1	இயேசு தம்முடைய பன்னிரண்டு சீஷர்களுக்கும் கட்டளைகொடுத்து முடித்தபின்பு, அவர்களுடைய பட்டணங்களில் உபதேசிக்கவும் பிரசங்கிக்கவும் அவ்விடம் விட்டுப்போனார்.	மத் 28:20 யோவா 15:10 யோவா 15:14 அப் 1:2 அப் 10:42 1தெச 4:2 2தெச 3:6 2தெச 3:10 1தீமோ 6:14
2	அத்தருணத்தில் காவலிலிருந்த யோவான் கிறிஸ்துவின் கிரியைகளைக்குறித்துக் கேள்விப்பட்டு, தன் சீஷரில் இரண்டுபேரை அழைத்து:	மத் 4:12 மத் 14:3 மாற் 6:17 லூக் 3:19 லூக் 7:18-23 யோவா 3:24
3	வருகிறவர் நீர்தானா, அல்லது வேறொருவர் வரக்காத்திருக்கவேண்டுமா? என்று அவரிடத்தில் கேட்கும்படி அனுப்பினான்.	மத் 2:2-6 ஆதி 3:15 ஆதி 12:3 ஆதி 49:10 எண் 24:17 உபா 18:15-18 சங் 2:6-12 சங் 110:1-5 ஏசா 7:14 ஏசா 9:6 ஏசா 9:7 எரே 23:5 எரே 23:6 எசே 34:23 எசே 34:24 தானி 9:24-26 ஓசி 3:5 யோவே 2:28-32 ஆமோ 9:11 ஆமோ 9:12 ஒபதி 1:21 மீகா 5:2 செப் 3:14-17 ஆகா 2:7 சகரி 9:9 மல்கி 3:1 மல்கி 4:2 யோவா 4:21 யோவா 7:31 யோவா 7:41 யோவா 7:42
4	இயேசு அவர்களுக்குப் பிரதியுத்தரமாக: நீங்கள் கேட்கிறதையும் காண்கிறதையும் யோவானிடத்தில் போய் அறிவியுங்கள்;
5	குருடர் பார்வையடைகிறார்கள், சப்பாணிகள் நடக்கிறார்கள், குஷ்டரோகிகள் சுத்தமாகிறார்கள், செவிடர் கேட்கிறார்கள், மரித்தோர் எழுந்திருக்கிறார்கள், தரித்திரருக்குச் சுவிசேஷம் பிரசங்கிக்கப்படுகிறது.	மத் 9:30 சங் 146:8 ஏசா 29:18 ஏசா 35:4-6 ஏசா 42:6 ஏசா 42:7 லூக் 4:18 லூக் 7:21 லூக் 7:22 யோவா 2:23 யோவா 3:2 யோவா 5:36 யோவா 10:25 யோவா 10:38 யோவா 14:11 யோவா 14:12 அப் 2:22 அப் 4:9 அப் 4:10
6	என்னிடத்தில் இடறலடையாதிருக்கிறவன் எவனோ அவன் பாக்கியவான் என்றார்.	மத் 5:3-12 சங் 1:1 சங் 1:2 சங் 32:1 சங் 32:2 சங் 119:1 லூக் 11:27 லூக் 11:28
7	அவர்கள் போனபின்பு, இயேசு யோவானைக்குறித்து ஜனங்களுக்குச் சொன்னது என்னவென்றால்: எதைப் பார்க்க வனாந்தரத்திற்குப் போனீர்கள்? காற்றினால் அசையும் நாணலையோ?	லூக் 7:24-30
8	அல்லவென்றால், எதைப் பார்க்கப்போனீர்கள்? மெல்லிய வஸ்திரந்தரித்த மனுஷனையோ? மெல்லிய வஸ்திரந்தரித்திருக்கிறவர்கள் அரசர் மாளிகைகளில் இருக்கிறார்கள்.	மத் 3:4 2இரா 1:8 ஏசா 20:2 சகரி 13:4 1கொரி 4:11 2கொரி 11:27 வெளிப் 11:3
9	அல்லவென்றால், எதைப் பார்க்கப்போனீர்கள்? தீர்க்கதரிசியையோ? ஆம், தீர்க்கதரிசியைப்பார்க்கிலும் மேன்மையுள்ளவனையே என்று உங்களுக்குச் சொல்லுகிறேன்.	மத் 11:13 மத் 11:14 மத் 14:5 மத் 17:12 மத் 17:13 மத் 21:24-26 மாற் 9:11-13 லூக் 1:15-17 லூக் 1:76-17
10	அதெப்படியெனில்: இதோ, நான் என் தூதனை உமக்கு முன்பாக அனுப்புகிறேன்; அவன் உமக்கு முன்னே போய், உமது வழியை ஆயத்தம்பண்ணுவான் என்று எழுதிய வாக்கியத்தால் குறிக்கப்பட்டவன் இவன்தான்.	மத் 3:3 ஏசா 40:3 மல்கி 3:1 மல்கி 4:5 மாற் 1:2 லூக் 7:26 லூக் 7:27 யோவா 1:23
11	ஸ்திரீகளிடத்திலே பிறந்தவர்களில் யோவானஸ்நானனைப்பார்க்கிலும் பெரியவன் ஒருவனும் எழும்பினதில்லை; ஆகிலும், பரலோகராஜ்யத்தில் சிறியவனாயிருக்கிறவன் அவனிலும் பெரியவனாயிருக்கிறானென்று உங்களுக்கு மெய்யாகவே சொல்லுகிறேன்.	யோபு 14:1 யோபு 14:4 யோபு 15:14 யோபு 25:4 சங் 51:5 எபே 2:3
12	யோவான்ஸ்நானன் காலமுதல் இதுவரைக்கும் பரலோகராஜ்யம் பலவந்தம்பண்ணப்படுகிறது; பலவந்தம்பண்ணுகிறவர்கள் அதைப் பிடித்துக்கொள்ளுகிறார்கள்.	மத் 21:23-32 லூக் 7:29 லூக் 7:30 லூக் 13:24 லூக் 16:16 யோவா 6:27 எபே 6:11-13 பிலிப் 2:12
13	நியாயப்பிரமாணமும் தீர்க்கதரிசிகள் யாவரும் யோவான்வரைக்கும் தீர்க்கதரிசனம் உரைத்ததுண்டு.	மத் 5:17 மத் 5:18 மல்கி 4:6 லூக் 24:27 லூக் 24:44 யோவா 5:46 யோவா 5:47 அப் 3:22-24 அப் 13:27 ரோம 3:21
14	நீங்கள் ஏற்றுக்கொள்ள மனதாயிருந்தால், வருகிறவனாகிய எலியா இவன்தான்.	எசே 2:5 எசே 3:10 எசே 3:11 யோவா 16:12 1கொரி 3:2
15	கேட்கிறதற்குக் காதுள்ளவன் கேட்கக்கடவன்.	மத் 13:9 மத் 13:43 மாற் 4:9 மாற் 4:23 மாற் 7:16 லூக் 8:8 வெளிப் 2:7 வெளிப் 2:11 வெளிப் 2:17 வெளிப் 2:29 வெளிப் 3:6 வெளிப் 3:13 வெளிப் 3:22
16	இந்தச் சந்ததியை யாருக்கு ஒப்பிடுவேன்? சந்தைவெளிகளில் உட்கார்ந்து, தங்கள் தோழரைப் பார்த்து:	புலம் 2:13 மாற் 4:30 லூக் 13:18
17	உங்களுக்காகக் குழல் ஊதினோம், நீங்கள் கூத்தாடவில்லை; உங்களுக்காகப் புலம்பினோம், நீங்கள் மாரடிக்கவில்லை என்று குறைசொல்லுகிற பிள்ளைகளுக்கு ஒப்பாயிருக்கிறது.	ஏசா 28:9-13 1கொரி 9:19-23
18	எப்படியெனில், யோவான் போஜனபானம்பண்ணாதவனாய் வந்தான்; அதற்கு அவர்கள்: அவன் பிசாசுபிடித்திருக்கிறவன் என்றார்கள்.	மத் 3:4 எரே 15:17 எரே 16:8 எரே 16:9 லூக் 1:15 1கொரி 9:27
19	மனுஷகுமாரன் போஜனபானம்பண்ணுகிறவராய் வந்தார்; அதற்கு அவர்கள்: இதோ, போஜனப்பிரியனும் மதுபானப்பிரியனுமான மனுஷன், ஆயக்காரருக்கும் பாவிகளுக்கும் சிநேகிதன் என்கிறார்கள். ஆனாலும், ஞானமானது அதன் பிள்ளைகளால் நீதியுள்ளதென்று ஒப்புக்கொள்ளப்படும் என்றார்.	லூக் 5:29 லூக் 5:30 லூக் 7:34 லூக் 7:36 லூக் 14:1 யோவா 2:2 யோவா 12:2-8 ரோம 15:2
20	அப்பொழுது, தமது பலத்தசெய்கைகளில், அதிகமானவைகளைச் செய்யக்கண்ட பட்டணங்கள் மனந்திரும்பாமற்போனபடியினால் அவைகளை அவர் கடிந்துகொள்ளத் தொடங்கினார்:	லூக் 10:13-15
21	கோராசினே! உனக்கு ஐயோ, பெத்சாயிதாவே! உனக்கு ஐயோ, உங்களில் செய்யப்பட்ட பலத்த செய்கைகள் தீருவிலும் சீதோனிலும் செய்யப்பட்டிருந்ததானால், அப்பொழுதே இரட்டுடுத்திச் சாம்பலில் உட்கார்ந்து மனந்திரும்பியிருப்பார்கள்.	மத் 18:7 மத் 23:13-29 மத் 26:24 எரே 13:27 லூக் 11:42-52 யூதா 1:11
22	நியாயத்தீர்ப்புநாளிலே உங்களுக்கு நேரிடுவதைப்பார்க்கிலும், தீருவுக்கும் சீதோனுக்கும் நேரிடுவது இலகுவாயிருக்கும் என்று உங்களுக்குச் சொல்லுகிறேன்.	மத் 11:24 மத் 10:15 லூக் 10:14 லூக் 12:47 லூக் 12:48 எபிரெ 2:3 எபிரெ 6:4-8 எபிரெ 10:26-31
23	வானபரியந்தம் உயர்த்தப்பட்ட கப்பர்நகூமே, நீ பாதாளபரியந்தம் தாழ்த்தப்படுவாய்; உன்னில் செய்யப்பட்ட பலத்த செய்கைகள் சோதோமிலே செய்யப்பட்டிருந்ததானால், அது இந்நாள்வரைக்கும் நிலைத்திருக்கும்.	மத் 4:13 மத் 8:5 மத் 17:24 லூக் 4:23 யோவா 4:46-54
24	நியாயத்தீர்ப்புநாளிலே உனக்கு நேரிடுவதைப்பார்க்கிலும், சோதோம் நாட்டிற்கு நேரிடுவது இலகுவாயிருக்கும் என்று உங்களுக்குச் சொல்லுகிறேன் என்றார்.	மத் 11:22 மத் 10:15 புலம் 4:6 மாற் 6:11 லூக் 10:12
25	அந்தச் சமயத்திலே இயேசு சொன்னது: பிதாவே! வானத்துக்கும் பூமிக்கும் ஆண்டவரே! இவைகளை ஞானிகளுக்கும் கல்விமான்களுக்கும் மறைத்து, பாலகருக்கு வெளிப்படுத்தினபடியால் உம்மை ஸ்தோத்திரிக்கிறேன்.	லூக் 10:21-24
26	ஆம், பிதாவே! இப்படிச் செய்வது உம்முடைய திருவுளத்துக்குப் பிரியமாயிருந்தது.	யோபு 33:13 ஏசா 46:10 லூக் 10:21 ரோம 9:18 ரோம 11:33-36 எபே 1:9 எபே 1:11 எபே 3:11 2தீமோ 1:9
27	சகலமும் என் பிதாவினால் எனக்கு ஒப்புக்கொடுக்கப்பட்டிருக்கிறது; பிதா தவிர வேறொருவனும் குமாரனை அறியான்; குமாரனும், குமாரன் எவனுக்கு அவரை வெளிப்படுத்தச் சித்தமாயிருக்கிறாரோ அவனும் தவிர, வேறொருவனும் பிதாவை அறியான்.	மத் 28:18 யோவா 3:35 யோவா 5:21-29 யோவா 13:3 யோவா 17:2 1கொரி 15:25-27 எபே 1:20-23 பிலிப் 2:10 பிலிப் 2:11 எபிரெ 2:8-10 1பேது 3:22
28	வருத்தப்பட்டுப் பாரஞ்சுமக்கிறவர்களே! நீங்கள் எல்லாரும் என்னிடத்தில் வாருங்கள்; நான் உங்களுக்கு இளைப்பாறுதல் தருவேன்.	ஏசா 45:22-25 ஏசா 53:2 ஏசா 53:3 ஏசா 55:1-3 யோவா 6:37 யோவா 7:37 வெளிப் 22:17
29	நான் சாந்தமும் மனத்தாழ்மையுமாய் இருக்கிறேன்; என் நுகத்தை உங்கள்மேல் ஏற்றுக்கொண்டு, என்னிடத்தில் கற்றுக்கொள்ளுங்கள்; அப்பொழுது உங்கள் ஆத்துமாக்களுக்கு இளைப்பாறுதல் கிடைக்கும்.	மத் 7:24 மத் 17:5 யோவா 13:17 யோவா 14:21-24 யோவா 15:10-14 1கொரி 9:21 2கொரி 10:5 1தெச 4:2 2தெச 1:8 எபிரெ 5:9
30	என் நுகம் மெதுவாயும், என் சுமை இலகுவாயும் இருக்கிறது என்றார்.	நீதி 3:17 மீகா 6:8 அப் 15:10 அப் 15:28 கலா 5:1 கலா 5:18 1யோவா 5:3