1	பரலோகராஜ்யம் வீட்டெஜமானாகிய ஒரு மனுஷனுக்கு ஒப்பாயிருக்கிறது; அவன் தன் திராட்சத்தோட்டத்துக்கு வேலையாட்களை அமர்த்த அதிகாலையிலே புறப்பட்டான்.	மத் 3:2 மத் 13:24 மத் 13:31 மத் 13:33 மத் 13:44 மத் 13:45 மத் 13:47 மத் 22:2 மத் 25:1 மத் 25:14
2	வேலையாட்களுடன் நாளொன்றுக்கு ஒரு பணம் கூலிபேசி, அவர்களைத் தன் திராட்சத்தோட்டத்துக்கு அனுப்பினான்.	மத் 20:13 யாத் 19:5 யாத் 19:6 உபா 5:27-30
3	மூன்றாம் மணிவேளையிலும் அவன் புறப்பட்டுப்போய், கடைத்தெருவிலே சும்மா நிற்கிற வேறு சிலரைக் கண்டு:	மாற் 15:25 அப் 2:15
4	நீங்களும் திராட்சத்தோட்டத்துக்குப் போங்கள், நியாயமானபடி உங்களுக்குக் கூலி கொடுப்பேன் என்றான்; அவர்களும் போனார்கள்.	மத் 9:9 மத் 21:23-31 லூக் 19:7-10 ரோம 6:16-22 1கொரி 6:11 1தீமோ 1:12 1தீமோ 1:13 தீத் 3:8 1பேது 1:13 1பேது 4:2 1பேது 4:3
5	மறுபடியும், ஆறாம் ஒன்பதாம் மணிவேளையிலும் அவன் போய் அப்படியே செய்தான்.	மத் 27:45 மாற் 15:33 மாற் 15:34 லூக் 23:44-46 யோவா 1:39 யோவா 4:6 யோவா 11:9 அப் 3:1 அப் 10:3 அப் 10:9
6	பதினோராம் மணிவேளையிலும் அவன்போய், சும்மா நிற்கிற வேறு சிலரைக்கண்டு: நீங்கள் பகல் முழுவதும் இங்கே சும்மா நிற்கிறதென்ன என்று கேட்டான்.	பிரச 9:10 லூக் 23:40-43 யோவா 9:4
7	அதற்கு அவர்கள்: ஒருவரும் எங்களுக்கு வேலையிடவில்லை என்றார்கள். அவன் அவர்களை நோக்கி: நீங்களும் திராட்சத்தோட்டத்துக்குப் போங்கள், நியாயமானபடி கூலி பெற்றுக்கொள்வீர்கள் என்றான்.	அப் 4:16 அப் 17:30 அப் 17:31 ரோம 10:14-17 ரோம 16:25 எபே 2:11 எபே 2:12 எபே 3:5 எபே 3:6 கொலோ 1:26
8	சாயங்காலத்தில், திராட்சத்தோட்டத்துக்கு எஜமான் தன் காரியகாரனை நோக்கி: நீ வேலையாட்களை அழைத்து, பிந்திவந்தவர்கள் தொடங்கி முந்திவந்தவர்கள்வரைக்கும் அவர்களுக்குக் கூலிகொடு என்றான்.	மத் 13:39 மத் 13:40 மத் 25:19 மத் 25:31 ரோம 2:6-10 2கொரி 5:10 எபிரெ 9:28 வெளிப் 20:11 வெளிப் 20:12
9	அப்பொழுது பதினோராம் மணிவேளையில் வேலையமர்த்தப்பட்டவர்கள் வந்து ஆளுக்கு ஒவ்வொரு பணம் வாங்கினார்கள்.	மத் 20:2 மத் 20:6 மத் 20:7 லூக் 23:40-43 ரோம 4:3-6 ரோம 5:20 ரோம 5:21 எபே 1:6-8 எபே 2:8-10 1தீமோ 1:14-16
10	முந்தி அமர்த்தப்பட்டவர்கள் வந்து, தங்களுக்கு அதிக கூலி கிடைக்கும் என்று எண்ணினார்கள், அவர்களும் ஆளுக்கு ஒவ்வொரு பணம் வாங்கினார்கள்.
11	வாங்கிக்கொண்டு, வீட்டெஜமானை நோக்கி:	லூக் 5:30 லூக் 15:2 லூக் 15:28-30 லூக் 19:7 அப் 11:2 அப் 11:3 அப் 13:45 அப் 22:21 அப் 22:22 1தெச 2:16 யூதா 1:16
12	பிந்திவந்தவர்களாகிய இவர்கள் ஒருமணி நேரமாத்திரம் வேலைசெய்தார்கள்; பகலின் கஷ்டத்தையும் வெயிலின் உஷ்ணத்தையும் சகித்த எங்களுக்கு இவர்களைச் சமமாக்கினீரே என்று முறுமுறுத்தார்கள்.	லூக் 14:10 லூக் 14:11 ரோம 3:22-24 ரோம 3:30-24 எபே 3:6
13	அவர்களில் ஒருவனுக்கு அவன் பிரதியுத்தரமாக: சிநேகிதனே, நான் உனக்கு அநியாயஞ்செய்யவில்லை; நீ என்னிடத்தில் ஒரு பணத்துக்குச் சம்மதிக்கவில்லையா?	மத் 22:12 மத் 26:50
14	உன்னுடையதை நீ வாங்கிக்கொண்டு போ, உனக்குக் கொடுத்ததுபோலப் பிந்தி வந்தவனாகிய இவனுக்கும் கொடுப்பது என்னுடைய இஷ்டம்.	மத் 6:2 மத் 6:6 மத் 6:16 2இரா 10:16 2இரா 10:30 2இரா 10:31 எசே 29:18-20 லூக் 15:31 லூக் 16:25 ரோம 3:4 ரோம 3:19
15	என்னுடையதை என் இஷ்டப்படி செய்ய எனக்கு அதிகாரமில்லையா? நான் தயாளனாயிருக்கிறபடியால், நீ வன்கண்ணனாயிருக்கலாமா என்றான்.	மத் 11:25 யாத் 33:19 உபா 7:6-8 1நாளா 28:4 1நாளா 28:5 எரே 27:5-7 யோவா 17:2 ரோம 9:15-24 ரோம 11:5 ரோம 11:6 1கொரி 4:7 எபே 1:11 எபே 2:1 எபே 2:5 யாக் 1:18
16	இவ்விதமாக, பிந்தினோர் முந்தினோராயும், முந்தினோர் பிந்தினோராயும் இருப்பார்கள்; அழைக்கப்பட்டவர்கள் அநேகர், தெரிந்துகொள்ளப்பட்டவர்களோ சிலர் என்றார்.	மத் 8:11 மத் 8:12 மத் 19:30 மத் 21:31 மாற் 10:31 லூக் 7:47 லூக் 13:28-30 லூக் 15:7 லூக் 17:17 லூக் 17:18 யோவா 12:19-22 ரோம 5:20 ரோம 9:30
17	இயேசு எருசலேமுக்குப் போகும்போது, வழியிலே பன்னிரண்டு சீஷரையும் தனியே அழைத்து:	மாற் 10:32-34 லூக் 18:31-34 யோவா 12:12
18	இதோ, எருசலேமுக்குப் போகிறோம்; மனுஷகுமாரன் பிரதான ஆசாரியரிடத்திலும் வேதபாரகரிடத்திலும் ஒப்புக்கொடுக்கப்படுவார்; அவர்கள் அவரை மரண ஆக்கினைக்குள்ளாகத் தீர்த்து,	மத் 16:21 மத் 17:22 மத் 17:23 மத் 26:2 சங் 2:1-3 சங் 22:1-31 சங் 69:1-36 ஏசா 53:1-12 தானி 9:24-27 அப் 2:23 அப் 4:27 அப் 4:28
19	அவரைப் பரியாசம்பண்ணவும், வாரினால் அடிக்கவும், சிலுவையில் அறையவும் புறஜாதியாரிடத்தில் ஒப்புக்கொடுப்பார்கள்; ஆகிலும் மூன்றாம் நாளிலே அவர் உயிரோடே எழுந்திருப்பார் என்றார்.	மத் 27:2-10 மாற் 15:1 மாற் 15:16-20 லூக் 23:1-5 யோவா 18:28-38 அப் 3:13-16 1கொரி 15:3-7
20	அப்பொழுது, செபெதேயுவின் குமாரருடைய தாய் தன் குமாரரோடுகூட அவரிடத்தில் வந்து, அவரைப் பணிந்துகொண்டு: உம்மிடத்தில் ஒரு விண்ணப்பம் பண்ணவேண்டும் என்றாள்.	மாற் 10:35
21	அவர் அவளை நோக்கி: உனக்கு என்ன வேண்டும் என்று கேட்டார். அதற்கு அவள்: உம்முடைய ராஜ்யத்திலே என் குமாரராகிய இவ்விரண்டுபேரில் ஒருவன் உமது வலது பாரிசத்திலும், ஒருவன் உமது இடது பாரிசத்திலும் உட்கார்ந்திருக்கும்படி அருள்செய்யவேண்டும் என்றாள்.	மத் 20:32 1இரா 3:5 எஸ்தர் 5:3 மாற் 6:22 மாற் 10:36 மாற் 10:51 லூக் 18:41 யோவா 15:7
22	இயேசு பிரதியுத்தரமாக: நீங்கள் கேட்டுக்கொள்ளுகிறது இன்னது என்று உங்களுக்குத் தெரியவில்லை. நான் குடிக்கும் பாத்திரத்தில் நீங்கள் குடிக்கவும், நான் பெறும் ஸ்நானத்தை நீங்கள் பெறவும் உங்களால் கூடுமா என்றார். அதற்கு அவர்கள்: கூடும் என்றார்கள்.	மாற் 10:38 ரோம 8:26 யாக் 4:3
23	அவர் அவர்களை நோக்கி: என் பாத்திரத்தில் நீங்கள் குடிப்பீர்கள், நான் பெறும் ஸ்நானத்தையும் நீங்கள் பெறுவீர்கள்; ஆனாலும், என் வலது பாரிசத்திலும் என் இடது பாரிசத்திலும் உட்கார்ந்திருக்கும்படி என் பிதாவினால் எவர்களுக்கு ஆயத்தம்பண்ணப்பட்டிருக்கிறதோ அவர்களுக்கேயல்லாமல், மற்றொருவருக்கும் அதை அருளுவது என் காரியமல்ல என்றார்.	அப் 12:2 ரோம 8:17 2கொரி 1:7 கொலோ 1:24 2தீமோ 2:11 2தீமோ 2:12 வெளிப் 1:9
24	மற்றப் பத்துப்பேரும் அதைக்கேட்டு, அந்த இரண்டு சகோதரர்பேரிலும் எரிச்சலானார்கள்.	நீதி 13:10 மாற் 10:41 லூக் 22:23-25 1கொரி 13:4 பிலிப் 2:3 யாக் 3:14-18 யாக் 4:1 யாக் 4:5 யாக் 4:6 1பேது 5:5
25	அப்பொழுது, இயேசு அவர்களைக் கிட்டவரச்செய்து: புறஜாதியாருடைய அதிகாரிகள் அவர்களை இறுமாப்பாய் ஆளுகிறார்கள் என்றும், பெரியவர்கள் அவர்கள்மேல் கடினமாய் அதிகாரஞ்செலுத்துகிறார்கள் என்றும், நீங்கள் அறிந்திருக்கிறீர்கள்.	மத் 11:29 மத் 18:3 மத் 18:4 யோவா 13:12-17
26	உங்களுக்குள்ளே அப்படி இருக்கலாகாது; உங்களில் எவனாகிலும் பெரியவனாயிருக்க விரும்பினால், அவன் உங்களுக்குப் பணிவிடைக்காரனாயிருக்கக்கடவன்.	மத் 23:8-12 மாற் 9:35 மாற் 10:43 மாற் 10:45 லூக் 14:7-11 லூக் 18:14 யோவா 18:36 2கொரி 1:24 2கொரி 10:4-10 1பேது 5:3 3யோவா 1:9 3யோவா 1:10 வெளிப் 13:11-17 வெளிப் 17:6
27	உங்களில் எவனாகிலும் முதன்மையானவனாயிருக்க விரும்பினால், அவன் உங்களுக்கு ஊழியக்காரனாயிருக்கக்கடவன்.	மத் 18:4 மாற் 9:33-35 லூக் 22:26 அப் 20:34 அப் 20:35 ரோம 1:14 1கொரி 9:19-23 2கொரி 4:5 2கொரி 11:5 2கொரி 11:23-27 2கொரி 12:15
28	அப்படியே, மனுஷகுமாரனும் ஊழியங்கொள்ளும்படி வராமல், ஊழியஞ்செய்யவும், அநேகரை மீட்கும்பொருளாகத் தம்முடைய ஜீவனைக் கொடுக்கவும்வந்தார் என்றார்.	லூக் 22:27 யோவா 13:4-17 பிலிப் 2:4-8 எபிரெ 5:8
29	அவர்கள் எரிகோவிலிருந்து புறப்பட்டுப்போகையில், திரளான ஜனங்கள் அவருக்குப் பின்சென்றார்கள்.	மாற் 10:46-52 லூக் 18:35-43
30	அப்பொழுது வழியருகே உட்கார்ந்திருந்த இரண்டு குருடர், இயேசு அவ்வழியே வருகிறார் என்று கேள்விப்பட்டு: ஆண்டவரே, தாவீதின் குமாரனே, எங்களுக்கு இரங்கும் என்று கூப்பிட்டார்கள்.	மத் 9:27-31 மத் 12:22 மத் 21:14 சங் 146:8 ஏசா 29:18 ஏசா 35:5 ஏசா 35:6 ஏசா 42:16 ஏசா 42:18 ஏசா 59:10 ஏசா 61:1 ஏசா 61:2 மாற் 10:46 லூக் 4:18 லூக் 7:21 யோவா 9:1-12
31	அவர்கள் பேசாதிருக்கும்படி ஜனங்கள் அவர்களை அதட்டினார்கள். அவர்களோ: ஆண்டவரே, தாவீதின் குமாரனே, எங்களுக்கு இரங்கும் என்று அதிகமாய்க் கூப்பிட்டார்கள்.	மத் 15:23 மத் 19:13
32	இயேசு நின்று, அவர்களைத் தம்மிடத்தில் அழைத்து: நான் உங்களுக்கு என்ன செய்யவேண்டும் என்றிருக்கிறீர்கள் என்றார்.	மத் 20:21 எசே 36:37 அப் 10:29 பிலிப் 4:6
33	அதற்கு அவர்கள்: ஆண்டவரே, எங்கள் கண்களைத் திறக்கவேண்டும் என்றார்கள்.	சங் 119:18 எபே 1:17-19
34	இயேசு மனதுருகி, அவர்கள் கண்களைத் தொட்டார்; உடனே அவர்கள் பார்வையடைந்து, அவருக்குப் பின்சென்றார்கள்.	மத் 9:36 மத் 14:14 மத் 15:32 சங் 145:8 லூக் 7:13 யோவா 11:33-35 எபிரெ 2:17 எபிரெ 4:15 எபிரெ 4:16 1பேது 3:8