1	இத்தாலியா பட்டாளம் என்னப்பட்ட பட்டாளத்திலே நூற்றுக்கு அதிபதியாகிய கொர்நேலியு என்னும் பேர்கொண்ட ஒரு மனுஷன் செசரியா பட்டணத்திலே இருந்தான்.	அப் 8:40 அப் 21:8 அப் 23:23 அப் 23:33 அப் 25:1 அப் 25:13
2	அவன் தேவபக்தியுள்ளவனும் தன் வீட்டாரனைவரோடும் தேவனுக்குப் பயந்தவனுமாயிருந்து, ஜனங்களுக்கு மிகுந்த தருமங்களைச் செய்து, எப்பொழுதும் தேவனை நோக்கி ஜெபம் பண்ணிக்கொண்டிருந்தான்.	அப் 10:7 அப் 10:22 அப் 2:5 அப் 8:2 அப் 13:50 அப் 16:14 அப் 22:12 லூக் 2:25
3	பகலில் ஏறக்குறைய ஒன்பதாம்மணி நேரத்திலே தேவனுடைய தூதன் தன்னிடத்தில் வரவும், கொர்நேலியுவே, என்று அழைக்கவும் பிரத்தியட்சமாய்த் தரிசனங்கண்டு,	யோபு 4:15 யோபு 4:16 தானி 9:20 தானி 9:21
4	அவனை உற்றுப்பார்த்து, பயந்து: ஆண்டவரே, என்ன என்றான். அப்பொழுது அவன்: உன் ஜெபங்களும் உன் தருமங்களும் தேவனுக்கு நினைப்பூட்டுதலாக அவர் சந்நிதியில் வந்தெட்டியிருக்கிறது.	தானி 10:11 லூக் 1:12 லூக் 1:29 லூக் 24:5
5	இப்பொழுது நீ யோப்பா பட்டணத்துக்கு மனுஷரை அனுப்பி, பேதுரு என்று மறுபேர்கொண்ட சீமோனை அழைப்பி.	அப் 10:32 அப் 9:38 அப் 15:7 அப் 16:9
6	அவன் தோல் பதனிடுகிறவனாகிய சீமோன் என்னும் ஒருவனிடத்தில் தங்கியிருக்கிறான்; அவனுடைய வீடு கடலோரத்திலிருக்கிறது. நீ செய்யவேண்டியதை அவன் உனக்குச் சொல்லுவான் என்றான்.	அப் 9:43
7	கொர்நேலியு தன்னுடனே பேசின தேவதூதன் போனபின்பு, தன் வீட்டு மனுஷரில் இரண்டுபேரையும் தன்னிடத்தில் சேவிக்கிற போர்ச்சேவகரில் தேவபக்தியுள்ள ஒருவனையும் அழைத்து,	அப் 10:2 ஆதி 24:1-10 ஆதி 24:52-10 நியா 7:10 1சாமு 14:6 1சாமு 14:7 1தீமோ 6:2 பிலேமோ 1:16
8	எல்லாவற்றையும் அவர்களுக்கு விவரித்துச் சொல்லி, அவர்களை யோப்பா பட்டணத்துக்கு அனுப்பினான்.	அப் 10:33 அப் 26:19 சங் 119:59 சங் 119:60 பிரச 9:10 கலா 1:16
9	மறுநாளிலே அவர்கள் பிரயாணப்பட்டு, அந்தப் பட்டணத்துக்குச் சமீபித்துவருகையில், பேதுரு ஆறாம்மணி நேரத்திலே ஜெபம்பண்ணும்படி மேல் வீட்டில் ஏறினான்.	அப் 10:8 அப் 11:5-10 1சாமு 9:25 செப் 1:5 மத் 6:6 மாற் 1:35 மாற் 6:46 1தீமோ 2:8
10	அவன் மிகுந்த பசியடைந்து சாப்பிட மனதாயிருந்தான்; அதற்கு அவர்கள் ஆயத்தம்பண்ணுகையில், அவன் ஞானதிருஷ்டியடைந்து,	மத் 4:2 மத் 12:1-3 மத் 21:18
11	வானம் திறந்திருக்கிறதாகவும், நாலுமுனைகளும் கட்டப்பட்ட பெரிய துப்பட்டியைப்போல ஒருவிதமான கூடு தன்னிடத்தில் இறங்கித் தரையில் விடப்பட்டிருக்கிறதாகவும்,	அப் 7:56 எசே 1:1 லூக் 3:21 யோவா 1:51 வெளிப் 4:1 வெளிப் 11:19 வெளிப் 19:11
12	அதிலே பூமியிலுள்ள சகலவிதமான நாலுகால் ஜீவன்களும், காட்டுமிருகங்களும், ஊரும் பிராணிகளும், ஆகாயத்துப் பறவைகளும் இருக்கிறதாகவும் கண்டான்.	ஆதி 7:8 ஆதி 7:9 ஏசா 11:6-9 ஏசா 65:25 யோவா 7:37 1கொரி 6:9-11
13	அல்லாமலும்: பேதுருவே, எழுந்திரு, அடித்துப் புசி என்று அவனுக்குச் சொல்லும் ஒரு சத்தம் உண்டாயிற்று.	அப் 10:10 எரே 35:2-5 யோவா 4:31-34
14	அதற்குப் பேதுரு: அப்படியல்ல, ஆண்டவரே, தீட்டும் அசுத்தமுமாயிருக்கிற யாதொன்றையும் நான் ஒருக்காலும் புசித்ததில்லை என்றான்.	ஆதி 19:18 யாத் 10:11 மத் 16:22 மத் 25:9 லூக் 1:60
15	அப்பொழுது: தேவன் சுத்தமாக்கினவைகளை நீ தீட்டாக எண்ணாதே என்று இரண்டாந்தரமும் சத்தம் அவனுக்கு உண்டாயிற்று.	அப் 10:28 அப் 11:9 அப் 15:9 அப் 15:20 அப் 15:29 மத் 15:11 வெளிப் 14:14-17 வெளிப் 14:20-17 1கொரி 10:25 கலா 2:12 கலா 2:13 1தீமோ 4:3-5 தீத் 1:15 எபிரெ 9:9 எபிரெ 9:10
16	மூன்றாந்தரமும் அப்படியே உண்டாயிற்று. பின்பு அந்தக் கூடு திரும்ப வானத்துக்கு எடுத்துக்கொள்ளப்பட்டது.	ஆதி 41:32 யோவா 21:17 2கொரி 13:1
17	அப்பொழுது பேதுரு, தான் கண்ட தரிசனத்தைக்குறித்துத் தனக்குள்ளே சந்தேகப்படுகையில், இதோ, கொர்நேலியுவினால் அனுப்பப்பட்ட மனுஷர்கள் சீமோனுடைய வீட்டை விசாரித்துக்கொண்டு வாசற்படியிலே வந்து நின்று:	அப் 10:19 அப் 2:12 அப் 5:24 அப் 25:20 யோவா 13:12 1பேது 1:11
18	பேதுரு என்று மறுபேர்கொண்ட சீமோன் இங்கே தங்கியிருக்கிறாரா என்று கேட்டார்கள்.	அப் 10:5 அப் 10:6 அப் 11:11
19	பேதுரு அந்தத் தரிசனத்தைக்குறித்துச் சிந்தனைபண்ணிக்கொண்டிருக்கையில், ஆவியானவர்: இதோ, மூன்று மனுஷர் உன்னைத் தேடுகிறார்கள்.	அப் 8:29 அப் 11:12 அப் 13:2 அப் 16:6 அப் 16:7 அப் 21:4 யோவா 16:13 1கொரி 12:11 1தீமோ 4:1
20	நீ எழுந்து, இறங்கி, ஒன்றுக்கும் சந்தேகப்படாமல், அவர்களுடனே கூடப்போ; நானே அவர்களை அனுப்பினேன் என்று அவனுக்குச் சொன்னார்.	அப் 8:26 அப் 9:15 அப் 15:7 மாற் 16:15
21	அப்பொழுது பேதுரு கொர்நேலியுவினால் தன்னிடத்தில் அனுப்பப்பட்ட மனுஷரிடத்திற்கு இறங்கிப்போய்: இதோ, நீங்கள் தேடுகிறவன் நான்தான், நீங்கள் வந்திருக்கிற காரியம் என்ன என்றான்.	யோவா 1:38 யோவா 1:39 யோவா 18:4-8
22	அதற்கு அவர்கள்: நீதிமானும், தேவனுக்குப் பயப்படுகிறவரும், யூதஜனங்களெல்லாராலும் நல்லவரென்று சாட்சி பெற்றவருமாகிய கொர்நேலியு என்னும் நூற்றுக்கு அதிபதி உம்மைத் தம்முடைய வீட்டுக்கு அழைப்பித்து, உம்மால் சொல்லப்படும் வார்த்தைகளைக் கேட்கும்படி பரிசுத்த தூதனாலே தேவயத்தனமாய்க் கட்டளைப்பெற்றார் என்றார்கள்.	அப் 24:15 ஓசி 14:9 ஆபகூ 2:4 மத் 1:19 மாற் 6:20 லூக் 2:25 லூக் 23:50 ரோம 1:17 எபிரெ 10:38 எபிரெ 12:23
23	அப்பொழுது பேதுரு அவர்களை உள்ளே அழைத்து, அவர்களுக்கு உபசாரஞ்செய்து, மறுநாளிலே அவர்களுடனே கூடப் புறப்பட்டான்; யோப்பா பட்டணத்தாராகிய சகோதரரில் சிலரும் அவனுடனேகூடப் போனார்கள்.	ஆதி 19:2 ஆதி 19:3 ஆதி 24:31 ஆதி 24:32 நியா 19:19-21 எபிரெ 13:2 1பேது 4:9
24	மறுநாளிலே செசரியா பட்டணத்தில் பிரவேசித்தார்கள். கொர்நேலியு தன் உறவின் முறையாரையும் தன்னுடைய விசேஷித்த சிநேகிதரையும் கூடவரவழைத்து, அவர்களுக்காகக் காத்திருந்தான்.	ஏசா 2:3 மீகா 4:2 சகரி 3:10 சகரி 8:20-23 மத் 9:9 மத் 9:10 மாற் 5:19 மாற் 5:20 லூக் 5:29 யோவா 1:41-49 யோவா 4:28 யோவா 4:29 யோவா 1:1-3
25	பேதுரு உள்ளே பிரவேசிக்கிறபொழுது, கொர்நேலியு அவனுக்கு எதிர்கொண்டுபோய், அவன் பாதத்தில் விழுந்து, பணிந்துகொண்டான்.	அப் 14:11-13 தானி 2:30 தானி 2:46 மத் 8:2 மத் 14:33 வெளிப் 19:10 வெளிப் 22:8 வெளிப் 22:9
26	பேதுரு அவனைத் தூக்கியெடுத்து: எழுந்திரும், நானும் ஒரு மனுஷன்தான் என்றான்.	அப் 14:14 அப் 14:15 ஏசா 42:8 ஏசா 48:13 மத் 4:10 2தெச 2:3 2தெச 2:4 வெளிப் 13:8 வெளிப் 19:10 வெளிப் 22:9
27	அவனுடனே பேசிக்கொண்டு, உள்ளேபோய், அநேகர் கூடிவந்திருக்கிறதைக் கண்டு,	அப் 10:24 அப் 14:27 யோவா 4:35 1கொரி 16:9 2கொரி 2:12 கொலோ 4:3
28	அவர்களை நோக்கி: அந்நிய ஜாதியானோடே கலந்து அவனிடத்தில் போக்குவரவாயிருப்பது யூதனானவனுக்கு விலக்கப்பட்டிருக்கிறதென்று நீங்கள் அறிந்திருக்கிறீர்கள்; அப்படியிருந்தும், எந்த மனுஷனையும் தீட்டுள்ளவனென்றும் அசுத்தனென்றும் நான் சொல்லாதபடிக்கு தேவன் எனக்குக் காண்பித்திருக்கிறார்.	அப் 11:2 அப் 11:3 அப் 22:21 அப் 22:22 யோவா 4:9 யோவா 4:27 யோவா 18:28 கலா 2:12-14
29	ஆகையால் நீங்கள் என்னை அழைப்பித்தபோது நான் எதிர்பேசாமல் வந்தேன். இப்போதும் என்ன காரியத்துக்காக என்னை அழைப்பித்தீர்கள் என்று கேட்கிறேன் என்றான்.	அப் 10:19 அப் 10:20 சங் 119:60 1பேது 3:15
30	அதற்குக் கொர்நேலியு: நாலு நாளைக்கு முன்னே இந்நேரத்திலே நான் உபவாசித்து, ஒன்பதாம்மணி நேரத்தில் என் வீட்டிலே ஜெபம்பண்ணிக்கொண்டிருந்தேன்; அப்பொழுது பிரகாசமுள்ள வஸ்திரந்தரித்த மனுஷன் ஒருவன் எனக்கு முன்பாக நின்று:	அப் 10:7-9 அப் 10:23-9 அப் 10:24-9
31	கொர்நேலியுவே, உன் ஜெபம் கேட்கப்பட்டது, உன் தானதருமங்கள் தேவசந்நிதியில் நினைத்தருளப்பட்டது.	ஏசா 38:5 தானி 9:23 தானி 10:12 லூக் 1:13
32	யோப்பா பட்டணத்துக்கு ஆள் அனுப்பி, பேதுரு என்று மறுபேர் கொண்ட சீமோனை வரவழைப்பாயாக, அவன் கடலோரத்திலே தோல்பதனிடுகிறவனாகிய சீமோனுடைய வீட்டிலே தங்கியிருக்கிறான்; அவன் வந்து உன்னிடத்தில் பேசுவான் என்றார்.
33	அந்தப்படியே நான் உடனே உம்மிடத்திற்கு ஆள் அனுப்பினேன்; நீர் வந்தது நல்ல காரியம்; தேவனாலே உமக்குக் கட்டளையிடப்பட்ட யாவையும் கேட்கும்படிக்கு நாங்கள் எல்லாரும் இப்பொழுது இங்கே தேவசமுகத்தில் கூடியிருக்கிறோம் என்றான்.	அப் 17:11 அப் 17:12 அப் 28:28 உபா 5:25-29 2நாளா 30:12 நீதி 1:5 நீதி 9:9 நீதி 9:10 நீதி 18:15 நீதி 25:12 மத் 18:4 மத் 19:30 மாற் 10:15 1கொரி 3:18 கலா 4:14 1தெச 2:13 யாக் 1:19 யாக் 1:21 1பேது 2:1 1பேது 2:2
34	அப்பொழுது பேதுரு பேசத்தொடங்கி: தேவன் பட்சபாதமுள்ளவரல்ல என்றும்,	அப் 8:35 மத் 5:2 எபே 6:19 எபே 6:20
35	எந்த ஜனத்திலாயினும் அவருக்குப் பயந்திருந்து நீதியைச் செய்கிறவன் எவனோ அவனே அவருக்கு உகந்தவன் என்றும் நிச்சயமாய் அறிந்திருக்கிறேன்.	அப் 15:9 ஏசா 56:3-8 ரோம 2:13 ரோம 2:25-29 ரோம 3:22 ரோம 3:29 ரோம 3:30 ரோம 10:12 ரோம 10:13 1கொரி 12:13 கலா 3:28 எபே 2:13-18 எபே 3:6-8 பிலிப் 3:3 கொலோ 1:6 கொலோ 1:23-27 கொலோ 3:11
36	எல்லாருக்கும் கர்த்தராயிருக்கிற இயேசுகிறிஸ்துவைக்கொண்டு அவர் சமாதானத்தைச் சுவிசேஷமாய்க் கூறி, இஸ்ரவேல் புத்திரருக்கு அனுப்பின வார்த்தையை அறிந்திருக்கிறீர்களே.	அப் 2:38 அப் 2:39 அப் 3:25 அப் 3:26 அப் 11:19 அப் 13:46 மத் 10:6 லூக் 24:47
37	யோவான் ஞானஸ்நானத்தைக்குறித்துப் பிரசங்கித்தபின்பு, கலிலேயா நாடு முதற்கொண்டு யூதேயா தேசமெங்கும் நடந்த சங்கதி இதுவே.	அப் 2:22 அப் 26:26 அப் 28:22
38	நசரேயனாகிய இயேசுவை தேவன் பரிசுத்த ஆவியினாலும் வல்லமையினாலும் அபிஷேகம் பண்ணினார்; தேவன் அவருடனேகூட இருந்தபடியினாலே அவர் நன்மைசெய்கிறவராயும் பிசாசின் வல்லமையில் அகப்பட்ட யாவரையும் குணமாக்குகிறவராயும் சுற்றித்திரிந்தார்.	அப் 2:22 அப் 4:27 சங் 2:2 சங் 2:6 சங் 45:7 ஏசா 11:2 ஏசா 42:1 ஏசா 61:1-3 மத் 12:28 லூக் 3:22 லூக் 4:18 யோவா 3:34 யோவா 6:27 யோவா 10:36-38 எபிரெ 1:9
39	யூதருடைய தேசத்திலும் எருசலேமிலும் அவர் செய்தவைகளெல்லாவற்றிற்கும் நாங்கள் சாட்சிகளாயிருக்கிறோம். அவரை மரத்திலே தூக்கிக் கொலைசெய்தார்கள்.	அப் 10:41 அப் 1:8 அப் 1:22 அப் 2:32 அப் 3:15 அப் 5:30-32 அப் 13:31 லூக் 1:2 லூக் 24:48 யோவா 15:27
40	மூன்றாம் நாளிலே தேவன் அவரை எழுப்பிப் பிரத்தியட்சமாய்க் காணும்படி செய்தார்.	அப் 13:30 அப் 13:31 அப் 17:31 மத் 28:1 மத் 28:2 ரோம 1:4 ரோம 4:24 ரோம 4:25 ரோம 6:4-11 ரோம 8:11 ரோம 14:9 1கொரி 15:3 1கொரி 15:4 1கொரி 15:12-20 2கொரி 4:14 எபிரெ 13:20 1பேது 1:21
41	ஆயினும் எல்லா ஜனங்களுக்கும் பிரத்தியட்சமாகும்படி செய்யாமல், அவர் மரித்தோரிலிருந்து எழுந்தபின்பு அவரோடே புசித்துக் குடித்தவர்களும் தேவனால் முன்பு நியமிக்கப்பட்ட சாட்சிகளுமாகிய எங்களுக்கே பிரத்தியட்சமாகும்படி செய்தார்.	அப் 10:39 அப் 1:2 அப் 1:3 அப் 1:22 அப் 13:31 யோவா 14:17 யோவா 14:22 யோவா 20:1-21
42	அன்றியும் அவரே உயிரோடிருக்கிறவர்களுக்கும் மரித்தோர்களுக்கும் தேவனால் ஏற்படுத்தப்பட்ட நியாயாதிபதியென்று ஜனங்களுக்குப் பிரசங்கிக்கவும், சாட்சியாக ஒப்புவிக்கவும், அவர் எங்களுக்குக் கட்டளையிட்டார்.	அப் 1:8 அப் 4:19 அப் 4:20 அப் 5:20 அப் 5:29-32 மத் 28:19 மத் 28:20 மாற் 16:15 மாற் 16:16 லூக் 24:47 லூக் 24:48 யோவா 21:21 யோவா 21:22
43	அவரை விசுவாசிக்கிறவன் எவனோ அவன் அவருடைய நாமத்தினாலே பாவமன்னிப்பைப் பெறுவானென்று தீர்க்கதரிசிகளெல்லாரும் அவரைக்குறித்தே சாட்சிகொடுக்கிறார்கள் என்றான்.	அப் 26:22 ஏசா 53:11 எரே 31:34 தானி 9:24 மீகா 7:18 சகரி 13:1 மல்கி 4:2 லூக் 24:25-27 லூக் 24:44-46 யோவா 1:45 யோவா 5:39 யோவா 5:40 1பேது 1:11 வெளிப் 19:10
44	இந்த வார்த்தைகளைப் பேதுரு பேசிக்கொண்டிருக்கையில் வசனத்தைக் கேட்டவர்கள் யாவர்மேலும் பரிசுத்த ஆவியானவர் இறங்கினார்.	அப் 2:2-4 அப் 4:31 அப் 8:15-17 அப் 11:15 அப் 19:6
45	அவர்கள் பல பாஷைகளைப் பேசுகிறதையும், தேவனைப் புகழுகிறதையும்,	அப் 10:23 அப் 11:3 அப் 11:15-18 கலா 3:13 கலா 3:14
46	பேதுருவோடேகூட வந்திருந்த விருத்தசேதனமுள்ள விசுவாசிகள் கேட்கும்போது, பரிசுத்த ஆவியின் வரம் புறஜாதிகள்மேலும், பொழிந்தருளப்பட்டதைக்குறித்துப் பிரமித்தார்கள்.	அப் 2:4 அப் 2:11 அப் 19:6 1கொரி 14:20-25
47	அப்பொழுது பேதுரு: நம்மைப்போல பரிசுத்த ஆவியைப் பெற்ற இவர்களும் ஞானஸ்நானம் பெறாதபடிக்கு எவனாகிலும் தண்ணீரை விலக்கலாமா என்று சொல்லி,	அப் 8:12 அப் 8:36 அப் 11:15-17 அப் 15:8 அப் 15:9 ஆதி 17:24-26 ரோம 4:11 ரோம 10:12
48	கர்த்தருடைய நாமத்தினாலே அவர்களுக்கு ஞானஸ்நானங்கொடுக்கும்படி கட்டளையிட்டான். அப்பொழுது சிலநாள் அங்கே தங்கும்படி அவனை வேண்டிக்கொண்டார்கள்.	யோவா 4:2 1கொரி 1:13-17 கலா 3:27