1	பஸ்கா பண்டிகை வர ஆறுநாளைக்கு முன்னே இயேசு தாம் மரணத்திலிருந்து எழுப்பின லாசரு இருந்த பெத்தானியாவுக்கு வந்தார்.	யோவா 11:55
2	அங்கே அவருக்கு இராவிருந்துபண்ணினார்கள்; மார்த்தாள் பணிவிடை செய்தாள்; லாசருவும் அவருடனேகூடப் பந்தியிருந்தவர்களில் ஒருவனாயிருந்தான்.	உன்ன 4:16 உன்ன 5:1 லூக் 5:29 லூக் 14:12 வெளிப் 3:20
3	அப்பொழுது மரியாள் விலையேறப்பெற்ற களங்கமில்லாத நளதம் என்னும் தைலத்தில் ஒரு இராத்தல் கொண்டுவந்து, அதை இயேசுவின் பாதங்களில் பூசி, தன் தலைமயிரால் அவருடைய பாதங்களைத் துடைத்தாள்; அந்த வீடு முழுவதும் தைலத்தின் பரிமளத்தினால் நிறைந்தது.	யோவா 11:2 யோவா 11:28 யோவா 11:32 மத் 26:6 மத் 26:7-13 மாற் 14:3-9 லூக் 10:38 லூக் 10:39
4	அப்பொழுது அவருடைய சீஷரில் ஒருவனும் அவரைக் காட்டிகொடுக்கப்போகிறவனுமாகிய சீமோனுடைய குமாரனான யூதாஸ்காரியோத்து:	1சாமு 17:28 1சாமு 17:29 பிரச 4:4
5	இந்தத் தைலத்தை முந்நூறு பணத்துக்கு விற்று, தரித்திரருக்குக் கொடாமல் போனதென்ன என்றான்.	யாத் 5:8 யாத் 5:17 ஆமோ 8:5 மல்கி 1:10-13 மத் 26:8 மாற் 14:4 லூக் 6:41
6	அவன் தரித்திரரைக்குறித்துக் கவலைப்பட்டு இப்படிச் சொல்லாமல், அவன் திருடனானபடியினாலும், பணப்பையை வைத்துக்கொண்டு அதிலே போடப்பட்டதைச் சுமக்கிறவனானபடியினாலும் இப்படிச் சொன்னான்.	யோவா 10:13 சங் 14:1 நீதி 29:7 எசே 33:31 கலா 2:10 யாக் 2:2 யாக் 2:6
7	அப்பொழுது இயேசு: இவளை விட்டுவிடு, என்னை அடக்கம்பண்ணும் நாளுக்காக இதை வைத்திருந்தாள்.	சங் 109:31 சகரி 3:2 மத் 26:10 மாற் 14:6
8	தரித்திரர் எப்பொழுதும் உங்களிடத்தில் இருக்கிறார்கள்; நான் எப்பொழுதும் உங்களிடத்தில் இரேன் என்றார்.	உபா 15:11 மத் 26:11 மாற் 14:7
9	அப்பொழுது யூதரில் திரளான ஜனங்கள் அவர் அங்கேயிருக்கிறதை அறிந்து, இயேசுவினிமித்தமாகமாத்திரம் அல்ல, அவர் மரித்தோரிலிருந்தெழுப்பின லாசருவைக் காணும்படியாகவும் வந்தார்கள்.	யோவா 11:43-45 அப் 3:10 அப் 3:11 அப் 4:14
10	லாசருவினிமித்தமாக யூதர்களில் அநேகர் போய், இயேசுவினிடத்தில் விசுவாசம்வைத்தபடியால்,	யோவா 11:47-53 யோவா 11:57-53 ஆதி 4:4-10 யாத் 10:3 யோபு 15:25 யோபு 15:26 யோபு 40:8 யோபு 40:9 பிரச 9:3 தானி 5:21-23 மத் 2:3-8 மத் 2:16-8 லூக் 16:31
11	பிரதான ஆசாரியர்கள் லாசருவையும் கொலைசெய்ய ஆலோசனைபண்ணினார்கள்.	யோவா 12:18 யோவா 11:45 யோவா 11:48 யோவா 15:18-25 அப் 13:45 யாக் 3:14-16
12	மறுநாளிலே இயேசு எருசலேமுக்கு வருகிறாரென்று பண்டிகைக்கு வந்த திரளான ஜனங்கள் கேள்விப்பட்டு,	மத் 21:8
13	குருத்தோலைகளைப் பிடித்துக்கொண்டு, அவருக்கு எதிர்கொண்டுபோகும்படி புறப்பட்டு: ஓசன்னா, கர்த்தருடைய நாமத்தினாலே வருகிற இஸ்ரவேலின் ராஜா ஸ்தோத்திரிக்கப்பட்டவர் என்று ஆர்ப்பரித்தார்கள்.	லேவி 23:40 வெளிப் 7:9
14	அல்லாமலும்: சீயோன் குமாரத்தியே, பயப்படாதே, உன் ராஜா கழுதைக்குட்டியின்மேல் ஏறிவருகிறார் என்று எழுதியிருக்கிறபிரகாரமாக,	மத் 21:1-7 மாற் 11:1-7 லூக் 19:29-35
15	இயேசு ஒரு கழுதைக்குட்டியைக் கண்டு அதின்மேல் ஏறிப்போனார்.	ஏசா 35:4 ஏசா 35:5 ஏசா 40:9 ஏசா 40:10 ஏசா 41:14 ஏசா 62:11 மீகா 4:8 செப் 3:16 செப் 3:17 சகரி 2:9-11 மத் 2:2-6
16	இவைகளை அவருடைய சீஷர்கள் துவக்கத்திலே அறியவில்லை. இயேசு மகிமையடைந்த பின்பு, இப்படி அவரைக்குறித்து எழுதியிருக்கிறதையும், தாங்கள் இப்படி அவருக்குச் செய்ததையும் நினைவுகூர்ந்தார்கள்.	லூக் 9:45 லூக் 18:34 லூக் 24:25 லூக் 24:45
17	அன்றியும் அவருடனேகூட இருந்த ஜனங்கள் அவர் லாசருவைக் கல்லறையிலிருந்து வெளியே வரவழைத்து, அவனை உயிரோடே எழுப்பினாரென்று சாட்சி கொடுத்தார்கள்.	யோவா 12:9 யோவா 11:31 யோவா 11:45 யோவா 11:46 சங் 145:6 சங் 145:7
18	அப்படிப்பட்ட அற்புதத்தை அவர் செய்தார் என்று ஜனங்கள் கேள்விப்பட்டதினால் அவர்கள் அவருக்கு எதிர்கொண்டுபோனார்கள்.
19	அப்பொழுது பரிசேயர் ஒருவரையொருவர் நோக்கி: நீங்கள் செய்கிறதெல்லாம் வீணென்று அறிகிறதில்லையா? இதோ, உலகமே அவனுக்குப் பின்சென்று போயிற்றே என்றார்கள்.	யோவா 11:47-50 மத் 21:15 லூக் 19:47 லூக் 19:48 அப் 4:16 அப் 4:17 அப் 5:27 அப் 5:28
20	பண்டிகையில் ஆராதனை செய்யவந்தவர்களில் சில கிரேக்கர் இருந்தார்கள்.	யோவா 7:35 மாற் 7:26 அப் 14:1 அப் 16:1 அப் 17:4 அப் 20:21 அப் 21:28 ரோம 1:16 ரோம 10:12 கலா 2:3 கலா 3:28 கொலோ 3:11
21	அவர்கள் கலிலேயா நாட்டுப் பெத்சாயிதா ஊரானாகிய பிலிப்புவினிடத்தில் வந்து: ஐயா, இயேசுவைக் காண விரும்புகிறோம் என்று அவனைக் கேட்டுக்கொண்டார்கள்.	யோவா 1:43-47 யோவா 6:5-7 யோவா 14:8 யோவா 14:9
22	பிலிப்பு வந்து, அதை அந்திரேயாவுக்கு அறிவித்தான்; பின்பு அந்திரேயாவும் பிலிப்புவும் அதை இயேசுவுக்கு அறிவித்தார்கள்.	யோவா 1:40 யோவா 1:41 யோவா 6:8
23	அப்பொழுது இயேசு அவர்களை நோக்கி: மனுஷகுமாரன் மகிமைப்படும்படியான வேளை வந்தது.	யோவா 13:31 யோவா 13:32 யோவா 17:1-5 யோவா 17:9-5 யோவா 17:10-5 ஏசா 49:5 ஏசா 49:6 ஏசா 53:10-12 ஏசா 55:5 ஏசா 60:9 மத் 25:31 1பேது 2:9 1பேது 2:10
24	மெய்யாகவே மெய்யாகவே நான் உங்களுக்குச் சொல்லுகிறேன், கோதுமை மணியானது நிலத்தில் விழுந்து சாகாவிட்டால் தனித்திருக்கும், செத்ததேயாகில் மிகுந்த பலனைக்கொடுக்கும்.	சங் 72:16 1கொரி 15:36-38
25	தன் ஜீவனைச் சிநேகிக்கிறவன் அதை இழந்துபோவான்; இந்த உலகத்தில் தன் ஜீவனை வெறுக்கிறவனோ அவன் அதை நித்திய ஜீவகாலமாய்க் காத்துக்கொள்ளுவான்.	மத் 10:39 மத் 16:25 மத் 19:29 மாற் 8:35 லூக் 9:23 லூக் 9:24 லூக் 17:33 அப் 20:24 அப் 21:13 எபிரெ 11:35 வெளிப் 12:11
26	ஒருவன் எனக்கு ஊழியஞ்செய்கிறவனானால் என்னைப் பின்பற்றக்கடவன், நான் எங்கே இருக்கிறேனோ அங்கே என் ஊழியக்காரனும் இருப்பான்; ஒருவன் எனக்கு ஊழியஞ்செய்தால் அவனைப் பிதாவானவர் கனம்பண்ணுவார்.	யோவா 13:16 யோவா 14:15 யோவா 15:20 லூக் 6:46 ரோம 1:1 ரோம 14:18 2கொரி 4:5 கலா 1:10 கொலோ 3:24 கொலோ 4:12 2பேது 1:1 1யோவா 5:3 யூதா 1:1
27	இப்பொழுது என் ஆத்துமா கலங்குகிறது, நான் என்ன சொல்லுவேன். பிதாவே, இந்த வேளையினின்று என்னை இரட்சியும் என்று சொல்வேனோ; ஆகிலும், இதற்காகவே இந்த வேளைக்குள் வந்தேன்.	யோவா 11:33-35 யோவா 13:21 சங் 69:1-3 சங் 88:3 ஏசா 53:3 மத் 26:38 மத் 26:39 மத் 26:42 மாற் 14:33-36 லூக் 22:44 லூக் 22:53 எபிரெ 5:7
28	பிதாவே, உமது நாமத்தை மகிமைப்படுத்தும் என்றார். அப்பொழுது: மகிமைப்படுத்தினேன், இன்னமும் மகிமைப்படுத்துவேன் என்கிற சத்தம் வானத்திலிருந்து உண்டாயிற்று.	யோவா 18:11 மத் 26:42 மாற் 14:36
29	அங்கே நின்று கொண்டிருந்து, அதைக் கேட்ட ஜனங்கள்: இடிமுழக்கமுண்டாயிற்று என்றார்கள். வேறுசிலர்: தேவதூதன் அவருடனே பேசினான் என்றார்கள்.	யாத் 19:16 யாத் 20:18 யோபு 37:2-5 யோபு 40:9 எசே 10:5 வெளிப் 6:1 வெளிப் 8:5 வெளிப் 11:19 வெளிப் 14:2
30	இயேசு அவர்களை நோக்கி: இந்தச் சத்தம் என்னிமித்தம் உண்டாகாமல் உங்கள் நிமித்தமே உண்டாயிற்று.	யோவா 5:34 யோவா 11:15 யோவா 11:42 2கொரி 8:9
31	இப்பொழுதே இந்த உலகத்துக்கு நியாயத்தீர்ப்பு உண்டாகிறது; இப்பொழுதே இந்த உலகத்தின் அதிபதி புறம்பாகத் தள்ளப்படுவான்.	யோவா 5:22-27 யோவா 16:8-10
32	நான் பூமியிலிருந்து உயர்த்தப்பட்டிருக்கும்போது, எல்லாரையும் என்னிடத்தில் இழுத்துக்கொள்ளுவேன் என்றார்.	யோவா 3:14 யோவா 8:28 யோவா 19:17 உபா 21:22 உபா 21:23 2சாமு 18:9 சங் 22:16-18 கலா 3:13 1பேது 2:24 1பேது 3:18
33	தாம் இன்னவிதமான மரணமாய் மரிக்கப்போகிறாரென்பதைக் குறிக்கும்படி இப்படிச் சொன்னார்.	யோவா 18:32 யோவா 21:19
34	ஜனங்கள் அவரை நோக்கி: கிறிஸ்து என்றென்றைக்கும் இருக்கிறார் என்று வேதத்தில் சொல்லியதை நாங்கள் கேட்டிருக்கிறோம், அப்படியிருக்க மனுஷகுமாரன் உயர்த்தப்படவேண்டியதென்று எப்படிச் சொல்லுகிறீர்; இந்த மனுஷகுமாரன் யார் என்றார்கள்.	யோவா 10:34 யோவா 15:25 ரோம 3:19 ரோம 5:18
35	அதற்கு இயேசு: இன்னும் கொஞ்சக்காலம் ஒளி உங்களிடத்தில் இருக்கும்; இருளில் நீங்கள் அகப்படாதபடிக்கு ஒளி உங்களோடிருக்கையில் நடவுங்கள்; இருளில் நடக்கிறவன் தான் போகிற இடம் இன்னதென்று அறியான்.	யோவா 7:33 யோவா 9:4 யோவா 16:16 எபிரெ 3:7 எபிரெ 3:8
36	ஒளி உங்களோடிருக்கையில் நீங்கள் ஒளியின் பிள்ளைகளாகும்படிக்கு, ஒளியினிடத்தில் விசுவாசமாயிருங்கள் என்றார். இவைகளை இயேசு சொல்லி, அவர்களைவிட்டு மறைந்தார்.	யோவா 1:7 யோவா 3:21 ஏசா 60:1 அப் 13:47 அப் 13:48
37	அவர் இத்தனை அற்புதங்களை அவர்களுக்கு முன்பாகச் செய்திருந்தும், அவர்கள் அவரை விசுவாசிக்கவில்லை.	யோவா 1:11 யோவா 11:42 யோவா 15:24 மத் 11:20 லூக் 16:31
38	கர்த்தாவே, எங்கள் மூலமாய்க் கேள்விப்பட்டதை விசுவாசித்தவன் யார்? கர்த்தருடைய புயம் யாருக்கு வெளிப்பட்டது என்று ஏசாயா தீர்க்கதரிசி சொன்ன வசனம் நிறைவேறும்படி இப்படி நடந்தது.	யோவா 15:25 யோவா 17:12 யோவா 19:24 யோவா 19:36 யோவா 19:37 மத் 27:35 அப் 13:27-29
39	ஆகையால் அவர்கள் விசுவாசிக்கமாட்டாமல்போனார்கள். ஏனெனில் ஏசாயா பின்னும்:	யோவா 5:44 யோவா 6:44 யோவா 10:38 ஏசா 44:18-20 2பேது 2:14
40	அவர்கள் கண்களினால் காணாமலும், இருதயத்தினால் உணராமலும், குணப்படாமலும் இருக்கும்படிக்கும், நான் அவர்களை ஆரோக்கியமாக்காமல் இருக்கும்படிக்கும், அவர்களுடைய கண்களை அவர் குருடாக்கி, அவர்கள் இருதயத்தைக் கடினமாக்கினார் என்றான்.	யோவா 9:39 1இரா 22:20 ஏசா 29:10 எசே 14:9 மத் 13:13-15 மத் 15:14 மாற் 4:12 லூக் 8:10 அப் 28:26 ரோம 11:8-11
41	ஏசாயா அவருடைய மகிமையைக் கண்டு, அவரைக்குறித்துப் பேசுகிறபோது இவைகளைச் சொன்னான்.	ஏசா 6:1-5 ஏசா 6:9-5 ஏசா 6:10-5
42	ஆகிலும் அதிகாரிகளிலும் அநேகர் அவரிடத்தில் விசுவாசம்வைத்தார்கள். அப்படியிருந்தும் ஜெப ஆலயத்துக்குப் புறம்பாக்கப்படாதபடி, பரிசேயர்நிமித்தம் அதை அறிக்கைபண்ணாதிருந்தார்கள்.	யோவா 3:2 யோவா 7:48-51 யோவா 11:45 யோவா 19:38
43	அவர்கள் தேவனால் வருகிற மகிமையிலும் மனுஷரால் வருகிற மகிமையை அதிகமாய் விரும்பினார்கள்.	யோவா 5:41 யோவா 5:44 மத் 6:2 மத் 23:5-7 லூக் 16:15 சங் 22:29 1தெச 2:6
44	அப்பொழுது இயேசு சத்தமிட்டு: என்னிடத்தில் விசுவாசமாயிருக்கிறவன் என்னிடத்தில் அல்ல, என்னை அனுப்பினவரிடத்தில் விசுவாசமாயிருக்கிறான்.	யோவா 7:28 யோவா 11:43 நீதி 1:20 நீதி 8:1 ஏசா 55:1-3
45	என்னைக் காண்கிறவன் என்னை அனுப்பினவரைக் காண்கிறான்.	யோவா 12:41 யோவா 14:9 யோவா 14:10 யோவா 15:24 2கொரி 4:6 கொலோ 1:15 எபிரெ 1:3 1யோவா 5:20
46	என்னிடத்தில் விசுவாசமாயிருக்கிறவனெவனும் இருளில் இராதபடிக்கு, நான் உலகத்தில் ஒளியாக வந்தேன்.	யோவா 12:35 யோவா 12:36 யோவா 1:4 யோவா 1:5 யோவா 3:19 யோவா 8:12 யோவா 9:5 யோவா 9:39 சங் 36:9 ஏசா 40:1 மல்கி 4:2 மத் 4:16 லூக் 1:76-79 லூக் 2:32 அப் 26:18 1யோவா 1:1-3 1யோவா 2:8 1யோவா 2:9
47	ஒருவன் என் வார்த்தைகளைக் கேட்டும் விசுவாசியாமற்போனால், அவனை நான் நியாயந்தீர்ப்பதில்லை; நான் உலகத்தை நியாயந்தீர்க்கவராமல், உலகத்தை இரட்சிக்கவந்தேன்.	யோவா 12:48 யோவா 5:45 யோவா 8:15 யோவா 8:16 யோவா 8:26
48	என்னைத் தள்ளி என் வார்த்தைகளை ஏற்றுக்கொள்ளாதவனை நியாயந்தீர்க்கிறதொன்றிருக்கிறது; நான் சொன்ன வசனமே அவனைக் கடைசிநாளில் நியாயந்தீர்க்கும்.	உபா 18:19 1சாமு 8:7 1சாமு 10:19 ஏசா 53:3 மத் 21:42 மாற் 8:31 மாற் 12:10 லூக் 7:30 லூக் 9:22 லூக் 9:26 லூக் 10:16 லூக் 17:25 லூக் 20:17 அப் 3:23 எபிரெ 2:3 எபிரெ 10:29-31 எபிரெ 12:25
49	நான் சுயமாய்ப் பேசவில்லை, நான் பேசவேண்டியது இன்னதென்றும் உபதேசிக்கவேண்டியது இன்னதென்றும் என்னை அனுப்பின பிதாவே எனக்குக் கட்டளையிட்டார்.	யோவா 3:11 யோவா 3:32 யோவா 5:30 யோவா 6:38-40 யோவா 8:26 யோவா 8:42 யோவா 14:10 யோவா 15:15 யோவா 17:8 உபா 18:18 வெளிப் 1:1
50	அவருடைய கட்டளை நித்திய ஜீவனாயிருக்கிறதென்று அறிவேன்; ஆகையால் நான் பேசுகிறவைகளைப் பிதா எனக்குச் சொன்னபடியே பேசுகிறேன் என்றார்.	யோவா 6:63 யோவா 6:68 யோவா 17:3 யோவா 20:31 1தீமோ 1:16 1யோவா 2:25 1யோவா 3:23 1யோவா 3:24 1யோவா 5:11-13 1யோவா 5:20-13