| 1 | புத்தியில்லாத கலாத்தியரே, நீங்கள் சத்தியத்திற்குக் கீழ்ப்படியாமற்போகத்தக்கதாக உங்களை மயக்கினவன் யார்? இயேசுகிறிஸ்து சிலுவையிலறையப்பட்டவராக உங்கள் கண்களுக்குமுன் பிரத்தியட்சமாய் உங்களுக்குள்ளே வெளிப்படுத்தப்பட்டிருந்தாரே. | கலா 3:3 உபா 32:6 1சாமு 13:13 மத் 7:26 லூக் 24:25 எபே 5:15 1தீமோ 6:4 |
| 2 | ஒன்றைமாத்திரம் உங்களிடத்தில் அறிய விரும்புகிறேன்; நியாயப்பிரமாணத்தின் கிரியைகளினாலேயோ, விசுவாசக் கேள்வியினாலேயோ, எதினாலே ஆவியைப் பெற்றீர்கள்? | கலா 3:5 கலா 3:14 அப் 2:38 அப் 8:15 அப் 10:44-47 அப் 11:15-18 அப் 15:8 அப் 19:2-6 1கொரி 12:7-13 2கொரி 11:4 எபே 1:13 எபே 1:14 எபிரெ 2:4 எபிரெ 6:4 1பேது 1:12 |
| 3 | ஆவியினாலே ஆரம்பம்பண்ணின நீங்கள் இப்பொழுது மாம்சத்தினாலே முடிவு பெறப்போகிறீர்களோ? நீங்கள் இத்தனை புத்தியீனரா? | கலா 4:7-10 கலா 5:4-8 கலா 6:12-14 எபிரெ 7:16-19 எபிரெ 9:2 எபிரெ 9:9 எபிரெ 9:10 |
| 4 | இத்தனை பாடுகளையும் வீணாய்ப்பட்டீர்களோ? அவைகள் வீணாய்ப்போயிற்றே. | எசே 18:24 எபிரெ 6:4-6 எபிரெ 10:32-39 2பேது 2:20-22 2யோவா 1:8 |
| 5 | அன்றியும் உங்களுக்கு ஆவியை அளித்து, உங்களுக்குள்ளே அற்புதங்களை நடப்பிக்கிறவர் அதை நியாயப்பிரமாணத்தின் கிரியைகளினாலேயோ, விசுவாசக் கேள்வியினாலேயோ, எதினாலே செய்கிறார்? | கலா 3:2 2கொரி 3:8 |
| 6 | அப்படியே ஆபிரகாம் தேவனை விசுவாசித்தான், அது அவனுக்கு நீதியாக எண்ணப்பட்டது. | கலா 3:9 ஆதி 15:6 ரோம 4:3-6 ரோம 4:9-6 ரோம 4:10-6 ரோம 4:21-6 ரோம 4:22-6 ரோம 9:32 ரோம 9:33 யாக் 2:23 |
| 7 | ஆகையால் விசுவாசமார்க்கத்தார்கள் எவர்களோ அவர்களே ஆபிரகாமின் பிள்ளைகளென்று அறிவீர்களாக. | சங் 100:3 லூக் 21:31 எபிரெ 13:23 |
| 8 | மேலும் தேவன் விசுவாசத்தினாலே புறஜாதிகளை நீதிமான்களாக்குகிறாரென்று வேதம் முன்னாகக் கண்டு: உனக்குள் சகல ஜாதிகளும் ஆசீர்வதிக்கப்படும் என்று ஆபிரகாமுக்குச் சுவிசேஷமாய் முன்னறிவித்தது. | கலா 3:22 கலா 4:30 யோவா 7:38 யோவா 7:42 யோவா 19:37 ரோம 9:17 2தீமோ 3:15-17 |
| 9 | அந்தப்படி விசுவாசமார்க்கத்தார் விசுவாசமுள்ள ஆபிரகாமுடனே ஆசீர்வதிக்கப்படுகிறார்கள். | கலா 3:7 கலா 3:8 கலா 3:14 கலா 3:29 கலா 4:28 ரோம 4:11 ரோம 4:16 ரோம 4:24 |
| 10 | நியாயப்பிரமாணத்தின் கிரியைக்காரராகிய யாவரும் சாபத்திற்குட்பட்டிருக்கிறார்கள்; நியாயப்பிரமாண புஸ்தகத்தில் எழுதப்பட்டவைகளையெல்லாம் செய்யத்தக்கதாக அவைகளில் நிலைத்திராதவன் எவனோ அவன் சபிக்கப்பட்டவன் என்று எழுதியிருக்கிறதே. | கலா 2:16 லூக் 18:9-13 ரோம 4:15 ரோம 7:9-13 ரோம 8:7 |
| 11 | நியாயப்பிரமாணத்தினாலே ஒருவனும் தேவனிடத்தில் நீதிமானாகிறதில்லையென்பது வெளியரங்கமாயிருக்கிறது. ஏனெனில் விசுவாசத்தினாலே நீதிமான் பிழைப்பான் என்று எழுதியிருக்கிறதே. | கலா 2:16 1இரா 8:46 யோபு 9:3 யோபு 40:4 யோபு 42:6 சங் 19:12 சங் 130:3 சங் 130:4 சங் 143:2 பிரச 7:20 ஏசா 6:5 ஏசா 53:6 ஏசா 64:6 யாக் 3:2 1யோவா 1:8-10 வெளிப் 5:9 வெளிப் 7:14 வெளிப் 7:15 |
| 12 | நியாயப்பிரமாணமோ விசுவாசத்திற்குரியதல்ல; அவைகளைச் செய்கிற மனுஷனே அவைகளால் பிழைப்பான். | ரோம 4:4 ரோம 4:5 ரோம 4:14 ரோம 4:16 ரோம 9:30-32 ரோம 10:5 ரோம 10:6 ரோம 11:6 |
| 13 | மரத்திலே தூக்கப்பட்ட எவனும் சபிக்கப்பட்டவன் என்று எழுதியிருக்கிறபடி, கிறிஸ்து நமக்காகச் சாபமாகி, நியாயப்பிரமாணத்தின் சாபத்திற்கு நம்மை நீங்கலாக்கி மீட்டுக்கொண்டார். | கலா 3:10 கலா 4:5 ஏசா 55:5-7 ஏசா 55:10-12 தானி 9:24 தானி 9:26 சகரி 13:7 மத் 26:28 ரோம 3:24-26 ரோம 4:25 ரோம 8:3 ரோம 8:4 2கொரி 5:21 எபே 5:2 தீத் 2:14 எபிரெ 7:26 எபிரெ 7:27 எபிரெ 9:12 எபிரெ 9:15 எபிரெ 9:26 எபிரெ 9:28 எபிரெ 10:4-10 1பேது 1:18-21 1பேது 2:24 1பேது 3:18 1யோவா 2:1 1யோவா 2:2 1யோவா 4:10 வெளிப் 1:5 வெளிப் 5:9 வெளிப் 13:8 |
| 14 | ஆபிரகாமுக்கு உண்டான ஆசீர்வாதம் கிறிஸ்து இயேசுவினால் புறஜாதிகளுக்கு வரும்படியாகவும், ஆவியைக்குறித்துச் சொல்லப்பட்ட வாக்குத்தத்தத்தை நாம் விசுவாசத்தினாலே பெறும்படியாகவும் இப்படியாயிற்று. | கலா 3:6-9 கலா 3:29-9 ஆதி 12:2 ஆதி 12:3 ஏசா 41:8 ஏசா 51:2 ஏசா 51:3 ரோம 4:3-17 |
| 15 | சகோதரரே, மனுஷர் முறைமையின்படி சொல்லுகிறேன்; மனுஷர்களுக்குள்ளே உறுதிபண்ணப்பட்ட உடன்படிக்கையை ஒருவனும் தள்ளுகிறதுமில்லை, அதினோடே ஒன்றையும் கூட்டுகிறதுமில்லை. | ரோம 6:19 1கொரி 15:32 |
| 16 | ஆபிரகாமுக்கும் அவனுடைய சந்ததிக்கும் வாக்குத்தத்தங்கள்பண்ணப்பட்டன; சந்ததிகளுக்கு என்று அநேகரைக்குறித்துச் சொல்லாமல், உன் சந்ததிக்கு என்று ஒருவனைக்குறித்துச் சொல்லியிருக்கிறார், அந்தச் சந்ததி கிறிஸ்துவே. | கலா 3:8 ஆதி 12:3 ஆதி 12:7 ஆதி 13:15 ஆதி 13:16 ஆதி 15:5 ஆதி 17:7 ஆதி 17:8 ஆதி 21:12 ஆதி 22:17 ஆதி 22:18 ஆதி 26:3 ஆதி 26:4 ஆதி 28:13 ஆதி 28:14 ஆதி 49:10 |
| 17 | ஆதலால் நான் சொல்லுகிறதென்னவெனில், கிறிஸ்துவை முன்னிட்டு தேவனால் முன் உறுதிபண்ணப்பட்ட உடன்படிக்கையை நானூற்றுமுப்பது வருஷத்திற்குப்பின்பு உண்டான நியாயப்பிரமாணமானது தள்ளி, வாக்குத்தத்தத்தை வியர்த்தமாக்கமாட்டாது. | கலா 5:16 1கொரி 1:12 1கொரி 7:29 1கொரி 10:19 2கொரி 9:6 எபே 4:17 கொலோ 2:4 |
| 18 | அன்றியும், சுதந்தரமானது நியாயப்பிரமாணத்தினாலே உண்டானால் அது வாக்குத்தத்தத்தினாலே உண்டாயிராது; தேவன் அதை ஆபிரகாமுக்கு வாக்குத்தத்தத்தினாலே அருளிச்செய்தாரே. | கலா 3:10 கலா 3:12 கலா 3:26 கலா 3:29 கலா 2:21 ரோம 4:13-16 ரோம 8:17 |
| 19 | அப்படியானால், நியாயப்பிரமாணத்தின் நோக்கமென்ன? வாக்குத்தத்தத்தைப்பெற்ற சந்ததி வருமளவும் அது அக்கிரமங்களினிமித்தமாகக் கூட்டப்பட்டு, தேவதூதரைக்கொண்டு மத்தியஸ்தன் கையிலே கட்டளையிடப்பட்டது. | ரோம 3:1 ரோம 3:2 ரோம 7:7-13 |
| 20 | மத்தியஸ்தன் ஒருவனுக்குரியவனல்ல, தேவனோ ஒருவர். | யோபு 9:33 அப் 12:20 1தீமோ 2:5 |
| 21 | அப்படியானால் நியாயப்பிரமாணம் தேவனுடைய வாக்குத்தத்தங்களுக்கு விரோதமா? அல்லவே; உயிரைக் கொடுக்கத்தக்க நியாயப்பிரமாணம் அருளப்பட்டிருந்ததானால், நீதியானது நியாயப்பிரமாணத்தினால் உண்டாயிருக்குமே. | மத் 5:17-20 ரோம 3:31 ரோம 7:7-13 |
| 22 | அப்படியிராதபடியால், இயேசுகிறிஸ்துவைப் பற்றும் விசுவாசத்தினாலே பலிக்கிற வாக்குத்தத்தம் விசுவாசமுள்ளவர்களுக்கு அளிக்கப்படும்படி வேதம் எல்லாரையும் ஏகமாய்ப் பாவத்தின்கீழ் அடைத்துப்போட்டது. | கலா 3:8-10 கலா 3:23-10 சங் 143:2 ரோம 3:9-20 ரோம 3:23-20 ரோம 5:12 ரோம 5:20 ரோம 11:32 |
| 23 | ஆதலால் விசுவாசம் வருகிறதற்கு முன்னே, வெளிப்படப்போகிற விசுவாசத்திற்கு ஏதுவாக நாம் அடைக்கப்பட்டவர்களாய் நியாயப்பிரமாணத்தின்கீழ் காவல்பண்ணப்பட்டிருந்தோம். | கலா 3:19 கலா 3:24 கலா 3:25 கலா 4:1-4 எபிரெ 12:2 |
| 24 | இவ்விதமாக, நாம் விசுவாசத்தினாலே நீதிமான்களாக்கப்படுவதற்கு நியாயப்பிரமாணம் நம்மைக் கிறிஸ்துவினிடத்தில் வழிநடத்துகிற உபாத்தியாய் இருந்தது. | கலா 3:25 கலா 2:19 கலா 4:2 கலா 4:3 மத் 5:17 மத் 5:18 அப் 13:38 அப் 13:39 ரோம 3:20-22 ரோம 7:7-9 ரோம 7:24-9 ரோம 7:25-9 ரோம 10:4 கொலோ 2:17 எபிரெ 7:18 எபிரெ 7:19 எபிரெ 9:8-16 எபிரெ 10:1-14 |
| 25 | விசுவாசம் வந்தபின்பு நாம் உபாத்திக்குக் கீழானவர்களல்லவே. | கலா 4:1-6 ரோம 6:14 ரோம 7:4 எபிரெ 7:11-19 எபிரெ 8:3-13 எபிரெ 10:15-18 |
| 26 | நீங்களெல்லாரும் கிறிஸ்து இயேசுவைப்பற்றும் விசுவாசத்தினால் தேவனுடைய புத்திரராயிருக்கிறீர்களே. | கலா 4:5 கலா 4:6 யோவா 1:12 யோவா 1:13 யோவா 20:17 ரோம 8:14-17 2கொரி 6:18 எபே 1:5 எபே 5:1 பிலிப் 2:15 எபிரெ 2:10-15 1யோவா 3:1 1யோவா 3:2 வெளிப் 21:7 |
| 27 | ஏனெனில், உங்களில் கிறிஸ்துவுக்குள்ளாக ஞானஸ்நானம் பெற்றவர்கள் எத்தனைபேரோ, அத்தனைபேரும் கிறிஸ்துவைத் தரித்துக்கொண்டீர்களே. | மத் 28:19 மத் 28:20 மாற் 16:15 மாற் 16:16 அப் 2:38 அப் 8:36-38 அப் 9:18 அப் 16:15 அப் 16:31-33 ரோம 6:3 ரோம 6:4 1கொரி 12:13 கொலோ 2:10-12 1பேது 3:21 |
| 28 | யூதனென்றும் கிரேக்கனென்றுமில்லை, அடிமையென்றும் சுயாதீனனென்றுமில்லை, ஆணென்றும் பெண்ணென்றுமில்லை; நீங்களெல்லாரும் கிறிஸ்து இயேசுவுக்குள் ஒன்றாயிருக்கிறீர்கள். | கலா 5:6 ரோம 1:16 ரோம 2:9 ரோம 2:10 ரோம 3:29 ரோம 3:30 ரோம 4:11 ரோம 4:12 ரோம 9:24 ரோம 10:12-15 1கொரி 7:19 1கொரி 12:13 எபே 3:5-10 கொலோ 3:11 |
| 29 | நீங்கள் கிறிஸ்துவினுடையவர்களானால், ஆபிரகாமின் சந்ததியாராயும், வாக்குத்தத்தத்தின்படியே சுதந்தரராயும் இருக்கிறீர்கள். | கலா 5:24 1கொரி 3:23 1கொரி 15:23 2கொரி 10:7 |
