1	இயேசு மறுபடியும் அவர்களோடே உவமைகளாய்ப் பேசிச் சொன்னது என்னவென்றால்:	மத் 9:15-17 மத் 12:43-45 மத் 13:3-11 மத் 20:1-16 மத் 21:28-46 மாற் 4:33 மாற் 4:34 லூக் 8:10 லூக் 14:16
2	பரலோகராஜ்யம் தன் குமாரனுக்குக் கலியாணஞ்செய்த ஒரு ராஜாவுக்கு ஒப்பாயிருக்கிறது.	மத் 13:24 மத் 13:31-33 மத் 13:44-47 மத் 25:1 மத் 25:14
3	அழைக்கப்பட்டவர்களைக் கலியாணத்திற்கு வரச்சொல்லும்படி அவன் தன் ஊழியக்காரரை அனுப்பினான்; அவர்களோ வர மனதில்லாதிருந்தார்கள்.	மத் 3:2 மத் 10:6 மத் 10:7 சங் 68:11 நீதி 9:1-3 ஏசா 55:1 ஏசா 55:2 எரே 25:4 எரே 35:15 மாற் 6:7-11 லூக் 9:1-6 லூக் 14:15-17 வெளிப் 22:17
4	அப்பொழுது அவன் வேறு ஊழியக்காரரை அழைத்து: நீங்கள் போய், இதோ, என் விருந்தை ஆயத்தம்பண்ணினேன், என் எருதுகளும் கொழுத்த ஜெந்துக்களும் அடிக்கப்பட்டது, எல்லாம் ஆயத்தமாயிருக்கிறது; கலியாணத்திற்கு வாருங்கள் என்று அழைக்கப்பட்டவர்களுக்குச் சொல்லுங்களென்று அனுப்பினான்.	லூக் 10:1-16 லூக் 24:46 லூக் 24:47 அப் 1:8 அப் 11:19 அப் 11:20 அப் 13:46 அப் 28:17-31
5	அழைக்கப்பட்டவர்களோ அதை அசட்டைபண்ணி, ஒருவன் தன் வயலுக்கும், ஒருவன் தன் வியாபாரத்துக்கும் போய்விட்டார்கள்.	ஆதி 19:14 ஆதி 25:34 சங் 106:24 சங் 106:25 நீதி 1:7 நீதி 1:24 நீதி 1:25 அப் 2:13 அப் 24:25 ரோம 2:4 எபிரெ 2:3
6	மற்றவர்கள் அவன் ஊழியக்காரரைப் பிடித்து, அவமானப்படுத்தி, கொலைசெய்தார்கள்.	மத் 5:10-12 மத் 10:12-18 மத் 10:22-25 மத் 21:35-39 மத் 23:34-37 யோவா 15:19 யோவா 15:20 யோவா 16:2 யோவா 16:3 அப் 4:1-3 அப் 5:40 அப் 5:41 அப் 7:51-57 அப் 8:1 1தெச 2:14 1தெச 2:15
7	ராஜா அதைக் கேள்விப்பட்டு, கோபமடைந்து, தன் சேனைகளை அனுப்பி, அந்தக் கொலைபாதகரை அழித்து, அவர்கள் பட்டணத்தையும் சுட்டெரித்தான்.	மத் 21:40 மத் 21:41 தானி 9:26 சகரி 14:1 சகரி 14:2 லூக் 19:27 லூக் 19:42-44 லூக் 21:21 லூக் 21:24 1தெச 2:16 1பேது 4:17 1பேது 4:18
8	அப்பொழுது, அவன் தன் ஊழியக்காரரை நோக்கி: கலியாண விருந்து ஆயத்தமாயிருக்கிறது, அழைக்கப்பட்டவர்களோ அதற்கு அபாத்திரராய்ப் போனார்கள்.	மத் 10:11-13 மத் 10:37-13 மத் 10:38-13 லூக் 20:35 லூக் 21:36 அப் 13:46 2தெச 1:5 வெளிப் 3:4 வெளிப் 22:14
9	ஆகையால், நீங்கள் வழிச்சந்திகளிலே போய், காணப்படுகிற யாவரையும் கலியாணத்திற்கு அழைத்துக்கொண்டுவாருங்கள் என்றான்.	நீதி 1:20-23 நீதி 8:1-5 நீதி 9:4-6 ஏசா 55:1-3 ஏசா 55:6-3 ஏசா 55:7-3 மாற் 16:15 மாற் 16:16 லூக் 14:21-24 லூக் 24:47 அப் 13:47 எபே 3:8 வெளிப் 22:17
10	அந்த ஊழியக்காரர் புறப்பட்டு, வழிகளிலே போய், தாங்கள் கண்ட நல்லார் பொல்லார் யாவரையும் கூட்டிக்கொண்டுவந்தார்கள்; கலியாணசாலை விருந்தாளிகளால் நிறைந்தது.	மத் 22:11 மத் 22:12 மத் 13:38 மத் 13:47 மத் 13:48 மத் 25:1 மத் 25:2 1கொரி 6:9-11 2கொரி 12:21 1யோவா 2:19 வெளிப் 2:14 வெளிப் 2:15 வெளிப் 2:20-23
11	விருந்தாளிகளைப் பார்க்கும்படி ராஜா உள்ளே பிரவேசித்தபோது, கலியாண வஸ்திரம் தரித்திராத ஒரு மனுஷனை அங்கே கண்டு:	மத் 3:12 மத் 13:30 மத் 25:31 மத் 25:32 செப் 1:12 1கொரி 4:5 எபிரெ 4:12 எபிரெ 4:13 வெளிப் 2:23
12	சிநேகிதனே, நீ கலியாண வஸ்திரமில்லாதவனாய் இங்கே எப்படி வந்தாய் என்று கேட்டான்; அதற்கு அவன் பேசாமலிருந்தான்.	மத் 20:13 மத் 26:50
13	அப்பொழுது, ராஜா பணிவிடைக்காரரை நோக்கி: இவனைக் கையுங்காலும் கட்டிக் கொண்டுபோய், அழுகையும் பற்கடிப்பும் உண்டாயிருக்கிற புறம்பான இருளிலே போடுங்கள் என்றான்.	மத் 12:29 மத் 13:30 ஏசா 52:1 தானி 3:20 யோவா 21:18 அப் 21:11 வெளிப் 21:27
14	அந்தப்படியே, அழைக்கப்பட்டவர்கள் அநேகர், தெரிந்துகொள்ளப்பட்டவர்களோ சிலர் என்றார்.	மத் 7:13 மத் 7:14 மத் 20:16 லூக் 13:23 லூக் 13:24
15	அப்பொழுது, பரிசேயர் போய், பேச்சிலே அவரை அகப்படுத்தும்படி யோசனைபண்ணி,	சங் 2:2 மாற் 12:13-17 லூக் 20:20-26
16	தங்கள் சீஷரையும் ஏரோதியரையும் அவரிடத்தில் அனுப்பினார்கள். அவர்கள் வந்து: போதகரே, நீர் சத்தியமுள்ளவரென்றும், தேவனுடைய மார்க்கத்தைச் சத்தியமாய்ப் போதிக்கிறவரென்றும், நீர் முகதாட்சிணியம் இல்லாதவராகையால் எவனைக்குறித்தும் உமக்குக் கவலையில்லையென்றும் அறிந்திருக்கிறோம்.	மத் 16:11 மத் 16:12 மாற் 3:6 மாற் 8:15
17	ஆதலால், உமக்கு எப்படித் தோன்றுகிறது? இராயனுக்கு வரிகொடுக்கிறது நியாயமோ, அல்லவோ? அதை எங்களுக்குச் சொல்லும் என்று கேட்டார்கள்.	எரே 42:2 எரே 42:3 எரே 42:20 அப் 28:22
18	இயேசு அவர்கள் துர்க்குணத்தை அறிந்து: மாயக்காரரே, நீங்கள் என்னை ஏன் சோதிக்கிறீர்கள்?	மாற் 2:8 லூக் 5:22 லூக் 9:47 லூக் 20:23 யோவா 2:25 வெளிப் 2:23
19	வரிக்காசை எனக்குக் காண்பியுங்கள் என்றார்; அவர்கள் ஒரு பணத்தை அவரிடத்தில் கொண்டுவந்தார்கள்.	மத் 18:28 மத் 20:2 வெளிப் 6:6
20	அப்பொழுது அவர்: இந்தச் சுரூபமும் மேலெழுத்தும் யாருடையது என்று கேட்டார்.	லூக் 20:24
21	இராயனுடையது என்றார்கள். அதற்கு அவர்: அப்படியானால், இராயனுடையதை இராயனுக்கும், தேவனுடையதை தேவனுக்கும் செலுத்துங்கள் என்றார்.	மத் 17:25-27 நீதி 24:21 லூக் 23:2 ரோம 13:7
22	அவர்கள் அதைக்கேட்டு ஆச்சரியப்பட்டு அவரை விட்டுப் போய்விட்டார்கள்.	மத் 22:33 மத் 22:46 மத் 10:16 நீதி 26:4 நீதி 26:5 லூக் 20:25 லூக் 20:26 லூக் 21:15 அப் 6:10 கொலோ 4:6
23	உயிர்த்தெழுதல் இல்லை என்று சாதிக்கிற சதுசேயர் அன்றையதினம் அவரிடத்தில் வந்து:	மாற் 12:18-27 லூக் 20:27-40
24	போதகரே, ஒருவன் சந்தானம் இல்லாமல் இறந்துபோனால், அவனுடைய சகோதரன் அவன் மனைவியை விவாகம்பண்ணி, தன் சகோதரனுக்குச் சந்தானம் உண்டாக்கவேண்டும் என்று மோசே சொன்னாரே.	மத் 22:16 மத் 22:36 மத் 7:21 லூக் 6:46
25	எங்களுக்குள்ளே சகோதரர் ஏழுபேர் இருந்தார்கள்; மூத்தவன் விவாகம்பண்ணி, மரித்து, சந்தானமில்லாததினால் தன் மனைவியைத் தன் சகோதரனுக்கு விட்டுவிட்டுப்போனான்.	மாற் 12:19-23 லூக் 20:29-33 எபிரெ 9:27
26	அப்படியே இரண்டாம் மூன்றாம் சகோதரன்முதல் ஏழாம் சகோதரன்வரைக்கும் செய்தார்கள்.
27	எல்லாருக்கும் பின்பு அந்த ஸ்திரீயும் இறந்துபோனாள்.
28	ஆகையால், உயிர்த்தெழுதலில் அவ்வேழுபேரில் எவனுக்கு அவள் மனைவியாயிருப்பாள்? அவர்கள் எல்லாரும் அவளை விவாகம்பண்ணியிருந்தார்களே என்று கேட்டார்கள்.
29	இயேசு அவர்களுக்குப் பிரதியுத்தரமாக: நீங்கள் வேதவாக்கியங்களையும், தேவனுடைய வல்லமையையும் அறியாமல் தப்பான எண்ணங்கொள்ளுகிறீர்கள்.	யோபு 19:25-27 சங் 16:9-11 சங் 17:15 சங் 49:14 சங் 49:15 சங் 73:25 சங் 73:26 ஏசா 25:8 ஏசா 26:19 ஏசா 57:1 ஏசா 57:2 தானி 12:2 தானி 12:3 ஓசி 13:14 லூக் 24:44-47 யோவா 20:9 ரோம 15:4
30	உயிர்தெழுதலில் கொள்வனையும் கொடுப்பனையும் இல்லை; அவர்கள் பரலோகத்திலே தேவதூதரைப்போல் இருப்பார்கள்;	மாற் 12:24 மாற் 12:25 லூக் 20:34-36 யோவா 5:28 யோவா 5:29 1கொரி 7:29-31 1யோவா 3:1 1யோவா 3:2
31	மேலும் மரித்தோர் உயிர்த்தெழுதலைப்பற்றி: நான் ஆபிரகாமின் தேவனும், ஈசாக்கின் தேவனும், யாக்கோபின் தேவனுமாயிருக்கிறேன் என்று தேவனால் உங்களுக்கு உரைக்கப்பட்டிருக்கிறதை நீங்கள் வாசிக்கவில்லையா?	மத் 9:13 மத் 12:3 மத் 12:7 மத் 21:16 மத் 21:42
32	தேவன் மரித்தோருக்கு தேவனாயிராமல், ஜீவனுள்ளோருக்கு தேவனாயிருக்கிறார் என்றார்.	யாத் 3:6 யாத் 3:15 யாத் 3:16 அப் 7:32 எபிரெ 11:16
33	ஜனங்கள் இதைக் கேட்டு, அவருடைய போதகத்தைக்குறித்து ஆச்சரியப்பட்டார்கள்.	மத் 22:22 மத் 7:28 மத் 7:29 மாற் 6:2 மாற் 12:17 லூக் 2:47 லூக் 4:22 லூக் 20:39 லூக் 20:40 யோவா 7:46
34	அவர் சதுசேயரை வாயடைத்தார் என்று பரிசேயர் கேள்விப்பட்டு, அவரிடத்தில் கூடிவந்தார்கள்.	மாற் 12:28
35	அவர்களில் நியாயசாஸ்திரி ஒருவன் அவரைச் சோதிக்கும்படி:	லூக் 7:30 லூக் 10:25-37 லூக் 11:45 லூக் 11:46 லூக் 11:52 லூக் 14:3 தீத் 3:13
36	போதகரே, நியாயப்பிரமாணத்திலே எந்தக் கற்பனை பிரதானமானது என்று கேட்டான்.	மத் 5:19 மத் 5:20 மத் 15:6 மத் 23:23 மத் 23:24 ஓசி 8:12 மாற் 12:28-33 லூக் 11:42
37	இயேசு அவனை நோக்கி: உன் தேவனாகிய கர்த்தரிடத்தில் உன் முழு இருதயத்தோடும் உன் முழு ஆத்துமாவோடும் உன் முழு மனதோடும் அன்புகூருவாயாக;	உபா 6:5 உபா 10:12 உபா 30:6 மாற் 12:29 மாற் 12:30 மாற் 12:33 லூக் 10:27 ரோம 8:7 எபிரெ 10:16 எபிரெ 10:17 1யோவா 5:2-5
38	இது முதலாம் பிரதான கற்பனை.
39	இதற்கு ஒப்பாயிருக்கிற இரண்டாம் கற்பனை என்னவென்றால், உன்னிடத்தில் நீ அன்புகூருவதுபோலப் பிறனிடத்திலும் அன்புகூருவாயாக என்பதே.	மத் 19:19 லேவி 19:18 மாற் 12:31 லூக் 10:27 லூக் 10:28 ரோம 13:9 ரோம 13:10 கலா 5:14 யாக் 2:8
40	இவ்விரண்டு கற்பனைகளிலும் நியாயப்பிரமாணம் முழுமையும் தீர்க்கதரிசனங்களும் அடங்கியிருக்கிறது என்றார்.	மத் 7:12 யோவா 1:17 ரோம 3:19-21 ரோம 13:9 1தீமோ 1:5 1யோவா 4:7-11 1யோவா 4:19-21 யாக் 2:8
41	பரிசேயர் கூடியிருக்கையில், இயேசு அவர்களை நோக்கி:	மத் 22:15 மத் 22:34 மாற் 12:35-37 லூக் 20:41-44
42	கிறிஸ்துவைக்குறித்து நீங்கள் என்ன நினைக்கிறீர்கள், அவர் யாருடைய குமாரன்? என்று கேட்டார். அவர் தாவீதின் குமாரன் என்றார்கள்.	மத் 2:4-6 மத் 14:33 மத் 16:13-17 யோவா 1:49 யோவா 6:68 யோவா 6:69 யோவா 20:28 பிலிப் 2:9-11 பிலிப் 3:7-10 கொலோ 3:11 1பேது 2:4-7 வெளிப் 5:12-14
43	அதற்கு அவர்: அப்படியானால், தாவீது பரிசுத்த ஆவியினாலே அவரை ஆண்டவர் என்று சொல்லியிருக்கிறது எப்படி?	2சாமு 23:2 மாற் 12:36 லூக் 2:26 லூக் 2:27 அப் 1:16 அப் 2:30 அப் 2:31 எபிரெ 3:7 2பேது 1:21 வெளிப் 4:2
44	நான் உம்முடைய சத்துருக்களை உமக்குப் பாதபடியாக்கிப்போடும்வரைக்கும் நீர் என்னுடைய வலதுபாரிசத்தில் உட்காரும் என்று கர்த்தர் என் ஆண்டவரோடே சொன்னார் என்று சொல்லியிருக்கிறானே.	சங் 110:1 அப் 2:34 அப் 2:35 1கொரி 15:25 எபிரெ 1:3 எபிரெ 1:13 எபிரெ 10:12 எபிரெ 10:13 எபிரெ 12:2
45	தாவீது அவரை ஆண்டவர் என்று சொல்லியிருக்க, அவனுக்கு அவர் குமாரனாயிருப்பது எப்படி என்றார்.	யோவா 8:58 ரோம 1:3 ரோம 1:4 ரோம 9:5 பிலிப் 2:6-8 1தீமோ 3:16 எபிரெ 2:14 வெளிப் 22:16
46	அதற்கு மாறுத்தரமாக ஒருவனும் அவருக்கு ஒரு வார்த்தையும் சொல்லக்கூடாதிருந்தது. அன்றுமுதல் ஒருவனும் அவரிடத்தில் கேள்விகேட்கத் துணியவில்லை.	மத் 21:27 யோபு 32:15 யோபு 32:16 ஏசா 50:2-9 லூக் 13:17 லூக் 14:6 யோவா 8:7-9 அப் 4:14