1	சவுல் என்பவன் இன்னும் கர்த்தருடைய சீஷரைப் பயமுறுத்திக் கொலைசெய்யும்படி சீறிப் பிரதான ஆசாரியரிடத்திற்குப் போய்;	அப் 9:11-13 அப் 9:19-21 அப் 7:58 அப் 8:3 அப் 22:3 அப் 22:4 அப் 26:9-11 1கொரி 15:9 கலா 1:13 பிலிப் 3:6 1தீமோ 1:13
2	இந்த மார்க்கத்தாராகிய புருஷரையாகிலும் ஸ்திரீகளையாகிலும் தான் கண்டுபிடித்தால், அவர்களைக் கட்டி எருசலேமுக்குக் கொண்டுவரும்படி, தமஸ்குவிலுள்ள ஜெபஆலயங்களுக்கு நிருபங்களைக் கேட்டு வாங்கினான்.	அப் 9:14 அப் 7:19 அப் 22:5 அப் 26:12 எஸ்தர் 3:8-13 சங் 82:2-4
3	அவன் பிரயாணமாய்ப் போய், தமஸ்குவுக்குச் சமீபித்தபோது, சடிதியிலே வானத்திலிருந்து ஒரு ஒளி அவனைச் சுற்றிப் பிரகாசித்தது;	அப் 9:17 அப் 22:6 அப் 26:12 அப் 26:13 1கொரி 15:8
4	அவன் தரையிலே விழுந்தான். அப்பொழுது: சவுலே, சவுலே, நீ என்னை ஏன் துன்பப்படுத்துகிறாய் என்று தன்னுடனே சொல்லுகிற ஒரு சத்தத்தைக் கேட்டான்.	அப் 5:10 எண் 16:45 யோவா 18:6 ரோம 11:22 1கொரி 4:7
5	அதற்கு அவன்: ஆண்டவரே, நீர் யார், என்றான். அதற்குக் கர்த்தர்: நீ துன்பப்படுத்துகிற இயேசு நானே; முள்ளில் உதைக்கிறது உனக்குக் கடினமாம் என்றார்.	1சாமு 3:4-10 1தீமோ 1:13
6	அவன் நடுங்கித் திகைத்து: ஆண்டவரே, நான் என்ன செய்யச் சித்தமாயிருக்கிறீர் என்றான். அதற்குக் கர்த்தர்: நீ எழுந்து, பட்டணத்துக்குள்ளே போ, நீ செய்யவேண்டியது அங்கே உனக்குச் சொல்லப்படும் என்றார்.	அப் 16:29 அப் 24:25 அப் 24:26 1சாமு 28:5 ஏசா 66:2 ஆபகூ 3:16 பிலிப் 2:12
7	அவனுடனேகூடப் பிரயாணம்பண்ணின மனுஷர்கள் சத்தத்தைக் கேட்டும் ஒருவரையும் காணாமல் பிரமித்து நின்றார்கள்.	அப் 22:9 அப் 26:13 அப் 26:14 தானி 10:7 மத் 24:40 மத் 24:41
8	சவுல் தரையிலிருந்தெழுந்து, தன் கண்களைத் திறந்தபோது ஒருவரையும் காணவில்லை. அப்பொழுது கைலாகு கொடுத்து, அவனைத் தமஸ்குவுக்குக் கூட்டிக்கொண்டுபோனார்கள்.	அப் 9:18 அப் 13:11 அப் 22:11 ஆதி 19:11 யாத் 4:11 2இரா 6:17-20
9	அவன் மூன்று நாள் பார்வையில்லாதவனாய்ப் புசியாமலும் குடியாமலும் இருந்தான்.	அப் 9:11 அப் 9:12 2நாளா 33:12 2நாளா 33:13 2நாளா 33:18 2நாளா 33:19 எஸ்தர் 4:16 யோனா 3:6-8
10	தமஸ்குவிலே அனனியா என்னும் பேருள்ள ஒரு சீஷன் இருந்தான். அவனுக்குக் கர்த்தர் தரிசனமாகி: அனனியாவே, என்றார். அவன்: ஆண்டவரே, இதோ, அடியேன் என்றான்.	அப் 22:12
11	அப்பொழுது கர்த்தர்: நீ எழுந்து நேர்த்தெருவு என்னப்பட்ட தெருவுக்குப்போய், யூதாவின் வீட்டிலே தர்சுபட்டணத்தானாகிய சவுல் என்னும் பேருள்ள ஒருவனைத் தேடு; அவன் இப்பொழுது ஜெபம்பண்ணுகிறான்;	அப் 8:26 அப் 10:5 அப் 10:6 அப் 11:13
12	அனனியா என்னும் பேருள்ள ஒரு மனுஷன் தன்னிடத்தில் வரவும், தான் பார்வையடையும்படி தன்மேல் கைவைக்கவும் தரிசனங்கண்டான் என்றார்.	அப் 9:10 அப் 9:17 அப் 9:18
13	அதற்கு அனனியா: ஆண்டவரே, இந்த மனுஷன் எருசலேமிலுள்ள உம்முடைய பரிசுத்தவான்களுக்கு எத்தனையோ பொல்லாங்குகளைச் செய்தானென்று அவனைக்குறித்து அநேகரால் கேள்விப்பட்டிருக்கிறேன்.	யாத் 4:13-19 1சாமு 16:2 1இரா 18:9-14 எரே 20:9 எரே 20:10 எசே 3:14 யோனா 1:2 யோனா 1:3 மத் 10:16
14	இங்கேயும் உம்முடைய நாமத்தைத் தொழுதுகொள்ளுகிற யாவரையுங்கட்டும்படி அவன் பிரதான ஆசாரியர்களால் அதிகாரம் பெற்றிருக்கிறானே என்றான்.	அப் 9:2 அப் 9:3
15	அதற்குக் கர்த்தர்: நீ போ; அவன் புறஜாதிகளுக்கும், ராஜாக்களுக்கும், இஸ்ரவேல் புத்திரருக்கும் என்னுடைய நாமத்தை அறிவிக்கிறதற்காக நான் தெரிந்துகொண்ட பாத்திரமாயிருக்கிறான்.	யாத் 4:12-14 எரே 1:7 யோனா 3:1 யோனா 3:2
16	அவன் என்னுடைய நாமத்தினிமித்தம் எவ்வளவாய்ப் பாடுபடவேண்டுமென்பதை நான் அவனுக்குக் காண்பிப்பேன் என்றார்.	அப் 20:22 அப் 20:23 அப் 21:11 ஏசா 33:1 மத் 10:21-25 யோவா 15:20 யோவா 16:1-4 1கொரி 4:9-13 2கொரி 11:23-27 2தீமோ 1:12 2தீமோ 2:9 2தீமோ 2:10 2தீமோ 3:11
17	அப்பொழுது அனனியா போய், வீட்டுக்குள் பிரவேசித்து, அவன்மேல் கையை வைத்து: சகோதரனாகிய சவுலே, நீ வந்த வழியிலே உனக்குத் தரிசனமான இயேசுவாகிய கர்த்தர், நீ பார்வையடையும்படிக்கும் பரிசுத்த ஆவியினாலே நிரப்பப்படும்படிக்கும் என்னை அனுப்பினார் என்றான்.	அப் 22:12 அப் 22:13
18	உடனே அவன் கண்களிலிருந்து மீன் செதிள்கள் போன்றவைகள் விழுந்தது. அவன் பார்வையடைந்து, எழுந்திருந்து, ஞானஸ்நானம் பெற்றான்.	2கொரி 3:14 2கொரி 4:6
19	பின்பு அவன் போஜனம்பண்ணிப் பலப்பட்டான். சவுல் தமஸ்குவிலுள்ள சீஷருடனே சிலநாள் இருந்து,	அப் 27:33-36 1சாமு 30:12 பிரச 9:7
20	தாமதமின்றி, கிறிஸ்து தேவனுடைய குமாரனென்று ஆலயங்களிலே பிரசங்கித்தான்.	அப் 9:27 அப் 9:28 கலா 1:23 கலா 1:24
21	கேட்டவர்களெல்லாரும் ஆச்சரியப்பட்டு: எருசலேமில் இந்த நாமத்தைத் தொழுது கொள்ளுகிறவர்களை நாசமாக்கி, இங்கேயும் அப்படிப்பட்டவர்களைக் கட்டிப் பிரதான ஆசாரியர்களிடத்திற்குக் கொண்டுபோகும்படி வந்தவன் இவனல்லவா என்றார்கள்.	அப் 2:6 அப் 2:12 அப் 4:13 எண் 23:23 சங் 71:7 ஏசா 8:18 சகரி 3:8 2தெச 1:10 1யோவா 3:1
22	சவுல் அதிகமாகத் திடன்கொண்டு, இவரே கிறிஸ்துவென்று திருஷ்டாந்தப்படுத்தி, தமஸ்குவில் குடியிருக்கிற யூதர்களைக் கலங்கப்பண்ணினான்.	ஆதி 49:24 யோபு 17:9 சங் 84:7 ஏசா 40:29 2கொரி 12:9 2கொரி 12:10 பிலிப் 4:13
23	அநேகநாள் சென்றபின்பு, யூதர்கள் அவனைக் கொலைசெய்யும்படி ஆலோசனைபண்ணினார்கள்.	அப் 9:16 அப் 13:50 அப் 14:2 அப் 14:19 அப் 22:21-23 யோசு 10:1-6 மத் 10:16-23 2கொரி 11:26 1தெச 2:15 1தெச 2:16
24	அவர்களுடைய யோசனை சவுலுக்குத் தெரியவந்தது. அவனைக் கொலைசெய்யும்படி அவர்கள் இரவும் பகலும் கோட்டைவாசல்களைக் காத்துக்கொண்டிருந்தார்கள்.	அப் 9:29 அப் 9:30 அப் 14:5 அப் 14:6 அப் 17:10-15 அப் 23:12-21 அப் 25:3 அப் 25:11 நியா 16:2 நியா 16:3 2கொரி 11:32
25	சீஷர்கள் இராத்திரியிலே அவனைக் கூட்டிக்கொண்டுபோய், ஒரு கூடையிலே வைத்து, மதில்வழியாய் இறக்கிவிட்டார்கள்.	யோசு 2:15 1சாமு 19:11 1சாமு 19:12 2கொரி 11:33
26	சவுல் எருசலேமுக்கு வந்து, சீஷருடனே சேர்ந்துகொள்ளப்பார்த்தான்; அவர்கள் அவனைச் சீஷனென்று நம்பாமல் எல்லாரும் அவனுக்குப் பயந்திருந்தார்கள்.	அப் 22:17 அப் 26:20 கலா 1:17-19
27	அப்பொழுது பர்னபா என்பவன் அவனைச் சேர்த்துக்கொண்டு, அப்போஸ்தலரிடத்தில் அழைத்துக்கொண்டுபோய், வழியிலே அவன் கர்த்தரைக் கண்டவிதத்தையும், அவர் அவனுடனே பேசினதையும், தமஸ்குவில் அவன் இயேசுவின் நாமத்தினாலே தைரியமாய்ப் பிரசங்கித்ததையும் அவர்களுக்கு விவரித்துச் சொன்னான்.	அப் 4:36 அப் 11:22 அப் 11:25 அப் 12:25 அப் 13:2 அப் 15:2 அப் 15:25 அப் 15:26 அப் 15:35-39 1கொரி 9:6 கலா 2:9 கலா 2:13
28	அதன்பின்பு அவன் எருசலேமிலே அவர்களிடத்தில் போக்கும் வரத்துமாயிருந்து;	அப் 1:21 எண் 27:16 எண் 27:17 2சாமு 5:2 1இரா 3:7 சங் 121:8 யோவா 10:9 கலா 1:18
29	கர்த்தராகிய இயேசுவின் நாமத்தினாலே தைரியமாய்ப் பிரசங்கித்து, கிரேக்கருடனே பேசித் தர்க்கித்தான்; அவர்களோ அவனைக் கொலைசெய்ய எத்தனம்பண்ணினார்கள்.	அப் 9:20-22 அப் 9:27-22
30	சகோதரர் அதை அறிந்து, அவனைச் செசரியாவுக்கு அழைத்துக்கொண்டுபோய், தர்சுவுக்கு அனுப்பிவிட்டார்கள்.	அப் 9:24 அப் 9:25 அப் 17:10 அப் 17:15 மத் 10:23
31	அப்பொழுது யூதேயா கலிலேயா சமாரியா நாடுகளிலெங்கும் சபைகள் சமாதானம் பெற்று, பக்திவிருத்தியடைந்து, கர்த்தருக்குப் பயப்படுகிற பயத்தோடும், பரிசுத்த ஆவியின் ஆறுதலோடும் நடந்து பெருகின.	அப் 8:1 உபா 12:10 யோசு 21:44 நியா 3:30 1நாளா 22:9 1நாளா 22:18 சங் 94:13 நீதி 16:7 ஏசா 11:10 சகரி 9:1 எபிரெ 4:9
32	பேதுரு போய் எல்லாரையும் சந்தித்துவருகையில், அவன் லித்தா ஊரிலே குடியிருக்கிற பரிசுத்தவான்களிடத்திற்கும் போனான்.	அப் 1:8 அப் 8:14 அப் 8:25 கலா 2:7-9
33	அங்கே எட்டு வருஷமாய்க் கட்டிலின்மேல் திமிர்வாதமுள்ளவனாய்க்கிடந்த ஐனேயா என்னும் பேருள்ள ஒரு மனுஷனைக் கண்டான்.	அப் 3:2 அப் 4:22 அப் 14:8 மாற் 5:25 மாற் 9:21 லூக் 13:16 யோவா 5:5 யோவா 9:1 யோவா 9:21
34	பேதுரு அவனைப் பார்த்து: ஐனேயாவே, இயேசுகிறிஸ்து உன்னைக் குணமாக்குகிறார்; நீ எழுந்து, உன் படுக்கையை நீயே போட்டுக்கொள் என்றான். உடனே அவன் எழுந்திருந்தான்.	அப் 3:6 அப் 3:12 அப் 3:16 அப் 4:10 அப் 16:18 மத் 8:3 மத் 9:6 மத் 9:28-30 யோவா 2:11
35	லித்தாவிலும் சாரோனிலும் குடியிருந்தவர்களெல்லாரும் அவனைக் கண்டு, கர்த்தரிடத்தில் திரும்பினார்கள்.	அப் 4:4 அப் 5:12-14 அப் 6:7 அப் 19:10 அப் 19:20 சங் 110:3 ஏசா 66:8
36	யோப்பா பட்டணத்தில் கிரேக்குப் பாஷையிலே தொற்காள் என்று அர்த்தங்கொள்ளும் தபீத்தாள் என்னும் பேருடைய ஒரு சீஷி இருந்தாள்; அவள் நற்கிரியைகளையும் தருமங்களையும் மிகுதியாய்ச் செய்துகொண்டுவந்தாள்.	அப் 10:5 2நாளா 2:16 எஸ்றா 3:7 யோனா 1:3
37	அந்நாட்களில் அவள் வியாதிப்பட்டு மரணமடைந்தாள். அவளைக் குளிப்பாட்டி, மேல்வீட்டிலே கிடத்திவைத்தார்கள்.	யோவா 11:3 யோவா 11:4 யோவா 11:36 யோவா 11:37
38	யோப்பா பட்டணம் லித்தா ஊருக்குச் சமீபமானபடியினாலே, பேதுரு அவ்விடத்தில் இருக்கிறானென்று சீஷர்கள் கேள்விப்பட்டு, தாமதமில்லாமல் தங்களிடத்தில் வரவேண்டுமென்று சொல்லும்படி இரண்டு மனுஷரை அவனிடத்திற்கு அனுப்பினார்கள்.	அப் 9:32 அப் 9:36
39	பேதுரு எழுந்து, அவர்களுடனே கூடப்போனான். அவன் போய்ச் சேர்ந்தபொழுது, அவர்கள் அவனை மேல்வீட்டுக்கு அழைத்துக்கொண்டுபோனார்கள். அப்பொழுது விதவைகளெல்லாரும் அழுது, தொற்காள் தங்களுடனேகூட இருக்கையில் செய்திருந்த அங்கிகளையும் வஸ்திரங்களையும் காண்பித்து, அவனைச் சூழ்ந்துநின்றார்கள்.	அப் 9:41 அப் 8:2 2சாமு 1:24 நீதி 10:7 1தெச 4:13
40	பேதுரு எல்லாரையும் வெளியே போகச்செய்து, முழங்காற்படியிட்டு ஜெபம்பண்ணி, பிரேதத்தின் புறமாய்த் திரும்பி: தபீத்தாளே, எழுந்திரு என்றான். அப்பொழுது அவள் தன் கண்களைத் திறந்து, பேதுருவைப் பார்த்து உட்கார்ந்தாள்.	மாற் 5:40 மாற் 9:25 லூக் 8:54
41	அவன் அவளுக்குக் கைகொடுத்து, அவளை எழுந்திருக்கப்பண்ணி, பரிசுத்தவான்களையும் விதவைகளையும் அழைத்து, அவளை உயிருள்ளவளாக அவர்களுக்கு முன் நிறுத்தினான்.	அப் 3:7 மாற் 1:31
42	இது யோப்பா பட்டணம் எங்கும் தெரியவந்தது. அப்பொழுது அநேகர் கர்த்தரிடத்தில் விசுவாசமுள்ளவர்களானார்கள்.	அப் 9:35 அப் 11:21 அப் 19:17 அப் 19:18 யோவா 11:4 யோவா 11:45 யோவா 12:11 யோவா 12:44
43	பின்பு அவன் யோப்பா பட்டணத்திலே தோல் பதனிடுகிறவனாகிய சீமோன் என்னும் ஒருவனிடத்தில் அநேகநாள் தங்கியிருந்தான்.	அப் 10:6 அப் 10:32