1	அவர்கள் எருசலேமுக்குச் சமீபமாய்ச் சேர்ந்து, ஒலிவமலைக்கு அருகான பெத்பகேயுக்கு வந்தபோது, இயேசுவானவர் சீஷரில் இரண்டுபேரை நோக்கி:	மாற் 11:1 லூக் 19:28
2	உங்களுக்கு எதிரே இருக்கிற கிராமத்துக்குப் போங்கள்; போனவுடனே, அங்கே ஒரு கழுதையையும் அதனோடே ஒரு குட்டியையும் கட்டியிருக்கக் காண்பீர்கள்; அவைகளை அவிழ்த்து என்னிடத்தில் கொண்டுவாருங்கள்.	மத் 26:18 மாற் 11:2 மாற் 11:3 மாற் 14:13-16 லூக் 19:30-32 யோவா 2:5-8
3	ஒருவன் உங்களுக்கு ஏதாகிலும் சொன்னால்: இவைகள் ஆண்டவருக்கு வேண்டுமென்று சொல்லுங்கள்; உடனே அவைகளை அனுப்பிவிடுவான் என்று சொல்லி, அவர்களை அனுப்பினார்.	1நாளா 29:14-16 சங் 24:1 சங் 50:10 சங் 50:11 ஆகா 2:8 ஆகா 2:9 யோவா 3:35 யோவா 17:2 அப் 17:25 2கொரி 8:9
4	இதோ, உன் ராஜா சாந்தகுணமுள்ளவராய், கழுதையின்மேலும் கழுதைக்குட்டியாகிய மறியின்மேலும் ஏறிக்கொண்டு, உன்னிடத்தில் வருகிறார் என்று சீயோன் குமாரத்திக்குச் சொல்லுங்கள் என்று,	மத் 1:22 மத் 26:56 யோவா 19:36 யோவா 19:37
5	தீர்க்கதரிசியினால் உரைக்கப்பட்டது நிறைவேறும்படி இதெல்லாம் நடந்தது.	சங் 9:14 ஏசா 12:6 ஏசா 40:9 ஏசா 62:11 செப் 3:14 செப் 3:15 மாற் 11:4-11
6	சீஷர்கள் போய், இயேசு தங்களுக்குக் கட்டளையிட்டபடியே செய்து,	ஆதி 6:22 ஆதி 12:4 யாத் 39:43 யாத் 40:16 1சாமு 15:11 யோவா 15:14
7	கழுதையையும் குட்டியையும் கொண்டுவந்து, அவைகள்மேல் தங்கள் வஸ்திரங்களைப் போட்டு, அவரை ஏற்றினார்கள்.	மாற் 11:4-8 லூக் 19:32-35
8	திரளான ஜனங்கள் தங்கள் வஸ்திரங்களை வழியிலே விரித்தார்கள்; வேறு சிலர் மரக்கிளைகளைத் தறித்து வழியிலே பரப்பினார்கள்.	லேவி 23:40 யோவா 12:13
9	முன்நடப்பாரும் பின்நடப்பாருமாகிய திரளான ஜனங்கள்: தாவீதின் குமாரனுக்கு ஓசன்னா! கர்த்தரின் நாமத்தினாலே வருகிறவர் ஸ்தோத்திரிக்கப்பட்டவர், உன்னதத்திலே ஓசன்னா என்று சொல்லி ஆர்ப்பரித்தார்கள்.	மத் 21:15 சங் 118:24-26 மாற் 11:9 மாற் 11:10
10	அவர் எருசலேமுக்குள் பிரவேசிக்கையில், நகரத்தார் யாவரும் ஆச்சரியப்பட்டு, இவர் யார்? என்று விசாரித்தார்கள்.	மத் 2:3 ரூத் 1:19 1சாமு 16:4 யோவா 12:16-19
11	அதற்கு ஜனங்கள்: இவர் கலிலேயாவிலுள்ள நாசரேத்திலிருந்து வந்த தீர்க்கதரிசியாகிய இயேசு என்றார்கள்.	மத் 16:13 மத் 16:14 உபா 18:15-19 லூக் 7:16 யோவா 7:40 யோவா 9:17 அப் 3:22 அப் 3:23 அப் 7:37
12	இயேசு தேவாலயத்தில் பிரவேசித்து, ஆலயத்திலே விற்கிறவர்களும் கொள்ளுகிறவர்களுமாகிய யாவரையும் வெளியே துரத்தி, காசுக்காரருடைய பலகைகளையும் புறா விற்கிறவர்களின் ஆசனங்களையும் கவிழ்த்து:	மல்கி 3:1 மல்கி 3:2 மாற் 11:11
13	என்னுடைய வீடு ஜெபவீடு என்னப்படும் என்று எழுதியிருக்கிறது; நீங்களோ அதைக் கள்ளர் குகையாக்கினீர்கள் என்றார்.	மத் 2:5 யோவா 15:25
14	அப்பொழுது, குருடரும் சப்பாணிகளும் தேவாலயத்திலே அவரிடத்திற்கு வந்தார்கள், அவர்களைச் சொஸ்தமாக்கினார்.	மத் 9:35 மத் 11:4 மத் 11:5 ஏசா 35:5 அப் 3:1-9 அப் 10:38
15	அவர் செய்த அதிசயங்களையும், தாவீதின் குமாரனுக்கு ஓசன்னா! என்று தேவாலயத்திலே ஆர்ப்பரிக்கிற பிள்ளைகளையும், பிராதன ஆசாரியரும் வேதபாரகரும் கண்டு, கோபமடைந்து,	மத் 21:23 மத் 26:3 மத் 26:59 மத் 27:1 மத் 27:20 ஏசா 26:11 மாற் 11:18 லூக் 19:39 லூக் 19:40 லூக் 20:1 லூக் 22:2 லூக் 22:66 யோவா 11:47-49 யோவா 11:57-49 யோவா 12:19
16	அவரை நோக்கி: இவர்கள் சொல்லுகிறதைக் கேட்கிறீரோ என்றார்கள். அதற்கு இயேசு: ஆம், கேட்கிறேன். குழந்தைகளுடைய வாயினாலும் பாலகருடைய வாயினாலும் துதி உண்டாகும்படி செய்தீர் என்பதை நீங்கள் ஒருக்காலும் வாசிக்கவில்லையா என்றார்.	லூக் 19:39 லூக் 19:40 யோவா 11:47 யோவா 11:48 அப் 4:16-18
17	அவர்களை விட்டு நகரத்திலிருந்து புறப்பட்டு, பெத்தானியாவுக்குப் போய், அங்கே இராத்தங்கினார்.	மத் 16:4 எரே 6:8 ஓசி 9:12 மாற் 3:7 லூக் 8:37 லூக் 8:38
18	காலையிலே அவர் நகரத்துக்குத் திரும்பிவருகையில், அவருக்குப் பசியுண்டாயிற்று.	மாற் 11:12 மாற் 11:13
19	அப்பொழுது வழியருகே ஒரு அத்திமரத்தைக் கண்டு, அதினிடத்திற் போய், அதிலே இலைகளையன்றி வேறொன்றையுங்காணாமல்: இனி ஒருக்காலும் உன்னிடத்தில் கனி உண்டாகாதிருக்கக்கடவது என்றார்; உடனே அத்திமரம் பட்டுப்போயிற்று.	ஏசா 5:4 ஏசா 5:5 லூக் 3:9 லூக் 13:6-9 யோவா 15:2 யோவா 15:6 2தீமோ 3:5 தீத் 1:16
20	சீஷர்கள் அதைக் கண்டு: இந்த அத்திமரம் எத்தனை சீக்கிரமாய்ப் பட்டுப்போயிற்று! என்று சொல்லி ஆச்சரியப்பட்டார்கள்.	ஏசா 40:6-8 மாற் 11:20 மாற் 11:21 யாக் 1:10 யாக் 1:11
21	இயேசு அவர்களை நோக்கி: நீங்கள் சந்தேகப்படாமல் விசுவாசமுள்ளவர்களாயிருந்தால், இந்த அத்திமரத்திற்குச் செய்ததை நீங்கள் செய்வதுமல்லாமல், இந்த மலையைப்பார்த்து: நீ பெயர்ந்து சமுத்திரத்திலே தள்ளுண்டுபோ என்று சொன்னாலும் அப்படியாகும் என்று, மெய்யாகவே உங்களுக்குச் சொல்லுகிறேன்.	மத் 17:20 மாற் 11:22 மாற் 11:23 லூக் 17:6 லூக் 17:7 ரோம 4:19 ரோம 4:20 1கொரி 13:2 யாக் 1:6
22	மேலும், நீங்கள் விசுவாசமுள்ளவர்களாய் ஜெபத்திலே எவைகளைக் கேட்பீர்களோ அவைகளையெல்லாம் பெறுவீர்கள் என்றார்.	மத் 7:7 மத் 7:11 மத் 18:19 மாற் 11:24 லூக் 11:8-10 யோவா 14:13 யோவா 15:7 யோவா 16:24 யாக் 5:16 1யோவா 3:22 1யோவா 5:14 1யோவா 5:15
23	அவர் தேவாலயத்தில் வந்து, உபதேசம்பண்ணுகையில், பிரதான ஆசாரியரும் ஜனத்தின் மூப்பரும் அவரிடத்தில் வந்து: நீர் எந்த அதிகாரத்தினால் இவைகளைச் செய்கிறீர்? இந்த அதிகாரத்தை உமக்குக் கொடுத்தவர் யார்? என்று கேட்டார்கள்.	மாற் 11:27 மாற் 11:28 லூக் 19:47 லூக் 19:48 லூக் 20:1 லூக் 20:2
24	இயேசு பிரதியுத்தரமாக: நானும் உங்களிடத்தில் ஒரு காரியத்தைக் கேட்கிறேன், அதை எனக்குச் சொல்லுவீர்களானால், நானும் இன்ன அதிகாரத்தினாலே இவைகளைச் செய்கிறேனென்று உங்களுக்குச் சொல்லுவேன்.	மத் 10:16 நீதி 26:4 நீதி 26:5 லூக் 6:9 கொலோ 4:6
25	யோவான் கொடுத்த ஸ்நானம் தேவனால் உண்டாயிற்றோ? மனுஷரால் உண்டாயிற்றோ? யாரால் உண்டாயிற்று? என்று கேட்டார். அதற்கு அவர்கள்: தேவனால் உண்டாயிற்றென்று சொல்வோமானால், பின்னை ஏன் அவனை விசுவாசிக்கவில்லை என்று நம்மைக் கேட்பார்;	மத் 3:1-12 மத் 11:7-15 மத் 17:12 மத் 17:13 மாற் 1:1-11 மாற் 11:27-33 லூக் 1:11-17 லூக் 1:67-80 லூக் 3:2-20 லூக் 7:28-35 யோவா 1:6 யோவா 1:15 யோவா 1:25-34 யோவா 3:26-36
26	மனுஷரால் உண்டாயிற்றென்று சொல்வோமானால், ஜனங்களுக்குப் பயப்படுகிறோம், எல்லாரும் யோவானைத் தீர்க்கதரிசியென்று எண்ணுகிறார்களே என்று, தங்களுக்குள்ளே ஆலோசனைபண்ணி,	மத் 21:46 மத் 14:5 ஏசா 57:11 மாற் 11:32 மாற் 12:12 லூக் 20:6 லூக் 20:19 லூக் 22:2 யோவா 9:22 அப் 5:26
27	இயேசுவுக்குப் பிரதியுத்தரமாக: எங்களுக்குத் தெரியாது என்றார்கள். அப்பொழுது, அவர்: நானும் இன்ன அதிகாரத்தினால் இவைகளைச் செய்கிறேனென்று உங்களுக்குச் சொல்லேன் என்றார்.	மத் 15:14 மத் 16:3 மத் 23:16-28 ஏசா 6:10 ஏசா 28:9 ஏசா 29:10-12 ஏசா 42:19 ஏசா 42:20 ஏசா 56:10 ஏசா 56:11 எரே 8:7-9 மல்கி 2:6-9 லூக் 20:7 லூக் 20:8 யோவா 9:30 யோவா 9:40 யோவா 9:41 ரோம 1:18-22 ரோம 1:28-22 2கொரி 4:3 2தெச 2:9 2தெச 2:10
28	ஆயினும், உங்களுக்கு எப்படித் தோன்றுகிறது? ஒரு மனுஷனுக்கு இரண்டு குமாரர் இருந்தார்கள்; மூத்தவனிடத்தில் அவன் வந்து: மகனே, நீ போய் இன்றைக்கு என் திராட்சத்தோட்டத்தில் வேலைசெய் என்றான்.	மத் 17:25 மத் 22:17 லூக் 13:4 1கொரி 10:15
29	அதற்கு அவன்: மாட்டேன் என்றான்; ஆகிலும், பின்பு அவன் மனஸ்தாபப்பட்டுப்போனான்.	மத் 21:31 எரே 44:16 எபே 4:17-19
30	இளையவனிடத்திலும் அவன் வந்து, அப்படியே சொன்னான்; அதற்கு அவன்: போகிறேன் ஐயா, என்று சொல்லியும், போகவில்லை.	மத் 23:3 எசே 33:31 ரோம 2:17-25 தீத் 1:16
31	இவ்விருவரில் எவன் தகப்பனுடைய சித்தத்தின்படி செய்தவன் என்று கேட்டார்; அதற்கு அவர்கள்: மூத்தவன்தான் என்றார்கள். அப்பொழுது, இயேசு அவர்களை நோக்கி: ஆயக்காரரும் வேசிகளும் உங்களுக்கு முன்னே தேவனுடைய ராஜ்யத்தில் பிரவேசிக்கிறார்கள் என்று, மெய்யாகவே உங்களுக்குச் சொல்லுகிறேன்.	மத் 7:21 மத் 12:50 எசே 33:11 லூக் 15:10 அப் 17:30 2பேது 3:9
32	ஏனென்றால், யோவான் நீதிமார்க்கமாய் உங்களிடத்தில் வந்திருந்தும், நீங்கள் அவனை விசுவாசிக்கவில்லை; ஆயக்காரரும் வேசிகளுமோ அவனை விசுவாசித்தார்கள்; அதை நீங்கள் கண்டும், அவனை விசுவாசிக்கும்படியாகப் பின்பாகிலும் மனஸ்தாபப்படவில்லை என்றார்.	மத் 3:1-8 ஏசா 35:8 எரே 6:16 லூக் 3:8-13 2பேது 2:21
33	வேறொரு உவமையைக் கேளுங்கள்: வீட்டெஜமானாகிய ஒரு மனுஷன் இருந்தான், அவன் ஒரு திராட்சத்தோட்டத்தை உண்டாக்கி, அதைச் சுற்றிலும் வேலியடைத்து, அதில் ஒரு ஆலையை நாட்டி, கோபுரத்தையும் கட்டி, தோட்டக்காரருக்கு அதைக் குத்தகையாக விட்டு, புறதேசத்துக்குப் போயிருந்தான்.	மத் 13:18 1இரா 22:19 ஏசா 1:10 எரே 19:3 ஓசி 4:1
34	கனிகாலம் சமீபித்தபோது, அதின் கனிகளை வாங்கிக்கொண்டுவரும்படி தன் ஊழியக்காரரைத் தோட்டக்காரரிடத்தில் அனுப்பினான்.	2இரா 17:13 2இரா 17:14-23 2நாளா 36:15 2நாளா 36:16 நெகே 9:29 நெகே 9:30 எரே 25:3-7 எரே 35:15 சகரி 1:3-6 சகரி 7:9-13 மாற் 12:2-5 லூக் 20:10-19
35	தோட்டக்காரர் அந்த ஊழியக்காரரைப்பிடித்து, ஒருவனை அடித்து, ஒருவனைக் கொலைசெய்து, ஒருவனைக் கல்லெறிந்து கொன்றார்கள்.	மத் 5:12 மத் 23:31-37 1இரா 18:4 1இரா 18:13 1இரா 19:2 1இரா 19:10 1இரா 22:24 2நாளா 16:10 2நாளா 24:21 2நாளா 24:22 2நாளா 36:15 2நாளா 36:16 நெகே 9:26 எரே 2:30 எரே 25:3-7 எரே 26:21-24 லூக் 13:33 லூக் 13:34 அப் 7:52 1தெச 2:15 1தெச 2:16 எபிரெ 11:36 எபிரெ 11:37 வெளிப் 6:9
36	பின்னும் அவன் முந்தினவர்களிலும் அதிகமான வேறே ஊழியக்காரரை அனுப்பினான்; அவர்களையும் அப்படியே செய்தார்கள்.
37	கடைசியிலே அவன்: என் குமாரனுக்கு அஞ்சுவார்கள் என்று சொல்லி, தன் குமாரனை அவர்களிடத்தில் அனுப்பினான்.	மத் 3:17 மாற் 12:6 லூக் 20:13 யோவா 1:18 யோவா 1:34 யோவா 3:16 யோவா 3:35 யோவா 3:36 எபிரெ 1:1 எபிரெ 1:2
38	தோட்டக்காரர் குமாரனைக் கண்டபோது: இவன் சுதந்தரவாளி; இவனைக் கொன்று, இவன் சுதந்தரத்தைக் கட்டிக்கொள்ளுவோம் வாருங்கள் என்று ஒருவரோடொருவர் சொல்லிக்கொண்டு;	மத் 2:13-16 மத் 26:3 மத் 26:4 மத் 27:1 மத் 27:2 ஆதி 37:18-20 சங் 2:2-8 மாற் 12:7 மாற் 12:8 லூக் 20:14 யோவா 11:47-53 அப் 4:27 அப் 4:28 அப் 5:24-28
39	அவனைப் பிடித்துத் திராட்சத்தோட்டத்திற்குப் புறம்பே தள்ளிக் கொலைசெய்தார்கள்.	மத் 26:50 மத் 26:57 மாற் 14:46-53 லூக் 22:52-54 யோவா 18:12 யோவா 18:24 அப் 2:23 அப் 4:25-27
40	அப்படியிருக்க, திராட்சத்தோட்டத்தின் எஜமான் வரும்போது, அந்தத் தோட்டக்காரரை என்ன செய்வான் என்று கேட்டார்.	மாற் 12:9 லூக் 20:15 லூக் 20:16 எபிரெ 10:29
41	அதற்கு அவர்கள்: அந்தக் கொடியரைக் கொடுமையாய் அழித்து, ஏற்ற காலங்களில் தனக்குக் கனிகளைக் கொடுக்கத்தக்க வேறே தோட்டக்காரரிடத்தில் திராட்சத்தோட்டத்தைக் குத்தகையாகக் கொடுப்பான் என்றார்கள்.	மத் 3:12 மத் 22:6 மத் 22:7 மத் 23:35-38 மத் 24:21 மத் 24:22 லேவி 26:14-46 உபா 28:59-68 சங் 2:4 சங் 2:5 சங் 2:9 ஏசா 5:5-7 தானி 9:26 சகரி 11:8-10 சகரி 12:12 சகரி 13:8 சகரி 14:2 சகரி 14:3 மல்கி 4:1-6 லூக் 17:32-37 லூக் 19:41-44 லூக் 21:22-24 1தெச 2:16 எபிரெ 2:3 எபிரெ 12:25
42	இயேசு அவர்களை நோக்கி: வீடுகட்டுகிறவர்கள் ஆகாதென்று தள்ளின கல்லே மூலைக்குத் தலைக்கல்லாயிற்று, அது கர்த்தராலே ஆயிற்று, அது நம்முடைய கண்களுக்கு ஆச்சரியமாயிருக்கிறது என்று நீங்கள் வேதத்தில் ஒருக்காலும் வாசிக்கவில்லையா?	சங் 118:22 சங் 118:23 ஏசா 28:16 சகரி 3:8 சகரி 3:9 மாற் 12:10 மாற் 12:11 லூக் 20:17 லூக் 20:18 அப் 4:11 ரோம 9:33 எபே 2:20 1பேது 2:4-8
43	ஆகையால், தேவனுடைய ராஜ்யம் உங்களிடத்திலிருந்து நீக்கப்பட்டு, அதற்கேற்ற கனிகளைத் தருகிற ஜனங்களுக்குக் கொடுக்கப்படும்.	மத் 21:41 மத் 8:11 மத் 8:12 மத் 12:28 ஏசா 28:2 லூக் 17:20 லூக் 17:21 யோவா 3:3 யோவா 3:5
44	இந்தக் கல்லின்மேல் விழுகிறவன் நொறுங்கிப்போவான்; இது எவன்மேல் விழுமோ அவனை நசுக்கிப்போடும் என்று நான் உங்களுக்குச் சொல்லுகிறேன் என்றார்.	சங் 2:12 ஏசா 8:14 ஏசா 8:15 ஏசா 60:12 சகரி 12:3 லூக் 20:18 ரோம 9:33 2கொரி 4:3 2கொரி 4:4 1பேது 2:8
45	பிரதான ஆசாரியரும் பரிசேயரும் அவருடைய உவமைகளைக் கேட்டு, தங்களைக்குறித்துச் சொல்லுகிறார் என்று அறிந்து,	மத் 12:12 லூக் 11:45 லூக் 20:19
46	அவரைப் பிடிக்க வகைதேடினார்கள்; ஆகிலும் ஜனங்கள் அவரைத் தீர்க்கதரிசியென்று எண்ணினபடியினால் அவர்களுக்குப் பயந்திருந்தார்கள்.	2சாமு 12:7-13 நீதி 9:7-9 நீதி 15:12 ஏசா 29:1 யோவா 7:7