1	திபேரியுராயன் ராஜ்யபாரம்பண்ணின பதினைந்தாம் வருஷத்திலே, பொந்தியுபிலாத்து யூதேயாவுக்குத் தேசாதிபதியாயும், ஏரோது காற்பங்கு தேசமாகிய கலிலேயாவுக்கு அதிபதியாயும், அவன் சகோதரனாகிய பிலிப்பு காற்பங்கு தேசமாகிய இத்துரேயாவுக்கும் திராகொனித்தி நாட்டிற்கும் அதிபதியாயும், லிசானியா காற்பங்கு தேசமாகிய அபிலேனேக்கு அதிபதியாயும்,	லூக் 2:1
2	அன்னாவும் காய்பாவும் பிரதானஆசாரியராயும் இருந்தகாலத்தில் வனாந்தரத்திலே சகரியாவின் குமாரனாகிய யோவானுக்கு தேவனுடைய வார்த்தை உண்டாயிற்று.	யோவா 11:49-51 யோவா 18:13 யோவா 18:14 யோவா 18:24 அப் 4:6
3	அப்பொழுது: கர்த்தருக்கு வழியை ஆயத்தப்படுத்துங்கள், அவருக்குப் பாதைகளைச் செவ்வைபண்ணுங்கள் என்றும்,	மத் 3:5 மாற் 1:4 மாற் 1:5 யோவா 1:28 யோவா 3:26
4	பள்ளங்களெல்லாம் நிரப்பப்படும், சகல மலைகளும் குன்றுகளும் தாழ்த்தப்படும், கோணலானவைகள் செவ்வையாகும், கரடானவைகள் சமமாகும் என்றும்,	ஏசா 40:3-5 மத் 3:3 மாற் 1:3 யோவா 1:23
5	மாம்சமான யாவரும் தேவனுடைய இரட்சிப்பைக் காண்பார்கள் என்றும், வனாந்தரத்திலே கூப்பிடுகிறவனுடைய சத்தம் உண்டாகும் என்று ஏசாயா தீர்க்கதரிசியின் ஆகமத்தில் எழுதியிருக்கிறபிரகாரம்,	லூக் 1:51-53 ஏசா 2:11-17 ஏசா 35:6-8 ஏசா 40:4 ஏசா 49:11 ஏசா 61:1-3 எசே 17:24 யாக் 1:9
6	அவன் யோர்தான் நதிக்கு அருகான தேசமெங்கும் போய், பாவமன்னிப்புக்கென்று மனந்திரும்புதலுக்கேற்ற ஞானஸ்நானத்தைக்குறித்துப் பிரசங்கித்தான்.	லூக் 2:10 லூக் 2:11 லூக் 2:30-32 சங் 98:2 சங் 98:3 ஏசா 40:5 ஏசா 49:6 ஏசா 52:10 மாற் 16:15 ரோம 10:12 ரோம 10:18
7	அவன், தன்னிடத்தில் ஞானஸ்நானம் பெறும்படிக்குப் புறப்பட்டுவந்த திரளான ஜனங்களை நோக்கி: விரியன்பாம்புக் குட்டிகளே! வருங்கோபத்துக்குத் தப்பித்துக்கொள்ள உங்களுக்கு வகைகாட்டினவன் யார்?	ஆதி 3:15 சங் 58:4 சங் 58:5 ஏசா 59:5 மத் 3:7-10 மத் 23:33 யோவா 8:44 அப் 13:10 1யோவா 3:8
8	மனந்திரும்புதலுக்கு ஏற்ற கனிகளைக் கொடுங்கள்; ஆபிரகாம் எங்களுக்குத் தகப்பன் என்று உங்களுக்குள்ளே சொல்லத்தொடங்காதிருங்கள்; தேவன் இந்தக் கல்லுகளினாலே ஆபிரகாமுக்குப் பிள்ளைகளை உண்டுபண்ண வல்லவராயிருக்கிறார் என்று உங்களுக்குச் சொல்லுகிறேன்.	ஏசா 1:16-18 எசே 18:27-31 அப் 26:20 2கொரி 7:10 2கொரி 7:11 கலா 5:22-24 பிலிப் 1:11 எபிரெ 6:7 எபிரெ 6:8
9	இப்பொழுதே கோடரியானது மரங்களின் வேர் அருகே வைத்திருக்கிறது; ஆகையால் நல்ல கனிகொடாத மரமெல்லாம் வெட்டுண்டு அக்கினியிலே போடப்படும் என்றான்.	லூக் 13:7 லூக் 13:9 லூக் 23:29-31 ஏசா 10:33 ஏசா 10:34 எசே 15:2-4 எசே 31:18 தானி 4:14 தானி 4:23 மத் 3:10 மத் 7:19 யோவா 15:6 எபிரெ 10:28 எபிரெ 12:29
10	அப்பொழுது ஜனங்கள் அவனை நோக்கி: அப்படியானால் நாங்கள் என்ன செய்யவேண்டும் என்று கேட்டார்கள்.	லூக் 3:8 அப் 2:37 அப் 9:6 அப் 16:30
11	அவர்களுக்கு அவன் பிரதியுத்தரமாக: இரண்டு அங்கிகளையுடையவன் இல்லாதவனுக்குக் கொடுக்கக்கடவன்; ஆகாரத்தை உடையவனும் அப்படியே செய்யக்கடவன் என்றான்.	லூக் 11:41 லூக் 18:22 லூக் 19:8 ஏசா 58:7-11 தானி 4:27 மத் 25:40 மாற் 14:5-8 யோவா 13:29 அப் 10:2 அப் 10:4 அப் 10:31 2கொரி 8:3-14 1தீமோ 6:18 எபிரெ 6:10 யாக் 1:27 யாக் 2:15-26 1யோவா 3:17 1யோவா 4:20
12	ஆயக்காரரும் ஞானஸ்நானம் பெறவந்து, அவனை நோக்கி: போதகரே, நாங்கள் என்ன செய்ய வேண்டும் என்று கேட்டார்கள்.	லூக் 7:29 லூக் 15:1 லூக் 15:2 லூக் 18:13 மத் 21:31 மத் 21:32
13	அதற்கு அவன்: உங்களுக்குக் கட்டளையிட்டிருக்கிறதற்கு அதிகமாய் ஒன்றும் வாங்காதிருங்கள் என்றான்.	லூக் 19:8 சங் 18:23 நீதி 28:13 ஏசா 1:16 ஏசா 1:17 ஏசா 55:6 ஏசா 55:7 எசே 18:21 எசே 18:22 எசே 18:27 எசே 18:28 மீகா 6:8 மத் 7:12 1கொரி 6:10 எபே 4:28 தீத் 2:11 தீத் 2:12 எபிரெ 12:1
14	போர்ச்சேவகரும் அவனை நோக்கி: நாங்கள் என்ன செய்யவேண்டும் என்று கேட்டார்கள். அதற்கு அவன்: நீங்கள் ஒருவருக்கும் இடுக்கண்செய்யாமலும் பொய்யாய்க் குற்றஞ்சாட்டாமலும், உங்கள் சம்பளமே போதுமென்றும் இருங்கள் என்றான்.	மத் 8:5 அப் 10:7
15	யோவானைக்குறித்து: இவன்தான் கிறிஸ்துவோ என்று ஜனங்களெல்லாரும் எண்ணங்கொண்டு, தங்கள் இருதயங்களில் யோசனையாயிருக்கையில்,	யோவா 10:24
16	யோவான் எல்லாருக்கும் பிரதியுத்தரமாக: நான் ஜலத்தினால் உங்களுக்கு ஞானஸ்நானங் கொடுக்கிறேன், என்னிலும் வல்லவர் ஒருவர் வருகிறார், அவருடைய பாதரட்சைகளின் வாரை அவிழ்க்கிறதற்கும் நான் பாத்திரன் அல்ல, அவர் பரிசுத்த ஆவியினாலும் அக்கினியினாலும் உங்களுக்கு ஞானஸ்நானங்கொடுப்பார்.	மத் 3:11 மாற் 1:7 மாற் 1:8 யோவா 1:26 யோவா 1:33 அப் 1:5 அப் 11:16 அப் 13:24 அப் 13:25 அப் 19:4 அப் 19:5
17	தூற்றுக்கூடை அவர் கையில் இருக்கிறது, அவர் தமது களத்தை நன்றாய் விளக்கி, கோதுமையைத் தமது களஞ்சியத்தில் சேர்ப்பார்; பதரையோ அவியாத அக்கினியினால் சுட்டெரிப்பார் என்றான்.	எரே 15:7 மத் 3:12
18	வேறு அநேக புத்திமதிகளையும் அவன் ஜனங்களுக்குச் சொல்லிப் பிரசங்கித்தான்.	யோவா 1:15 யோவா 1:29 யோவா 1:34 யோவா 3:29-36 அப் 2:40
19	காற்பங்கு தேசாதிபதியாகிய ஏரோது தன் சகோதரனான பிலிப்புவின் மனைவி ஏரோதியாளினிமித்தமாகவும், தான் செய்த மற்றப் பொல்லாங்குகளினிமித்தமாகவும், யோவானாலே கடிந்துகொள்ளப்பட்டபோது,	நீதி 9:7 நீதி 9:8 நீதி 15:12 மத் 11:2 மத் 14:3 மத் 14:4 மாற் 6:17 மாற் 6:18
20	தான் செய்த மற்றெல்லாப் பொல்லாங்குகளும் தவிர, யோவானையும் காவலில் அடைத்துவைத்தான்.	லூக் 13:31-34 2இரா 21:16 2இரா 24:4 2நாளா 24:17-22 2நாளா 36:16 நெகே 9:26 எரே 2:30 மத் 21:35-41 மத் 22:6 மத் 22:7 மத் 23:31-33 1தெச 2:15 1தெச 2:16 வெளிப் 16:6
21	ஜனங்களெல்லாரும் ஞானஸ்நானம்பெற்றபோது, இயேசுவும் ஞானஸ்நானம்பெற்று, ஜெபம்பண்ணுகையில், வானம் திறக்கப்பட்டது;	மத் 3:13-15 மாற் 1:9 யோவா 1:32-34
22	பரிசுத்த ஆவியானவர் ரூபங்கொண்டு புறாவைப்போல அவர்மேல் இறங்கினார். வானத்திலிருந்து ஒரு சத்தமும் உண்டாகி: நீர் என்னுடைய நேசகுமாரன், உம்மில் பிரியமாயிருக்கிறேன் என்று உரைத்தது.	லூக் 9:34 லூக் 9:35 சங் 2:7 ஏசா 42:1 மத் 12:18 மத் 17:5 மத் 27:43 கொலோ 1:13 1பேது 2:4 2பேது 1:17 2பேது 1:18
23	அப்பொழுது இயேசு ஏறக்குறைய முப்பது வயதுள்ளவரானார். அவர் யோசேப்பின் குமாரனென்று எண்ணப்பட்டார். அந்த யோசேப்பு ஏலியின் குமாரன்;	ஆதி 41:46 எண் 4:3 எண் 4:35 எண் 4:39 எண் 4:43 எண் 4:47
24	ஏலி மாத்தாத்தின் குமாரன்; மாத்தாத் லேவியின் குமாரன்; லேவி மெல்கியின் குமாரன்; மெல்கி யன்னாவின் குமாரன்; யன்னா யோசேப்பின் குமாரன்;
25	யோசேப்பு மத்தத்தியாவின் குமாரன்; மத்தத்தியா ஆமோசின் குமாரன்; ஆமோஸ் நாகூமின் குமாரன்; நாகூம் எஸ்லியின் குமாரன்; எஸ்லி நங்காயின் குமாரன்.
26	நங்காய் மாகாத்தின் குமாரன்; மாகாத் மத்தத்தியாவின் குமாரன்; மத்தத்தியா சேமேயின் குமாரன்; சேமேய் யோசேப்பின் குமாரன்; யோசேப்பு யூதாவின் குமாரன்; யூதா யோவன்னாவின் குமாரன்.
27	யோவன்னா ரேசாவின் குமாரன்; ரேசா சொரொபாபேலின் குமாரன்; சொரொபாபேல் சலாத்தியேலின் குமாரன்; சலாத்தியேல் நேரியின் குமாரன்.
28	நேரி மெல்கியின் குமாரன்; மெல்கி அத்தியின் குமாரன்; அத்தி கோசாமின் குமாரன்; கோசாம் எல்மோதாமின் குமாரன்; எல்மோதாம் ஏரின் குமாரன்; ஏர் யோசேயின் குமாரன்.
29	யோசே எலியேசரின் குமாரன்; எலியேசர் யோரீமின் குமாரன்; யோரீம் மாத்தாத்தின் குமாரன்; மாத்தாத் லேவியின் குமாரன்.
30	லேவி சிமியோனின் குமாரன்; சிமியோன் யூதாவின் குமாரன்; யூதா யோசேப்பின் குமாரன்; யோசேப்பு யோனானின் குமாரன்; யோனான் எலியாக்கீமின் குமாரன்.
31	எலியாக்கீம் மெலெயாவின் குமாரன்; மெலெயா மயினானின் குமாரன்; மயினான் மாத்தாத்தாவின் குமாரன்; மாத்தாத்தா நாத்தானின் குமாரன்; நாத்தான் தாவீதின் குமாரன்.	2சாமு 5:14 1நாளா 3:5 1நாளா 14:4 சகரி 12:12
32	தாவீது ஈசாயின் குமாரன்; ஈசாய் ஓபேதின் குமாரன்; ஓபேத் போவாசின் குமாரன்; போவாஸ் சல்மோனின் குமாரன்; சல்மோன் நகசோனின் குமாரன்.	ரூத் 4:18-22 1சாமு 17:58 1சாமு 20:31 1இரா 12:16 1நாளா 2:10-15 சங் 72:20 ஏசா 11:1 ஏசா 11:2 மத் 1:3-6 அப் 13:22 அப் 13:23
33	நகசோன் அம்மினதாபின் குமாரன்; அம்மினதாப் ஆராமின் குமாரன்; ஆராம் எஸ்ரோமின் குமாரன்; எஸ்ரோம் பாரேசின் குமாரன்; பாரேஸ் யூதாவின் குமாரன்; யூதா யாக்கோபின் குமாரன்.	ரூத் 4:19 ரூத் 4:20 1நாளா 2:9 1நாளா 2:10
34	யாக்கோபு ஈசாக்கின் குமாரன்; ஈசாக்கு ஆபிரகாமின் குமாரன்; ஆபிரகாம் தேராவின் குமாரன்; தேரா நாகோரின் குமாரன்.	ஆதி 21:3 ஆதி 25:26 1நாளா 1:34 மத் 1:2 அப் 7:8
35	நாகோர் சேரூக்கின் குமாரன்; சேரூக் ரெகூவின் குமாரன்; ரெகூ பேலேக்கின் குமாரன்; பேலேக் ஏபேரின் குமாரன்; ஏபேர் சாலாவின் குமாரன்.	ஆதி 11:18-21
36	சாலா காயினானின் குமாரன்; காயினான் அர்ப்பகசாத்தின் குமாரன்; அர்ப்பகசாத் சேமின் குமாரன்; சேம் நோவாவின் குமாரன்; நோவா லாமேக்கின் குமாரன்.	ஆதி 5:32 ஆதி 7:13 ஆதி 9:18 ஆதி 9:26 ஆதி 9:27 ஆதி 10:21 ஆதி 10:22 ஆதி 11:10-26 1நாளா 1:17
37	லாமேக்கு மெத்தூசலாவின் குமாரன்; மெத்தூசலா ஏனோக்கின் குமாரன்; ஏனோக்கு யாரேதின் குமாரன்; யாரேத் மகலாலெயேலின் குமாரன்; மகலாலெயேல் கேனானின் குமாரன்; கேனான் ஏனோசின் குமாரன்.	ஆதி 5:6-28 1நாளா 1:1-3
38	ஏனோஸ் சேத்தின் குமாரன்; சேத் ஆதாமின் குமாரன்; ஆதாம் தேவனால் உண்டானவன்.	ஆதி 4:25 ஆதி 4:26 ஆதி 5:3