1	என் புத்தியீனத்தை நீங்கள் சற்றே சகித்தால் நலமாயிருக்கும்; என்னைச் சகித்துமிருக்கிறீர்களே.	எண் 11:29 யோசு 7:7 2இரா 5:3 அப் 26:29 1கொரி 4:8
2	நான் உங்களைக் கற்புள்ள கன்னிகையாகக் கிறிஸ்து என்னும் ஒரே புருஷனுக்கு ஒப்புக்கொடுக்க நியமித்தபடியால், உங்களுக்காக தேவவைராக்கியமான வைராக்கியங்கொண்டிருக்கிறேன்.	கலா 4:11 கலா 4:17-19 பிலிப் 1:8 1தெச 2:11
3	ஆகிலும், சர்ப்பமானது தன்னுடைய தந்திரத்தினாலே ஏவாளை வஞ்சித்ததுபோல, உங்கள் மனதும் கிறிஸ்துவைப்பற்றிய உண்மையினின்று விலகும்படி கெடுக்கப்படுமோவென்று பயந்திருக்கிறேன்.	2கொரி 11:29 2கொரி 12:20 2கொரி 12:21 சங் 119:53 கலா 1:6 கலா 3:1 கலா 4:11 பிலிப் 3:18 பிலிப் 3:19
4	எப்படியெனில், உங்களிடத்தில் வருகிறவன் நாங்கள் பிரசங்கியாத வேறொரு இயேசுவைப் பிரசங்கித்தானானால், அல்லது நீங்கள் பெற்றிராத வேறொரு ஆவியையும், நீங்கள் ஏற்றுக்கொள்ளாத வேறொரு சுவிசேஷத்தையும் பெற்றீர்களானால், நன்றாய்ச் சகித்திருப்பீர்களே.	அப் 4:12 1தீமோ 2:5
5	மகா பிரதான அப்போஸ்தலரிலும், நான் ஒன்றிலும் குறைவுள்ளவனல்லவென்று எண்ணுகிறேன்.	2கொரி 12:11 2கொரி 12:12 1கொரி 15:10 கலா 2:6-9
6	நான் பேச்சிலே கல்லாதவனாயிருந்தாலும், அறிவிலே கல்லாதவனல்ல; எந்த விஷயத்திலும் எல்லாருக்குமுன்பாகவும் உங்களுக்குள்ளே நாங்கள் வெளிப்பட்டிருக்கிறோமே.	2கொரி 10:10 1கொரி 1:17 1கொரி 1:21 1கொரி 2:1-3 1கொரி 2:13-3
7	நீங்கள் உயர்த்தப்படும்படி நான் என்னைத்தானே தாழ்த்தி, தேவனுடைய சுவிசேஷத்தை இலவசமாய் உங்களுக்குப் பிரசங்கித்ததினாலே குற்றஞ்செய்தேனோ?	2கொரி 10:1 2கொரி 12:13 அப் 18:1-3 அப் 20:34 1கொரி 4:10-12 1கொரி 9:6 1கொரி 9:12 1கொரி 9:14-18 1தெச 2:9 2தெச 3:8
8	உங்களுக்கு ஊழியஞ்செய்யும்படிக்கு, மற்றச் சபைகளிடத்தில் சம்பளத்தைப்பெற்று, அவர்களைக் கொள்ளையிட்டேன்.	2கொரி 11:9 பிலிப் 4:14-16
9	நான் உங்களோடிருந்து குறைவுபட்டபோதும், ஒருவரையும் நான் வருத்தப்படுத்தவில்லை; மக்கெதோனியாவிலிருந்து வந்த சகோதரர் என் குறைவை நிறைவாக்கினார்கள்; எவ்விதத்திலேயும் உங்களுக்குப் பாரமாயிராதபடிக்கு ஜாக்கிரதையாயிருந்தேன், இனிமேலும் ஜாக்கிரதையாயிருப்பேன்.	2கொரி 6:4 2கொரி 9:12 பிலிப் 2:25 பிலிப் 4:11-14 எபிரெ 11:37
10	அகாயா நாட்டின் திசைகளிலே இந்தப் புகழ்ச்சி என்னைவிட்டு நீங்குவதில்லையென்று என்னிலுள்ள கிறிஸ்துவினுடைய சத்தியத்தைக்கொண்டு சொல்லுகிறேன்.	2கொரி 11:31 2கொரி 1:23 2கொரி 12:19 ரோம 1:9 ரோம 9:1 கலா 1:20 1தெச 2:5 1தெச 2:10 1தீமோ 2:7
11	இப்படிச் சொல்லவேண்டியதென்ன? நான் உங்களைச் சிநேகியாதபடியினாலேயோ? தேவன் அறிவார்.	2கொரி 6:11 2கொரி 6:12 2கொரி 7:3 2கொரி 12:15
12	மேலும், எங்களை விரோதிக்கச் சமயந்தேடுகிறவர்களுக்குச் சமயம் கிடையாதபடிக்கு, தங்களைக்குறித்து மேன்மைபாராட்டுகிற காரியத்தில் அவர்கள் எங்களைப்போலக் காணப்படும்படி, நான் செய்வதையே இன்னும் செய்வேன்.	2கொரி 11:9 2கொரி 1:17 யோபு 23:13
13	அப்படிப்பட்டவர்கள் கள்ள அப்போஸ்தலர்கள், கபடமுள்ள வேலையாட்கள், கிறிஸ்துவினுடைய அப்போஸ்தலரின் வேஷத்தைத் தரித்துக்கொண்டவர்களாயிருக்கிறார்கள்.	2கொரி 11:15 2கொரி 2:17 2கொரி 4:2 மத் 25:24 அப் 15:1 அப் 15:24 அப் 20:30 ரோம 16:18 கலா 1:7 கலா 2:4 கலா 4:17 கலா 6:12 எபே 4:14 பிலிப் 1:15 பிலிப் 1:16 கொலோ 2:4 கொலோ 2:8 1தீமோ 1:4-7 1தீமோ 4:1-3 1தீமோ 6:3-5 2தீமோ 2:17-19 2தீமோ 3:5-9 2தீமோ 4:3 2தீமோ 4:4 2பேது 2:1-3 1யோவா 2:18 1யோவா 4:1 2யோவா 1:7-11 யூதா 1:4 வெளிப் 2:2 வெளிப் 2:9 வெளிப் 2:20 வெளிப் 19:20
14	அது ஆச்சரியமல்ல, சாத்தானும் ஒளியின் தூதனுடைய வேஷத்தைத் தரித்துக்கொள்வானே.	2கொரி 11:3 2கொரி 2:11 ஆதி 3:1-5 மத் 4:1-10 கலா 1:8 வெளிப் 12:9
15	ஆகையால் அவனுடைய ஊழியக்காரரும் நீதியின் ஊழியக்காரருடைய வேஷத்தைத் தரித்துக்கொண்டால் அது ஆச்சரியமல்லவே; அவர்கள் முடிவு அவர்கள் கிரியைகளுக்குத்தக்கதாயிருக்கும்.	2இரா 5:13 1கொரி 9:11
16	பின்னும் நான் சொல்லுகிறேன்; ஒருவனும் என்னைப் புத்தியீனனென்று எண்ணவேண்டாம்; அப்படி எண்ணினால், நானும் சற்றே மேன்மைபாராட்டும்படி, என்னைப் புத்தியீனனைப்போலாகிலும் ஏற்றுக்கொள்ளுங்கள்.	2கொரி 11:21-23 2கொரி 12:6 2கொரி 12:11
17	இப்படி நான் சொல்லுகிறது கர்த்தருக்கேற்றபடி சொல்லாமல், மேன்மைபாராட்டும் தைரியத்தினாலே புத்தியீனனைப்போலச் சொல்லுகிறேன்.	1கொரி 7:6 1கொரி 7:12
18	அநேகர் மாம்சத்திற்கேற்றபடி மேன்மைபாராட்டிக்கொள்ளுகையில், நானும் மேன்மைபாராட்டுவேன்.	2கொரி 11:12 2கொரி 11:21-23 2கொரி 10:12-18 எரே 9:23 எரே 9:24 1கொரி 4:10 1பேது 1:24
19	நீங்கள் புத்தியுள்ளவர்களாயிருந்து புத்தியில்லாதவர்களைச் சந்தோஷமாய்ச் சகித்திருக்கிறீர்களே.	1கொரி 4:10 1கொரி 8:1 1கொரி 10:15 வெளிப் 3:17
20	ஒருவன் உங்களைச் சிறையாக்கினாலும், ஒருவன் உங்களைப் பட்சித்தாலும், ஒருவன் உங்களைக் கைவசப்படுத்தினாலும், ஒருவன் தன்னை உயர்த்தினாலும், ஒருவன் உங்களை முகத்தில் அறைந்தாலும் சகித்திருக்கிறீர்களே.	2கொரி 1:24 கலா 2:4 கலா 4:3 கலா 4:9 கலா 4:25 கலா 5:1 கலா 5:10 கலா 6:12
21	நாங்கள் பலவீனரானதுபோல, எங்களுக்கு வந்த கனவீனத்தைக்குறித்துப்பேசுகிறேன்; ஒருவன் எதிலே துணிவுள்ளவனாயிருக்கிறானோ அதிலே நானும் துணிவுள்ளவனாயிருக்கிறேன்; இப்படிப் புத்தியீனமாய்ப் பேசுகிறேன்.	2கொரி 10:1 2கொரி 10:2 2கொரி 10:10 2கொரி 13:10
22	அவர்கள் எபிரெயரா? நானும் எபிரெயன்; அவர்கள் இஸ்ரவேலரா? நானும் இஸ்ரவேலன்; அவர்கள் ஆபிரகாமின் சந்ததியாரா? நானும் ஆபிரகாமின் சந்ததியான்.	யாத் 3:18 யாத் 5:3 யாத் 7:16 யாத் 9:1 யாத் 9:13 யாத் 10:3 அப் 22:3 ரோம 11:1 பிலிப் 3:5
23	அவர்கள் கிறிஸ்துவின் ஊழியக்காரரா? நான் அதிகம்; புத்தியீனமாய்ப் பேசுகிறேன்; நான் அதிகமாய்ப் பிரயாசப்பட்டவன், அதிகமாய் அடிபட்டவன், அதிகமாய்க் காவல்களில் வைக்கப்பட்டவன், அநேகந்தரம் மரண அவதியில் அகப்பட்டவன்.	2கொரி 3:6 2கொரி 6:4 1கொரி 3:5 1கொரி 4:1 1தெச 3:2 1தீமோ 4:6
24	யூதர்களால் ஒன்றுகுறைய நாற்பதடியாக ஐந்து தரம் அடிபட்டேன்;	உபா 25:2 உபா 25:3 மத் 10:17 மாற் 13:9
25	மூன்றுதரம் மிலாறுகளால் அடிபட்டேன், ஒருதரம் கல்லெறியுண்டேன், மூன்றுதரம் கப்பற்சேதத்தில் இருந்தேன், கடலிலே ஒரு இராப்பகல் முழுவதும் போக்கினேன்.	அப் 16:22 அப் 16:23 அப் 16:33 அப் 16:37 அப் 22:24
26	அநேகந்தரம் பிரயாணம்பண்ணினேன்; ஆறுகளால் வந்த மோசங்களிலும், கள்ளரால் வந்த மோசங்களிலும், என் சுயஜனங்களால் வந்த மோசங்களிலும், அந்நிய ஜனங்களால் வந்த மோசங்களிலும், பட்டணங்களில் உண்டான மோசங்களிலும், வனாந்தரத்தில் உண்டான மோசங்களிலும், சமுத்திரத்தில் உண்டான மோசங்களிலும், கள்ளச்சகோதரரிடத்தில் உண்டான மோசங்களிலும்;	அப் 9:23 அப் 9:26-30 அப் 11:25 அப் 11:26 அப் 13:1-14 அப் 15:2-4 அப் 15:40-4 அப் 15:41-4 அப் 16:1-18 அப் 18:18-23 அப் 19:1 அப் 20:1-6 ரோம 15:19 ரோம 15:24-28 கலா 1:17-21
27	பிரயாசத்திலும், வருத்தத்திலும் அநேகமுறை கண்விழிப்புகளிலும், பசியிலும் தாகத்திலும், அநேகமுறை உபவாசங்களிலும், குளிரிலும், நிர்வாணத்திலும் இருந்தேன்.	2கொரி 11:23 2கொரி 6:5 அப் 20:5-11 அப் 20:34-11 அப் 20:35-11 1தெச 2:9 2தெச 3:8
28	இவை முதலானவைகளையல்லாமல், எல்லாச் சபைகளைக்குறித்தும் உண்டாயிருக்கிற கவலை என்னை நாள்தோறும் நெருக்குகிறது.	அப் 15:36 அப் 15:40 அப் 15:41 அப் 18:23 அப் 20:2 அப் 20:18-35 ரோம 1:14 ரோம 11:13 ரோம 15:16 ரோம 16:4 கொலோ 2:1
29	ஒருவன் பலவீனனானால் நானும் பலவீனனாகிறதில்லையோ? ஒருவன் இடறினால் என் மனம் எரியாதிருக்குமோ?	2கொரி 2:4 2கொரி 2:5 2கொரி 7:5 2கொரி 7:6 2கொரி 13:9 எஸ்றா 9:1-3 ரோம 12:15 ரோம 15:1 1கொரி 8:13 1கொரி 9:22 1கொரி 12:26 கலா 6:2 1தெச 3:5-8
30	நான் மேன்மைபாராட்டவேண்டுமானால், என் பலவீனத்திற்கடுத்தவைகளைக்குறித்து மேன்மைபாராட்டுவேன்.	2கொரி 11:16-18 2கொரி 12:1 2கொரி 12:11 நீதி 25:27 நீதி 27:2 எரே 9:23 எரே 9:24
31	என்றென்றைக்கும் ஸ்தோத்தரிக்கப்பட்ட தேவனும், நம்முடைய கர்த்தராகிய இயேசுகிறிஸ்துவின் பிதாவுமானவர் நான் பொய் சொல்லுகிறதில்லையென்று அறிவார்.	2கொரி 1:3 2கொரி 1:23 யோவா 10:30 யோவா 20:17 ரோம 1:9 ரோம 9:1 எபே 1:3 எபே 3:14 கலா 1:2 கலா 1:3 கொலோ 1:3 1தெச 2:5 1பேது 1:3
32	தமஸ்கு பட்டணத்து அரேத்தா ராஜாவினுடைய சேனைத்தலைவன் என்னைப் பிடிக்கவேண்டுமென்று தமஸ்கருடைய பட்டணத்தைக் காவல்வைத்துக்காத்தான்;	2கொரி 11:26 அப் 9:24 அப் 9:25
33	அப்பொழுது நான் கூடையிலே வைக்கப்பட்டு, ஜன்னலிலிருந்து மதில் வழியாய் இறக்கிவிடப்பட்டு, அவனுடைய கைக்குத் தப்பினேன்.	யோசு 2:18 1சாமு 19:12