கிற ஜீவனைப்பற்றிய வாக்குத்தத்தத்தின்படி, தேவனுடைய சித்தத்தினாலே, இயேசுகிறிஸ்துவின் அப்போஸ்தலனாயிருக்கிற பவுல்,	ரோம 1:1 2கொரி 1:1
2	பிரியமுள்ள குமாரனாகிய தீமோத்தேயுவுக்கு எழுதுகிறதாவது: பிதாவாகிய தேவனாலும் நம்முடைய கர்த்தராகிய கிறிஸ்து இயேசுவினாலும் கிருபையும் இரக்கமும் சமாதானமும் உண்டாவதாக.	1தீமோ 1:2 ரோம 12:19 பிலிப் 4:1
3	நான் இரவும் பகலும் இடைவிடாமல் என் ஜெபங்களில் உன்னை நினைத்து, உன் கண்ணீரை ஞாபகம்பண்ணி, சந்தோஷத்தால் நிறையப்படும்படிக்கு உன்னைக் காண வாஞ்சையாயிருந்து,	ரோம 1:8 எபே 1:16
4	உன்னிலுள்ள மாயமற்ற விசுவாசத்தை நினைவுகூருகிறதினால், என் முன்னோர்கள் முதற்கொண்டு சுத்தமனச்சாட்சியோடே ஆராதித்துவரும் தேவனை நான் ஸ்தோத்திரிக்கிறேன்.	2தீமோ 4:9 2தீமோ 4:21 ரோம 1:11 ரோம 15:30-32 பிலிப் 1:8 பிலிப் 2:26 1தெச 2:17-20 1தெச 3:1
5	அந்த விசுவாசம் முந்தி உன் பாட்டியாகிய லோவிசாளுக்குள்ளும் உன் தாயாகிய ஐனிக்கேயாளுக்குள்ளும் நிலைத்திருந்தது; அது உனக்குள்ளும் நிலைத்திருக்கிறதென்று நிச்சயித்திருக்கிறேன்.	சங் 77:6
6	இதினிமித்தமாக, நான் உன்மேல் என் கைகளை வைத்ததினால் உனக்கு உண்டான தேவவரத்தை நீ அனல்மூட்டி எழுப்பி விடும்படி உனக்கு நினைப்பூட்டுகிறேன்.	2தீமோ 2:14 ஏசா 43:26 1தீமோ 4:6 2பேது 1:12 2பேது 3:1 யூதா 1:5
7	தேவன் நமக்குப் பயமுள்ள ஆவியைக் கொடாமல், பலமும் அன்பும் தெளிந்த புத்தியுமுள்ள ஆவியையே கொடுத்திருக்கிறார்.	அப் 20:24 அப் 21:13 ரோம 8:15 எபிரெ 2:15 1யோவா 4:18
8	ஆகையால் நம்முடைய கர்த்தரைப்பற்றிய சாட்சியைக்குறித்தாவது, அவர் நிமித்தம் கட்டப்பட்டிருக்கிற என்னைக் குறித்தாவது, நீ வெட்கப்படாமல், தேவவல்லமைக்கேற்றபடி சுவிசேஷத்திற்காக என்னோடேகூடத் தீங்கனுபவி.	2தீமோ 1:12 சங் 119:46 ஏசா 51:7 மாற் 8:38 லூக் 9:26 அப் 5:41 ரோம 1:16 ரோம 9:33 எபே 3:13 1பேது 4:14
9	அவர் நம்முடைய கிரியைகளின்படி நம்மை இரட்சிக்காமல், தம்முடைய தீர்மானத்தின்படியும், ஆதிகாலமுதல் கிறிஸ்து இயேசுவுக்குள் நமக்கு அருளப்பட்ட கிருபையின்படியும், நம்மை இரட்சித்து, பரிசுத்த அழைப்பினாலே அழைத்தார்.	மத் 1:21 அப் 2:47 1கொரி 1:18 எபே 2:5 எபே 2:8 1தீமோ 1:1 தீத் 3:4 தீத் 3:5
10	நம்முடைய இரட்சகராகிய இயேசு கிறிஸ்து பிரசன்னமானதினாலே அந்தக் கிருபை இப்பொழுது வெளிப்படுத்தப்பட்டது; அவர் மரணத்தைப் பரிகரித்து, ஜீவனையும் அழியாமையையும் சுவிசேஷத்தினாலே வெளியரங்கமாக்கினார்.	ஏசா 25:7 ஏசா 60:2 ஏசா 60:3 லூக் 2:31 லூக் 2:32 ரோம 16:26 எபே 1:9 கொலோ 1:26 கொலோ 1:27 தீத் 1:3 தீத் 2:11 1பேது 1:20 1பேது 1:21 1யோவா 1:2
11	அதற்கு நான் பிரசங்கியாகவும், அப்போஸ்தலனாகவும், புறஜாதியாருக்குப் போதகனாகவும் நியமிக்கப்பட்டேன்.	அப் 9:15 எபே 3:7 எபே 3:8 1தீமோ 1:7 1தீமோ 2:7
12	அதினிமித்தம் நான் இந்தப் பாடுகளையும் அனுபவிக்கிறேன்; ஆயினும், நான் வெட்கப்படுகிறதில்லை; ஏனென்றால், நான் விசுவாசித்திருக்கிறவர் இன்னார் என்று அறிவேன், நான் அவரிடத்தில் ஒப்புக்கொடுத்ததை அவர் அந்நாள்வரைக்கும் காத்துக்கொள்ள வல்லவராயிருக்கிறாரென்று நிச்சயித்துமிருக்கிறேன்.	2தீமோ 1:8 2தீமோ 2:9 2தீமோ 3:10-12 2தீமோ 4:16 2தீமோ 4:17 அப் 9:16 அப் 13:46 அப் 13:50 அப் 14:5 அப் 14:6 அப் 21:27-31 அப் 22:21-24 எபே 3:1-8 1தெச 2:16
13	நீ கிறிஸ்து இயேசுவைப்பற்றும் விசுவாசத்தோடும் அன்போடும் என்னிடத்தில் கேட்டிருக்கிற ஆரோக்கியமான வசனங்களின் சட்டத்தைக் கைக்கொண்டிரு.	2தீமோ 1:14 2தீமோ 3:14 நீதி 3:18 நீதி 3:21 நீதி 4:4-8 நீதி 4:13-8 நீதி 23:23 பிலிப் 1:27 1தெச 5:21 தீத் 1:9 எபிரெ 3:6 எபிரெ 4:14 எபிரெ 10:23 யூதா 1:3 வெளிப் 2:25 வெளிப் 3:3 வெளிப் 3:11
14	உன்னிடத்தில் ஒப்புவிக்கப்பட்ட அந்த நற்பொருளை நமக்குள்ளே வாசம்பண்ணுகிற பரிசுத்த ஆவியினாலே காத்துக்கொள்.	2தீமோ 2:2 லூக் 16:11 ரோம 3:2 1கொரி 9:17 2கொரி 5:19 2கொரி 5:20 கலா 2:7 கொலோ 4:11 1தீமோ 1:11 1தீமோ 6:20
15	ஆசியா நாட்டிலிருக்கிற யாவரும், அவர்களில் பிகெல்லு எர்மொகெனே முதலாய் என்னைவிட்டு விலகினார்களென்று அறிந்திருக்கிறாய்.	அப் 16:6 அப் 19:10 அப் 19:27 அப் 19:31 அப் 20:16 1கொரி 16:19
16	ஒநேசிப்போருவின் வீட்டாருக்குக் கர்த்தர் இரக்கங்கட்டளையிடுவாராக; அவன் அநேகந்தரம் என்னை இளைப்பாற்றினான்; என் விலங்கைக்குறித்து அவன் வெட்கப்படவுமில்லை;	2தீமோ 1:18 நெகே 5:19 நெகே 13:14 நெகே 13:22 நெகே 13:31 சங் 18:25 சங் 37:26 மத் 5:7 மத் 10:41 மத் 10:42 மத் 25:35-40 2கொரி 9:12-14 எபிரெ 6:10 எபிரெ 10:34
17	அவன் ரோமாவில் வந்திருந்தபோது அதிக ஜாக்கிரதையாய் என்னைத் தேடிக் கண்டுபிடித்தான்.	அப் 28:30 அப் 28:31
18	அந்நாளிலே அவன் கர்த்தரிடத்தில் இரக்கத்தைக் கண்டடையும்படி, கர்த்தர் அவனுக்கு அனுக்கிரகஞ்செய்வாராக; அவன் எபேசுவிலே செய்த பற்பல உதவிகளையும் நீ நன்றாய் அறிந்திருக்கிறாயே.	2தீமோ 1:16 1இரா 17:20 மத் 25:34-40