1	பின்பு அவர் கெனேசரேத்துக் கடலருகே நின்றபோது, திரளான ஜனங்கள் தேவவசனத்தைக் கேட்கும்படி அவரிடத்தில் நெருங்கினார்கள்.	லூக் 8:45 லூக் 12:1 மத் 4:18-22 மத் 11:12 மாற் 1:16-20 மாற் 3:9 மாற் 5:24
2	அப்பொழுது கடற்கரையிலே நின்ற இரண்டு படவுகளைக் கண்டார். மீன்பிடிக்கிறவர்கள் அவைகளை விட்டிறங்கி, வலைகளை அலசிக்கொண்டிருந்தார்கள்.	மத் 4:21 மாற் 1:19
3	அப்பொழுது அந்தப் படவுகளில் ஒன்றில் ஏறினார், அது சீமோனுடையதாயிருந்தது; அதைக் கரையிலிருந்து சற்றே தள்ளும்படி அவனைக் கேட்டுக்கொண்டு, அந்தப் படவில் உட்கார்ந்து, ஜனங்களுக்குப் போதகம்பண்ணினார்.	மத் 4:18 யோவா 1:41 யோவா 1:42
4	அவர் போதகம்பண்ணி முடித்த பின்பு சீமோனை நோக்கி: ஆழத்திலே தள்ளிக்கொண்டுபோய், மீன்பிடிக்கும்படி உங்கள் வலைகளைப் போடுங்கள் என்றார்.	மத் 17:27 யோவா 21:6
5	அதற்குச் சீமோன்: ஐயரே, இராமுழுவதும் நாங்கள் பிரயாசப்பட்டும் ஒன்றும் அகப்படவில்லை; ஆகிலும் உம்முடைய வார்த்தையின்படியே வலையைப் போடுகிறேன் என்றான்.	சங் 127:1 சங் 127:2 எசே 37:11 எசே 37:12 யோவா 21:3
6	அந்தப்படியே அவர்கள் செய்து, தங்கள் வலை கிழிந்துபோகத்தக்கதாக மிகுதியான மீன்களைப் பிடித்தார்கள்.	2இரா 4:3-7 பிரச 11:6 யோவா 21:6-11 அப் 2:41 அப் 4:4 1கொரி 15:58 கலா 6:9
7	அப்பொழுது மற்றப் படவிலிருந்த கூட்டாளிகள் வந்து தங்களுக்கு உதவி செய்யும்படிக்குச் சைகை காட்டினார்கள்; அவர்கள் வந்து, இரண்டு படவுகளும் அமிழத்தக்கதாக நிரப்பினார்கள்.	யாத் 23:5 நீதி 18:24 அப் 11:25 ரோம 16:2-4 கலா 6:2 பிலிப் 4:3
8	சீமோன் பேதுரு அதைக் கண்டு, இயேசுவின் பாதத்தில் விழுந்து: ஆண்டவரே, நான் பாவியான மனுஷன், நீர் என்னைவிட்டுப்போகவேண்டும் என்றான்.	மத் 2:11 யோவா 11:32 அப் 10:25 அப் 10:26 வெளிப் 1:17 வெளிப் 22:8 வெளிப் 22:9
9	அவர்கள் திரளான மீன்களைப் பிடித்ததினிமித்தம், அவனுக்கும் அவனோடுகூட இருந்த யாவருக்கும் பிரமிப்புண்டானபடியினால் அப்படிச் சொன்னான்.	லூக் 4:32 லூக் 4:36 சங் 8:6 சங் 8:8 மாற் 9:6
10	சீமோனுக்குக் கூட்டாளிகளான செபெதேயுவின் குமாரராகிய யாக்கோபும் யோவானும் அந்தப்படியே பிரமித்தார்கள். அப்பொழுது இயேசு சீமோனை நோக்கி: பயப்படாதே, இதுமுதல் நீ மனுஷரைப் பிடிக்கிறவனாயிருப்பாய் என்றார்.	லூக் 6:14 மத் 4:21 மத் 20:20
11	அவர்கள் படவுகளைக் கரையிலே கொண்டுபோய் நிறுத்தி, எல்லாவற்றையும் விட்டு, அவருக்குப் பின்சென்றார்கள்.	லூக் 18:28-30 மத் 4:20 மத் 10:37 மத் 19:27 மாற் 1:18-25 மாற் 10:21 மாற் 10:29 மாற் 10:30 பிலிப் 3:7 பிலிப் 3:8
12	பின்பு அவர் ஒரு பட்டணத்தில் இருக்கையில், குஷ்டரோகம் நிறைந்த ஒரு மனுஷன் இயேசுவைக் கண்டு, முகங்குப்புற விழுந்து: ஆண்டவரே, உமக்குச் சித்தமானால், என்னைச் சுத்தமாக்க உம்மாலே ஆகும் என்று அவரை வேண்டிக்கொண்டான்.	மத் 8:2-4 மாற் 1:40-45
13	அவர் தமது கையை நீட்டி, அவனைத் தொட்டு: எனக்குச் சித்தமுண்டு, சுத்தமாகு என்றார்; உடனே குஷ்டரோகம் அவனை விட்டு நீங்கிற்று.	ஆதி 1:3 ஆதி 1:9 சங் 33:9 2இரா 5:10 2இரா 5:14 எசே 36:25-27 எசே 36:29-27 ஓசி 14:4 மத் 9:29 மத் 9:30
14	அவர் அவனை நோக்கி: நீ இதை ஒருவருக்கும் சொல்லாமல், போய், உன்னை ஆசாரியனுக்குக் காண்பித்து, நீ சுத்தமானதினிமித்தம், மோசே கட்டளையிட்டபடியே, அவர்களுக்குச் சாட்சியாகப் பலிசெலுத்து என்று கட்டளையிட்டார்.	மத் 8:4 மத் 9:30 மத் 12:16
15	அப்படியிருந்தும் அவருடைய கீர்த்தி அதிகமாகப் பரம்பிற்று. திரளான ஜனங்கள் அவருடைய உபதேசத்தைக் கேட்பதற்கும் அவராலே தங்கள் பிணிகள் நீங்கிச் சவுக்கியமடைவதற்கும் கூடிவந்தார்கள்.	நீதி 15:33 1தீமோ 5:25
16	அவரோ வனாந்தரத்தில் தனித்துப் போய், ஜெபம்பண்ணிக்கொண்டிருந்தார்.	லூக் 6:12 மத் 14:23 மாற் 1:35 மாற் 1:36 மாற் 6:46 யோவா 6:15
17	பின்பு ஒருநாள் அவர் உபதேசித்துக்கொண்டிருக்கிறபோது, கலிலேயா யூதேயா நாடுகளிலுள்ள சகல கிராமங்களிலும், எருசலேம் நகரத்திலுமிருந்து வந்த பரிசேயரும் நியாயசாஸ்திரிகளும் உட்கார்ந்திருந்தார்கள்; அப்பொழுது பிணியாளிகளைக் குணமாக்கத்தக்கதாகக் கர்த்தருடைய வல்லமை விளங்கிற்று.	லூக் 5:21 லூக் 5:30 லூக் 7:30 லூக் 11:52-54 லூக் 15:2 யோவா 3:21
18	அப்பொழுது சில மனுஷர் திமிர்வாதக்காரன் ஒருவனைப் படுக்கையோடே எடுத்துக்கொண்டுவந்து, அவனை உள்ளே கொண்டுபோகவும் அவர் முன்பாக வைக்கவும் வகைதேடினார்கள்.	மத் 9:2-8 மாற் 2:3-12 யோவா 5:5 யோவா 5:6 அப் 9:33
19	ஜனக்கூட்டம் மிகுதியாயிருந்தபடியால் அவனை உள்ளே கொண்டுபோகிறதற்கு வகைகாணாமல், வீட்டின்மேல் ஏறி, தட்டோடுகள் வழியாய் ஜனங்களின் மத்தியில் இயேசுவுக்கு முன்பாக அவனைப் படுக்கையோடே இறக்கினார்கள்.	மாற் 2:4
20	அவர்களுடைய விசுவாசத்தை அவர் கண்டு, திமிர்வாதக்காரனை நோக்கி: மனுஷனே, உன் பாவங்கள் உனக்கு மன்னிக்கப்பட்டது என்றார்.	ஆதி 22:12 யோவா 2:25 அப் 11:23 அப் 14:9 யாக் 2:18
21	அப்பொழுது வேதபாரகரும் பரிசேயரும் யோசனைபண்ணி, தேவதூஷணம் சொல்லுகிற இவன் யார்? தேவன் ஒருவரேயன்றி பாவங்களை மன்னிக்கத்தக்கவர் யார் என்றார்கள்.	லூக் 5:17 லூக் 7:49 மாற் 2:6 மாற் 2:7
22	இயேசு அவர்கள் சிந்தனைகளை அறிந்து, அவர்களை நோக்கி: உங்கள் இருதயங்களில் நீங்கள் சிந்திக்கிறதென்ன?	1நாளா 28:9 சங் 139:2 நீதி 15:26 ஏசா 66:18 எசே 38:10 மத் 9:4 மத் 12:25 எபிரெ 4:12 வெளிப் 2:23
23	உன் பாவங்கள் உனக்கு மன்னிக்கப்பட்டது என்று சொல்வதோ, எழுந்து நடவென்று சொல்வதோ, எது எளிது?	மத் 9:5 மாற் 2:9
24	பூமியிலே பாவங்களை மன்னிக்க மனுஷகுமாரனுக்கு அதிகாரம் உண்டென்பதை நீங்கள் அறியவேண்டுமென்று சொல்லி, திமிர்வாதக்காரனை நோக்கி: நீ எழுந்து, உன் படுக்கையை எடுத்துக்கொண்டு, உன் வீட்டுக்குப் போ என்று உனக்குச் சொல்லுகிறேன் என்றார்.	தானி 7:13 மத் 16:13 மத் 25:31 மத் 26:64 யோவா 3:13 யோவா 5:27 வெளிப் 1:13
25	உடனே அவன் அவர்களுக்கு முன்பாக எழுந்து, தன் படுக்கையை எடுத்துக்கொண்டு, தேவனை மகிமைப்படுத்தி, தன் வீட்டுக்குப் போனான்.	லூக் 5:13 ஆதி 1:3 சங் 33:9
26	அதினாலே எல்லாரும் ஆச்சரியப்பட்டு, தேவனை மகிமைப்படுத்தினார்கள்; அல்லாமலும், அவர்கள் பயம் நிறைந்தவர்களாகி, அதிசயமான காரியங்களை இன்று கண்டோம் என்றார்கள்.	லூக் 7:16 மத் 9:8 மத் 12:23 மாற் 2:12 அப் 4:21 கலா 1:24
27	இவைகளுக்குப் பின்பு, அவர் புறப்பட்டு, ஆயத்துறையில் உட்கார்ந்திருந்த லேவி என்னும் பேருடைய ஒரு ஆயக்காரனைக் கண்டு: எனக்குப் பின்சென்று வா என்றார்.	மத் 9:9-13 மத் 10:3
28	அவன் எல்லாவற்றையும் விட்டு, எழுந்து, அவருக்குப் பின்சென்றான்.	லூக் 5:11 லூக் 9:59-62 1இரா 19:19-21 மத் 19:22-27
29	அந்த லேவி என்பவன் தன் வீட்டிலே அவருக்குப் பெரிய விருந்துபண்ணினான். அநேக ஆயக்காரரும் மற்றவர்களும் அவர்களோடேகூடப் பந்தியிருந்தார்கள்.	யோவா 12:2
30	வேதபாரகரும் பரிசேயரும் அவருடைய சீஷருக்கு விரோதமாக முறுமுறுத்து: நீங்கள் ஆயக்காரரோடும் பாவிகளோடும் போஜனபானம்பண்ணுகிறதென்னவென்று கேட்டார்கள்.	லூக் 5:17 லூக் 5:21 லூக் 7:29 லூக் 7:30 லூக் 7:34 லூக் 7:39 லூக் 15:1 லூக் 15:2 லூக் 18:11 லூக் 19:7 ஏசா 65:5 மத் 21:28-32 மாற் 7:3
31	இயேசு அவர்களுக்குப் பிரதியுத்தரமாக: பிணியாளிகளுக்கு வைத்தியன் வேண்டியதேயல்லாமல் சுகமுள்ளவர்களுக்கு வேண்டியதில்லை.	எரே 8:22 மத் 9:12 மத் 9:13 மாற் 2:17
32	நீதிமான்களையல்ல, பாவிகளையே மனந்திரும்புகிறதற்கு அழைக்கவந்தேன் என்றார்.	லூக் 4:18 லூக் 4:19 லூக் 15:7 லூக் 15:10 லூக் 18:10-14 லூக் 19:10 லூக் 24:47 ஏசா 55:6 ஏசா 55:7 ஏசா 57:15 மத் 18:11 மாற் 15:7 மாற் 15:10 அப் 2:38 அப் 3:19 அப் 3:26 அப் 5:31 அப் 17:30 அப் 20:21 அப் 26:18-20 1கொரி 6:9-11 1தீமோ 1:15 1தீமோ 1:16 2தீமோ 2:25 2தீமோ 2:26 2பேது 3:9
33	பின்பு அவர்கள் அவரை நோக்கி: யோவானுடைய சீஷர் அநேகந்தரம் உபவாசித்து ஜெபம் பண்ணிக்கொண்டுவருகிறார்கள், பரிசேயருடைய சீஷரும் அப்படியே செய்கிறார்கள், உம்முடைய சீஷர் போஜனபானம்பண்ணுகிறார்களே, அதெப்படியென்று கேட்டார்கள்.	லூக் 18:12 ஏசா 58:3-6 சகரி 7:6 மத் 9:14-17 மாற் 2:18-22
34	அதற்கு அவர்: மணவாளன் தங்களோடிருக்கையில் மணவாளனுடைய தோழர்களை நீங்கள் உபவாசிக்கச் செய்யக்கூடுமா?	நியா 14:10 நியா 14:11 சங் 45:14 உன்ன 2:6 உன்ன 2:7 உன்ன 3:10 உன்ன 3:11 உன்ன 5:8 உன்ன 6:1 மத் 25:1-10 வெளிப் 19:7-9
35	மணவாளன் அவர்களை விட்டு எடுபடும் நாட்கள் வரும், அந்த நாட்களிலே உபவாசிப்பார்கள் என்றார்.	லூக் 24:17-21 தானி 9:26 சகரி 13:7 யோவா 12:8 யோவா 13:33 யோவா 14:3 யோவா 14:4 யோவா 16:4-7 யோவா 16:16-22 யோவா 16:28 யோவா 17:11-13 அப் 1:9 அப் 3:21
36	அவர்களுக்கு ஒரு உவமையையும் சொன்னார்: ஒருவனும் புதிய வஸ்திரத்துண்டைப் பழைய வஸ்திரத்தின்மேல் போட்டு இணைக்கமாட்டான், இணைத்தால் புதியது பழையதைக் கிழிக்கும்; புதிய வஸ்திரத்துண்டு பழைய வஸ்திரத்துக்கு ஒவ்வாது.	மத் 9:16 மத் 9:17 மாற் 2:21 மாற் 2:22
37	ஒருவனும் புது திராட்சரசத்தைப் பழந்துருத்திகளில் வார்த்துவைக்கமாட்டான்; வார்த்துவைத்தால் புதுரசம் துருத்திகளைக் கிழித்துப்போடும், இரசமும் சிந்திப்போகும், துருத்திகளும் கெட்டுப்போகும்.	யோசு 9:4 யோசு 9:13 சங் 119:83
38	புது ரசத்தைப் புது துருத்திகளில் வார்த்துவைக்கவேண்டும், அப்பொழுது இரண்டும் பத்திரப்பட்டிருக்கும்.	எசே 36:26 2கொரி 5:17 கலா 2:4 கலா 2:12-14 கலா 4:9-11 கலா 5:1-6 கலா 6:13 கலா 6:14 பிலிப் 3:5-7 கொலோ 2:19-23 1தீமோ 4:8 எபிரெ 8:8-13 எபிரெ 13:9 எபிரெ 13:10 வெளிப் 21:5
39	அன்றியும் ஒருவனும் பழைய ரசத்தைக் குடித்தவுடனே புது ரசத்தை விரும்பமாட்டான், பழைய ரசமே நல்லதென்று சொல்லுவான் என்றார்.	எரே 6:16 மாற் 7:7-13 ரோம 4:11 ரோம 4:12 எபிரெ 11:1 எபிரெ 11:2 எபிரெ 11:39