1	இவைகளுக்குப் பின்பு கர்த்தர் வேறே எழுபதுபேரை நியமித்து, தாம் போகும் சகல பட்டணங்களுக்கும் இடங்களுக்கும் அவர்களைத் தமக்கு முன்னே இரண்டிரண்டு பேராக அனுப்பினார்.	மத் 10:1-4 மாற் 6:7-13
2	அப்பொழுது அவர் அவர்களை நோக்கி: அறுப்பு மிகுதி, வேலையாட்களோ கொஞ்சம்; ஆகையால் அறுப்புக்கு எஜமான் தமது அறுப்புக்கு வேலையாட்களை அனுப்பும்படி அவரை வேண்டிக்கொள்ளுங்கள்.	மத் 9:37 மத் 9:38 யோவா 4:35-38 1கொரி 3:6-9
3	புறப்பட்டுப்போங்கள்; ஆட்டுக்குட்டிகளை ஓநாய்களுக்குள்ளே அனுப்புகிறதுபோல, இதோ, நான் உங்களை அனுப்புகிறேன்.	சங் 22:12-16 சங் 22:21-16 எசே 2:3-6 மத் 10:16 மத் 10:22 யோவா 15:20 யோவா 16:2 அப் 9:2 அப் 9:16
4	பணப்பையையும் சாமான் பையையும் பாதரட்சைகளையும் கொண்டுபோகவேண்டாம்; வழியிலே ஒருவரையும் வினவவும் வேண்டாம்.	லூக் 9:3-6 லூக் 22:35 மத் 10:9 மத் 10:10 மாற் 6:8 மாற் 6:9
5	ஒரு வீட்டில் பிரவேசிக்கிறபோது: இந்த வீட்டுக்குச் சமாதானம் உண்டாவதாகவென்று முதலாவது சொல்லுங்கள்.	லூக் 19:9 1சாமு 25:6 ஏசா 57:19 மத் 10:12 மத் 10:13 அப் 10:36 2கொரி 5:18-20 எபே 2:17
6	சமாதான பாத்திரன் அங்கே இருந்தால், நீங்கள் கூறின சமாதானம் அவனிடத்தில் தங்கும், இல்லாதிருந்தால் அது உங்களிடத்திற்குத் திரும்பிவரும்.	1சாமு 25:17 ஏசா 9:6 எபே 2:2 எபே 2:3 எபே 5:6 2தெச 3:16 1பேது 1:14 யாக் 3:18
7	அந்த வீட்டிலேதானே நீங்கள் தங்கியிருந்து, அவர்கள் கொடுக்கிறவைகளைப் புசித்துக் குடியுங்கள்; வேலையாள் தன் கூலிக்குப் பாத்திரனாயிருக்கிறான். வீட்டுக்கு வீடு போகாதிருங்கள்.	லூக் 9:4 மத் 10:11 மாற் 6:10 அப் 16:15 அப் 16:34 அப் 16:40
8	ஒரு பட்டணத்தில் நீங்கள் பிரவேசிக்கிறபொழுது, ஜனங்கள் உங்களை ஏற்றுக்கொண்டால் அவர்கள் உங்கள்முன்வைக்கிறவைகளை நீங்கள் புசித்து,	லூக் 10:10 லூக் 9:48 மத் 10:40 யோவா 13:20
9	அவ்விடத்திலுள்ள பிணியாளிகளைச் சொஸ்தமாக்கி: தேவனுடைய ராஜ்யம் உங்களுக்குச் சமீபமாய் வந்திருக்கிறது என்று அவர்களுக்குச் சொல்லுங்கள்.	லூக் 9:2 மத் 10:8 மாற் 6:13 அப் 28:7-10
10	யாதொரு பட்டணத்தில் நீங்கள் பிரவேசிக்கிறபொழுது, ஜனங்கள் உங்களை ஏற்றுக்கொள்ளாவிட்டால் அதின் வீதிகளிலே நீங்கள் போய்:	லூக் 9:5 மத் 10:14 அப் 13:51 அப் 18:6
11	எங்களில் ஒட்டின உங்கள் பட்டணத்தின் தூசியையும் உங்களுக்கு விரோதமாய்த் துடைத்துப்போடுகிறோம்; ஆயினும் தேவனுடைய ராஜ்யம் உங்களுக்குச் சமீபமாய் வந்திருக்கிறதென்பதை அறிந்துகொள்வீர்களாக என்று சொல்லுங்கள்.	லூக் 10:9 உபா 30:11-14 அப் 13:26 அப் 13:40 அப் 13:46 ரோம 10:8 ரோம 10:21 எபிரெ 1:3
12	அந்தப் பட்டணத்திற்கு நேரிடுவதைப்பார்க்கிலும் அந்த நாளிலே சோதோம் நாட்டிற்கு நேரிடுவது இலகுவாயிருக்கும் என்று உங்களுக்குச் சொல்லுகிறேன்.	புலம் 4:6 எசே 16:48-50 மத் 10:15 மத் 11:24 மாற் 6:11
13	கோராசீன் பட்டணமே, உனக்கு ஐயோ, பெத்சாயிதா பட்டணமே, உனக்கு ஐயோ, உங்களில் செய்யப்பட்ட பலத்தசெய்கைகள் தீருவிலும் சீதோனிலும் செய்யப்பட்டிருந்ததானால், அப்பொழுதே இரட்டுடுத்தி, சாம்பலில் உட்கார்ந்து, மனந்திரும்பியிருப்பார்கள்.	மத் 11:20-22
14	நியாயத்தீர்ப்புநாளில் உங்களுக்கு நேரிடுவதைப்பார்க்கிலும், தீருவுக்கும் சீதோனுக்கும் நேரிடுவது இலகுவாயிருக்கும்.	லூக் 12:47 லூக் 12:48 ஆமோ 3:2 யோவா 3:19 யோவா 15:22-25 ரோம 2:1 ரோம 2:27
15	வானபரியந்தம் உயர்த்தப்பட்ட கப்பர்நகூமே, நீ பாதாளபரியந்தம் தாழ்த்தப்படுவாய் என்று சொல்லி,	லூக் 7:1 லூக் 7:2 மத் 4:13
16	சீஷரை நோக்கி: உங்களுக்குச் செவிகொடுக்கிறவன் எனக்குச் செவிகொடுக்கிறான், உங்களை அசட்டைபண்ணுகிறவன் என்னை அசட்டைபண்ணுகிறான், என்னை அசட்டைபண்ணுகிறவன் என்னை அனுப்பினவரை அசட்டைப்பண்ணுகிறான் என்றார்.	லூக் 9:48 மத் 10:40 மத் 18:5 மாற் 9:37 யோவா 12:44 யோவா 12:48 யோவா 13:20 1தெச 4:8
17	பின்பு அந்த எழுபதுபேரும் சந்தோஷத்தோடே திரும்பிவந்து: ஆண்டவரே, உம்முடைய நாமத்தினாலே பிசாசுகளும் எங்களுக்குக் கீழ்ப்படிகிறது என்றார்கள்.	லூக் 10:1 லூக் 10:9 லூக் 9:1 ரோம 16:20
18	அவர்களை அவர் நோக்கி: சாத்தான் மின்னலைப்போல வானத்திலிருந்து விழுகிறதைக் கண்டேன்.	யோவா 12:31 யோவா 16:11 எபிரெ 2:14 1யோவா 3:8 வெளிப் 9:1 வெளிப் 12:7-9 வெளிப் 20:2
19	இதோ, சர்ப்பங்களையும், தேள்களையும் மிதிக்கவும், சத்துருவினுடைய சகலவல்லமையையும் மேற்கொள்ளவும் உங்களுக்கு அதிகாரங்கொடுக்கிறேன்; ஒன்றும் உங்களைச் சேதப்படுத்தமாட்டாது.	சங் 91:13 ஏசா 11:8 எசே 2:6 மாற் 16:18 அப் 28:5 ரோம 16:20
20	ஆகிலும் ஆவிகள் உங்களுக்குக் கீழ்ப்படிகிறதற்காக நீங்கள் சந்தோஷப்படாமல், உங்கள் நாமங்கள் பரலோகத்தில் எழுதியிருக்கிறதற்காகச் சந்தோஷப்படுங்கள் என்றார்.	மத் 7:22 மத் 7:23 மத் 10:1 மத் 26:24 மத் 27:5 1கொரி 13:2 1கொரி 13:3
21	அந்த வேளையில் இயேசு ஆவியிலே களிகூர்ந்து: பிதாவே! வானத்துக்கும் பூமிக்கும் ஆண்டவரே! இவைகளை நீர் ஞானிகளுக்கும் கல்விமான்களுக்கும் மறைத்து, பாலகருக்கு வெளிப்படுத்தினபடியால் உம்மை ஸ்தோத்திரிக்கிறேன்; ஆம், பிதாவே! இப்படிச் செய்வது உம்முடைய திருவுளத்துக்குப் பிரியமாயிருந்தது.	லூக் 15:5 லூக் 15:9 ஏசா 53:11 ஏசா 62:5 செப் 3:17
22	சகலமும் என் பிதாவினால் எனக்கு ஒப்புக்கொடுக்கப்பட்டிருக்கிறது; பிதா தவிர வேறொருவனும் குமாரன் இன்னாரென்று அறியான், குமாரனும், குமாரன் அவரை எவனுக்கு வெளிப்படுத்தச் சித்தமாயிருக்கிறாரோ அவனுந்தவிர, வேறொருவனும் பிதா இன்னாரென்று, அறியான் என்றார்.	மத் 11:27 மத் 28:18 யோவா 3:35 யோவா 5:22-27 யோவா 13:3 யோவா 17:2 யோவா 17:10 1கொரி 15:24 எபே 1:21 பிலிப் 2:9-11 எபிரெ 2:8
23	பின்பு தமது சீஷரிடத்தில் திரும்பி, தனித்து அவர்களை நோக்கி: நீங்கள் காண்கிறவைகளைக் காணுங்கண்கள் பாக்கியமுள்ளவைகள்.	மத் 13:16 மத் 13:17
24	அநேக தீர்க்கதரிசிகளும் ராஜாக்களும் நீங்கள் காண்கிறவைகளைக் காணவும், நீங்கள் கேட்கிறவைகளைக் கேட்கவும் விரும்பியும், காணாமலும் கேளாமலும் போனார்கள் என்று உங்களுக்குச் சொல்லுகிறேன் என்றார்.	யோவா 8:56 எபிரெ 11:13 எபிரெ 11:39 1பேது 1:10 1பேது 1:11
25	அப்பொழுது நியாயசாஸ்திரி ஒருவன் எழுந்திருந்து, அவரைச் சோதிக்கும்படி: போதகரே, நித்திய ஜீவனைச் சுதந்தரித்துக்கொள்ளும்படிக்கு நான் என்ன செய்யவேண்டும் என்று கேட்டான்.	லூக் 7:30 லூக் 11:45 லூக் 11:46 மத் 22:35
26	அதற்கு அவர்: நியாயப்பிரமாணத்தில் என்ன எழுதியிருக்கிறது? நீ வாசித்திருக்கிறது என்ன என்றார்.	ஏசா 8:20 ரோம 3:19 ரோம 4:14-16 ரோம 10:5 கலா 3:12 கலா 3:13 கலா 3:21 கலா 3:22
27	அவன் பிரதியுத்தரமாக: உன் தேவனாகிய கர்த்தரிடத்தில் உன் முழு இருதயத்தோடும் உன் முழு ஆத்துமாவோடும் உன் முழுப் பலத்தோடும் உன் முழுச்சிந்தையோடும் அன்புகூர்ந்து, உன்னிடத்தில் அன்புகூருவதுபோலப் பிறனிடத்திலும் அன்புகூருவாயாக என்று எழுதியிருக்கிறது என்றான்.	உபா 6:5 உபா 10:12 உபா 30:6 மத் 22:37-40 மாற் 12:30 மாற் 12:31 மாற் 12:33 மாற் 12:34 எபிரெ 8:10
28	அவர் அவனை நோக்கி: நிதானமாய் உத்தரவு சொன்னாய்; அப்படியே செய், அப்பொழுது பிழைப்பாய் என்றார்.	லூக் 7:43 மாற் 12:34
29	அவன் தன்னை நீதிமான் என்று காண்பிக்க மனதாய் இயேசுவை நோக்கி: எனக்குப் பிறன் யார் என்று கேட்டான்.	லூக் 16:15 லூக் 18:9-11 லேவி 19:34 யோபு 32:2 ரோம 4:2 ரோம 10:3 கலா 3:11 யாக் 2:24
30	இயேசு பிரதியுத்தரமாக: ஒரு மனுஷன் எருசலேமிலிருந்து எரிகோவுக்குப் போகையில் கள்ளர் கையில் அகப்பட்டான்; அவர்கள் அவன் வஸ்திரங்களை உரிந்துகொண்டு, அவனைக் காயப்படுத்தி குற்றுயிராக விட்டுப்போனார்கள்.	சங் 88:4 எரே 51:52 புலம் 2:12 எசே 30:24
31	அப்பொழுது தற்செயலாய் ஒரு ஆசாரியன் அந்த வழியே வந்து, அவனைக் கண்டு, பக்கமாய் விலகிப்போனான்.	ரூத் 2:3 2சாமு 1:6 பிரச 9:11
32	அந்தப்படியே ஒரு லேவியனும் அந்த இடத்துக்கு வந்து, அவனைக் கண்டு, பக்கமாய் விலகிப்போனான்.	சங் 109:25 நீதி 27:10 அப் 18:17 2தீமோ 3:2
33	பின்பு சமாரியன் ஒருவன் பிரயாணமாய் வருகையில், அவனைக் கண்டு, மனதுருகி,	லூக் 9:52 லூக் 9:53 லூக் 17:16-18 நீதி 27:10 எரே 38:7-13 எரே 39:16-18 யோவா 4:9 யோவா 8:48
34	கிட்ட வந்து, அவனுடைய காயங்களில் எண்ணெயும் திராட்சரசமும் வார்த்து, காயங்களைக் கட்டி, அவனைத் தன் சுயவாகனத்தின்மேல் ஏற்றி, சத்திரத்துக்குக் கொண்டுபோய், அவனைப் பராமரித்தான்.	லூக் 10:34 யாத் 23:4 யாத் 23:5 நீதி 24:17 நீதி 24:18 நீதி 25:21 நீதி 25:22 மத் 5:43-45 ரோம 12:20 1தெச 5:15
35	மறுநாளிலே தான் புறப்படும்போது இரண்டு பணத்தை எடுத்து, சத்திரத்தான் கையில் கொடுத்து: நீ இவனை விசாரித்துக்கொள், அதிகமாய் ஏதாகிலும் இவனுக்காகச் செலவழித்தால், நான் திரும்பிவரும்போது அதை உனக்குத் தருவேன் என்றான்.	மத் 20:2
36	இப்படியிருக்க, கள்ளர்கையில் அகப்பட்டவனுக்கு இந்த மூன்றுபேரில் எவன் பிறனாயிருந்தான்? உனக்கு எப்படித் தோன்றுகிறது என்றார்.	லூக் 7:42 மத் 17:25 மத் 21:28-31 மத் 22:42
37	அதற்கு அவன்: அவனுக்கு இரக்கஞ்செய்தவனே என்றான். அப்பொழுது இயேசு அவனை நோக்கி: நீயும் போய் அந்தப்படியே செய் என்றார்;	நீதி 14:21 ஓசி 6:6 மீகா 6:8 மத் 20:28 மத் 23:23 2கொரி 8:9 எபே 3:18 எபே 3:19 எபே 5:2 எபிரெ 2:9-15 வெளிப் 1:5
38	பின்பு, அவர்கள் பிரயாணமாய்ப் போகையில், அவர் ஒரு கிராமத்தில் பிரவேசித்தார். அங்கே மார்த்தாள் என்னும் பேர்கொண்ட ஒரு ஸ்திரீ அவரைத் தன் வீட்டிலே ஏற்றுக்கொண்டாள்.	யோவா 11:1-5 யோவா 12:1-3
39	அவளுக்கு மரியாள் என்னப்பட்ட ஒரு சகோதரி இருந்தாள்; அவள் இயேசுவின் பாதத்தருகே உட்கார்ந்து, அவருடைய வசனத்தைக் கேட்டுக்கொண்டிருந்தாள்.	லூக் 2:46 லூக் 8:35 உபா 33:3 நீதி 8:34 அப் 22:3 1கொரி 7:32-40
40	மார்த்தாளோ பற்பல வேலைகளைச் செய்வதில் மிகவும் வருத்தமடைந்து, அவரிடத்தில் வந்து: ஆண்டவரே, நான் தனியே வேலைசெய்யும்படி என் சகோதரி என்னை விட்டுவந்திருக்கிறதைக்குறித்து உமக்குக் கவலையில்லையா? எனக்கு உதவிசெய்யும்படி அவளுக்குச் சொல்லும் என்றாள்.	லூக் 12:29 யோவா 6:27
41	இயேசு அவளுக்குப் பிரதியுத்தரமாக: மார்த்தாளே, மார்த்தாளே, நீ அநேக காரியங்களைக்குறித்துக் கவலைப்பட்டுக் கலங்குகிறாய்.	லூக் 8:14 லூக் 21:34 மாற் 4:19 1கொரி 7:32-35 பிலிப் 4:6
42	தேவையானது ஒன்றே, மரியாள் தன்னை விட்டெடுபடாத நல்ல பங்கைத் தெரிந்துகொண்டாள் என்றார்.	லூக் 18:22 சங் 27:4 சங் 73:25 பிரச 12:13 மாற் 8:36 யோவா 17:3 1கொரி 13:3 கலா 5:6 கொலோ 2:10-19 1யோவா 5:11 1யோவா 5:12