1	அவர் அவ்விடம் விட்டெழுந்து, யோர்தானுக்கு அக்கரையிலுள்ள தேசத்தின் வழியாய் யூதேயாவின் எல்லைகளில் வந்தார். ஜனங்கள் மறுபடியும் அவரிடத்தில் கூடிவந்தார்கள். அவர் தம்முடைய வழக்கத்தின்படியே மறுபடியும் அவர்களுக்குப் போதகம்பண்ணினார்.	மத் 19:1-12
2	அப்பொழுது பரிசேயர், அவரைச் சோதிக்கவேண்டுமென்று, அவரிடத்தில் வந்து: புருஷனானவன் தன் மனைவியைத் தள்ளிவிடுவது நியாயமா என்று கேட்டார்கள்.	மாற் 8:15 மத் 9:34 மத் 15:12 மத் 23:13 லூக் 5:30 லூக் 6:7 லூக் 7:30 லூக் 11:39 லூக் 11:53 லூக் 11:54 லூக் 16:14 யோவா 7:32 யோவா 7:48 யோவா 11:47 யோவா 11:57
3	அவர் பிரதியுத்தரமாக: மோசே உங்களுக்குக் கட்டளையிட்டிருக்கிறது என்ன என்று கேட்டார்.	ஏசா 8:20 லூக் 10:25 யோவா 5:39 கலா 4:21
4	அதற்கு அவர்கள்: தள்ளுதற்சீட்டை எழுதிக்கொடுத்து, அவளைத் தள்ளிவிடலாமென்று மோசே உத்தரவுக்கொடுத்திருக்கிறார் என்றார்கள்.	உபா 24:1-4 ஏசா 50:1 எரே 3:1 மத் 1:19 மத் 5:31 மத் 5:32 மத் 19:7
5	இயேசு அவர்களுக்குப் பிரதியுத்தரமாக: உங்கள் இருதயகடினத்தினிமித்தம் இந்தக் கட்டளையை உங்களுக்கு எழுதிக்கொடுத்தான்.	உபா 9:6 உபா 31:27 நெகே 9:16 நெகே 9:17 நெகே 9:26 மத் 19:8 அப் 7:51 எபிரெ 3:7-10
6	ஆகிலும், ஆதியிலே மனுஷரைச் சிருஷ்டித்த தேவன் அவர்களை ஆணும் பெண்ணுமாக உண்டாக்கினார்.	ஆதி 1:1 2பேது 3:4
7	இதினிமித்தம் புருஷனானவன் தன் தகப்பனையும் தாயையும் விட்டுத் தன் மனைவியோடே இசைந்திருப்பான்;	ஆதி 2:24 மத் 19:5 மத் 19:6 எபே 5:31
8	அவர்கள் இருவரும் ஒரே மாம்சமாயிருப்பார்கள்; இவ்விதமாய் அவர்கள் இருவராயிராமல் ஒரே மாம்சமாயிருக்கிறார்கள்.	1கொரி 6:16 எபே 5:28
9	ஆகையால், தேவன் இணைத்ததை மனுஷன் பிரிக்காதிருக்கக்கடவன் என்றார்.	ரோம 7:1-3 1நாளா 7:10-13
10	பின்பு வீட்டிலே அவருடைய சீஷர்கள் அந்தக் காரியத்தைக்குறித்து மறுபடியும் அவரிடத்தில் விசாரித்தார்கள்.	மாற் 4:10 மாற் 9:28 மாற் 9:33
11	அப்பொழுது அவர்: எவனாகிலும் தன் மனைவியைத் தள்ளிவிட்டு, வேறொருத்தியை விவாகம்பண்ணினால், அவன் அவளுக்கு விரோதமாய் விபசாரஞ்செய்கிறவனாயிருப்பான்.	மத் 5:31 மத் 5:32 மத் 19:9 லூக் 16:18 ரோம 7:3 1கொரி 7:4 1கொரி 7:10 1கொரி 7:11 எபிரெ 13:4
12	மனைவியும் தன் புருஷனைத் தள்ளிவிட்டு, வேறொருவனை விவாகம்பண்ணினால், விபசாரஞ்செய்கிறவளாயிருப்பாள் என்றார்.
13	அப்பொழுது, சிறு பிள்ளைகளை அவர் தொடும்படிக்கு அவர்களை அவரிடத்தில் கொண்டுவந்தார்கள்; கொண்டுவந்தவர்களைச் சீஷர்கள் அதட்டினார்கள்.	மத் 19:13-15 லூக் 18:15 லூக் 18:16
14	இயேசு அதைக் கண்டு, விசனமடைந்து: சிறு பிள்ளைகள் என்னிடத்தில் வருகிறதற்கு இடங்கொடுங்கள்; அவர்களைத் தடைபண்ணாதிருங்கள்; தேவனுடைய ராஜ்யம் அப்படிப்பட்டவர்களுடையது.	மாற் 3:5 மாற் 8:33 லூக் 9:54-56 எபே 4:26
15	எவனாகிலும் சிறு பிள்ளையைப்போல் தேவனுடைய ராஜ்யத்தை ஏற்றுக்கொள்ளாவிட்டால், அவன் அதில் பிரவேசிப்பதில்லையென்று, மெய்யாகவே உஙகளுக்குச் சொல்லுகிறேன் என்று சொல்லி,	மத் 18:3 லூக் 18:17 யோவா 3:3-6
16	அவர்களை அணைத்துக்கொண்டு, அவர்கள்மேல் கைகளை வைத்து, அவர்களை ஆசீர்வதித்தார்.	ஆதி 48:14-16 உபா 28:3 ஏசா 40:11 லூக் 2:28-34 லூக் 24:50 லூக் 24:51 யோவா 21:15-17
17	பின்பு அவர் புறப்பட்டு வழியிலே போகையில், ஒருவன் ஓடிவந்து, அவருக்கு முன்பாக முழங்கால்படியிட்டு: நல்ல போதகரே, நித்தியஜீவனைச் சுதந்தரித்துக்கொள்ளும்படி நான் என்ன செய்யவேண்டும் என்று கேட்டான்.	மத் 19:16-30 லூக் 18:18-30
18	அதற்கு இயேசு: நீ என்னை நல்லவன் என்று சொல்வானேன்? தேவன் ஒருவர் தவிர நல்லவன் ஒருவனுமில்லையே.	மத் 19:17 லூக் 18:19 யோவா 5:41-44 ரோம 3:12
19	விபசாரஞ்செய்யாதிருப்பாயாக, கொலை செய்யாதிருப்பாயாக, களவு செய்யாதிருப்பாயாக, பொய்ச்சாட்சி சொல்லாதிருப்பாயாக, வஞ்சனை செய்யாதிருப்பாயாக, உன் தகப்பனையும் உன் தாயையும் கனம்பண்ணுவாயாக என்கிற கற்பனைகளை அறிந்திருக்கிறாயே என்றார்.	மாற் 12:28-34 ஏசா 8:20 மத் 5:17-20 மத் 19:17-19 லூக் 10:26-28 லூக் 18:20 ரோம 3:20 கலா 4:21
20	அதற்கு அவன்: போதகரே, இவைகளையெல்லாம் என் சிறுவயதுமுதல் கைக்கொண்டிருக்கிறேன் என்றான்.	ஏசா 58:2 எசே 5:14 எசே 33:31 எசே 33:32 மல்கி 3:8 மத் 19:20 லூக் 10:29 லூக் 18:11 லூக் 18:12 ரோம 7:9 பிலிப் 3:6 2தீமோ 3:5
21	இயேசு அவனைப் பார்த்து, அவனிடத்தில் அன்புகூர்ந்து: உன்னிடத்தில் ஒரு குறைவு உண்டு; நீ போய், உனக்கு உண்டானவைகளையெல்லாம் விற்று, தரித்திரருக்குக் கொடு; அப்பொழுது பரலோகத்திலே உனக்குப் பொக்கிஷம் உண்டாயிருக்கும்; பின்பு சிலுவையை எடுத்துக்கொண்டு, என்னைப் பின்பற்றிவா என்றார்.	ஆதி 34:19 ஏசா 63:8-10 லூக் 19:41 2கொரி 12:15
22	அவன் மிகுந்த ஆஸ்தியுள்ளவனாயிருந்தபடியால், இந்த வார்த்தையைக் கேட்டு, மனமடிந்து, துக்கத்தோடே போய்விட்டான்.	மாற் 6:20 மாற் 6:26 மத் 19:22 மத் 27:3 மத் 27:24-26 லூக் 18:23 2கொரி 7:10 2தீமோ 4:10
23	அப்பொழுது இயேசு சுற்றிப்பார்த்து, தம்முடைய சீஷரை நோக்கி: ஐசுவரியமுள்ளவர்கள் தேவனுடைய ராஜ்யத்தில் பிரவேசிப்பது எவ்வளவு அரிதாயிருக்கிறது என்றார்.	மாற் 3:5 மாற் 5:32
24	சீஷர்கள் அவருடைய வார்த்தைகளைக்குறித்து ஆச்சரியப்பட்டார்கள். இயேசு பின்னும் அவர்களை நோக்கி: பிள்ளைகளே, ஐசுவரியத்தின்மேல் நம்பிக்கையாயிருக்கிறவர்கள் தேவனுடைய ராஜ்யத்தில் பிரவேசிக்கிறது எவ்வளவு அரிதாயிருக்கிறது!	மத் 19:25 லூக் 18:26 லூக் 18:27 யோவா 6:60
25	ஐசுவரியவான் தேவனுடைய ராஜ்யத்தில் பிரவேசிப்பதைப்பார்க்கிலும், ஒட்டகமானது ஊசியின் காதிலே நுழைவது எளிதாயிருக்கும் என்றார்.	எரே 13:23 மத் 7:3-5 மத் 19:24 மத் 19:25 மத் 23:24 லூக் 18:25
26	அவர்கள் பின்னும் அதிகமாய் ஆச்சரியப்பட்டு: அப்படியானால் யார் இரட்சிக்கப்படக்கூடும் என்று தங்களுக்குள்ளே சொல்லிக்கொண்டார்கள்.	மாற் 6:51 மாற் 7:37 2கொரி 11:23
27	இயேசு அவர்களைப் பார்த்து: மனுஷரால் இது கூடாததுதான், தேவனால் இது கூடாததல்ல; தேவனாலே எல்லாம் கூடும் என்றார்.	ஆதி 18:13 ஆதி 18:14 எண் 11:21-23 2இரா 7:2 சகரி 8:6 மத் 19:26 லூக் 18:27
28	அப்பொழுது பேதுரு அவரை நோக்கி: இதோ, நாங்கள் எல்லாவற்றையும்விட்டு, உம்மைப் பின்பற்றினோமே, என்று சொல்லத்தொடங்கினான்.	மாற் 1:16-20 மத் 19:27-30 லூக் 14:33 லூக் 18:28-30 பிலிப் 3:7-9
29	அதற்கு இயேசு பிரதியுத்தரமாக: என்னிமித்தமாகவும், சுவிசேஷத்தினிமித்தமாகவும், வீட்டையாவது, சகோதரரையாவது, சகோதரிகளையாவது, தகப்பனையாவது, தாயையாவது, மனைவியையாவது, பிள்ளைகளையாவது, நிலங்களையாவது விட்டவன் எவனும்,	ஆதி 12:1-3 ஆதி 45:20 உபா 33:9-11 லூக் 22:28-30 எபிரெ 11:24-26
30	இப்பொழுது இம்மையிலே, துன்பங்களோடேகூட நூறத்தனையாக, வீடுகளையும், சகோதரரையும், சகோதரிகளையும், தாய்களையும், பிள்ளைகளையும், நிலங்களையும், மறுமையிலே நித்தியஜீவனையும் அடைவான் என்று மெய்யாகவே உங்களுக்குச் சொல்லுகிறேன்.	2நாளா 25:9 சங் 84:11 நீதி 3:9 நீதி 3:10 நீதி 16:16 மல்கி 3:10 மத் 13:44-46 லூக் 18:30 2கொரி 6:10 2கொரி 9:8-11 பிலிப் 3:8 2தெச 2:16 1தீமோ 6:6 1யோவா 3:1 வெளிப் 2:9 வெளிப் 3:18
31	ஆகிலும் முந்தினோர் அநேகர் பிந்தினோராயும், பிந்தினோர் அநேகர் முந்தினோராயும் இருப்பார்கள் என்றார்.	மத் 8:11 மத் 8:12 மத் 19:30 மத் 20:16 மத் 21:31 லூக் 7:29 லூக் 7:30 லூக் 7:40-47 லூக் 13:30 லூக் 18:11-14 அப் 13:46-48 ரோம 9:30-33
32	பின்பு அவர்கள் எருசலேமுக்குப் பிரயாணமாய்ப் போகையில், இயேசு அவர்களுக்கு முன்னே நடந்துபோனார்; அவர்கள் திகைத்து, அவருக்குப் பின்னே, பயத்தோடே போனார்கள். அப்பொழுது அவர் பன்னிருவரையும் அழைத்து, தமக்குச் சம்பவிக்கப்போகிறவைகளை அவர்களுக்கு மறுபடியும் சொல்லத்தொடங்கினார்:	மத் 20:17-19 லூக் 18:31-34
33	இதோ, எருசலேமுக்குப் போகிறோம்; அங்கே மனுஷகுமாரன் பிரதான ஆசாரியரிடத்திலும் வேதபாரகரிடத்திலும் ஒப்புக்கொடுக்கப்படுவார்; அவர்கள் அவரை மரண ஆக்கினைக்குள்ளாகத் தீர்த்து, புறத்தேசத்தாரிடத்தில் ஒப்புக்கொடுப்பார்கள்.	அப் 20:22
34	அவர்கள் அவரைப் பரியாசம்பண்ணி, அவரை வாரினால் அடித்து, அவர்மேல் துப்பி, அவரைக் கொலைசெய்வார்கள்; ஆகிலும் மூன்றாம் நாளிலே அவர் உயிரோடே எழுந்திருப்பார் என்றார்.	மாற் 14:65 மாற் 15:17-20 மாற் 15:29-31 சங் 22:6-8 சங் 22:13-8 ஏசா 53:3 மத் 27:27-44 லூக் 22:63-65 லூக் 23:11 லூக் 23:35-39 யோவா 19:2 யோவா 19:3
35	அப்பொழுது செபெதேயுவின் குமாரராகிய யாக்கோபும் யோவானும் அவரிடத்தில் வந்து: போதகரே, நாங்கள் கேட்டுக்கொள்ளப்போகிறதை நீர் எங்களுக்குச் செய்யவேண்டுமென்று விரும்புகிறோம் என்றார்கள்.	மாற் 1:19 மாற் 1:20 மாற் 5:37 மாற் 9:2 மாற் 14:33
36	அவர் அவர்களை நோக்கி: நான் உங்களுக்கு என்னசெய்யவேண்டுமென்று விரும்புகிறீர்கள் என்று கேட்டார்.	மாற் 10:51 1இரா 3:5-15 யோவா 15:7
37	அதற்கு அவர்கள்: உமது மகிமையிலே, எங்களில் ஒருவன் உமது வலது பாரிசத்திலும், ஒருவன் உமது இடதுபாரிசத்திலும் உட்கார்ந்திருக்கும்படி எங்களுக்கு அருள்செய்யவேண்டும் என்றார்கள்.	மாற் 16:19 1இரா 22:19 சங் 45:9 சங் 110:1
38	இயேசு அவர்களை நோக்கி: நீங்கள் கேட்டுக்கொள்ளுகிறது இன்னது என்று உங்களுக்கே தெரியவில்லை. நான் குடிக்கும் பாத்திரத்தில் நீங்கள் குடிக்கவும், நான் பெறும் ஸ்நானத்தை நீங்கள் பெறவும், உங்களால் கூடுமா என்றார்.	1இரா 2:22 எரே 45:5 மத் 20:21 மத் 20:22 ரோம 8:26 யாக் 4:3
39	அதற்கு அவர்கள்: கூடும் என்றார்கள். இயேசு அவர்களை நோக்கி: நான் குடிக்கும் பாத்திரத்தில் நீங்கள் குடிப்பீர்கள், நான் பெறும் ஸ்நானத்தையும் நீங்கள் பெறுவீர்கள்.	மாற் 14:31 யோவா 13:37
40	ஆனாலும் என் வலதுபாரிசத்திலும் என் இடதுபாரிசத்திலும் உட்கார்ந்திருக்கும்படி எவர்களுக்கு ஆயத்தம்பண்ணப்பட்டிருக்கிறதோ அவர்களுக்கேயல்லாமல், மற்றொருவருக்கும் அதை அருளுவது என் காரியமல்ல என்றார்.	மத் 20:23 மத் 25:34 யோவா 17:2 யோவா 17:24 எபிரெ 11:16
41	மற்ற பத்துப்பேரும் அதைக் கேட்டு, யாக்கோபின்மேலும் யோவானின் மேலும் எரிச்சலானார்கள்.	மாற் 9:33-36 நீதி 13:10 மத் 20:24 லூக் 22:24 ரோம 12:10 பிலிப் 2:3 யாக் 4:5
42	அப்பொழுது, இயேசு அவர்களைக் கிட்டவரச்செய்து: புறஜாதியாருக்கு அதிகாரிகளாக எண்ணப்பட்டவர்கள் அவர்களை இறுமாப்பாய் ஆளுகிறார்கள் என்றும், அவர்களில் பெரியவர்கள் அவர்கள்மேல் கடினமாய் அதிகாரம் செலுத்துகிறார்கள் என்றும் நீங்கள் அறிந்திருக்கிறீர்கள்.	மத் 20:25 லூக் 22:25 1பேது 5:3
43	உங்களுக்குள்ளே அப்படி இருக்கலாகாது; உங்களில் எவனாகிலும் பெரியவனாயிருக்க விரும்பினால், அவன் உங்களுக்குப் பணிவிடைக்காரனாயிருக்கக்கடவன்.	யோவா 18:36 ரோம 12:2
44	உங்களில் எவனாகிலும் முதன்மையானவனாயிருக்க விரும்பினால், அவன் எல்லாருக்கும் ஊழியக்காரனாயிருக்கக்கடவன்.
45	அப்படியே, மனுஷகுமாரனும் ஊழியங்கொள்ளும்படி வராமல், ஊழியஞ்செய்யவும், அநேகரை மீட்கும்பொருளாகத் தம்முடைய ஜீவனைக் கொடுக்கவும் வந்தார் என்றார்.	மத் 20:28 லூக் 22:26 லூக் 22:27 யோவா 13:14 பிலிப் 2:5-8 எபிரெ 5:8
46	பின்பு அவர்கள் எரிகோவுக்கு வந்தார்கள். அவரும் அவருடைய சீஷர்களும் திரளான ஜனங்களும் எரிகோவைவிட்டுப் புறப்படுகிறபோது, திமேயுவின் மகனாகிய பர்திமேயு என்கிற ஒரு குருடன், வழியருகே உட்கார்ந்து, பிச்சை கேட்டுக்கொண்டிருந்தான்.	மத் 20:29-34 லூக் 18:35-43
47	அவன் நசரேயனாகிய இயேசு வருகிறாரென்று கேள்விப்பட்டு: இயேசுவே, தாவீதின் குமாரனே, எனக்கு இரங்கும் என்று கூப்பிடத் தொடங்கினான்.	மத் 2:23 மத் 21:11 மத் 26:71 லூக் 4:16 லூக் 18:36 லூக் 18:37 யோவா 1:46 யோவா 7:41 யோவா 7:52 யோவா 19:19 அப் 6:14
48	அவன் பேசாதிருக்கும்படி அநேகர் அவனை அதட்டினார்கள். அவனோ: தாவீதின் குமாரனே, எனக்கு இரங்கும் என்று முன்னிலும் அதிகமாய்க் கூப்பிட்டான்.	மாற் 5:35 மத் 19:13 மத் 20:31 லூக் 18:39
49	இயேசு நின்று, அவனை அழைத்துவரச் சொன்னார். அவர்கள் அந்தக் குருடனை அழைத்து: திடன்கொள், எழுந்திரு, உன்னை அழைக்கிறார் என்றார்கள்.	சங் 86:15 சங் 145:8 மத் 20:32-34 லூக் 18:40 எபிரெ 2:17 எபிரெ 4:15
50	உடனே அவன் தன் மேல்வஸ்திரத்தை எறிந்துவிட்டு, எழுந்து, இயேசுவினிடத்தில் வந்தான்.	பிலிப் 3:7-9 எபிரெ 12:1
51	இயேசு அவனை நோக்கி: நான் உனக்கு என்ன செய்யவேண்டும் என்றிருக்கிறாய் என்றார். அதற்கு அந்தக் குருடன்: ஆண்டவரே, நான் பார்வையடையவேண்டும் என்றான்.	மாற் 10:36 2நாளா 1:7 மத் 6:8 மத் 7:7 லூக் 18:41-43 பிலிப் 4:6
52	இயேசு அவனை நோக்கி: நீ போகலாம், உன் விசுவாசம் உன்னை இரட்சித்தது என்றார். உடனே அவன் பார்வையடைந்து, வழியிலே இயேசுவுக்குப் பின்சென்றான்.	மாற் 5:34 மத் 9:22 மத் 9:28-30 மத் 15:28 லூக் 7:50 லூக் 9:48