1	ஆறுநாளைக்குப் பின்பு, இயேசு பேதுருவையும் யாக்கோபையும் அவனுடைய சகோதரனாகிய யோவானையும் கூட்டிக்கொண்டு தனித்திருக்கும்படி உயர்ந்த மலையின்மேல் போய்,	மாற் 9:2-13 லூக் 9:28-36
2	அவர்களுக்கு முன்பாக மறுரூபமானார்; அவர் முகம் சூரியனைப்போலப் பிரகாசித்தது, அவர் வஸ்திரம் வெளிச்சத்தைப்போல வெண்மையாயிற்று.	லூக் 9:29 ரோம 12:2 பிலிப் 2:6 பிலிப் 2:7
3	அப்பொழுது மோசேயும் எலியாவும் அவரோடே பேசுகிறவர்களாக அவர்களுக்குக் காணப்பட்டார்கள்.	மாற் 9:4 லூக் 9:30 லூக் 9:31
4	அப்பொழுது பேதுரு இயேசுவை நோக்கி: ஆண்டவரே, நாம் இங்கே இருக்கிறது நல்லது; உமக்குச் சித்தமானால், இங்கே உமக்கு ஒரு கூடாரமும், மோசேக்கு ஒரு கூடாரமும், எலியாவுக்கு ஒரு கூடாரமுமாக, மூன்று கூடாரங்களைப்போடுவோம் என்றான்.	மாற் 9:5 மாற் 9:6 லூக் 9:33
5	அவன் பேசுகையில், இதோ, ஒளியுள்ள ஒரு மேகம் அவர்கள்மேல் நிழலிட்டது. இவர் என்னுடைய நேச குமாரன், இவரில் பிரியமாயிருக்கிறேன், இவருக்குச் செவிகொடுங்கள் என்று அந்த மேகத்திலிருந்து ஒரு சத்தம் உண்டாயிற்று.	யாத் 40:34 யாத் 40:35 1இரா 8:10-12 சங் 18:10 சங் 18:11 லூக் 9:34 அப் 1:9 வெளிப் 1:7
6	சீஷர்கள் அதைக் கேட்டு, முகங்குப்புற விழுந்து, மிகவும் பயந்தார்கள்.	லேவி 9:24 நியா 13:20 நியா 13:22 1நாளா 21:16 எசே 3:23 எசே 43:3 தானி 8:17 தானி 10:7-9 தானி 10:16 தானி 10:17 அப் 22:7 அப் 26:14 2பேது 1:18
7	அப்பொழுது, இயேசு வந்து, அவர்களைத் தொட்டு: எழுந்திருங்கள், பயப்படாதேயுங்கள் என்றார்.	தானி 8:18 தானி 9:21 தானி 10:10 தானி 10:18 வெளிப் 1:17
8	அவர்கள் தங்கள் கண்களை ஏறெடுத்துப்பார்க்கையில் இயேசுவைத்தவிர வேறொருவரையும் காணவில்லை.	மாற் 9:8 லூக் 9:36 அப் 12:10 அப் 12:11
9	அவர்கள் மலையிலிருந்து இறங்குகிறபோது, இயேசு அவர்களை நோக்கி: மனுஷகுமாரன் மரித்தோரிலிருந்து எழுந்திருக்கும்வரைக்கும் இந்தத் தரிசனத்தை ஒருவருக்கும் சொல்லவேண்டாம் என்று கட்டளையிட்டார்.	மத் 16:20 மாற் 8:30 மாற் 9:9 மாற் 9:10 லூக் 8:56 லூக் 9:21 லூக் 9:22
10	அப்பொழுது, அவருடைய சீஷர்கள் அவரை நோக்கி: அப்படியானால் எலியா முந்தி வரவேண்டும் என்று வேதபாரகர் சொல்லுகிறார்களே, அதெப்படியென்று கேட்டார்கள்.	மத் 17:3 மத் 17:4 மத் 11:14 மத் 27:47-49 மல்கி 4:5 மல்கி 4:6 மாற் 9:11 யோவா 1:21 யோவா 1:25
11	இயேசு அவர்களுக்குப் பிரதியுத்தரமாக: எலியா முந்திவந்து எல்லாவற்றையும் சீர்ப்படுத்துவது மெய்தான்.	மல்கி 4:6 லூக் 1:16 லூக் 1:17 லூக் 3:3-14 அப் 3:21
12	ஆனாலும், எலியா வந்தாயிற்று என்று உங்களுக்குச் சொல்லுகிறேன்; அவனை அறியாமல் தங்கள் இஷ்டப்படி அவனுக்குச் செய்தார்கள்; இவ்விதமாய் மனுஷகுமாரனும் அவர்களால் பாடுபடுவார் என்றார்.	மத் 11:9-15 மத் 21:23-25 மத் 21:32-25 மாற் 9:12 மாற் 9:13 மாற் 11:30-32 லூக் 7:33 யோவா 1:11 யோவா 5:32-36 அப் 13:24-28
13	அவர் யோவான்ஸ்நானனைக்குறித்துத் தங்களுக்குச் சொன்னார் என்று சீஷர்கள் அப்பொழுது அறிந்துகொண்டார்கள்.	மத் 11:14
14	அவர்கள் ஜனங்களிடத்தில் வந்தபோது, ஒரு மனுஷன் அவரிடத்தில் வந்து, அவர் முன்பாக முழங்கால்படியிட்டு:	மாற் 9:14-29 லூக் 9:37-43
15	ஆண்டவரே, என் மகனுக்கு இரங்கும், அவன் சந்திரரோகியாய்க் கொடிய வேதனைப்படுகிறான்; அடிக்கடி தீயிலும், அடிக்கடி ஜலத்திலும் விழுகிறான்.	மத் 15:22 மாற் 5:22 மாற் 5:23 மாற் 9:22 லூக் 9:38-42 யோவா 4:46 யோவா 4:47
16	அவனை உம்முடைய சீஷர்களிடத்தில் கொண்டுவந்தேன்; அவனைச் சொஸ்தமாக்க அவர்களால் கூடாமற்போயிற்று என்றான்.	மத் 17:19 மத் 17:20 2இரா 4:29-31 லூக் 9:40 அப் 3:16 அப் 19:15 அப் 19:16
17	இயேசு பிரதியுத்தரமாக: விசுவாசமில்லாத மாறுபாடுள்ள சந்ததியே, எதுவரைக்கும் நான் உங்களோடு இருப்பேன்? எதுவரைக்கும் உங்களிடத்தில் பொறுமையாய் இருப்பேன்? அவனை என்னிடத்தில் கொண்டுவாருங்கள் என்றார்.	மத் 6:30 மத் 8:26 மத் 13:58 மத் 16:8 மாற் 9:19 மாற் 16:14 லூக் 9:41 லூக் 24:25 யோவா 20:27 எபிரெ 3:16-19
18	இயேசு பிசாசை அதட்டினார்; உடனே அது அவனை விட்டுப் புறப்பட்டது; அந்நேரமே அந்த இளைஞன் சொஸ்தமானான்.	மத் 12:22 மாற் 1:34 மாற் 5:8 மாற் 9:25-27 லூக் 4:35 லூக் 4:36 லூக் 4:41 லூக் 8:29 லூக் 9:42 அப் 16:18 அப் 19:13-15
19	அப்பொழுது, சீஷர்கள் இயேசுவினிடத்தில் தனித்துவந்து: அதைத் துரத்திவிட எங்களால் ஏன் கூடாமற்போயிற்று என்று கேட்டார்கள்.	மாற் 4:10 மாற் 9:28
20	அதற்கு இயேசு: உங்கள் அவிசுவாசத்தினாலேதான்; கடுகுவிதையளவு விசுவாசம் உங்களுக்கு இருந்தால் நீங்கள் இந்த மலையைப் பார்த்து, இவ்விடம் விட்டு அப்புறம்போ என்று சொல்ல அது அப்புறம்போகும்; உங்களால் கூடாத காரியம் ஒன்றுமிராது என்று, மெய்யாகவே உங்களுக்குச் சொல்லுகிறேன்.	மத் 17:17 மத் 14:30 மத் 14:31 எபிரெ 3:19
21	இந்த ஜாதிப் பிசாசு ஜெபத்தினாலும் உபவாசத்தினாலுமேயன்றி மற்றெவ்விதத்தினாலும் புறப்பட்டுப்போகாது என்றார்.	மத் 12:45
22	அவர்கள் கலிலேயாவிலே சஞ்சரிக்கும்போது, இயேசு அவர்களை நோக்கி: மனுஷகுமாரன் மனுஷர் கைகளில் ஒப்புக்கொடுக்கப்படுவார்.	மத் 16:21 மத் 20:17 மத் 20:18 மாற் 8:31 மாற் 9:30 மாற் 9:31 மாற் 10:33 மாற் 10:34 லூக் 9:22 லூக் 9:44 லூக் 18:31-34 லூக் 24:6 லூக் 24:7 லூக் 24:26 லூக் 24:46
23	அவர்கள் அவரைக் கொலைசெய்வார்கள்; ஆகிலும் மூன்றாம் நாளிலே உயிர்த்தெழுந்திருப்பார் என்றார். அவர்கள் மிகுந்த துக்கமடைந்தார்கள்.	சங் 22:15 சங் 22:22-31 ஏசா 53:7 ஏசா 53:10-12 தானி 9:26 சகரி 13:7
24	அவர்கள் கப்பர்நகூமில்வந்தபோது, வரிப்பணம் வாங்குகிறவர்கள் பேதுருவினிடத்தில்வந்து: உங்கள் போதகர் வரிப்பணம் செலுத்துகிறதில்லையா என்று கேட்டார்கள்; செலுத்துகிறார் என்றான்.	மாற் 9:33
25	அவன் வீட்டிற்குள் வந்தபோது, அவன் பேசுகிறதற்கு முன்னமே இயேசு அவனை நோக்கி: சீமோனே, உனக்கு எப்படித் தோன்றுகிறது? பூமியின் ராஜாக்கள் தீர்வையையும் வரியையும் தங்கள் பிள்ளைகளிடத்திலோ, அந்நியரிடத்திலோ, யாரிடத்தில் வாங்குகிறார்கள் என்று கேட்டார்.	மத் 3:15 மத் 22:21 ரோம 13:6 ரோம 13:7
26	அதற்குப் பேதுரு: அந்நியரிடத்தில் வாங்குகிறார்கள் என்றான். இயேசு அவனை நோக்கி: அப்படியானால் பிள்ளைகள் அதைச் செலுத்தவேண்டுவதில்லையே.
27	ஆகிலும், நாம் அவர்களுக்கு இடறலாயிராதபடிக்கு, நீ கடலுக்குப் போய், தூண்டில்போட்டு, முதலாவது அகப்படுகிற மீனைப் பிடித்து, அதின் வாயைத் திறந்துபார்; ஒரு வெள்ளிப்பணத்தைக் காண்பாய்; அதை எடுத்து எனக்காகவும் உனக்காகவும் அவர்களிடத்தில் கொடு என்றார்.	மத் 15:12-14 ரோம 14:21 ரோம 15:1-3 1கொரி 8:9 1கொரி 8:13 1கொரி 9:19-22 1கொரி 10:32 1கொரி 10:33 2கொரி 6:3 1தெச 5:22 தீத் 2:7 தீத் 2:8