1	உங்களுக்கு முன்பாக இருக்கும்போது தாழ்மையாயும், தூரத்திலே இருக்கும்போது உங்கள்மேல் கண்டிப்பாயும் இருக்கிற பவுலாகிய நான் கிறிஸ்துவின் சாந்தத்தையும் தயவையும் முன்னிட்டு உங்களுக்குப் புத்திசொல்லுகிறேன்.	1கொரி 16:21 1கொரி 16:22 கலா 5:2 2தெச 3:17 பிலேமோ 1:9 வெளிப் 1:9
2	எங்களை மாம்சத்தின்படி நடக்கிறவர்கள் என்று எண்ணுகிற சிலரைக்குறித்து நான் கண்டிப்பாயிருக்கவேண்டுமென்று நினைத்திருக்கிற தைரியத்தோடே, உங்கள் முன்பாக இருக்கும்போது, நான் கண்டிப்புள்ளவனாயிராதபடிக்கு நீங்கள் எச்சரிக்கையாயிருக்க உங்களை வேண்டிக்கொள்ளுகிறேன்.	2கொரி 12:20 2கொரி 13:2 2கொரி 13:10 1கொரி 4:19-21
3	நாங்கள் மாம்சத்தில் நடக்கிறவர்களாயிருந்தும், மாம்சத்தின்படி போர்செய்கிறவர்களல்ல.	கலா 2:20 1பேது 4:1 1பேது 4:2
4	எங்களுடைய போராயுதங்கள் மாம்சத்துக்கேற்றவைகளாயிராமல், அரண்களை நிர்மூலமாக்குகிறதற்கு தேவபலமுள்ளவைகளாயிருக்கிறது.	2கொரி 6:7 ரோம 6:13 ரோம 13:12 எபே 6:13-18 1தெச 5:8
5	அவைகளால் நாங்கள் தர்க்கங்களையும், தேவனை அறிகிற அறிவுக்கு விரோதமாய் எழும்புகிற எல்லா மேட்டிமையையும் நிர்மூலமாக்கி, எந்த எண்ணத்தையும் கிறிஸ்துவுக்குக் கீழ்ப்படியச் சிறைப்படுத்துகிறவர்களாயிருக்கிறோம்.	லூக் 1:51 அப் 4:25 அப் 4:26 ரோம 1:21 1கொரி 1:19 1கொரி 1:27-29 1கொரி 3:19
6	உங்கள் கீழ்ப்படிதல் நிறைவேறும்போது, எல்லாக் கீழ்ப்படியாமைக்குந்தக்க நீதியுள்ள தண்டனையைச் செலுத்த ஆயத்தமாயுமிருக்கிறோம்.	2கொரி 13:2 2கொரி 13:10 எண் 16:26-30 அப் 5:3-11 அப் 13:10 அப் 13:11 1கொரி 4:21 1கொரி 5:3-5 1தீமோ 1:20 3யோவா 1:10
7	வெளித்தோற்றத்தின்படி பார்க்கிறீர்களா? ஒருவன் தன்னைக் கிறிஸ்துவுக்குரியவனென்று நம்பினால், தான் கிறிஸ்துவுக்குரியவனாயிருக்கிறதுபோல நாங்களும் கிறிஸ்துவுக்குரியவர்களென்று அவன் தன்னிலேதானே சிந்திக்கக்கடவன்.	2கொரி 10:1 2கொரி 5:12 1சாமு 16:7 மத் 23:5 லூக் 16:15 யோவா 7:24 ரோம 2:28 ரோம 2:29
8	மேலும், உங்களை நிர்மூலமாக்குகிறதற்கல்ல, உங்களை ஊன்றக் கட்டுகிறதற்குக் கர்த்தர் எங்களுக்குக் கொடுத்த அதிகாரத்தைக்குறித்து, நான் இன்னும் சற்றே அதிகமாய் மேன்மைபாராட்டினாலும் நான் வெட்கப்படுவதில்லை.	2கொரி 1:24 2கொரி 13:2 2கொரி 13:3 2கொரி 13:8 2கொரி 13:10 கலா 1:1
9	நான் நிருபங்களாலே உங்களைப் பயமுறுத்துகிறவனாய்த் தோன்றாதபடிக்கு இதைச் சொல்லுகிறேன்.	2கொரி 10:10 1கொரி 4:5 1கொரி 4:19-21
10	அவனுடைய நிருபங்கள் பாரயோசனையும் பலமுமுள்ளவைகள்; சரீரத்தின் தோற்றமோ பலவீனமும், வசனம் அற்பமுமாயிருக்கிறதென்கிறார்களே.	2கொரி 10:1 2கொரி 12:5-9 1கொரி 2:3 1கொரி 2:4 கலா 4:13 கலா 4:14
11	அப்படிச் சொல்லுகிறவன், நாங்கள் தூரத்திலிருக்கும்போது எழுதுகிற நிருபங்களால் வசனத்தில் எப்படிப்பட்டவர்களாயிருக்கிறோமோ அப்படிப்பட்டவர்களாகவே சமீபத்திலிருக்கும்போதும் கிரியையிலும் இருப்போம் என்று சிந்திக்கக்கடவன்.	2கொரி 12:20 2கொரி 13:2 2கொரி 13:3 2கொரி 13:10 1கொரி 4:19 1கொரி 4:20
12	ஆகிலும் தங்களைத்தாங்களே மெச்சிக்கொள்ளுகிற சிலருக்கு நாங்கள் எங்களைச் சரியாக்கவும் ஒப்பிடவும் துணியமாட்டோம்; தங்களைக்கொண்டு தங்களை அளந்துகொண்டு, தங்களுக்கே தங்களை ஒப்பிட்டுக்கொள்ளுகிற அவர்கள் புத்திமான்களல்ல.	2கொரி 3:1 2கொரி 5:12 யோபு 12:2 நீதி 25:27 நீதி 27:2 லூக் 18:11 ரோம 15:18
13	நாங்கள் அளவுக்கு மிஞ்சி மேன்மைபாராட்டாமல், உங்களிடம்வரைக்கும் வந்தெட்டத்தக்கதாக, தேவன் எங்களுக்கு அளந்து பகிர்ந்த அளவுப்பிரமாணத்தின்படியே மேன்மைபாராட்டுகிறோம்.	2கொரி 10:15 நீதி 25:14
14	உங்களிடத்தில் வந்தெட்டாதவர்களாய் நாங்கள் அளவுக்கு மிஞ்சிப்போகிறதில்லை; நாங்கள் கிறிஸ்துவின் சுவிசேஷத்தைப் பிரசங்கித்து உங்களிடம் வரைக்கும் வந்தோமே.	2கொரி 3:1-3 ரோம 15:18 ரோம 15:19 1கொரி 2:10 1கொரி 3:5 1கொரி 3:10 1கொரி 4:15 1கொரி 9:1 1கொரி 9:2
15	எங்கள் அளவைக் கடந்து மற்றவர்களுடைய வேலைக்குட்பட்டு மேன்மைபாராட்டமாட்டோம்.	2கொரி 10:13 ரோம 15:20
16	ஆகிலும் உங்கள் விசுவாசம் விருத்தியாகும்போது, மற்றவர்களுடைய எல்லைகளுக்குள்ளே செய்யப்பட்டவைகளை நாங்கள் செய்ததாக மேன்மைபாராட்டாமல், உங்களுக்கு அப்புறமான இடங்களில் சுவிசேஷத்தைப் பிரசங்கிக்கத்தக்கதாக, எங்கள் அளவின்படி உங்களால் மிகவும் பெருகி விருத்தியடைவோமென்று நம்பிக்கையாயிருக்கிறோம்.	ரோம 15:24-28
17	மேன்மைபாராட்டுகிறவன் கர்த்தரைக்குறித்தே மேன்மைபாராட்டக்கடவன்.	சங் 105:3 சங் 106:5 ஏசா 41:16 ஏசா 45:25 ஏசா 65:16 எரே 4:2 எரே 9:23 எரே 9:24 ரோம 5:11 1கொரி 1:29 1கொரி 1:31 கலா 6:13 கலா 6:14 பிலிப் 3:3 யாக் 1:9 யாக் 1:10
18	தன்னைத்தான் புகழுகிறவன் உத்தமனல்ல, கர்த்தரால் புகழப்படுகிறவனே உத்தமன்.	2கொரி 10:12 2கொரி 3:1 2கொரி 5:12 நீதி 21:2 நீதி 27:2 லூக் 16:15 லூக் 18:10-14