1	அதன்பின்பு அவன் தெர்பைக்கும் லீஸ்திராவுக்கும் போனான். அங்கே தீமோத்தேயு என்னப்பட்ட ஒரு சீஷன் இருந்தான்; அவன் தாய் விசுவாசமுள்ள யூதஸ்திரீ, அவன் தகப்பன் கிரேக்கன்.	அப் 14:6 அப் 14:21 2தீமோ 3:11
2	அவன் லீஸ்திராவிலும் இக்கோனியாவிலுமுள்ள சகோதரராலே நற்சாட்சி பெற்றவனாயிருந்தான்.	அப் 6:3 1தீமோ 3:7 1தீமோ 5:10 1தீமோ 5:25 2தீமோ 3:15 எபிரெ 11:2
3	அவனைப் பவுல் தன்னுடனே கூட்டிக்கொண்டு போகவேண்டுமென்று விரும்பி, அவனுடைய தகப்பன் கிரேக்கன் என்று அவ்விடங்களிலிருக்கும் யூதர்களெல்லாரும் அறிந்திருந்தபடியால், அவர்கள்நிமித்தம் அவனுக்கு விருத்தசேதனம்பண்ணினான்.	அப் 15:37 அப் 15:40
4	அவர்கள் பட்டணங்கள்தோறும் போகையில், எருசலேமிலிருக்கும் அப்போஸ்தலராலும் மூப்பராலும் விதிக்கப்பட்ட சட்டங்களைக் கைக்கொள்ளும்படி அவர்களுக்கு ஒப்புவித்தார்கள்.	அப் 15:6 அப் 15:28 அப் 15:29
5	அதினாலே சபைகள் விசுவாசத்தில் ஸ்திரப்பட்டு, நாளுக்குநாள் பெருகின.	அப் 15:41 2நாளா 20:20 ஏசா 7:9 ரோம 16:25 1கொரி 15:58 கலா 5:1 எபே 4:13-16 கொலோ 2:6 1தெச 3:2 1தெச 3:13 2தெச 2:16 எபிரெ 13:9 எபிரெ 13:20 எபிரெ 13:21 1பேது 5:10
6	அவர்கள் பிரிகியா கலாத்தியா நாடுகளைக் கடந்துபோனபோது, ஆசியாவிலே வசனத்தைச் சொல்லாதபடிக்குப் பரிசுத்த ஆவியினாலே தடைபண்ணப்பட்டு,	அப் 2:10 அப் 18:23
7	மீசியா தேசமட்டும் வந்து, பித்தினியா நாட்டுக்குப் போகப் பிரயத்தனம்பண்ணினார்கள்; ஆவியானவரோ அவர்களைப் போகவொட்டாதிருந்தார்.	1பேது 1:1
8	அப்பொழுது அவர்கள் மீசியா பக்கமாய்ப் போய், துரோவாவுக்கு வந்தார்கள்.	அப் 16:11 அப் 20:5 2கொரி 2:12 2தீமோ 4:13
9	அங்கே இராத்திரியிலே பவுலுக்கு ஒரு தரிசனம் உண்டாயிற்று; அதென்னவெனில், மக்கெதோனியா தேசத்தான் ஒருவன் வந்துநின்று: நீர் மக்கெதோனியாவுக்கு வந்து எங்களுக்கு உதவிசெய்யவேண்டுமென்று தன்னை வேண்டிக்கொண்டதாக இருந்தது.	அப் 2:17 அப் 2:18 அப் 9:10-12 அப் 10:3 அப் 10:10-17 அப் 10:30-17 அப் 11:5-12 அப் 18:9 அப் 18:10 அப் 22:17-21 அப் 27:23 அப் 27:24 2கொரி 12:1-4 2கொரி 12:7-4
10	அந்தத் தரிசனத்தை அவன் கண்டபோது, அவர்களுக்குச் சுவிசேஷத்தை அறிவிக்கும்படி கர்த்தர் எங்களை அழைத்தாரென்று நாங்கள் நிச்சயித்துக்கொண்டு, உடனே மக்கெதோனியாவுக்குப் புறப்பட்டுப்போகப் பிரயத்தனம்பண்ணி,	அப் 10:29 அப் 26:13 சங் 119:60 நீதி 3:27 நீதி 3:28 2கொரி 2:12 2கொரி 2:13
11	துரோவாவில் கப்பல் ஏறி, சாமோத்திராக்கே தீவுக்கும், மறுநாளிலே நெயாப்போலி பட்டணத்துக்கும் நேராய் ஓடி,
12	அங்கேயிருந்து மக்கெதோனியா தேசத்து நாடுகளில் ஒன்றிற்குத் தலைமையானதும் ரோமர் குடியேறினதுமான பிலிப்பி பட்டணத்துக்கு வந்து, அந்தப் பட்டணத்திலே சிலநாள் தங்கியிருந்தோம்.	அப் 20:6 பிலிப் 1:1 1தெச 2:2
13	ஓய்வுநாளில் நாங்கள் பட்டணத்துக்கு வெளியே போய், ஆற்றினருகே வழக்கமாய் ஜெபம்பண்ணுகிற இடத்தில் உட்கார்ந்து, அங்கே கூடிவந்த ஸ்திரீகளுக்கு உபதேசித்தோம்.	அப் 13:14 அப் 13:42 அப் 17:2 அப் 18:4 அப் 20:7
14	அப்பொழுது தியத்தீரா ஊராளும் இரத்தாம்பரம் விற்கிறவளும் தேவனை வணங்குகிறவளுமாகிய லீதியாள் என்னும் பேருள்ள ஒரு ஸ்திரீ கேட்டுக்கொண்டிருந்தாள்; பவுல் சொல்லியவைகளைக் கவனிக்கும்படி கர்த்தர் அவள் இருதயத்தைத் திறந்தருளினார்.	வெளிப் 1:11 வெளிப் 2:18-24
15	அவளும் அவள் வீட்டாரும் ஞானஸ்நானம் பெற்றபின்பு, அவள் எங்களை நோக்கி: நீங்கள் என்னைக் கர்த்தரிடத்தில் விசுவாசமுள்ளவளென்று எண்ணினால், என் வீட்டிலே வந்து தங்கியிருங்கள் என்று எங்களை வருந்திக் கேட்டுக்கொண்டாள்.	அப் 16:33 அப் 8:12 அப் 8:38 அப் 11:14 அப் 18:8 1கொரி 1:13-16
16	நாங்கள் ஜெபம்பண்ணுகிற இடத்துக்குப் போகையில் குறிசொல்ல ஏவுகிற ஆவியைக்கொண்டிருந்து, குறிசொல்லுகிறதினால் தன் எஜமான்களுக்கு மிகுந்த ஆதாயத்தை உண்டாக்கின ஒரு பெண் எங்களுக்கு எதிர்ப்பட்டாள்.	அப் 16:18 அப் 8:9-11 யாத் 7:11 யாத் 7:12 உபா 13:1-3 உபா 18:9-11 1சாமு 28:7 1நாளா 10:13 ஏசா 8:19 கலா 5:20 2தீமோ 3:8
17	அவள் பவுலையும் எங்களையும் பின்தொடர்ந்து வந்து: இந்த மனுஷர் உன்னதமான தேவனுடைய ஊழியக்காரர், இரட்சிப்பின் வழியை நமக்கு அறிவிக்கிறவர்கள் என்று சத்தமிட்டாள்.	அப் 19:13 மத் 8:29 மாற் 1:24 லூக் 4:34 லூக் 4:41
18	இப்படி அநேகநாள் செய்து கொண்டுவந்தாள். பவுல் சினங்கொண்டு, திரும்பிப்பார்த்து: நீ இவளை விட்டுப் புறப்படும்படி இயேசுகிறிஸ்துவின் நாமத்தினாலே உனக்குக் கட்டளையிடுகிறேன் என்று அந்த ஆவியுடனே சொன்னான்; அந்நேரமே அது புறப்பட்டுப்போயிற்று.	அப் 14:13-15 மாற் 1:25 மாற் 1:26 மாற் 1:34
19	அவளுடைய எஜமான்கள் தங்கள் ஆதாயத்து நம்பிக்கை அற்றுப்போயிற்றென்று கண்டு, பவுலையும் சீலாவையும் பிடித்து, சந்தைவெளியிலுள்ள அதிகாரிகளிடத்தில் இழுத்துக்கொண்டுபோனார்கள்.	அப் 19:24-27 1தீமோ 6:10
20	அவர்களை அதிகாரிகளிடத்தில் ஒப்புவித்து: யூதர்களாகிய இந்த மனுஷர் நம்முடைய பட்டணத்தில் கலகம்பண்ணி,	அப் 18:2 அப் 19:34 எஸ்றா 4:12-15 எஸ்தர் 3:8 எஸ்தர் 3:9
21	ரோமராகிய நாம் ஏற்றுக்கொள்ளவும் அநுசரிக்கவும்தகாத முறைமைகளைப் போதிக்கிறார்கள் என்றார்கள்.	அப் 26:3 எரே 10:3
22	அப்பொழுது ஜனங்கள் கூட்டங்கூடி, அவர்களுக்கு விரோதமாய் எழும்பினார்கள். அதிகாரிகள் அவர்கள் வஸ்திரங்களைக் கிழித்துப்போடவும், அவர்களை அடிக்கவும் சொல்லி;	அப் 17:5 அப் 18:12 அப் 19:28-41 அப் 21:30 அப் 21:31 அப் 22:22 அப் 22:23
23	அவர்களை அநேக அடி அடித்தபின்பு, சிறைச்சாலையிலே வைத்து அவர்களைப் பத்திரமாய்க் காக்கும்படி சிறைச்சாலைக்காரனுக்குக் கட்டளையிட்டார்கள்.	அப் 5:18 அப் 8:3 அப் 9:2 அப் 12:4 லூக் 21:12 எபே 3:1 எபே 4:1 2தீமோ 2:9 பிலேமோ 1:9 வெளிப் 1:9 வெளிப் 2:10
24	அவன் இப்படிப்பட்ட கட்டளையைப் பெற்று, அவர்களை உட்காவலறையிலே அடைத்து, அவர்கள் கால்களைத் தொழுமரத்தில் மாட்டிவைத்தான்.	1இரா 22:27 எரே 37:15 எரே 37:16 எரே 38:26 புலம் 3:53-55
25	நடுராத்திரியிலே பவுலும் சீலாவும் ஜெபம்பண்ணி, தேவனைத் துதித்துப்பாடினார்கள்; காவலில் வைக்கப்பட்டவர்கள் அதைக் கேட்டுக்கொண்டிருந்தார்கள்.	யோபு 35:10 சங் 22:2 சங் 42:8 சங் 77:6 சங் 119:55 சங் 119:62 ஏசா 30:29
26	சடிதியிலே சிறைச்சாலையின் அஸ்திபாரங்கள் அசையும்படியாக பூமி மிகவும் அதிர்ந்தது; உடனே கதவுகளெல்லாம் திறவுண்டது; எல்லாருடைய கட்டுகளும் கழன்றுபோயிற்று.	அப் 4:31 அப் 5:19 அப் 12:7 அப் 12:10 மத் 28:2 வெளிப் 6:12 வெளிப் 11:13
27	சிறைச்சாலைக்காரன் நித்திரைதெளிந்து, சிறைச்சாலையின் கதவுகள் திறந்திருக்கிறதைக்கண்டு, கட்டுண்டவர்கள் ஓடிப்போனார்களென்று எண்ணி, பட்டயத்தை உருவித் தன்னைக் கொலைசெய்து கொள்ளப்போனான்.	அப் 16:23 அப் 16:24
28	பவுல் மிகுந்த சத்தமிட்டு: நீ உனக்குக் கெடுதி ஒன்றுஞ்செய்துகொள்ளாதே; நாங்கள் எல்லாரும் இங்கேதான் இருக்கிறோம் என்றான்.	லேவி 19:18 சங் 7:4 சங் 35:14 நீதி 24:11 நீதி 24:12 மத் 5:44 லூக் 6:27 லூக் 6:28 லூக் 10:32-37 லூக் 22:51 லூக் 23:34 1தெச 5:15
29	அப்பொழுது அவன் தீபங்களைக் கொண்டுவரச்சொல்லி, உள்ளே ஓடி, நடுநடுங்கி, பவுலுக்கும் சீலாவுக்கும் முன்பாக விழுந்து,	அப் 9:5 அப் 9:6 அப் 24:25 சங் 99:1 சங் 119:120 ஏசா 66:2 ஏசா 66:5 எரே 5:22 எரே 10:10 தானி 6:26
30	அவர்களை வெளியே அழைத்துவந்து: ஆண்டவமாரே, இரட்சிக்கப்படுவதற்கு நான் என்ன செய்யவேண்டும் என்றான்.	அப் 16:24 யோபு 34:32 ஏசா 1:16 ஏசா 1:17 ஏசா 58:6 ஏசா 58:9 மத் 3:8 மத் 5:7 யாக் 2:13
31	அதற்கு அவர்கள்: கர்த்தராகிய இயேசுகிறிஸ்துவை விசுவாசி, அப்பொழுது நீயும் உன் வீட்டாரும் இரட்சிக்கப்படுவீர்கள் என்று சொல்லி,	அப் 2:38 அப் 2:39 அப் 4:12 அப் 8:37 அப் 11:13 அப் 11:14 அப் 13:38 அப் 13:39 அப் 15:11 ஏசா 45:22 ஆபகூ 2:4 மாற் 16:16 யோவா 1:12 யோவா 3:15 யோவா 3:16 யோவா 3:36 யோவா 6:40 யோவா 6:47 யோவா 7:37 யோவா 7:38 யோவா 11:25 யோவா 11:26 யோவா 20:31 ரோம 5:1 ரோம 5:2 ரோம 10:9 ரோம 10:10 கலா 3:22 கலா 3:26 எபே 2:7 எபே 2:8 1யோவா 5:10-13
32	அவனுக்கும் அவன் வீட்டிலிருந்த யாவருக்கும் கர்த்தருடைய வசனத்தைப் போதித்தார்கள்.	அப் 10:33-43 மாற் 16:15 எபே 3:8 கொலோ 1:27 கொலோ 1:28 1தெச 2:8 1தீமோ 1:13-16
33	மேலும் இராத்திரியில் அந்நேரத்திலேதானே அவன் அவர்களை அழைத்துக்கொண்டுபோய், அவர்களுடைய காயங்களைக் கழுவினான். அவனும் அவனுடையவர்கள் அனைவரும் உடனே ஞானஸ்நானம் பெற்றார்கள்.	அப் 16:23 நீதி 16:7 ஏசா 11:6-9 மத் 25:35-40 லூக் 10:33 லூக் 10:34 கலா 5:6 கலா 5:13
34	பின்பு அவன் அவர்களைத் தன் வீட்டிற்குக் கூட்டிக்கொண்டுபோய், அவர்களுக்கு போஜனங்கொடுத்து, தன் வீட்டார் அனைவரோடுங்கூட தேவனிடத்தில் விசுவாசமுள்ளவனாகி மனமகிழ்ச்சியாயிருந்தான்.	லூக் 5:29 லூக் 19:6 பிலிப் 4:17 1தெச 4:9 1தெச 4:10 பிலேமோ 1:7 யாக் 2:14-17 1யோவா 3:18
35	பொழுது விடிந்தபின்பு: அந்த மனுஷரை விட்டுவிடுங்கள் என்று சொல்ல அதிகாரிகள் சேவகர்களை அனுப்பினார்கள்.	அப் 4:21 அப் 5:40 சங் 76:10 எரே 5:22
36	சிறைச்சாலைக்காரன் பவுலுக்கு இந்த வார்த்தைகளை அறிவித்து: உங்களை விடுதலையாக்கும்படிக்கு அதிகாரிகள் கட்டளை அனுப்பினார்கள்; ஆகையால் நீங்கள் இப்பொழுது புறப்பட்டுச் சமாதானத்துடனே போங்கள் என்றான்.	அப் 15:33 யாத் 4:18 நியா 18:6 1சாமு 1:17 1சாமு 20:42 1சாமு 25:35 1சாமு 29:7 2இரா 5:19 மாற் 5:34 யோவா 14:27
37	அதற்குப் பவுல்: ரோமராகிய எங்களை அவர்கள் நியாயம்விசாரியாமல், வெளியரங்கமாய் அடித்து, சிறைச்சாலையிலே போட்டார்கள்; இப்பொழுது இரகசியமாய் எங்களை விடுதலையாக்குகிறார்களோ? அப்படியல்ல, அவர்களே வந்து, எங்களை வெளியே அழைத்து அனுப்பிவிடட்டும் என்றான்.	அப் 16:20-24 அப் 22:25-28 சங் 58:1 சங் 58:2 சங் 82:1 சங் 82:2 சங் 94:20 நீதி 28:1
38	சேவகர் இந்த வார்த்தைகளை அதிகாரிகளுக்கு அறிவித்தார்கள். ரோமராயிருக்கிறார்களென்று அவர்கள் கேட்டபொழுது பயந்துவந்து,	அப் 22:29 மத் 14:5 மத் 21:46
39	அவர்களுடனே தயவாய்ப் பேசி, அவர்களை வெளியே அழைத்துக்கொண்டுபோய், பட்டணத்தை விட்டுப் புறப்பட்டுப்போகும்படி கேட்டுக்கொண்டார்கள்.	யாத் 11:8 ஏசா 45:14 ஏசா 49:23 ஏசா 60:14 மீகா 7:9 மீகா 7:10 வெளிப் 3:9
40	அந்தப்படி அவர்கள் சிறைச்சாலையிலிருந்து புறப்பட்டு லீதியாளிடத்திற்குப்போய், சகோதரரைக் கண்டு, அவர்களுக்கு ஆறுதல் சொல்லிப் போய்விட்டார்கள்.	அப் 16:14 அப் 4:23 அப் 12:12-17