1	மரியாளும் அவள் சகோதரியாகிய மார்த்தாளும் இருந்த பெத்தானியா கிராமத்திலுள்ளவனாகிய லாசரு என்னும் ஒருவன் வியாதிப்பட்டிருந்தான்.	யோவா 11:3 யோவா 11:6 ஆதி 48:1 2இரா 20:1-12 அப் 9:37
2	கர்த்தருக்குப் பரிமளதைலம் பூசி, தன் தலைமயிரால் அவருடைய பாதங்களைத் துடைத்தவள் அந்த மரியாளே; அவளுடைய சகோதரனாகிய லாசரு வியாதியாயிருந்தான்.	யோவா 12:3 மத் 26:6 மத் 26:7 மாற் 14:3
3	அப்பொழுது அவனுடைய சகோதரிகள்: ஆண்டவரே, நீர் சிநேகிக்கிறவன் வியாதியாயிருக்கிறான் என்று சொல்ல, அவரிடத்திற்கு ஆள் அனுப்பினார்கள்.	யோவா 11:1 யோவா 11:5 யோவா 13:23 ஆதி 22:2 சங் 16:3 பிலிப் 2:26 பிலிப் 2:27 2தீமோ 4:20 எபிரெ 12:6 எபிரெ 12:7 யாக் 5:14 யாக் 5:15 வெளிப் 3:19
4	இயேசு அதைக் கேட்டபொழுது: இந்த வியாதி மரணத்துக்கு ஏதுவாயிராமல் தேவனுடைய மகிமை விளங்குவதற்கு ஏதுவாயிருக்கிறது; தேவனுடைய குமாரனும் அதினால் மகிமைப்படுவார் என்றார்.	யோவா 9:3 மாற் 5:39-42 ரோம 11:11
5	இயேசு மார்த்தாளிடத்திலும் அவளுடைய சகோதரியினிடத்திலும் லாசருவினிடத்திலும் அன்பாயிருந்தார்.	யோவா 11:8 யோவா 11:36 யோவா 15:9-13 யோவா 16:27 யோவா 17:26
6	அவன் வியாதியாயிருக்கிறதாக அவர் கேள்விப்பட்டபொழுது, தாம் இருந்த இடத்திலே பின்னும் இரண்டுநாள் தங்கினார்.	ஆதி 22:14 ஆதி 42:24 ஆதி 43:29-31 ஆதி 44:1-5 ஆதி 45:1-5 ஏசா 30:18 ஏசா 55:8 ஏசா 55:9 மத் 15:22-28
7	அதன்பின்பு அவர் தம்முடைய சீஷரை நோக்கி: நாம் மறுபடியும் யூதேயாவுக்குப் போவோம் வாருங்கள் என்றார்.	யோவா 10:40-42 லூக் 9:51 அப் 15:36 அப் 20:22-24
8	அதற்குச் சீஷர்கள்: ரபீ, இப்பொழுதுதான் யூதர் உம்மைக் கல்லெறியத் தேடினார்களே, மறுபடியும் நீர் அவ்விடத்திற்குப் போகலாமா என்றார்கள்.	யோவா 10:31 யோவா 10:39 சங் 11:1-3 மத் 16:21-23 அப் 21:12 அப் 21:13
9	இயேசு பிரதியுத்தரமாக: பகலுக்குப் பன்னிரண்டு மணிநேரம் இல்லையா? ஒருவன் பகலிலே நடந்தால் அவன் இந்த உலகத்தின் வெளிச்சத்தைக் காண்கிறபடியினால் இடறமாட்டான்.	யோவா 9:4 லூக் 13:31-33
10	ஒருவன் இரவிலே நடந்தால் தன்னிடத்தில் வெளிச்சம் இல்லாதபடியினால் இடறுவான் என்றார்.	சங் 27:2 நீதி 4:18 நீதி 4:19 பிரச 2:14 எரே 13:16 எரே 20:11 1யோவா 2:10 1யோவா 2:11
11	இவைகளை அவர் சொல்லியபின்பு அவர்களை நோக்கி: நம்முடைய சிநேகிதனாகிய லாசரு நித்திரையடைந்திருக்கிறான், நான் அவனை எழுப்பப்போகிறேன் என்றார்.	யோவா 3:29 யோவா 15:13-15 யாத் 33:11 2நாளா 20:7 ஏசா 41:8 யாக் 2:23
12	அதற்கு அவருடைய சீஷர்கள்: ஆண்டவரே, நித்திரையடைந்திருந்தால் சுகமடைவான் என்றார்கள்.
13	இயேசுவானவர் அவனுடைய மரணத்தைக்குறித்து அப்படிச் சொன்னார்; அவர்களோ நித்திரைசெய்து இளைப்பாறுகிறதைக்குறித்துச் சொன்னாரென்று நினைத்தார்கள்.
14	அப்பொழுது இயேசு அவர்களை நோக்கி: லாசரு மரித்துப்போனான் என்று வெளிப்படையாய்ச் சொல்லி;	யோவா 10:24 யோவா 16:25 யோவா 16:29
15	நான் அங்கே இராததினால் நீங்கள் விசுவாசமுள்ளவர்களாகிறதற்கு ஏதுவுண்டென்று உங்கள்நிமித்தம் சந்தோஷப்படுகிறேன்; இப்பொழுது அவனிடத்திற்குப் போவோம் வாருங்கள் என்றார்.	யோவா 11:35 யோவா 11:36
16	அப்பொழுது திதிமு என்னப்பட்ட தோமா மற்றச் சீஷர்களை நோக்கி: அவரோடேகூட மரிக்கும்படி நாமும் போவோம் வாருங்கள் என்றான்.	யோவா 20:24-29 யோவா 21:2 மத் 10:3 மாற் 3:18 லூக் 6:15
17	இயேசு வந்தபோது அவன் கல்லறையில் வைக்கப்பட்டு நாலுநாளாயிற்றென்று கண்டார்.	யோவா 11:39 யோவா 2:19 ஓசி 6:2 அப் 2:27-31
18	பெத்தானியா ஊர் எருசலேமுக்குச் சமீபமாய் ஏறக்குறைய இரண்டுமைல் தூரத்திலிருந்தது.	யோவா 6:19 லூக் 24:13 வெளிப் 14:20 வெளிப் 21:16
19	யூதரில் அநேகர் மார்த்தாள் மரியாள் என்பவர்களுடைய சகோதரனைக் குறித்து அவர்களுக்கு ஆறுதல் சொல்லும்படி அவர்களிடத்தில் வந்திருந்தார்கள்.	ஆதி 37:35 2சாமு 10:2 1நாளா 7:21 1நாளா 7:22 யோபு 2:11 யோபு 42:11 பிரச 7:2 ஏசா 51:19 எரே 16:5-7 புலம் 1:2 புலம் 1:9 புலம் 1:16 புலம் 1:21 புலம் 2:13 ரோம 12:15 2கொரி 1:4 1தெச 4:18 1தெச 5:11
20	இயேசு வருகிறார் என்று மார்த்தாள் கேள்விப்பட்டபோது, அவருக்கு எதிர்கொண்டுபோனாள்; மரியாளோ வீட்டிலே உட்கார்ந்திருந்தாள்.	யோவா 11:30 மத் 25:1 மத் 25:6 அப் 10:25 அப் 28:15 1தெச 4:17
21	மார்த்தாள் இயேசுவினிடத்தில் வந்து: ஆண்டவரே, நீர் இங்கேயிருந்தீரானால் என் சகோதரன் மரிக்கமாட்டான்.	யோவா 11:32 யோவா 11:37 யோவா 4:47-49 1இரா 17:18 சங் 78:19 சங் 78:41 மத் 9:18 லூக் 7:6-10 லூக் 7:13-15 லூக் 8:49-55
22	இப்பொழுதும் நீர் தேவனிடத்தில் கேட்டுக்கொள்ளுவதெதுவோ அதை தேவன் உமக்குத் தந்தருளுவாரென்று அறிந்திருக்கிறேன் என்றாள்.	யோவா 11:41 யோவா 11:42 யோவா 9:31 மாற் 9:23 எபிரெ 11:17-19
23	இயேசு அவளை நோக்கி: உன் சகோதரன் உயிர்த்தெழுந்திருப்பான் என்றார்.	யோவா 11:43 யோவா 11:44
24	அதற்கு மார்த்தாள்: உயிர்தெழுதல் நடக்கும் கடைசிநாளிலே அவனும் உயிர்த்தெழுந்திருப்பான் என்று அறிந்திருக்கிறேன் என்றாள்.	யோவா 5:28 யோவா 5:29 சங் 17:15 சங் 49:14 சங் 49:15 ஏசா 25:8 ஏசா 26:19 எசே 37:1-10 தானி 12:2 தானி 12:3 ஓசி 6:2 ஓசி 13:14 மத் 22:23-32 லூக் 14:14 அப் 17:31 அப் 17:32 அப் 23:6-9 அப் 24:15 எபிரெ 11:35
25	இயேசு அவளை நோக்கி: நானே உயிர்த்தெழுதலும் ஜீவனுமாயிருக்கிறேன், என்னை விசுவாசிக்கிறவன் மரித்தாலும் பிழைப்பான்;	யோவா 5:21 யோவா 6:39 யோவா 6:40 யோவா 6:44 ரோம 5:17-19 ரோம 8:11 1கொரி 15:20-26 1கொரி 15:43-57 2கொரி 4:14 பிலிப் 3:10 பிலிப் 3:20 பிலிப் 3:21 1தெச 4:14 வெளிப் 20:5 வெளிப் 20:10-15 வெளிப் 21:4
26	உயிரோடிருந்து என்னை விசுவாசிக்கிறவனெவனும் என்றென்றைக்கும் மரியாமலும் இருப்பான்; இதை விசுவாசிக்கிறாயா என்றார்.	யோவா 3:15-18 யோவா 4:14 யோவா 5:24 யோவா 6:50 யோவா 6:54-58 யோவா 8:52 யோவா 8:53 யோவா 10:28 ரோம 8:13 1யோவா 5:10-12
27	அதற்கு அவள்: ஆம், ஆண்டவரே, நீர் உலகத்தில் வருகிறவரான தேவகுமாரனாகிய கிறிஸ்து என்று நான் விசுவாசிக்கிறேன் என்றாள்.	யோவா 1:49 யோவா 4:42 யோவா 6:69 யோவா 9:36-38 யோவா 20:28-31 மத் 16:16 அப் 8:37 1யோவா 5:1
28	இவைகளைச் சொன்னபின்பு, அவள் போய், தன் சகோதரியாகிய மரியாளை இரகசியமாய் அழைத்து: போதகர் வந்திருக்கிறார், உன்னை அழைக்கிறார் என்றாள்.	யோவா 11:20 யோவா 1:41 யோவா 1:45 யோவா 21:7 சகரி 3:10 லூக் 10:38-42 1தெச 4:17 1தெச 4:18 1தெச 5:11 எபிரெ 12:12
29	அவள் அதைக் கேட்டவுடனே, சீக்கிரமாய் எழுந்து, அவரிடத்தில் வந்தாள்.	சங் 27:8 சங் 119:59 சங் 119:60 நீதி 15:23 நீதி 27:17 உன்ன 3:1-4
30	இயேசு இன்னும் கிராமத்துக்குள் வராமல், மார்த்தாள் தம்மைச் சந்தித்த இடத்திலே இருந்தார்.
31	அப்பொழுது, வீட்டிலே அவளுடனேகூட இருந்து அவளுக்கு ஆறுதல் சொல்லிக்கொண்டிருந்த யூதர்கள், மரியாள் சீக்கிரமாய் எழுந்துபோகிறதைக் கண்டு: அவள் கல்லறையினிடத்தில் அழுகிறதற்குப் போகிறாள் என்று சொல்லி, அவளுக்குப் பின்னே போனார்கள்.	ஆதி 37:35 2சாமு 12:16-18 1கொரி 2:15
32	இயேசு இருந்த இடத்தில் மரியாள் வந்து, அவரைக் கண்டவுடனே, அவர் பாதத்தில் விழுந்து: ஆண்டவரே, நீர் இங்கே இருந்தீரானால் என் சகோதரன் மரிக்கமாட்டான் என்றாள்.	லூக் 5:8 லூக் 8:41 லூக் 17:16 வெளிப் 5:8 வெளிப் 5:14 வெளிப் 22:8
33	அவள் அழுகிறதையும் அவளோடேகூட வந்த யூதர்கள் அழுகிறதையும் இயேசு கண்டபோது ஆவியிலே கலங்கித் துயரமடைந்து:	ரோம 12:15
34	அவனை எங்கே வைத்தீர்கள் என்றார். ஆண்டவரே, வந்து பாரும் என்றார்கள்.	யோவா 1:39 யோவா 20:2 மத் 28:6 மாற் 15:47 மாற் 16:6
35	இயேசு கண்ணீர் விட்டார்.	யோவா 11:33 ஆதி 43:30 யோபு 30:25 சங் 35:13-15 சங் 119:136 ஏசா 53:3 ஏசா 63:9 எரே 9:1 எரே 13:17 எரே 14:17 புலம் 1:16 லூக் 19:11 லூக் 19:41 ரோம 9:2 ரோம 9:3 எபிரெ 2:16 எபிரெ 2:17 எபிரெ 4:15
36	அப்பொழுது யூதர்கள்: இதோ, இவர் அவனை எவ்வளவாய்ச் சிநேகித்தார் என்றார்கள்!	யோவா 14:21-23 யோவா 21:15-17 2கொரி 8:8 2கொரி 8:9 எபே 5:2 எபே 5:25 1யோவா 3:1 1யோவா 4:9 1யோவா 4:10 வெளிப் 1:5
37	அவர்களில் சிலர்: குருடனுடைய கண்களைத் திறந்த இவர். இவனைச் சாகாமலிருக்கப்பண்ணவும் கூடாதா என்றார்கள்.	யோவா 9:6 சங் 78:19 சங் 78:20 மத் 27:40-42 மாற் 15:32 லூக் 23:35 லூக் 23:39
38	அப்பொழுது இயேசு மறுபடியும் தமக்குள்ளே கலங்கிக் கல்லறையினிடத்திற்கு வந்தார். அது ஒரு குகையாயிருந்தது; அதின்மேல் ஒரு கல் வைக்கப்பட்டிருந்தது.	யோவா 11:33 எசே 9:4 எசே 21:6 மாற் 8:12
39	இயேசு: கல்லை எடுத்துப்போடுங்கள் என்றார். மரித்தவனுடைய சகோதரியாகிய மார்த்தாள் அவரை நோக்கி: ஆண்டவரே, இப்பொழுது நாறுமே, நாலுநாளாயிற்றே என்றாள்.	மாற் 16:3
40	இயேசு அவளை நோக்கி: நீ விசுவாசித்தால் தேவனுடைய மகிமையைக் காண்பாய் என்று நான் உனக்குச் சொல்லவில்லையா என்றார்.	யோவா 11:23-26 2நாளா 20:20 ரோம 4:17-25
41	அப்பொழுது மரித்தவன் வைக்கப்பட்ட இடத்திலிருந்த கல்லை எடுத்துப்போட்டார்கள். இயேசு தம்முடைய கண்களை ஏறெடுத்து: பிதாவே, நீர் எனக்குச் செவிகொடுத்தபடியினால் உம்மை ஸ்தோத்திரிக்கிறேன்.	யோவா 12:28-30 யோவா 17:1 சங் 123:1 லூக் 18:13
42	நீர் எப்பொழுதும் எனக்குச் செவிகொடுக்கிறீர் என்று நான் அறிந்திருக்கிறேன்; ஆனாலும் நீர் என்னை அனுப்பினதைச் சூழந்துநிற்கும் ஜனங்கள் விசுவாசிக்கும்படியாக அவர்கள்நிமித்தம் இதைச் சொன்னேன் என்றார்.	யோவா 11:22 யோவா 8:29 யோவா 12:27 யோவா 12:28 மத் 26:53 எபிரெ 5:7 எபிரெ 7:25
43	இவைகளைச் சொன்னபின்பு: லாசருவே, வெளியே வா என்று, உரத்த சத்தமாய்க் கூப்பிட்டார்.	1இரா 17:21 1இரா 17:22 2இரா 4:33-36 மாற் 4:41 லூக் 7:14 லூக் 7:15 அப் 3:6 அப் 3:12 அப் 9:34 அப் 9:40
44	அப்பொழுது, மரித்தவன் வெளியே வந்தான். அவன் கால்களும் கைகளும் பிரேதச் சீலைகளினால் கட்டப்பட்டிருந்தது, அவன் முகமும் சீலையால் சுற்றப்பட்டிருந்தது. இயேசு அவர்களை நோக்கி: இவனைக் கட்டவிழ்த்துவிடுங்கள் என்றார்.	யோவா 11:25 யோவா 11:26 யோவா 5:21 யோவா 5:25 யோவா 10:30 ஆதி 1:3 1சாமு 2:6 சங் 33:9 எசே 37:3-10 ஓசி 13:14 அப் 20:9-12 பிலிப் 3:21 வெளிப் 1:18
45	அப்பொழுது மரியாளிடத்தில் வந்திருந்து, இயேசு செய்தவைகளைக் கண்டவர்களாகிய யூதர்களில் அநேகர் அவரிடத்தில் விசுவாசமுள்ளவர்களானார்கள்.	யோவா 11:19 யோவா 11:31 யோவா 2:23 யோவா 10:41 யோவா 12:9-11 யோவா 12:17-19 யோவா 12:42-19
46	அவர்களில் சிலர் பரிசேயரிடத்தில் போய், இயேசு செய்தவைகளை அவர்களுக்கு அறிவித்தார்கள்.	யோவா 5:15 யோவா 5:16 யோவா 9:13 யோவா 12:37 லூக் 16:30 லூக் 16:31 அப் 5:25
47	அப்பொழுது பிரதான ஆசாரியரும் பரிசேயரும் ஆலோசனைச் சங்கத்தைக் கூடிவரச்செய்து, நாம் என்ன செய்கிறது? இந்த மனுஷன் அநேக அற்புதங்களைச் செய்கிறானே.	சங் 2:2-4 மத் 26:3 மத் 27:1 மத் 27:2 மாற் 14:1 லூக் 22:2 அப் 4:5 அப் 4:6 அப் 4:27 அப் 4:28 அப் 5:21
48	நாம் இவனை இப்படி விட்டுவிட்டால், எல்லாரும் இவனை விசுவாசிப்பார்கள்; அப்பொழுது ரோமர் வந்து நம்முடைய ஸ்தானத்தையும் ஜனத்தையும் அழித்துப் போடுவார்களே என்றார்கள்.	அப் 5:28 அப் 5:38-40
49	அப்பொழுது அவர்களில் ஒருவனும் அந்த வருஷத்துப் பிரதான ஆசாரியனுமாகிய காய்பா என்பவன் அவர்களை நோக்கி: உங்களுக்கு ஒன்றுந்தெரியாது;	யோவா 18:13 யோவா 18:14 லூக் 3:2 அப் 4:6
50	ஜனங்களெல்லாரும் கெட்டுப்போகாதபடிக்கு ஒரே மனுஷன் ஜனங்களுக்காக மரிப்பது நமக்கு நலமாயிருக்குமென்று நீங்கள் சிந்தியாமலிருக்கிறீர்கள் என்றான்.	யோவா 11:48 யோவா 18:14 யோவா 19:12 லூக் 24:46 ரோம 3:8
51	இதை அவன் சுயமாய்ச் சொல்லாமல், அந்த வருஷத்துப் பிரதான ஆசாரியனானபடியினாலே இயேசு யூதஜனங்களுக்காக மரிக்கப்போகிறாரென்றும்,	யாத் 28:30 நியா 20:27 நியா 20:28 1சாமு 23:9 1சாமு 28:6
52	அந்த ஜனங்களுக்காக மாத்திரமல்ல, சிதறியிருக்கிற தேவனுடைய பிள்ளைகளை ஒன்றாகச் சேர்க்கிறதற்காகவும் மரிக்கப்போகிறாரென்றும், தீர்க்கதரிசனமாய்ச் சொன்னான்.	யோவா 1:29 யோவா 12:32 சங் 22:15 சங் 22:27 சங் 72:19 ஏசா 49:6 லூக் 2:32 ரோம 3:29 1யோவா 2:2 வெளிப் 5:9 வெளிப் 7:9 வெளிப் 7:10
53	அந்நாள்முதல் அவரைக் கொலைசெய்யும்படிக்கு ஆலோசனைபண்ணினார்கள்.	நெகே 4:16 நெகே 13:21 சங் 113:2 மத் 16:21 மத் 22:46
54	ஆகையால் இயேசு அதன்பின்பு வெளியரங்கமாய் யூதருக்குள்ளே சஞ்சரியாமல், அவ்விடம்விட்டு வனாந்தரத்துக்குச் சமீபமான இடமாகிய எப்பிராயீம் என்னப்பட்ட ஊருக்குப்போய், அங்கே தம்முடைய சீஷருடனேகூடத் தங்கியிருந்தார்.	யோவா 4:1-3 யோவா 7:1 யோவா 10:40 யோவா 18:20
55	யூதருடைய பஸ்காபண்டிகை சமீபமாயிருந்தது. அதற்கு முன்னே அநேகர் தங்களைச் சுத்திகரித்துக்கொள்ளும்பொருட்டு நாட்டிலிருந்து எருசலேமுக்குப் போனார்கள்.	யோவா 2:13 யோவா 5:1 யோவா 6:4 யாத் 12:11-14
56	அங்கே அவர்கள் இயேசுவைத் தேடிக்கொண்டு தேவாலயத்தில் நிற்கையில், ஒருவரையொருவர் நோக்கி: உங்களுக்கெப்படித் தோன்றுகிறது, அவர் பண்டிகைக்கு வரமாட்டாரோ என்று பேசிக்கொண்டார்கள்.	யோவா 11:8 யோவா 7:11 யோவா 11:7
57	பிரதான ஆசாரியரும் பரிசேயரும் அவரைப் பிடிக்கும்படி யோசித்து, அவர் இருக்கிற இடத்தை எவனாவது அறிந்திருந்தால், அதை அறிவிக்கவேண்டுமென்று கட்டளையிட்டிருந்தார்கள்.	யோவா 5:16-18 யோவா 8:59 யோவா 9:22 யோவா 10:39 சங் 109:4