1	அப்பொழுது, அவர் தம்முடைய பன்னிரண்டு சீஷர்களையும் தம்மிடத்தில் வரவழைத்து, அசுத்த ஆவிகளைத் துரத்தவும், சகல வியாதிகளையும் சகல நோய்களையும் நீக்கவும் அவர்களுக்கு அதிகாரங்கொடுத்தார்.	மத் 19:28 மத் 26:20 மத் 26:47 மாற் 3:13 மாற் 3:14 மாற் 6:7-13 லூக் 6:13 யோவா 6:70 வெளிப் 12:1 வெளிப் 21:12-14
2	அந்தப் பன்னிரண்டு அப்போஸ்தலருடைய நாமங்களாவன: முந்தினவன் பேதுரு என்னப்பட்ட சீமோன், அவன் சகோதரன் அந்திரேயா, செபெதேயுவின் குமாரன் யாக்கோபு, அவன் சகோதரன் யோவான்,	லூக் 6:13 லூக் 9:10 லூக் 11:49 லூக் 22:14 அப் 1:26 எபே 4:11 எபிரெ 3:1 வெளிப் 18:20
3	பிலிப்பு, பற்தொலொமேயு, தோமா, ஆயக்காரனாகிய மத்தேயு, அல்பேயுவின் குமாரன் யாக்கோபு, ததேயு என்னும் மறுநாமமுள்ள லெபேயு,	மாற் 3:18 லூக் 6:14 யோவா 1:43-46 யோவா 6:5-7 யோவா 12:21 யோவா 12:22 யோவா 14:9
4	கானானியனாகிய சீமோன், அவரைக் காட்டிக்கொடுத்த யூதாஸ்காரியோத்து என்பவைகளே.	மாற் 3:18 லூக் 6:15
5	இந்தப் பன்னிருவரையும் இயேசு அனுப்புகையில், அவர்களுக்குக் கட்டளையிட்டுச் சொன்னது என்னவென்றால்: நீங்கள் புறஜாதியார் நாடுகளுக்குப் போகாமலும், சமாரியர் பட்டணங்களில் பிரவேசியாமலும்,	மத் 22:3 லூக் 9:2 லூக் 10:1 யோவா 20:21
6	காணாமற்போன ஆடுகளாகிய இஸ்ரவேல் வீட்டாரிடத்திற்குப் போங்கள்.	மத் 15:24-26 லூக் 24:47 அப் 3:26 அப் 13:46 அப் 18:6 அப் 26:20 அப் 28:25-28 ரோம 11:11-15
7	போகையில், பரலோகராஜ்யம் சமீபித்திருக்கிறது என்று பிரசங்கியுங்கள்.	மத் 4:17 மத் 11:1 ஏசா 61:1 யோவா 3:2 மாற் 6:12 லூக் 9:60 லூக் 16:16 அப் 4:2
8	வியாதியுள்ளவர்களைச் சொஸ்தமாக்குங்கள், குஷ்டரோகிகளைச் சுத்தம்பண்ணுங்கள், மரித்தோரை எழுப்புங்கள், பிசாசுகளைத் துரத்துங்கள்; இலவசமாய்ப் பெற்றீர்கள், இலவசமாய்க் கொடுங்கள்.	மத் 10:1 மாற் 16:18 லூக் 10:9 அப் 4:9 அப் 4:10 அப் 4:30 அப் 5:12-15
9	உங்கள் கச்சைகளில் பொன்னையாவது, வெள்ளியையாவது, செம்பையாவது,	மாற் 6:8 லூக் 9:3 லூக் 10:4 லூக் 22:35 1கொரி 9:7-27
10	வழிக்காகப் பையையாவது, இரண்டு அங்கிகளையாவது,. பாதரட்சைகளையாவது, தடியையாவது தேடி வைக்கவேண்டாம்; வேலையாள் தன் ஆகாரத்துக்குப் பாத்திரனாயிருக்கிறான்.	1சாமு 9:7 1சாமு 17:40
11	எந்தப் பட்டணத்திலாவது கிராமத்திலாவது நீங்கள் பிரவேசிக்கும்போது, அதிலே பாத்திரமானவன் யாரென்று விசாரித்து, நீங்கள் புறப்படுமளவும் அவனிடத்தில் தங்கியிருங்கள்.	ஆதி 19:1-3 நியா 19:16-21 1இரா 17:9-24 யோபு 31:32 லூக் 10:38-42 லூக் 19:7 அப் 16:15 அப் 18:1-3 3யோவா 1:7 3யோவா 1:8
12	ஒரு வீட்டுக்குள் பிரவேசிக்கும்போது அதை வாழ்த்துங்கள்.	லூக் 10:5 லூக் 10:6 அப் 10:36 2கொரி 5:20 3யோவா 1:14
13	அந்த வீடு பாத்திரமாயிருந்தால், நீங்கள் கூறின சமாதானம் அவர்கள்மேல் வரக்கடவது; அபாத்திரமாயிருந்தால், நீங்கள் கூறின சமாதானம் உங்களிடத்திற்குத் திரும்பக்கடவது.	சங் 35:13 லூக் 10:6 2கொரி 2:16
14	எவனாகிலும் உங்களை ஏற்றுக்கொள்ளாமலும், உங்கள் வார்த்தைகளைக் கேளாமலும்போனால், அந்த வீட்டையாவது பட்டணத்தையாவது விட்டுப் புறப்படும்போது, உங்கள் கால்களில் படிந்த தூசியை உதறிப்போடுங்கள்.	மத் 10:40 மத் 10:41 மத் 18:5 மாற் 6:11 மாற் 9:37 லூக் 9:5 லூக் 9:48 லூக் 10:10 லூக் 10:11 யோவா 13:20 1தெச 4:8
15	நியாயத்தீர்ப்புநாளிலே அந்தப் பட்டணத்திற்கு நேரிடுவதைப்பார்க்கிலும் சோதோம் கொமோரா நாட்டிற்கு நேரிடுவது இலகுவாயிருக்கும் என்று, மெய்யாகவே உங்களுக்குச் சொல்லுகிறேன்.	மத் 5:18 மத் 24:34 மத் 24:35
16	ஆடுகளை ஓநாய்களுக்குள்ளே அனுப்புகிறதுபோல, இதோ, நான் உங்களை அனுப்புகிறேன்; ஆகையால், சர்ப்பங்களைப்போல வினாவுள்ளவர்களும் புறாக்களைப்போலக் கபடமற்றவர்களுமாய் இருங்கள்.	லூக் 10:3 அப் 20:29
17	மனுஷரைக்குறித்து எச்சரிக்கையாயிருங்கள்; அவர்கள் உங்களை ஆலோசனைச் சங்கங்களுக்கு ஒப்புக்கொடுத்து, தங்கள் ஜெப ஆலயங்களில் உங்களை வாரினால் அடிப்பார்கள்.	மீகா 7:5 மாற் 13:9 மாற் 13:12 அப் 14:5 அப் 14:6 அப் 17:14 அப் 23:12-22 2கொரி 11:24-26 பிலிப் 3:2 2தீமோ 4:15
18	அவர்களுக்கும் புறஜாதியாருக்கும் சாட்சியாக என்னிமித்தம் அதிபதிகளுக்கு முன்பாகவும், ராஜாக்களுக்கு முன்பாகவும் கொண்டுபோகப்படுவீர்கள்.	சங் 2:1-6 அப் 5:25-27 அப் 12:1-4 அப் 23:33 அப் 23:34 அப் 24:1-26 2தீமோ 4:16 2தீமோ 4:17
19	அவர்கள் உங்களை ஒப்புக்கொடுக்கும்போது: எப்படிப் பேசுவோம் என்றும், என்னத்தைப் பேசுவோம் என்றும் கவலைப்படாதிருங்கள்; நீங்கள் பேசவேண்டுவது அந்நேரத்தில் உங்களுக்கு அருளப்படும்.	மாற் 13:11-13 லூக் 12:11 லூக் 21:14 லூக் 21:15
20	பேசுகிறவர்கள் நீங்கள் அல்ல, உங்கள் பிதாவின் ஆவியானவரே உங்களிலிருந்து பேசுகிறவர்.	2சாமு 23:2 மாற் 12:36 லூக் 11:13 லூக் 21:15 அப் 2:4 அப் 4:8 அப் 6:10 அப் 7:55 அப் 7:56 அப் 28:25 1பேது 1:12 2பேது 1:21
21	சகோதரன் தன் சகோதரனையும், தகப்பன் தன் பிள்ளையையும், மரணத்துக்கு ஒப்புக்கொடுப்பார்கள்; பெற்றாருக்கு விரோதமாகப் பிள்ளைகள் எழும்பி அவர்களைக் கொலைசெய்வார்கள்.	மத் 10:34-36 மத் 24:10 மீகா 7:5 மீகா 7:6 சகரி 13:3 மாற் 13:12 மாற் 13:13 லூக் 12:51-53 லூக் 21:16 லூக் 21:17
22	என் நாமத்தினிமித்தம் நீங்கள் எல்லாராலும் பகைக்கப்படுவீர்கள்; முடிவுபரியந்தம் நிலைத்திருப்பவனே இரட்சிக்கப்படுவான்.	மத் 24:9 ஏசா 66:5 ஏசா 66:6 லூக் 6:22 யோவா 7:7 யோவா 15:18 யோவா 15:19 யோவா 17:14 1யோவா 3:13
23	ஒரு பட்டணத்தில் உங்களைத் துன்பப்படுத்தினால் மறு பட்டணத்திற்கு ஓடிப்போங்கள்; மனுஷகுமாரன் வருவதற்குள்ளாக நீங்கள் இஸ்ரவேலருடைய பட்டணங்களையெல்லாம் சுற்றிமுடியாதென்று, மெய்யாகவே உங்களுக்குச் சொல்லுகிறேன்.	மத் 2:13 மத் 4:12 மத் 12:14 மத் 12:15 லூக் 4:29-31 யோவா 7:1 யோவா 10:39-42 யோவா 11:53 யோவா 11:54 அப் 8:1 அப் 9:24 அப் 9:25 அப் 13:50 அப் 13:51 அப் 14:6 அப் 14:7 அப் 14:19 அப் 14:20 அப் 17:10 அப் 17:14 அப் 20:1
24	சீஷன் தன் போதகனிலும், வேலைக்காரன் தன் எஜமானிலும் மேற்பட்டவனல்ல.	2சாமு 11:11 லூக் 6:40 யோவா 13:16 யோவா 15:20 எபிரெ 12:2-4
25	சீஷன் தன் போதகனைப்போலவும், வேலைக்காரன் தன் எஜமானைப்போலவும் இருப்பது போதும். வீட்டெஜமானையே பெயல்செபூல் என்று சொன்னார்களானால், அவன் வீட்டாரை அப்படிச் சொல்வது அதிக நிச்சயமல்லவா?	மத் 9:34 மத் 12:24 மாற் 3:22 லூக் 11:15 யோவா 7:20 யோவா 8:48 யோவா 8:52 யோவா 10:20
26	அவர்களுக்குப் பயப்படாதிருங்கள்; வெளியாக்கப்படாத மறைபொருளும் இல்லை; அறியப்படாத இரகசியமும் இல்லை.	மத் 10:28 நீதி 28:1 நீதி 29:25 ஏசா 41:10 ஏசா 41:14 ஏசா 43:1 ஏசா 43:2 ஏசா 51:7 ஏசா 51:8 ஏசா 51:12 ஏசா 51:13 எரே 1:8 எரே 1:17 எரே 1:18 எசே 2:6 அப் 4:13 அப் 4:19 1பேது 3:14
27	நான் உங்களுக்கு இருளிலே சொல்லுகிறதை நீங்கள் வெளிச்சத்திலே சொல்லுங்கள்; காதிலே கேட்கிறதை நீங்கள் வீடுகளின்மேல் பிரசித்தம்பண்ணுங்கள்.	மத் 13:1-17 மத் 13:34-17 மத் 13:35-17 லூக் 8:10 யோவா 16:1 யோவா 16:13 யோவா 16:25 யோவா 16:29 2கொரி 3:12
28	ஆத்துமாவைக் கொல்ல வல்லவர்களாயிராமல், சரீரத்தை மாத்திரம் கொல்லுகிறவர்களுக்கு நீங்கள் பயப்படவேண்டாம்; ஆத்துமாவையும் சரீரத்தையும் நரகத்திலே அழிக்க வல்லவருக்கே பயப்படுங்கள்.	மத் 10:26 ஏசா 8:12 ஏசா 8:13 ஏசா 51:7 ஏசா 51:12 தானி 3:10-18 லூக் 12:4 லூக் 12:5 அப் 20:23 அப் 20:24 அப் 21:13 ரோம 8:35-39 2தீமோ 4:6-8 எபிரெ 11:35 1பேது 3:14 வெளிப் 2:10
29	ஒரு காசுக்கு இரண்டு அடைக்கலான் குருவிகளை விற்கிறார்கள் அல்லவா? ஆயினும் உங்கள் பிதாவின் சித்தமில்லாமல், அவைகளில் ஒன்றாகிலும் தரையிலே விழாது.	லூக் 12:6 லூக் 12:7
30	உங்கள் தலையிலுள்ள மயிரெல்லாம் எண்ணப்பட்டிருக்கிறது.	1சாமு 14:45 2சாமு 14:11 1இரா 1:52 லூக் 12:7 லூக் 21:18 அப் 27:34
31	ஆதலால், பயப்படாதிருங்கள்; அநேகம் அடைக்கலான் குருவிகளைப்பார்க்கிலும் நீங்கள் விசேஷித்தவர்களாயிருக்கிறீர்கள்.	மத் 6:26 மத் 12:11 மத் 12:12 சங் 8:5 லூக் 12:24 1கொரி 9:9 1கொரி 9:10
32	மனுஷர் முன்பாக என்னை அறிக்கைபண்ணுகிறவன் எவனோ, அவனை நானும் பரலோகத்திலிருக்கிற என் பிதாவின் முன்பாக அறிக்கைபண்ணுவேன்.	சங் 119:46 லூக் 12:8 லூக் 12:9 யோவா 9:22 ரோம 10:9 ரோம 10:10 1தீமோ 6:12 1தீமோ 6:13 2தீமோ 1:8 1யோவா 4:15 வெளிப் 2:13
33	மனுஷர் முன்பாக என்னை மறுதலிக்கிறவன் எவனோ, அவனை நானும் பரலோகத்திலிருக்கிற என் பிதாவின் முன்பாக மறுதலிப்பேன்.	மத் 26:70-75 மாற் 14:30 மாற் 14:72 லூக் 9:26 லூக் 12:9 2தீமோ 2:12 2பேது 2:1 1யோவா 2:23
34	பூமியின்மேல் சமாதானத்தை அனுப்பவந்தேன் என்று எண்ணாதிருங்கள்; சமாதானத்தையல்ல, பட்டயத்தையே அனுப்பவந்தேன்.	எரே 15:10 லூக் 12:49-53 யோவா 7:40-52 அப் 13:45-50 அப் 14:2 அப் 14:4
35	எப்படியெனில், மகனுக்கும் தகப்பனுக்கும், மகளுக்கும் தாய்க்கும், மருமகளுக்கும் மாமிக்கும் பிரிவினையுண்டாக்க வந்தேன்.	மத் 10:21 மத் 24:10 மீகா 7:5 மாற் 13:12 லூக் 21:16
36	ஒரு மனுஷனுக்குச் சத்துருக்கள் அவன் வீட்டாரே.	ஆதி 3:15 ஆதி 4:8-10 ஆதி 37:17-28 1சாமு 17:28 2சாமு 16:11 யோபு 19:13-19 சங் 41:9 சங் 55:13 எரே 12:6 எரே 20:10 மீகா 7:6 யோவா 13:8
37	தகப்பனையாவது தாயையாவது என்னிலும் அதிகமாய் நேசிக்கிறவன் எனக்குப் பாத்திரன் அல்ல; மகனையாவது மகளையாவது என்னிலும் அதிகமாய் நேசிக்கிறவன் எனக்குப் பாத்திரன் அல்ல.	மத் 22:37 உபா 33:9 லூக் 14:26 யோவா 5:23 யோவா 21:15-17 2கொரி 5:14 2கொரி 5:15 பிலிப் 3:7-9
38	தன் சிலுவையை எடுத்துக்கொண்டு என்னைப் பின்பற்றாதவன் எனக்குப் பாத்திரன் அல்ல.	மத் 16:24 மத் 27:32 மாற் 8:34 மாற் 10:21 லூக் 9:23 லூக் 9:24 லூக் 14:27 யோவா 19:17
39	தன் ஜீவனைக் காக்கிறவன் அதை இழந்துபோவான்; என்னிமித்தம் தன் ஜீவனை இழந்துபோகிறவன் அதைக் காப்பான்.	மத் 16:25 மத் 16:26 மாற் 8:35 மாற் 8:36 லூக் 17:33 யோவா 12:25 பிலிப் 1:20 பிலிப் 1:21 2தீமோ 4:6-8 வெளிப் 2:10
40	உங்களை ஏற்றுக்கொள்ளுகிறவன் என்னை ஏற்றுக்கொள்ளுகிறான்; என்னை ஏற்றுக்கொள்ளுகிறவன் என்னை அனுப்பினவரை ஏற்றுக்கொள்ளுகிறான்.	மத் 18:5 மத் 25:40 மத் 25:45 லூக் 9:48 லூக் 10:16 யோவா 13:20 யோவா 20:21 2கொரி 5:20 கலா 4:14 1தெச 4:8
41	தீர்க்கதரிசி என்னும் நாமத்தினிமித்தம் தீர்க்கதரிசியை ஏற்றுக்கொள்ளுகிறவன் தீர்க்கதரிசிக்கேற்ற பலனை அடைவான்; நீதிமான் என்னும் நாமத்தினிமித்தம் நீதிமானை ஏற்றுக்கொள்ளுகிறவன் நீதிமானுக்கேற்ற பலனை அடைவான்.	ஆதி 20:7 1இரா 17:9-15 1இரா 17:20-24 1இரா 18:3 1இரா 18:4 2இரா 4:8-10 2இரா 4:16-10 2இரா 4:17-10 2இரா 4:32-37 அப் 16:15 ரோம 16:1-4 ரோம 16:23-4 2தீமோ 1:16-18 எபிரெ 6:10 3யோவா 1:5-8
42	சீஷன் என்னும் நாமத்தினிமித்தம் இந்தச் சிறியரில் ஒருவனுக்கு ஒரு கலசம் தண்ணீர்மாத்திரம் குடிக்கக் கொடுக்கிறவனும் தன் பலனை அடையாமற்போகான் என்று, மெய்யாகவே உங்களுக்குச் சொல்லுகிறேன் என்றார்.	மத் 8:5 மத் 8:6 மத் 18:3-6 மத் 18:10-6 மத் 18:14-6 மத் 25:40 சகரி 13:7 மாற் 9:42 லூக் 17:2 1கொரி 8:10-13