1	அவ்வேளையிலே சீஷர்கள் இயேசுவினிடத்தில் வந்து: பரலோகராஜ்யத்தில் எவன் பெரியவனாயிருப்பான் என்று கேட்டார்கள்.	மாற் 9:33-37
2	இயேசு ஒரு பிள்ளையைத் தம்மிடத்தில் அழைத்து, அதை அவர்கள் நடுவே நிறுத்தி:	மத் 19:13 மத் 19:14 1இரா 3:7 எரே 1:7 மாற் 9:36 மாற் 9:37
3	நீங்கள் மனந்திரும்பிப் பிள்ளைகளைப்போல் ஆகாவிட்டால், பரலோகராஜ்யத்தில் பிரவேசிக்கமாட்டீர்கள் என்று, மெய்யாகவே உங்களுக்குச் சொல்லுகிறேன்.	மத் 5:18 மத் 6:2 மத் 6:5 மத் 6:16 யோவா 1:51 யோவா 3:3
4	ஆகையால் இந்தப் பிள்ளையைப்போலத் தன்னைத் தாழ்த்துகிறவன் எவனோ, அவனே பரலோகராஜ்யத்தில் பெரியவனாயிருப்பான்.	மத் 23:11 மத் 23:12 சங் 131:1 சங் 131:2 ஏசா 57:15 லூக் 14:11 1பேது 5:5 யாக் 4:10
5	இப்படிப்பட்ட ஒரு பிள்ளையை என் நாமத்தினிமித்தம் ஏற்றுக்கொள்ளுகிறவன் என்னை ஏற்றுக்கொள்ளுகிறான்.	மத் 10:40-42 மத் 25:40 மத் 25:45 மாற் 9:41 லூக் 9:48 லூக் 17:1 லூக் 17:2
6	என்னிடத்தில் விசுவாசமாயிருக்கிற இந்தச் சிறியரில் ஒருவனுக்கு இடறல் உண்டாக்குகிறவன் எவனோ, அவனுடைய கழுத்தில் ஏந்திரக்கல்லைக் கட்டி, சமுத்திரத்தின் ஆழத்திலே அவனை அமிழ்த்துகிறது அவனுக்கு நலமாயிருக்கும்.	சங் 105:15 சகரி 2:8 மாற் 9:42 லூக் 17:1 லூக் 17:2 அப் 9:5 ரோம 14:13-15 ரோம 14:21-15 ரோம 15:1-3 1கொரி 8:9-13 1கொரி 10:32 1கொரி 10:33 2தெச 1:6-9
7	இடறல்களினிமித்தம் உலகத்துக்கு ஐயோ, இடறல்கள் வருவது அவசியம், ஆனாலும் எந்த மனுஷனால் இடறல்வருகிறதோ, அவனுக்கு ஐயோ!	ஆதி 13:7 1சாமு 2:17 1சாமு 2:22-25 2சாமு 12:14 லூக் 17:1 ரோம 2:23 ரோம 2:24 1தீமோ 5:14 1தீமோ 5:15 1தீமோ 6:1 தீத் 2:5 தீத் 2:8 2பேது 2:2
8	உன் கையாவது உன் காலாவது உனக்கு இடறல் உண்டாக்கினால், அதைத்தறித்து எறிந்துபோடு; நீ இரண்டு கையுடையவனாய், அல்லது இரண்டு காலுடையவனாய் நித்திய அக்கினியிலே தள்ளப்படுவதைப்பார்க்கிலும், சப்பாணியாய், அல்லது ஊனனாய், நித்தியஜீவனுக்குள் பிரவேசிப்பது உனக்கு நலமாயிருக்கும்.	மத் 5:29 மத் 5:30 மத் 14:3 மத் 14:4 உபா 13:6-8 மாற் 9:43-48 லூக் 14:26 லூக் 14:27 லூக் 14:33 லூக் 18:22 லூக் 18:23
9	உன் கண் உனக்கு இடறல் உண்டாக்கினால், அதைப் பிடுங்கி எறிந்துபோடு; இரண்டு கண்ணுடையவனாய் எரிநரகத்தில் தள்ளப்படுவதைப்பார்க்கிலும், ஒற்றைக்கண்ணனாய் ஜீவனுக்குள் பிரவேசிப்பது உனக்கு நலமாயிருக்கும்.	மத் 19:17 மத் 19:23 மத் 19:24 அப் 14:22 எபிரெ 4:11 வெளிப் 21:27
10	இந்தச் சிறியரில் ஒருவனையும் அற்பமாய் எண்ணாதபடிக்கு எச்சரிக்கையாயிருங்கள்; அவர்களுக்குரிய தேவதூதர்கள் பரலோகத்திலே என் பரமபிதாவின் சமுகத்தை எப்போதும் தரிசிக்கிறார்கள் என்று உங்களுக்குச் சொல்லுகிறேன்.	மத் 18:6 மத் 18:14 மத் 12:20 சங் 15:4 சகரி 4:10 லூக் 10:16 ரோம 14:1-3 ரோம 14:10-3 ரோம 14:13-15 ரோம 14:21-15 ரோம 15:1 1கொரி 8:8-13 1கொரி 9:22 1கொரி 11:22 1கொரி 16:11 2கொரி 10:1 2கொரி 10:10 கலா 4:13 கலா 4:14 கலா 6:1 1தெச 4:8 1தீமோ 4:12
11	மனுஷகுமாரன் கெட்டுப்போனதை இரட்சிக்க வந்தார்.	மத் 9:12 மத் 9:13 மத் 10:6 மத் 15:24 லூக் 9:56 லூக் 15:24 லூக் 15:32 லூக் 19:10 யோவா 3:17 யோவா 10:10 யோவா 12:47 1தீமோ 1:15
12	உங்களுக்கு எப்படித் தோன்றுகிறது? ஒரு மனுஷனுக்கு நூறு ஆடுகளிருக்க, அவைகளில் ஒன்று சிதறிப்போனால், அவன் மற்றத் தொண்ணூற்றொன்பது ஆடுகளையும் மலைகளில் விட்டுப் போய்ச் சிதறிப்போனதைத் தேடாமலிருப்பானோ?	மத் 21:28 மத் 22:42 1கொரி 10:15
13	அவன் அதைக் கண்டுபிடித்தால், சிதறிப்போகாத தொண்ணூற்றொன்பது ஆடுகளைக்குறித்துச் சந்தோஷப்படுகிறதைப்பார்க்கிலும், அதைக்குறித்து அதிகமாய்ச் சந்தோஷப்படுவான் என்று, மெய்யாகவே உங்களுக்குச் சொல்லுகிறேன்.	சங் 147:11 ஏசா 53:11 ஏசா 62:5 எரே 32:37-41 மீகா 7:18 செப் 3:17 லூக் 15:5-10 லூக் 15:23-10 லூக் 15:24-10 யோவா 4:34-36 யாக் 2:13
14	இவ்விதமாக, இந்தச் சிறியரில் ஒருவனாகிலும், கெட்டுப்போவது பரலோகத்திலிருக்கிற உங்கள் பிதாவின் சித்தமல்ல.	லூக் 12:32 யோவா 6:39 யோவா 6:40 யோவா 10:27-30 யோவா 17:12 ரோம 8:28-39 எபே 1:5-7 1பேது 1:3-5
15	உன் சகோதரன் உனக்கு விரோதமாகக் குற்றஞ்செய்தால், அவனிடத்தில் போய், நீயும் அவனும் தனித்திருக்கையில், அவன் குற்றத்தை அவனுக்கு உணர்த்து; அவன் உனக்குச் செவிகொடுத்தால், உன் சகோதரனை ஆதாயப்படுத்திக்கொண்டாய்.	மத் 18:35 லேவி 6:2-7 லூக் 17:3 லூக் 17:4 1கொரி 6:6-8 1கொரி 8:12 2கொரி 7:12 கொலோ 3:13 1தெச 4:6
16	அவன் செவிகொடாமற்போனால், இரண்டு மூன்று சாட்சிகளுடைய வாக்கினாலே சங்கதிகளெல்லாம் நிலைவரப்படும்படி, இரண்டொருவரை உன்னுடனே கூட்டிக்கொண்டு போ.	எண் 35:30 உபா 17:6 உபா 19:15 1இரா 21:13 யோவா 8:17 2கொரி 13:1 1தீமோ 5:19 எபிரெ 10:28 1யோவா 5:7 1யோவா 5:8 வெளிப் 11:3
17	அவர்களுக்கும் அவன் செவிகொடாமற்போனால், அதை சபைக்குத் தெரியப்படுத்து; சபைக்கும் செவிகொடாதிருப்பானானால், அவன் உனக்கு அஞ்ஞானியைப்போலவும் ஆயக்காரனைப்போலவும் இருப்பானாக.	அப் 6:1-3 அப் 15:6 அப் 15:7 1கொரி 5:4 1கொரி 5:5 1கொரி 6:1-4 2கொரி 2:6 2கொரி 2:7 3யோவா 1:9 3யோவா 1:10
18	பூலோகத்திலே நீங்கள் எவைகளைக் கட்டுவீர்களோ அவைகள் பரலோகத்திலும் கட்டப்பட்டிருக்கும்; பூலோகத்திலே நீங்கள் எவைகளைக் கட்டவிழ்ப்பீர்களோ அவைகள் பரலோகத்திலும் கட்டவிழ்க்கப்பட்டிருக்கும் என்று, மெய்யாகவே உங்களுக்குச் சொல்லுகிறேன்.	மத் 16:19 யோவா 20:23 அப் 15:23-31 1கொரி 5:4 1கொரி 5:5 2கொரி 2:10 வெளிப் 3:7 வெளிப் 3:8
19	அல்லாமலும், உங்களில் இரண்டுபேர் தாங்கள் வேண்டிக்கொள்ளப்போகிற எந்தக் காரியத்தைக் குறித்தாகிலும் பூமியிலே ஒருமனப்பட்டிருந்தால், பரலோகத்தில் இருக்கிற என் பிதாவினால் அது அவர்களுக்கு உண்டாகும் என்று உங்களுக்குச் சொல்லுகிறேன்.	மத் 5:24 மத் 21:22 மாற் 11:24 யோவா 15:7 யோவா 15:16 அப் 1:14 அப் 2:1 அப் 2:2 அப் 4:24-31 அப் 6:4 அப் 12:5 எபே 6:18-20 பிலிப் 1:19 யாக் 5:14-16 1யோவா 3:22 1யோவா 5:14-16 வெளிப் 11:4-6
20	ஏனெனில், இரண்டுபேராவது மூன்றுபேராவது என் நாமத்தினாலே எங்கே கூடியிருக்கிறார்களோ, அங்கே அவர்கள் நடுவிலே இருக்கிறேன் என்றார்.	ஆதி 49:10 யோவா 20:19 யோவா 20:26 1கொரி 5:4 1தெச 1:1 பிலேமோ 1:2
21	அப்பொழுது, பேதுரு அவரிடத்தில் வந்து: ஆண்டவரே, என் சகோதரன் எனக்கு விரோதமாய்க் குற்றஞ்செய்துவந்தால், நான் எத்தனைதரம் மன்னிக்கவேண்டும்? ஏழுதரமட்டுமோ என்று கேட்டான்.	மத் 18:15 லூக் 17:3 லூக் 17:4
22	அதற்கு இயேசு: ஏழுதரமாத்திரம் அல்ல, ஏழெழுபதுதரமட்டும் என்று உனக்குச் சொல்லுகிறேன்.	மத் 6:11 மத் 6:12 மத் 6:14 மத் 6:15 ஏசா 55:7 மீகா 7:19 மாற் 11:25 மாற் 11:26 ரோம 12:21 எபே 4:26 எபே 4:31 எபே 4:32 எபே 5:1 கொலோ 3:13 1தீமோ 2:8
23	எப்படியெனில், பரலோகராஜ்யம் தன் ஊழியக்காரரிடத்தில் கணக்குப்பார்க்கவேண்டுமென்றிருந்த ஒரு ராஜாவுக்கு ஒப்பாயிருக்கிறது.	மத் 3:2 மத் 13:24 மத் 13:31 மத் 13:33 மத் 13:44 மத் 13:45 மத் 13:47 மத் 13:52 மத் 25:1 மத் 25:14
24	அவன் கணக்குப்பார்க்கத் தொடங்கினபோது, பதினாயிரம் தாலந்து கடன்பட்டவன் ஒருவனை அவனுக்கு முன்பாகக் கொண்டுவந்தார்கள்.	லூக் 7:41 லூக் 7:42 லூக் 13:4 லூக் 16:5 லூக் 16:7
25	கடனைத்தீர்க்க அவனுக்கு நிர்வாகம் இல்லாதபடியால், அவனுடைய ஆண்டவன் அவனையும் அவன் பெண்ஜாதி பிள்ளைகளையும், அவனுக்கு உண்டான எல்லாவற்றையும் விற்று, கடனைத் தீர்க்கும்படிக் கட்டளையிட்டான்.	லேவி 25:39 2இரா 4:1 நெகே 5:5 நெகே 5:8 ஏசா 50:1
26	அப்பொழுது, அந்த ஊழியக்காரன் தாழவிழுந்து வணங்கி: ஆண்டவனே! என்னிடத்தில் பொறுமையாயிரும், எல்லாவற்றையும் உமக்குக் கொடுத்துத் தீர்க்கிறேன் என்றான்.	மத் 18:29 லூக் 7:43 ரோம 10:3
27	அந்த ஊழியக்காரனுடைய ஆண்டவன் மனதிரங்கி, அவனை விடுதலைபண்ணி, கடனையும் அவனுக்கு மன்னித்துவிட்டான்.	நியா 10:16 நெகே 9:17 சங் 78:38 சங் 86:5 சங் 86:15 சங் 145:8 ஓசி 11:8
28	அப்படியிருக்க, அந்த ஊழியக்காரன் புறப்பட்டுப்போகையில், தன்னிடத்தில் நூறு வெள்ளிப்பணம் கடன்பட்டிருந்தவனாகிய தன் உடன்வேலைக்காரரில் ஒருவனைக் கண்டு, அவனைப் பிடித்து, தொண்டையை நெரித்து: நீ பட்ட கடனை எனக்குக் கொடுத்துத் தீர்க்கவேண்டும் என்றான்.	மத் 20:2
29	அப்பொழுது அவனுடைய உடன்வேலைக்காரன் அவன் காலிலே விழுந்து: என்னிடத்தில் பொறுமையாயிரும், எல்லாவற்றையும் உமக்குக் கொடுத்துத் தீர்க்கிறேன் என்று, அவனை வேண்டிக்கொண்டான்.	மத் 18:26 மத் 6:12 பிலேமோ 1:18 பிலேமோ 1:19
30	அவனோ சம்மதியாமல், போய், அவன் பட்ட கடனைக் கொடுத்துத் தீர்க்குமளவும் அவனைக் காவலில் போடுவித்தான்.	1இரா 21:27-29 1இரா 22:27
31	நடந்ததை அவனுடைய உடன்வேலைக்காரர் கண்டு, மிகவும் துக்கப்பட்டு, ஆண்டவனிடத்தில் வந்து, நடந்ததையெல்லாம் அறிவித்தார்கள்.	சங் 119:136 சங் 119:158 எரே 9:1 மாற் 3:5 லூக் 19:41 ரோம 9:1-3 ரோம 12:15 2கொரி 11:21 எபிரெ 13:3
32	அப்பொழுது அவனுடைய ஆண்டவன் அவனை அழைப்பித்து: பொல்லாத ஊழியக்காரனே, நீ என்னை வேண்டிக்கொண்டபடியினால் அந்தக் கடன் முழுவதையும் உனக்கு மன்னித்துவிட்டேன்.	மத் 25:26 லூக் 19:22 ரோம 3:19
33	நான் உனக்கு இரங்கினதுபோல, நீயும் உன் உடன்வேலைக்காரனுக்கு இரங்கவேண்டாமோ என்று சொல்லி,	மத் 5:44 மத் 5:45 லூக் 6:35 லூக் 6:36 எபே 4:32 எபே 5:1 எபே 5:2 கொலோ 3:13
34	அவனுடைய ஆண்டவன் கோபமடைந்து, அவன் பட்ட கடனையெல்லாம் தனக்குக் கொடுத்துத் தீர்க்குமளவும் உபாதிக்கிறவர்களிடத்தில் அவனை ஒப்புக்கொடுத்தான்.	மத் 5:25 மத் 5:26 லூக் 12:58 லூக் 12:59 2தெச 1:8 2தெச 1:9 வெளிப் 14:10 வெளிப் 14:11
35	நீங்களும் அவனவன் தன்தன் சகோதரன் செய்த தப்பிதங்களை மனப்பூர்வமாய் மன்னியாமற்போனால், என் பரமபிதாவும் உங்களுக்கு இப்படியே செய்வார் என்றார்.	மத் 6:12 மத் 6:14 மத் 6:15 மத் 7:1 மத் 7:2 நீதி 21:13 மாற் 11:26 லூக் 6:37 லூக் 6:38 யாக் 2:13