1	பெந்தெகொஸ்தே என்னும் நாள் வந்தபோது, அவர்களெல்லாரும் ஒருமனப்பட்டு ஓரிடத்திலே வந்திருந்தார்கள்.	அப் 20:16 யாத் 23:16 யாத் 34:22 லேவி 23:15-21 எண் 28:16-31 உபா 16:9-12 1கொரி 16:8
2	அப்பொழுது பலத்த காற்று அடிக்கிற முழக்கம்போல, வானத்திலிருந்து சடிதியாய் ஒரு முழக்கமுண்டாகி, அவர்கள் உட்கார்ந்திருந்த வீடு முழுவதையும் நிரப்பிற்று.	அப் 16:25 அப் 16:26 ஏசா 65:24 மல்கி 3:1 லூக் 2:13
3	அல்லாமலும் அக்கினிமயமான நாவுகள்போலப் பிரிந்திருக்கும் நாவுகள் அவர்களுக்குக் காணப்பட்டு, அவர்கள் ஒவ்வொருவர்மேலும் வந்து அமர்ந்தது.	அப் 2:4 அப் 2:11 ஆதி 11:6 சங் 55:9 1கொரி 12:10 வெளிப் 14:6
4	அவர்களெல்லாரும் பரிசுத்தஆவியினாலே நிரப்பப்பட்டு, ஆவியானவர் தங்களுக்குத் தந்தருளின வரத்தின்படியே வெவ்வேறு பாஷைகளிலே பேசத்தொடங்கினார்கள்.	அப் 1:5 அப் 4:8 அப் 4:31 அப் 6:3 அப் 6:5 அப் 6:8 அப் 7:55 அப் 9:17 அப் 11:24 அப் 13:9 அப் 13:52 லூக் 1:15 லூக் 1:41 லூக் 1:67 லூக் 4:1 யோவா 14:26 யோவா 20:22 ரோம 15:13 எபே 3:19 எபே 5:18
5	வானத்தின் கீழிருக்கிற சகல தேசத்தாரிலுமிருந்துவந்த தேவபக்தியுள்ள யூதர்கள் அப்பொழுது எருசலேமிலே வாசம்பண்ணினார்கள்.	அப் 2:1 அப் 8:27 யாத் 23:16 ஏசா 66:18 சகரி 8:18 லூக் 24:18 யோவா 12:20
6	அந்தச் சத்தம் உண்டானபோது, திரளான ஜனங்கள் கூடிவந்து, தங்கள் தங்கள் பாஷையிலே அவர்கள் பேசுகிறதை அவரவர்கள் கேட்டபடியினாலே கலக்கமடைந்தார்கள்.	அப் 3:11 1கொரி 16:9 2கொரி 2:12
7	எல்லாரும் பிரமித்து ஆச்சரியப்பட்டு, ஒருவரையொருவர் பார்த்து: இதோ, பேசுகிற இவர்களெல்லாரும் கலிலேயரல்லவா?	அப் 2:12 அப் 3:10 அப் 14:11 அப் 14:12 மாற் 1:27 மாற் 2:12
8	அப்படியிருக்க, நம்மில் அவரவர்களுடைய ஜென்மபாஷைகளிலே இவர்கள் பேசக் கேட்கிறோமே, இதெப்படி?
9	பார்த்தரும், மேதரும், ஏலாமீத்தரும், மெசொப்பொத்தாமியா, யூதேயா, கப்பத்தோக்கியா, பொந்து, ஆசியா, பிரிகியா,	2இரா 17:6 எஸ்றா 6:2 தானி 8:20
10	பம்பிலியா, எகிப்து என்னும் தேசத்தார்களும், சிரேனே பட்டணத்தைச் சுற்றியிருக்கிற லீபியாவின் திசைகளிலே குடியிருக்கிறவர்களும், இங்கே சஞ்சரிக்கிற ரோமாபுரியாரும், யூதரும், யூதமார்க்கத்தமைந்தவர்களும்,	அப் 16:6 அப் 18:23
11	கிரேத்தரும், அரபியருமாகிய நாம் நம்முடைய பாஷைகளிலே இவர்கள் தேவனுடைய மகத்துவங்களைப் பேசக்கேட்கிறோமே என்றார்கள்.	அப் 27:7 அப் 27:12 தீத் 1:5 தீத் 1:12
12	எல்லாரும் பிரமித்துச் சந்தேகப்பட்டு, இதென்னமாய் முடியுமோ என்று ஒருவரோடொருவர் சொல்லிக்கொண்டார்கள்.	அப் 10:17 அப் 17:20 லூக் 15:26 லூக் 18:36
13	மற்றவர்களோ: இவர்கள் மதுபானத்தினால் நிறைந்திருக்கிறார்களென்று பரியாசம்பண்ணினார்கள்.	அப் 2:15 1சாமு 1:14 யோபு 32:19 உன்ன 7:9 ஏசா 25:6 சகரி 9:15 சகரி 9:17 சகரி 10:7 எபே 5:18
14	அப்பொழுது பேதுரு பதினொருவரோடுங்கூட நின்று, அவர்களை நோக்கி, உரத்த சத்தமாய்: யூதர்களே, எருசலேமில் வாசம்பண்ணுகிற ஜனங்களே, நீங்களெல்லாரும் அறிந்துகொள்வீர்களாக, என் வார்த்தைகளுக்குச் செவிகொடுங்கள்.	அப் 1:26
15	நீங்கள் நினைக்கிறபடி இவர்கள் வெறிகொண்டவர்களல்ல, பொழுது விடிந்து மூன்றாம் மணி வேளையாயிருக்கிறதே.	1சாமு 1:15
16	தீர்க்கதரிசியாகிய யோவேலினால் உரைக்கப்பட்டபடியே இது நடந்தேறுகிறது.	யோவே 2:28-32
17	கடைசிநாட்களில் நான் மாம்சமான யாவர்மேலும் என் ஆவியை ஊற்றுவேன், அப்பொழுது உங்கள் குமாரரும் உங்கள் குமாரத்திகளும் தீர்க்கதரிசனஞ்சொல்லுவார்கள்; உங்கள் வாலிபர் தரிசனங்களை அடைவார்கள்; உங்கள் மூப்பர் சொப்பனங்களைக் காண்பார்கள்;	ஆதி 49:1 ஏசா 2:2 தானி 10:14 ஓசி 3:5 மீகா 4:1 எபிரெ 1:2 யாக் 5:3 2பேது 3:3
18	என்னுடைய ஊழியக்காரர்மேலும், என்னுடைய ஊழியக்காரிகள்மேலும் அந்நாட்களில் என் ஆவியை ஊற்றுவேன், அப்பொழுது அவர்கள் தீர்க்கதரிசனஞ்சொல்லுவார்கள்.	1கொரி 7:21 1கொரி 7:22 கலா 3:28 கொலோ 3:11
19	அல்லாமலும் உயர வானத்திலே அற்புதங்களையும், தாழ பூமியிலே இரத்தம், அக்கினி, புகைக்காடாகிய அதிசயங்களையும் காட்டுவேன்.	யோவே 2:30 யோவே 2:31 செப் 1:14-18 மல்கி 4:1-6
20	கர்த்தருடைய பெரிதும் பிரகாசமுமான நாள் வருமுன்னே சூரியன் இருளாகவும், சந்திரன் இரத்தமாகவும் மாறும்.	ஏசா 13:9 ஏசா 13:15 ஏசா 24:23 எரே 4:23 ஆமோ 8:9 மத் 24:29 மத் 27:45 மாற் 13:24 லூக் 21:25 2பேது 3:7 2பேது 3:10 வெளிப் 6:12 வெளிப் 16:8
21	அப்பொழுது கர்த்தருடைய நாமத்தைத் தொழுதுகொள்ளுகிறவனெவனோ அவன் இரட்சிக்கப்படுவான் என்று தேவன் உரைத்திருக்கிறார்.	அப் 9:11 அப் 9:15 அப் 22:16 சங் 86:5 யோவே 2:32 மத் 28:19 ரோம 10:12 ரோம 10:13 1கொரி 1:2 எபிரெ 4:16
22	இஸ்ரவேலரே, நான் சொல்லும் வார்த்தைகளைக் கேளுங்கள்; நீங்கள் அறிந்திருக்கிறபடி நசரேயனாகிய இயேசுவைக்கொண்டு தேவன் உங்களுக்குள்ளே பலத்த செய்கைகளையும், அற்புதங்களையும், அடையாளங்களையும் நடப்பித்து, அவைகளினாலே அவரை உங்களுக்கு வெளிப்படுத்தினார்.	அப் 3:12 அப் 5:35 அப் 13:16 அப் 21:28 ஏசா 41:14
23	அப்படியிருந்தும், தேவன் நிர்ணயித்திருந்த ஆலோசனையின்படியேயும், அவருடைய முன்னறிவின்படியேயும் ஒப்புக்கொடுக்கப்பட்ட அந்த இயேசுவை நீங்கள் பிடித்து, அக்கிரமக்காரருடைய கைகளினாலே சிலுவையில் ஆணியடித்துக் கொலைசெய்தீர்கள்.	அப் 3:18 அப் 4:28 அப் 13:27 அப் 15:18 சங் 76:10 ஏசா 10:6 ஏசா 10:7 ஏசா 46:10 ஏசா 46:11 தானி 4:35 தானி 9:24-27 மத் 26:24 லூக் 22:22 லூக் 22:37 லூக் 24:44-46 யோவா 19:24 யோவா 19:31-37 ரோம 4:17 ரோம 11:33-36 1பேது 1:20 1பேது 2:8 யூதா 1:4 வெளிப் 13:8
24	தேவன் அவருடைய மரண உபாதிகளின் கட்டை அவிழ்த்து, அவரை ஏழுப்பினார்; அவர் மரணத்தினால் கட்டப்பட்டிருக்கக்கூடாதிருந்தது.	அப் 2:32 அப் 3:15 அப் 3:26 அப் 10:40 அப் 10:41 அப் 13:30 அப் 13:34 அப் 17:31 மத் 27:63 லூக் 24:1-53 யோவா 2:19-21 யோவா 10:18 ரோம 4:24 ரோம 6:4 ரோம 8:11 ரோம 8:34 ரோம 14:9 1கொரி 6:14 1கொரி 15:12 2கொரி 4:14 கலா 1:1 எபே 1:20 கொலோ 2:12 1தெச 1:10 எபிரெ 13:20 1பேது 1:21
25	அவரைக்குறித்துத் தாவீது: கர்த்தரை ஏப்பொழுதும் எனக்கு முன்பாக நிறுத்தி நோக்கிக்கொண்டிருக்கிறேன்; நான் அசைக்கப்படாதபடி அவர் என் வலதுபாரிசத்திலே இருக்கிறார்;	அப் 2:29 அப் 2:30 அப் 13:32-36
26	அதினாலே என் இருதயம் மகிழ்ந்தது, என் நாவு களிகூர்ந்தது, என் மாம்சமும் நம்பிக்கையோடே தங்கியிருக்கும்;	சங் 16:9 சங் 22:22-24 சங் 30:11 சங் 63:5 சங் 71:23
27	என் ஆத்துமாவைப் பாதாளத்தில் விடீர், உம்முடைய பரிசுத்தர் அழிவைக்காணவொட்டீர்;	சங் 49:15 சங் 86:13 சங் 116:3 லூக் 16:23 1கொரி 15:55 வெளிப் 1:18 வெளிப் 20:13
28	ஜீவமார்க்கங்களை எனக்குத் தெரியப்படுத்தினீர்; உம்முடைய சந்நிதானத்திலே என்னைச் சந்தோஷத்தினால் நிரப்புவீர் என்று சொல்லுகிறான்.	சங் 16:11 சங் 21:4 சங் 25:4 நீதி 2:19 நீதி 8:20 யோவா 11:25 யோவா 11:26 யோவா 14:6
29	சகோதரரே, கோத்திரத்தலைவனாகிய தாவீதைக்குறித்து நான் உங்களுடனே தைரியமாய்ப் பேசுகிறதற்கு இடங்கொடுங்கள்; அவன் மரணமடைந்து அடக்கம்பண்ணப்பட்டான்; அவனுடைய கல்லறை இந்நாள்வரைக்கும் நம்மிடத்திலிருக்கிறது.	அப் 26:26
30	அவன் தீர்க்கதரிசியாயிருந்து: உன் சிங்காசனத்தில் வீற்றிருக்க மாம்சத்தின்படி உன் சந்ததியிலே கிறிஸ்துவை ஏழும்பப்பண்ணுவேன் என்று தேவன் தனக்குச் சத்தியம்பண்ணினதை அறிந்தபடியால்,	அப் 1:16 2சாமு 23:2 மத் 27:35 மாற் 12:36 லூக் 24:44 எபிரெ 3:7 எபிரெ 4:7 2பேது 1:21
31	அவன் கிறிஸ்துவினுடைய ஆத்துமா பாதாளத்திலே விடப்படுவதில்லையென்றும், அவருடைய மாம்சம் அழிவைக் காண்பதில்லையென்றும் முன்னறிந்து, அவர் உயிர்த்தெழுதலைக்குறித்து இப்படிச் சொன்னான்.	1பேது 1:11 1பேது 1:12
32	இந்த இயேசுவை தேவன் ஏழுப்பினார்; இதற்கு நாங்களெல்லாரும் சாட்சிகளாயிருக்கிறோம்.	அப் 2:24 அப் 1:8 அப் 1:22 அப் 3:15 அப் 4:33 அப் 5:31 அப் 5:32 அப் 10:39-41 லூக் 24:46-48 யோவா 15:27 யோவா 20:26-31
33	அவர் தேவனுடைய வலதுகரத்தினாலே உயர்த்தப்பட்டு, பிதா அருளிய வாக்குத்தத்தின்படி பரிசுத்த ஆவியைப் பெற்று, நீங்கள் இப்பொழுது காண்கிறதும் கேட்கிறதுமாகிய இதைப் பொழிந்தருளினார்.	அப் 5:31 சங் 89:19 சங் 89:24 சங் 118:16 சங் 118:22 சங் 118:23 ஏசா 52:13 ஏசா 53:12 மத் 28:18 மாற் 16:19 யோவா 17:5 எபே 1:20-23 பிலிப் 2:9-11 எபிரெ 1:2-4 எபிரெ 10:12 1பேது 1:21 1பேது 3:22
34	தாவீது பரலோகத்திற்கு எழுந்து போகவில்லையே. நான் உம்முடைய சத்துருக்களை உமக்குப் பாதபடியாக்கிப்போடும்வரைக்கும்,	சங் 110:1 மத் 22:42-45 மாற் 12:36 லூக் 20:42 லூக் 20:43 1கொரி 15:25 எபே 1:22 எபிரெ 1:13
35	நீர் என் வலதுபாரிசத்தில் உட்காருமென்று கர்த்தர் என் ஆண்டவருடனே சொன்னார் என்று அவனே சொல்லியிருக்கிறான்.	ஆதி 3:15 யோசு 10:24 யோசு 10:25 சங் 2:8-12 சங் 18:40-42 சங் 21:8-12 சங் 72:9 ஏசா 49:23 ஏசா 59:18 ஏசா 60:14 ஏசா 63:4-6 லூக் 19:27 லூக் 20:16-18 ரோம 16:20 வெளிப் 19:19-21 வெளிப் 20:1-3 வெளிப் 20:8-15
36	ஆகையினால், நீங்கள் சிலுவையில் அறைந்த இந்த இயேசுவையே தேவன் ஆண்டவரும் கிறிஸ்துவுமாக்கினாரென்று இஸ்ரவேல் குடும்பத்தார் யாவரும் நிச்சயமாய் அறியக்கடவர்கள் என்றான்.	எரே 2:4 எரே 9:26 எரே 31:31 எரே 33:14 எசே 34:30 எசே 39:25-29 சகரி 13:1 ரோம 9:3-6
37	இதை அவர்கள் கேட்டபொழுது, இருதயத்திலே குத்தப்பட்டவர்களாகி, பேதுருவையும் மற்ற அப்போஸ்தலரையும் பார்த்து: சகோதரரே, நாங்கள் என்ன செய்யவேண்டும் என்றார்கள்.	அப் 5:33 அப் 7:54 எசே 7:16 சகரி 12:10 லூக் 3:10 யோவா 8:9 யோவா 16:8-11 ரோம 7:9 1கொரி 14:24 1கொரி 14:25 எபிரெ 4:12 எபிரெ 4:13
38	பேதுரு அவர்களை நோக்கி: நீங்கள் மனந்திரும்பி, ஒவ்வொருவரும் பாவமன்னிப்புக்கென்று இயேசுகிறிஸ்துவின் நாமத்தினாலே ஞானஸ்நானம் பெற்றுக்கொள்ளுங்கள், அப்பொழுது பரிசுத்த ஆவியின் வரத்தைப் பெறுவீர்கள்.	அப் 3:19 அப் 17:30 அப் 20:21 அப் 26:20 மத் 3:2 மத் 3:8 மத் 3:9 மத் 4:17 மத் 21:28-32 லூக் 15:1-32 லூக் 24:47
39	வாக்குத்தத்தமானது உங்களுக்கும், உங்கள் பிள்ளைகளுக்கும், நம்முடைய தேவனாகிய கர்த்தர் வரவழைக்கும் தூரத்திலுள்ள யாவருக்கும் உண்டாயிருக்கிறது என்று சொல்லி;	அப் 3:25 அப் 3:26 ஆதி 17:7 ஆதி 17:8 சங் 115:14 சங் 115:15 எரே 32:39 எரே 32:40 எசே 37:25 யோவே 2:28 ரோம 11:16 ரோம 11:17 1கொரி 7:14
40	இன்னும் அநேக வார்த்தைகளாலும் சாட்சிகூறி, மாறுபாடுள்ள இந்தச் சந்ததியை விட்டுவிலகி உங்களை இரட்சித்துக்கொள்ளுங்கள் என்றும் புத்திசொன்னான்.	அப் 15:32 அப் 20:2 அப் 20:9 அப் 20:11 அப் 28:23 யோவா 21:25
41	அவனுடைய வார்த்தையைச் சந்தோஷமாய் ஏற்றுக்கொண்டவர்கள் ஞானஸ்நானம் பெற்றார்கள். அன்றையத்தினம் ஏறக்குறைய மூவாயிரம்பேர் சேர்த்துக்கொள்ளப்பட்டார்கள்.	அப் 2:37 அப் 8:6-8 அப் 13:48 அப் 16:31-34 மத் 13:44-46 கலா 4:14 கலா 4:15 1தெச 1:6
42	அவர்கள் அப்போஸ்தலருடைய உபதேசத்திலும், அந்நியோந்நியத்திலும், அப்பம் பிட்குதலிலும், ஜெபம்பண்ணுதலிலும் உறுதியாய்த் தரித்திருந்தார்கள்.	அப் 2:46 அப் 11:23 அப் 14:22 மாற் 4:16 மாற் 4:17 யோவா 8:31 யோவா 8:32 1கொரி 11:2 கலா 1:6 எபே 2:20 கொலோ 1:23 2தீமோ 3:14 எபிரெ 10:39 2பேது 3:1 2பேது 3:2 2பேது 3:17 2பேது 3:18 1யோவா 2:19
43	எல்லாருக்கும் பயமுண்டாயிற்று. அப்போஸ்தலர்களாலே அநேக அற்புதங்களும் அடையாளங்களும் செய்யப்பட்டது.	அப் 5:11 அப் 5:13 எஸ்தர் 8:17 எரே 33:9 ஓசி 3:5 லூக் 7:16 லூக் 8:37
44	விசுவாசிகளெல்லாரும் ஒருமித்திருந்து, சகலத்தையும் பொதுவாய் வைத்து அநுபவித்தார்கள்.	அப் 4:32 அப் 5:4 அப் 6:1-3 2கொரி 8:9 2கொரி 8:14 2கொரி 8:15 2கொரி 9:6-15 1யோவா 3:16-18
45	காணியாட்சிகளையும் ஆஸ்திகளையும் விற்று, ஒவ்வொருவனுக்கும் தேவையானதற்குத்தக்கதாக அவைகளில் எல்லாருக்கும் பகிர்ந்துகொடுத்தார்கள்.	அப் 4:34-37 அப் 5:1 அப் 5:2 அப் 11:29 லூக் 12:33 லூக் 12:34 லூக் 16:9 லூக் 18:22 லூக் 19:8
46	அவர்கள் ஒருமனப்பட்டவர்களாய் தேவாலயத்திலே அநுதினமும் தரித்திருந்து, வீடுகள்தோறும் அப்பம்பிட்டு மகிழ்ச்சியோடும் கபடமில்லாத இருதயத்தோடும் போஜனம்பண்ணி,	அப் 1:14 அப் 3:1 அப் 5:42 லூக் 24:53
47	தேவனைத் துதித்து, ஜனங்களெல்லாரிடத்திலும் தயவுபெற்றிருந்தார்கள். இரட்சிக்கப்படுகிறவர்களைக் கர்த்தர் அநுதினமும் சபையிலே சேர்த்துக்கொண்டுவந்தார்.	அப் 4:21 அப் 4:33 லூக் 2:52 லூக் 19:48 ரோம 14:18