1	அனனியா என்னும் பேருள்ள ஒருவனும், அவனுடைய மனைவியாகிய சப்பீராளும் தங்கள் காணியாட்சியை விற்றார்கள்.	லேவி 10:1-3 யோசு 6:1 மத் 13:47 மத் 13:48 யோவா 6:37 2தீமோ 2:20
2	தன் மனைவி அறிய அவன் கிரயத்திலே ஒரு பங்கை வஞ்சித்துவைத்து, ஒரு பங்கைக் கொண்டுவந்து, அப்போஸ்தலருடைய பாதத்திலே வைத்தான்.	யோசு 7:11 யோசு 7:12 2இரா 5:21-25 மல்கி 1:14 மல்கி 3:8 மல்கி 3:9 யோவா 12:6 1தீமோ 6:10 2பேது 2:14 2பேது 2:15
3	பேதுரு அவனை நோக்கி: அனனியாவே, நிலத்தின் கிரயத்தில் ஒரு பங்கை வஞ்சித்துவைத்து, பரிசுத்த ஆவியினிடத்தில் பொய்சொல்லும்படி, சாத்தான் உன் இருதயத்தை நிரப்பினதென்ன?	ஆதி 3:13-17 1இரா 22:21 1இரா 22:22 1நாளா 21:1-3 மத் 4:3-11 மத் 13:19 லூக் 22:3 யோவா 13:2 யோவா 13:27 எபே 6:11-16 யாக் 4:7 1பேது 5:8 வெளிப் 12:9-11
4	அதை விற்குமுன்னே அது உன்னுடையதாயிருக்கவில்லையோ? அதை விற்றபின்பும் அதின் கிரயம் உன் வசத்திலிருக்கவில்லையோ? நீ உன் இருதயத்திலே இப்படிப்பட்ட எண்ணங்கொண்டதென்ன? நீ மனுஷரிடத்தில் அல்ல, தேவனிடத்தில் பொய்சொன்னாய் என்றான்.	யாத் 35:21 யாத் 35:22 யாத் 35:29 1நாளா 29:3 1நாளா 29:5 1நாளா 29:9 1நாளா 29:17 1கொரி 8:8 1கொரி 9:5-17 பிலேமோ 1:14
5	அனனியா இந்த வார்த்தைகளைக்கேட்கவே, விழுந்து ஜீவனை விட்டான். இவைகளைக் கேள்விப்பட்ட யாவருக்கும் மிகுந்த பயமுண்டாயிற்று.	அப் 5:10 அப் 5:11 அப் 13:11 எண் 16:26-33 2இரா 1:10-14 2இரா 2:24 எரே 5:14 1கொரி 4:21 2கொரி 10:2-6 2கொரி 13:2 2கொரி 13:10 வெளிப் 11:5
6	வாலிபர் எழுந்து, அவனைச் சேலையில் சுற்றி, வெளியே எடுத்துக்கொண்டுபோய், அடக்கம் பண்ணினார்கள்.	லேவி 10:4-6 உபா 21:23 2சாமு 18:17 யோவா 19:40
7	ஏறக்குறைய மூன்று மணி நேரத்துக்குப்பின்பு, அவனுடைய மனைவி நடந்ததை அறியாமல், உள்ளே வந்தாள்.
8	பேதுரு அவளை நோக்கி: நிலத்தை இவ்வளவுக்குத்தானா விற்றீர்கள், எனக்குச் சொல் என்றான். அவள்: ஆம், இவ்வளவுக்குத்தான் என்றாள்.
9	பேதுரு அவளை நோக்கி: கர்த்தருடைய ஆவியைச் சோதிக்கிறதற்கு நீங்கள் ஒருமனப்பட்டதென்ன? இதோ, உன் புருஷனை அடக்கம்பண்ணினவர்களுடைய கால்கள் வாசற்படியிலே வந்திருக்கிறது, உன்னையும் வெளியே கொண்டுபோவார்கள் என்றான்.	ஆதி 3:9-13 லூக் 16:2 ரோம 3:19
10	உடனே அவள் அவனுடைய பாதத்தில் விழுந்து ஜீவனை விட்டாள். வாலிபர் உள்ளே வந்து, அவள் மரித்துப்போனதைக் கண்டு அவளை வெளியே எடுத்துக்கொண்டுபோய், அவளுடைய புருஷனண்டையிலே அடக்கம்பண்ணினார்கள்.
11	சபையாரெல்லாருக்கும், இவைகளைக் கேள்விப்பட்ட மற்ற யாவருக்கும், மிகுந்த பயமுண்டாயிற்று.	அப் 5:5 அப் 19:17 சங் 89:7 எரே 32:40 1கொரி 10:11 1கொரி 10:12 பிலிப் 2:12 எபிரெ 4:1 எபிரெ 11:7 எபிரெ 12:15 எபிரெ 12:28 1பேது 1:17 வெளிப் 15:4
12	அப்போஸ்தலருடைய கைகளினாலே அநேக அடையாளங்களும் அற்புதங்களும் ஜனங்களுக்குள்ளே செய்யப்பட்டது. எல்லாரும் ஒருமனப்பட்டுச் சாலொமோனுடைய மண்டபத்தில் இருந்தார்கள்.	அப் 2:43 அப் 3:6 அப் 3:7 அப் 4:30 அப் 4:33 அப் 9:33 அப் 9:40 அப் 14:3 அப் 14:8-10 அப் 16:18 அப் 19:11 மாற் 16:17 மாற் 16:18 மாற் 16:20 ரோம 15:19 2கொரி 12:12 எபிரெ 2:4
13	மற்றவர்களில் ஒருவரும் அவர்களுடனே சேரத் துணியவில்லை. ஆகிலும் ஜனங்கள் அவர்களை மேன்மைப்படுத்தினார்கள்.	அப் 5:5 எண் 17:12 எண் 17:13 எண் 24:8-10 1சாமு 16:4 1சாமு 16:5 1இரா 17:18 ஏசா 33:14 லூக் 12:1 லூக் 12:2 லூக் 14:26-35 யோவா 9:22 யோவா 12:42 யோவா 19:38 2பேது 2:20-22
14	திரளான புருஷர்களும், ஸ்திரீகளும் விசுவாசமுள்ளவர்களாகிக் கர்த்தரிடமாக அதிகமதிகமாய்ச் சேர்க்கப்பட்டார்கள்.	அப் 2:41 அப் 2:47 அப் 4:4 அப் 6:7 அப் 9:31 அப் 9:35 அப் 9:42 ஏசா 44:3-5 ஏசா 45:24 ஏசா 55:11-13
15	பிணியாளிகளைப் படுக்கைகளின்மேலும் கட்டில்களின்மேலும் கிடத்தி, பேதுரு நடந்துபோகையில் அவனுடைய நிழலாகிலும் அவர்களில் சிலர்மேல் படும்படிக்கு, அவர்களை வெளியே வீதிகளில் கொண்டுவந்து வைத்தார்கள்.	அப் 19:11 அப் 19:12 மத் 9:21 மத் 14:36 யோவா 14:12
16	சுற்றுப்பட்டணங்களிலுமிருந்து திரளான ஜனங்கள் பிணியாளிகளையும் அசுத்த ஆவிகளால் வாதிக்கப்பட்டவர்களையும் எருசலேமுக்குக் கொண்டுவந்தார்கள்; அவர்களெல்லாரும் குணமாக்கப்பட்டார்கள்.	மத் 4:24 மத் 8:16 மத் 15:30 மத் 15:31 மாற் 2:3 மாற் 2:4 மாற் 6:54-56 யோவா 14:12
17	அப்பொழுது பிரதான ஆசாரியனும் அவனுடனேகூட இருந்த சதுசேய சமயத்தாரனைவரும் எழும்பி, பொறாமையினால் நிறைந்து,	அப் 4:26 சங் 2:1-3 யோவா 11:47-49 யோவா 12:10 யோவா 12:19
18	அப்போஸ்தலர்களைப் பிடித்து, பொதுவான சிறைச்சாலையிலே வைத்தார்கள்.	அப் 4:3 அப் 8:3 அப் 12:5-7 அப் 16:23-27 லூக் 21:12 2கொரி 11:23 எபிரெ 11:36 வெளிப் 2:10
19	கர்த்தருடைய தூதன் இராத்திரியிலே சிறைச்சாலையின் கதவுகளைத் திறந்து, அவர்களை வெளியே கொண்டுவந்து:	அப் 12:7-11 அப் 16:26 சங் 34:7 சங் 105:17-20 சங் 146:7 ஏசா 61:1
20	நீங்கள் போய், தேவாலயத்திலே நின்று, இந்த ஜீவவார்த்தைகள் எல்லாவற்றையும் ஜனங்களுக்குச் சொல்லுங்கள் என்றான்.	ஏசா 58:1 எரே 7:2 எரே 19:14 எரே 19:15 எரே 20:2 எரே 20:3 எரே 22:1 எரே 22:2 எரே 26:2 எரே 36:10 மத் 21:23 யோவா 18:20
21	அவர்கள் அதைக்கேட்டு, அதிகாலமே தேவாலயத்தில் பிரவேசித்துப் போதகம்பண்ணினார்கள். பிரதான ஆசாரியனும் அவனுடனேகூட இருந்தவர்களும் வந்து, ஆலோசனைச் சங்கத்தாரையும் இஸ்ரவேல் புத்திரரின் மூப்பரெல்லாரையும் வரவழைத்து, அப்போஸ்தலர்களைக் கொண்டுவரும்படி சிறைச்சாலைக்குச் சேவகரை அனுப்பினார்கள்.	அப் 5:25 லூக் 21:37 லூக் 21:38 யோவா 8:2
22	சேவகர் போய், சிறைச்சாலையிலே அவர்களைக் காணாமல், திரும்பிவந்து:
23	சிறைச்சாலை மிகுந்த பத்திரமாய்ப் பூட்டப்பட்டிருக்கவும், காவற்காரர் வெளியே கதவுகளுக்குமுன் நிற்கவும் கண்டோம்; திறந்தபொழுதோ உள்ளே ஒருவரையும் காணோம் என்று அறிவித்தார்கள்.	அப் 5:19 சங் 2:4 சங் 33:10 நீதி 21:30 புலம் 3:37 புலம் 3:55-58 தானி 3:11-25 தானி 6:22-24 மத் 27:63-66 மத் 28:12-15 யோவா 8:59
24	இந்தச் செய்தியை ஆசாரியனும் தேவாலயத்தைக் காக்கிற சேனைத்தலைவனும் பிரதான ஆசாரியர்களும் கேட்டபொழுது, இதென்னமாய் முடியுமோ என்று, அவர்களைக்குறித்துக் கலக்கமடைந்தார்கள்.	அப் 5:26 அப் 4:1 லூக் 22:4 லூக் 22:52
25	அப்பொழுது ஒருவன் வந்து: இதோ, நீங்கள் காவலில் வைத்த மனுஷர் தேவாலயத்திலே நின்று ஜனங்களுக்குப் போதகம்பண்ணுகிறார்கள் என்று அவர்களுக்கு அறிவித்தான்.
26	உடனே சேனைத்தலைவன் சேவகரோடேகூடப்போய், ஜனங்கள் கல்லெறிவார்களென்று பயந்ததினால், பலவந்தம்பண்ணாமல் அவர்களை அழைத்துக்கொண்டுவந்தான்.	அப் 5:13 மத் 14:5 மத் 21:26 மத் 26:5 லூக் 20:6 லூக் 20:19 லூக் 22:2
27	அப்படி அவர்களை அழைத்துக்கொண்டுவந்து, ஆலோசனைச் சங்கத்துக்கு முன்பாக நிறுத்தினார்கள். அப்பொழுது பிரதான ஆசாரியன் அவர்களை நோக்கி:	அப் 4:7 அப் 6:12 அப் 22:30 அப் 23:1 லூக் 22:66
28	நீங்கள் அந்த நாமத்தைக்குறித்துப் போதகம்பண்ணக்கூடாதென்று நாங்கள் உங்களுக்கு உறுதியாய்க் கட்டளையிடவில்லையா? அப்படியிருந்தும், இதோ, எருசலேமை உங்கள் போதகத்தினாலே நிரப்பி, அந்த மனுஷனுடைய இரத்தப்பழியை எங்கள்மேல் சுமத்தவேண்டுமென்றிருக்கிறீர்கள் என்று சொன்னான்.	அப் 5:40 அப் 4:18-21
29	அதற்குப் பேதுருவும் மற்ற அப்போஸ்தலரும்: மனுஷருக்குக் கீழ்ப்படிகிறதைப்பார்க்கிலும் தேவனுக்குக் கீழ்ப்படிகிறதே அவசியமாயிருக்கிறது.	அப் 4:19 ஆதி 3:17 1சாமு 15:24 மாற் 7:7-9 வெளிப் 14:8-12
30	நீங்கள் மரத்திலே தூக்கிக் கொலைசெய்த இயேசுவை நம்முடைய பிதாக்களின் தேவன் எழுப்பி,	அப் 3:13-15 அப் 22:14 1நாளா 12:17 1நாளா 29:18 எஸ்றா 7:27 லூக் 1:55 லூக் 1:72
31	இஸ்ரவேலுக்கு மனந்திரும்புதலையும் பாவமன்னிப்பையும் அருளுகிறதற்காக, அவரை அதிபதியாகவும் இரட்சகராகவும் தமது வலதுகரத்தினாலே உயர்த்தினார்.	அப் 2:33 அப் 2:36 அப் 4:11 சங் 89:19 சங் 89:24 சங் 110:1 சங் 110:2 எசே 17:24 மத் 28:18 எபே 1:20-23 பிலிப் 2:9-11 எபிரெ 2:10 எபிரெ 12:2 1பேது 3:22
32	இந்தச் சங்கதிகளைக்குறித்து நாங்கள் அவருக்குச் சாட்சிகளாயிருக்கிறோம்; தேவன் தமக்குக் கீழ்ப்படிகிறவர்களுக்குத் தந்தருளின பரிசுத்த ஆவியும் சாட்சி என்றார்கள்.	அப் 5:29 அப் 1:8 அப் 2:32 அப் 10:39-41 அப் 13:31 லூக் 24:47 லூக் 24:48 யோவா 15:27 2கொரி 13:1 எபிரெ 2:3
33	அதை அவர்கள் கேட்டபொழுது, மூர்க்கமடைந்து, அவர்களைக் கொலைசெய்யும்படிக்கு யோசனை பண்ணினார்கள்.	அப் 2:37 அப் 7:54 அப் 22:22 லூக் 4:28 லூக் 4:29 லூக் 6:11 லூக் 11:50-54 லூக் 19:45-48 லூக் 20:19
34	அப்பொழுது சகல ஜனங்களாலும் கனம்பெற்ற நியாயசாஸ்திரியாகிய கமாலியேல் என்னும் பேர்கொண்ட ஒரு பரிசேயன் ஆலோசனைச் சங்கத்தில் எழுந்திருந்து, அப்போஸ்தலரைச் சற்றுநேரம் வெளியே கொண்டுபோகச் சொல்லி,	அப் 23:7-9 சங் 76:10 யோவா 7:50-53
35	சங்கத்தாரை நோக்கி: இஸ்ரவேலரே, இந்த மனுஷருக்கு நீங்கள் செய்யப்போகிறதைக்குறித்து எச்சரிக்கையாயிருங்கள்.	அப் 19:36 அப் 22:26 எரே 26:19 மத் 27:19
36	ஏனென்றால் இந்நாட்களுக்கு முன்னே தெயுதாஸ் என்பவன் எழும்பி, தன்னை ஒரு பெரியவனாகப் பாராட்டினான்; ஏறக்குறைய நானூறுபேர் அவனைச் சேர்ந்தார்கள்; அவன் மடிந்துபோனான்; அவனை நம்பின அனைவரும் சிதறி, அவமாய்ப்போனார்கள்.	அப் 8:9 மத் 24:24 2தெச 2:3-7 2பேது 2:18 யூதா 1:16 வெளிப் 17:3 வெளிப் 17:5
37	அவனுக்குப்பின்பு, குடிமதிப்பின் நாட்களிலே, கலிலேயனாகிய யூதாஸ் என்பவன் எழும்பி, தன்னைப் பின்பற்றும்படி அநேக ஜனங்களை இழுத்தான்; அவனும் அழிந்துபோனான்; அவனை நம்பியிருந்த அனைவரும் சிதறடிக்கப்பட்டார்கள்.	லூக் 2:1 லூக் 13:1
38	இப்பொழுது நான் உங்களுக்குச் சொல்லுகிறதென்னவென்றால் இந்த மனுஷருக்கு ஒன்றுஞ்செய்யாமல் இவர்களை விட்டுவிடுங்கள். இந்த யோசனையும் இந்தக் கிரியையும் மனுஷரால் உண்டாயிருந்ததானால் ஒழிந்துபோம்;	அப் 5:35 யோவா 11:48
39	தேவனால் உண்டாயிருந்ததேயானால், அதை ஒழித்துவிட உங்களால் கூடாது; தேவனோடே போர்செய்கிறவர்களாய்க் காணப்படாதபடிக்குப் பாருங்கள் என்றான்.	அப் 6:10 ஆதி 24:50 2சாமு 5:2 1இரா 12:24 யோபு 34:29 ஏசா 43:13 ஏசா 46:10 தானி 4:35 மத் 16:18 லூக் 21:15 1கொரி 1:25 வெளிப் 17:12-14
40	அப்பொழுது அவர்கள் அவனுடைய யோசனைக்கு உடன்பட்டு, அப்போஸ்தலரை வரவழைத்து, அடித்து, இயேசுவின் நாமத்தைக்குறித்துப் பேசக்கூடாதென்று கட்டளையிட்டு, அவர்களை விடுதலையாக்கினார்கள்.	அப் 4:18
41	அவருடைய நாமத்துக்காகத் தாங்கள் அவமானமடைவதற்குப் பாத்திரராக எண்ணப்பட்டபடியினால், சந்தோஷமாய் ஆலோசனைச் சங்கத்தைவிட்டுப் புறப்பட்டுப்போய்,	அப் 16:23-25 ஏசா 61:10 ஏசா 65:14 ஏசா 66:5 மத் 5:10-12 லூக் 6:22 ரோம 5:3 2கொரி 12:10 பிலிப் 1:29 எபிரெ 10:34 யாக் 1:2 1பேது 4:13-16
42	தினந்தோறும் தேவாலயத்திலேயும் வீடுகளிலேயும் இடைவிடாமல் உபதேசம்பண்ணி, இயேசுவே கிறிஸ்துவென்று பிரசங்கித்தார்கள்.	அப் 5:20 அப் 5:21 அப் 2:46 அப் 3:1 அப் 3:2-10 லூக் 21:37 லூக் 22:53 2தீமோ 4:2