1	மேன்மைபாராட்டுகிறது எனக்குத் தகுதியல்லவே; ஆகிலும், கர்த்தர் அருளிய தரிசனங்களையும் வெளிப்படுத்தல்களையும் சொல்லுகிறேன்.	2கொரி 8:10 யோவா 16:7 யோவா 18:14 1கொரி 6:12 1கொரி 10:23
2	கிறிஸ்துவுக்குள்ளான ஒரு மனுஷனை அறிவேன்; அவன் பதினாலு வருஷத்திற்கு முன்னே மூன்றாம் வானம்வரைக்கும் எடுக்கப்பட்டான்; அவன் சரீரத்திலிருந்தானோ, சரீரத்திற்குப் புறம்பேயிருந்தானோ, அதை அறியேன்; தேவன் அறிவார்.	2கொரி 12:3 2கொரி 12:5
3	அந்த மனுஷன் பரதீசுக்குள் எடுக்கப்பட்டு, மனுஷர் பேசப்படாததும் வாக்குக்கெட்டாததுமாகிய வார்த்தைகளைக் கேட்டானென்று அறிந்திருக்கிறேன்.
4	அவன் சரீரத்திலிருந்தானோ, சரீரத்திற்குப் புறம்பேயிருந்தானோ, அதை அறியேன்; தேவன் அறிவார்.	எசே 31:9 லூக் 23:43 வெளிப் 2:7
5	இப்படிப்பட்டவனைக்குறித்து மேன்மைபாராட்டுவேன்; ஆனாலும் என்னைக்குறித்து என் பலவீனங்களிலேயன்றி, வேறொன்றிலும் மேன்மைபாராட்டமாட்டேன்.	2கொரி 12:9 2கொரி 12:10 2கொரி 11:30
6	சத்தியமானதை நான் பேசுகிறேன்; நான் மேன்மைபாராட்ட மனதாயிருந்தாலும், நான் புத்தியீனனல்ல, ஆனாலும் ஒருவனும் என்னிடத்தில் காண்கிறதற்கும், என்னாலே கேட்கிறதற்கும் மேலாக என்னை எண்ணாதபடிக்கு அப்படிச் செய்யாதிருப்பேன்.	2கொரி 10:8 2கொரி 11:16 1கொரி 3:5 1கொரி 3:9 1கொரி 3:10
7	அன்றியும், எனக்கு வெளிப்படுத்தப்பட்டவைகளுக்குரிய மேன்மையினிமித்தம் நான் என்னை உயர்த்தாதபடிக்கு, என் மாம்சத்திலே ஒரு முள் கொடுக்கப்பட்டிருக்கிறது; என்னை நான் உயர்த்தாதபடிக்கு, அது என்னைக் குட்டும் சாத்தானுடைய தூதனாயிருக்கிறது.	2கொரி 10:5 2கொரி 11:20 உபா 8:14 உபா 17:20 2நாளா 26:16 2நாளா 32:25 2நாளா 32:26 2நாளா 32:31 தானி 5:20 1தீமோ 3:6
8	அது என்னைவிட்டு நீங்கும்படிக்கு, நான் மூன்றுதரம் கர்த்தரிடத்தில் வேண்டிக்கொண்டேன்.	உபா 3:23-27 1சாமு 15:11 2சாமு 12:16-18 சங் 77:2-11 மத் 20:21 மத் 20:22 மத் 26:39-44 எபிரெ 5:7
9	அதற்கு அவர்: என் கிருபை உனக்குப்போதும்; பலவீனத்திலே என் பலம் பூரணமாய் விளங்கும் என்றார். ஆகையால், கிறிஸ்துவின் வல்லமை என்மேல் தங்கும்படி, என் பலவீனங்களைக்குறித்து நான் மிகவும் சந்தோஷமாய் மேன்மைபாராட்டுவேன்.	2கொரி 12:10 2கொரி 3:5 2கொரி 3:6 யாத் 3:11 யாத் 3:12 யாத் 4:10-15 உபா 33:25-27 யோசு 1:9 ஏசா 43:2 எரே 1:6-9 மத் 10:19 மத் 10:20 லூக் 21:15 1கொரி 10:13 1கொரி 15:10 கொலோ 1:28 கொலோ 1:29 1தீமோ 1:14 எபிரெ 4:16
10	அந்தப்படி நான் பலவீனமாயிருக்கும்போதே பலமுள்ளவனாயிருக்கிறேன்; ஆகையால் கிறிஸ்துவினிமித்தம் எனக்கு வரும் பலவீனங்களிலும், நிந்தைகளிலும், நெருக்கங்களிலும், துன்பங்களிலும், இடுக்கண்களிலும் நான் பிரியப்படுகிறேன்.	2கொரி 1:4 2கொரி 4:8-10 2கொரி 4:17-10 2கொரி 7:4 அப் 5:41 ரோம 5:3 ரோம 8:35-39 பிலிப் 1:29 பிலிப் 2:17 பிலிப் 2:18 கொலோ 1:24 யாக் 1:2 1பேது 1:6 1பேது 1:7 1பேது 4:13 1பேது 4:14
11	மேன்மைபாராட்டி, புத்தியீனனாயினேன்; நீங்களே இதற்கு என்னைப் பலவந்தப்படுத்தினீர்கள். நான் ஒன்றுமில்லையென்றாலும், மகா பிரதான அப்போஸ்தலருக்கும் நான் எவ்வளவும் குறைந்தவனாயிராதபடியால், உங்களாலே மெச்சிக்கொள்ளப்படவேண்டியதாயிருந்ததே.	2கொரி 1:6 2கொரி 11:1 2கொரி 11:16 2கொரி 11:17
12	அப்போஸ்தலனுக்குரிய அடையாளங்கள் எல்லாவிதமான பொறுமையோடும்., அதிசயங்களோடும், அற்புதங்களோடும், வல்லமைகளோடும், உங்களுக்குள்ளே நடப்பிக்கப்பட்டதே.	2கொரி 4:2 2கொரி 6:4-10 2கொரி 11:4 2கொரி 11:6 ரோம 15:18 ரோம 15:19 1கொரி 1:5-7 1கொரி 9:2 1கொரி 14:18
13	எதிலே மற்றச் சபைகளுக்குக் குறைவாயிருந்தீர்கள்? நான் உங்களை வருத்தப்படுத்தாதிருந்ததே உங்களுக்குக் குறைவு; இந்த அநியாயத்தை எனக்கு மன்னியுங்கள்.	2கொரி 12:14 2கொரி 11:8 2கொரி 11:9 1கொரி 9:6 1கொரி 9:12 1கொரி 9:15-18
14	இதோ, உங்களிடத்திற்கு மூன்றாந்தரம் வர ஆயத்தமாயிருக்கிறேன்; நான் உங்களை வருத்தப்படுத்துவதில்லை; நான் உங்களுடையதையல்ல, உங்களையே தேடுகிறேன்; பெற்றாருக்குப் பிள்ளகளல்ல, பிள்ளைகளுக்குப் பெற்றோர்களே பொக்கிஷங்களைச் சேர்த்துவைக்கவேண்டும்.	2கொரி 1:15 2கொரி 13:1 1கொரி 4:19 1கொரி 11:34 1கொரி 16:5
15	ஆதலால், நான் உங்களில் எவ்வளவு அதிகமாய் அன்பு கூருகிறேனோ அவ்வளவு குறைவாய் உங்களால் அன்புகூரப்பட்டிருந்தாலும், மிகவும் சந்தோஷமாய் நான் உங்கள் ஆத்துமாக்களுக்காகச் செலவுபண்ணவும் செலவுபண்ணப்படவும் விரும்புகிறேன்.	2கொரி 12:9 2கொரி 1:6 2கொரி 1:14 2கொரி 2:3 2கொரி 7:3 யோவா 10:10 யோவா 10:11 கலா 4:10 பிலிப் 2:17 கொலோ 1:24 1தெச 2:8 2தீமோ 2:10
16	அப்படியாகட்டும், நான் உங்களுக்குப் பாரமாயிருக்கவில்லை; ஆனாலும், உபாயமுள்ளவனாயிருந்து, தந்திரத்தினாலே உங்களைப் பிடித்தேனாம்.	2கொரி 12:13 2கொரி 11:9 2கொரி 11:10
17	நான் உங்களிடத்திற்கு அனுப்பினவர்களில் எவன் மூலமாயாவது உங்களிடத்தில் பொழிவைத் தேடினதுண்டா?	2கொரி 12:18 2இரா 5:16 2இரா 5:20-27 1கொரி 4:17 1கொரி 16:10
18	தீத்து உங்களிடத்தில் வரும்படி நான் அவனைக் கேட்டுக்கொண்டு, அவனுடனேகூட ஒரு சகோதரனை அனுப்பினேன்; தீத்து உங்களிடத்தில் ஏதாவது பொழிவைத்தேடினானா? நாங்கள் ஒரே ஆவியையுடையவர்களாய், ஒரே அடிச்சுவடுகளில் நடந்தோமல்லவா?	2கொரி 2:12 2கொரி 2:13 2கொரி 7:2 2கொரி 7:6
19	நாங்கள் யோக்கியர்களென்று விளங்கும்படி உங்களிடத்தில் பேசுகிறோமென்று எண்ணுகிறீர்களோ? தேவனுக்கு முன்பாகக் கிறிஸ்துவுக்குள் பேசுகிறோம். பிரியமானவர்களே, சகலத்தையும் உங்கள் பக்திவிருத்திக்காகச் செய்கிறோம்.	2கொரி 3:1 2கொரி 5:12
20	ஆகிலும் நான் வந்து, உங்களை என் மனதின்படியிருக்கிறவர்களாகக் காணாமலும், நானும் உங்கள் மனதின்படியிருக்கிறவனாகக் காணப்படாமலுமிருப்பேனோவென்றும்; விரோதங்கள், வைராக்கியங்கள், கோபங்கள், வாக்குவாதங்கள், புறங்கூறுதல், கோட்சொல்லுதல், இறுமாப்பு, கலகங்கள் ஆகிய இவைகள் உங்களுக்குள்ளே உண்டாயிருக்குமோவென்றும்;	2கொரி 12:21 2கொரி 13:9
21	மறுபடியும் நான் வருகிறபோது, என் தேவன் உங்களிடத்தில் என்னைத் தாழ்த்தும்படிக்கு முன் பாவஞ்செய்தவர்களாகிய அநேகர் தாங்கள் நடப்பித்த அசுத்தத்தையும் வேசித்தனத்தையும் காமவிகாரத்தையும் விட்டு மனந்திரும்பாமலிருக்கிறதைக் குறித்து, நான் துக்கப்படவேண்டியதாயிருக்குமோ வென்றும் பயந்திருக்கிறேன்.	2கொரி 12:7 2கொரி 8:24 2கொரி 9:3 2கொரி 9:4