1	கர்த்தர் மோசேயையும் ஆரோனையும் நோக்கி:
2	நீங்கள் இஸ்ரவேல் புத்திரரோடே சொல்லவேண்டியது என்னவென்றால், பூமியிலிருக்கிற சகல மிருகங்களிலும் நீங்கள் புசிக்கத்தக்க ஜீவ ஜந்துக்கள் யாதெனில்:	உபா 14:3-8 எசே 4:14 தானி 1:8 மத் 15:11 மாற் 7:15-19 அப் 10:12 அப் 10:14 ரோம 14:2 ரோம 14:3 ரோம 14:14 ரோம 14:15 1தீமோ 4:4-6 எபிரெ 9:10 எபிரெ 13:9
3	மிருகங்களில் விரிகுளம்புள்ளதாயிருந்து, குளம்புகள் இரண்டாகப் பிரிந்திருக்கிறதும் அசைபோடுகிறதுமானவைகளையெல்லாம் நீங்கள் புசிக்கலாம்.	சங் 1:1 நீதி 9:6 2கொரி 6:17
4	ஆனாலும், அசைபோடுகிறதும் விரிகுளம்புள்ளதுமானவைகளில் ஒட்டகமானது அசைபோடுகிறதாயிருந்தாலும், அதற்கு விரிகுளம்பில்லாதபடியால், அது உங்களுக்கு அசுத்தமாயிருக்கும்.
5	குழிமுசலானது அசைபோடுகிறதாயிருந்தாலும், அதற்கு விரிகுளம்பில்லை; அது உங்களுக்கு அசுத்தமாயிருக்கும்.	சங் 104:18 நீதி 30:26
6	முயலானது அசைபோடுகிறதாயிருந்தும், அதற்கு விரிகுளம்பில்லை; அது உங்களுக்கு அசுத்தமாயிருக்கும்.	உபா 14:7
7	பன்றியின் குளம்பு விரிகுளம்பும் இரண்டாகப் பிரிந்ததுமாயிருந்தும், அது அசைபோடாது; அது உங்களுக்கு அசுத்தமாயிருக்கும்.	உபா 14:8 ஏசா 65:4 ஏசா 66:3 ஏசா 66:17 மத் 7:6 லூக் 8:33 லூக் 15:15 2பேது 2:18-22
8	இவைகளின் மாம்சத்தைப் புசிக்கவும், இவைகளின் உடல்களைத் தொடவும் வேண்டாம்; இவைகள் உங்களுக்குத் தீட்டாயிருக்கக்கடவது.	லேவி 5:2 ஏசா 52:11 ஓசி 9:3 மத் 15:11 மத் 15:20 மாற் 7:2 மாற் 7:15 மாற் 7:18 அப் 10:10-15 அப் 10:28 அப் 15:29 ரோம 14:14-17 ரோம 14:21-17 1கொரி 8:8 2கொரி 6:17 எபே 5:7 எபே 5:11 கொலோ 2:16 கொலோ 2:21-23 எபிரெ 9:10
9	ஜலத்திலிருக்கிறவைகளில் நீங்கள் புசிக்கத்தக்கது யாதெனில்: கடல்களும் ஆறுகளுமாகிய தண்ணீர்களிலே சிறகும் செதிளும் உள்ளவைகளையெல்லாம் நீங்கள் புசிக்கலாம்.	உபா 14:9 உபா 14:10 அப் 20:21 கலா 5:6 யாக் 2:18 1யோவா 5:2-5
10	ஆனாலும், கடல்களும் ஆறுகளுமாகிய தண்ணீர்களில் நீந்துகிறதும் வாழ்கிறதுமான பிராணிகளில் சிறகும் செதிளும் இல்லாதவைகள் யாவும் உங்களுக்கு அருவருப்பாயிருப்பதாக.	லேவி 7:18 உபா 14:3 சங் 139:21 சங் 139:22 நீதி 13:20 நீதி 29:27 வெளிப் 21:8
11	அவைகள் உங்களுக்கு அருவருப்பாயிருக்கக்கடவது; அவைகளின் மாம்சத்தைப் புசியாதிருந்து, அவைகளின் உடல்களை அருவருப்பீர்களாக.
12	தண்ணீர்களிலே சிறகும் செதிளும் இல்லாத யாவும் உங்களுக்கு அருவருப்பாயிருக்கக்கடவது.
13	பறவைகளில் நீங்கள் புசியாமல் அருவருக்கவேண்டியவைகள் யாதெனில்: கழுகும், கருடனும், கடலுராஞ்சியும்,	உபா 14:12-20 யோபு 28:7 யோபு 38:41 யோபு 39:27-30 எரே 4:13 எரே 4:22 எரே 48:40 புலம் 4:19 ஓசி 8:1 ஆபகூ 1:8 மத் 24:28 ரோம 1:28-32 ரோம 3:13-17 தீத் 3:3
14	பருந்தும், சகலவித வல்லூறும்,
15	சகலவித காகங்களும்,	ஆதி 8:7 1இரா 17:4 1இரா 17:6 நீதி 30:17 லூக் 12:24
16	தீக்குருவியும், கூகையும், செம்புகமும், சகலவித டேகையும்,	உபா 14:15-18 சங் 102:6 ஏசா 13:21 ஏசா 13:22 ஏசா 34:11-15 யோவா 3:19-21 எபே 2:2 எபே 2:3 எபே 4:18 எபே 4:19 எபே 5:7-11 பிலிப் 3:18 பிலிப் 3:19 1தெச 5:5-7 வெளிப் 18:2
17	ஆந்தையும், நீர்க்காகமும், கோட்டானும்,
18	நாரையும், கூழக்கடாவும், குருகும்,
19	கொக்கும், சகலவித ராஜாளியும், புழுக்கொத்தியும், வௌவாலும் ஆகிய இவைகளே.
20	பறக்கிறவைகளில் நாலுகாலால் நடமாடுகிற ஊரும்பிராணிகள் யாவும் உங்களுக்கு அருவருப்பாயிருப்பதாக.	லேவி 11:23 லேவி 11:27 உபா 14:19 2இரா 17:28-41 சங் 17:14 மத் 6:24 பிலிப் 3:18 பிலிப் 3:19 2தீமோ 4:10 1யோவா 2:15-17 யூதா 1:10 யூதா 1:19
21	ஆகிலும், பறக்கிறவைகளில் நாலுகாலால் நடமாடுகிற யாவிலும், நீங்கள் புசிக்கத்தக்கது யாதெனில்: தரையிலே தத்துகிறதற்குக் கால்களுக்குமேல் தொடைகள் உண்டாயிருக்கிறவைகளிலே,
22	வெட்டுக்கிளி ஜாதியாயிருக்கிறதையும், சோலையாம் என்னும் கிளிஜாதியாயிருக்கிறதையும், அர்கொல் என்னும் கிளிஜாதியாயிருக்கிறதையும், ஆகாபு என்னும் கிளிஜாதியாயிருக்கிறதையும் நீங்கள் புசிக்கலாம்.	யாத் 10:4 யாத் 10:5 ஏசா 35:3 மத் 3:4 மாற் 1:6 ரோம 14:1 ரோம 15:1 எபிரெ 5:11 எபிரெ 12:12 எபிரெ 12:13
23	பறக்கிறவைகளில் நாலு காலால் நடமாடுகிற மற்ற யாவும் உங்களுக்கு அருவருப்பாயிருப்பதாக.
24	அவைகளாலே தீட்டுப்படுவீர்கள்; அவைகளின் உடலைத் தொடுகிறவன் எவனும் சாயங்காலம்மட்டும் தீட்டுப்பட்டிருப்பான்.	லேவி 11:8 லேவி 11:27 லேவி 11:28 லேவி 11:31 லேவி 11:38-40 லேவி 17:15 லேவி 17:16 ஏசா 22:14 1கொரி 15:33 2கொரி 6:17 எபே 2:1-3 எபே 5:11 கொலோ 2:16 கொலோ 2:17 கொலோ 2:20 எபிரெ 9:26 1யோவா 1:7
25	அவைகளின் உடலைச் சுமந்தவன் எவனும் தன் வஸ்திரங்களைத் தோய்க்கக்கடவன்; அவன் சாயங்காலம்மட்டும் தீட்டுப்பட்டிருப்பான்.	லேவி 11:28 லேவி 11:40 லேவி 14:8 லேவி 15:5 லேவி 15:7-11 லேவி 15:13-11 லேவி 16:28 யாத் 19:10 யாத் 19:14 எண் 19:8 எண் 19:10 எண் 19:19 எண் 19:21 எண் 19:22 எண் 31:24 சங் 51:2 சங் 51:7 சகரி 13:1 யோவா 13:8 அப் 22:16 எபிரெ 9:10 எபிரெ 10:22 1பேது 3:21 1யோவா 1:7 வெளிப் 7:14
26	விரிநகங்களுள்ளவைகளாயிருந்தும், இருபிளவான குளம்பில்லாமலும் அசைபோடாமலும் இருக்கிற மிருகங்கள் யாவும் உங்களுக்கு அசுத்தமாயிருப்பதாக; அவைகளைத் தொடுகிறவன் எவனும் தீட்டுப்படுவான்.
27	நாலுகாலால் நடக்கிற சகல ஜீவன்களிலும் தங்கள் உள்ளங்கால்களை ஊன்றி நடக்கிற யாவும் உங்களுக்கு அசுத்தமாயிருப்பதாக; அவைகளின் உடலைத்தொடுகிறவன் எவனும் சாயங்காலம்மட்டும் தீட்டுப்பட்டிருப்பான்.	லேவி 11:20 லேவி 11:23
28	அவைகளின் உடலைச் சுமந்தவன் தன் வஸ்திரங்களைத் தோய்க்கக்கடவன்; அவன் சாயங்காலம்மட்டும் தீட்டுப்பட்டிருப்பான்; இவைகள் உங்களுக்குத் தீட்டாயிருக்கக்கடவது.	லேவி 11:24 லேவி 11:25
29	தரையில் ஊருகிற பிராணிகளில் உங்களுக்கு அசுத்தமானவைகள் எவையெனில்: பெருச்சாளியும், எலியும், சகலவிதமான ஆமையும்,	லேவி 11:20 லேவி 11:21 லேவி 11:41 லேவி 11:42 சங் 10:3 சங் 17:13 சங் 17:14 ஆகா 2:6 லூக் 12:15 லூக் 16:14 யோவா 6:26 யோவா 6:66 எபே 4:14 பிலிப் 3:19 கொலோ 3:5 2தீமோ 3:2-5 எபிரெ 13:5
30	உடும்பும், அழுங்கும், ஓணானும், பல்லியும், பச்சோந்தியும் ஆகிய இவைகளே.
31	சகல ஊரும் பிராணிகளிலும் இவைகள் உங்களுக்குத் தீட்டாயிருக்கக்கடவது; அவைகளில் செத்ததைத் தொடுகிறவன் எவனும் சாயங்காலம்மட்டும் தீட்டுப்பட்டிருப்பான்.	லேவி 11:8 லேவி 11:24 லேவி 11:25
32	அவைகளில் செத்தது ஒன்று யாதொன்றின்மேல் விழுந்தால் அது தீட்டுப்பட்டிருக்கும்; அது மரப்பாத்திரமானாலும், வஸ்திரமானாலும், தோலானாலும், பையானாலும், வேலை செய்கிறதற்கேற்ற ஆயுதமானாலும் சாயங்காலம்மட்டும் தீட்டாயிருக்கும்; அது தண்ணீரில் போடப்படவேண்டும், அப்பொழுது சுத்தமாகும்.	லேவி 6:28 லேவி 15:12 தீத் 2:14 தீத் 3:5
33	அவைகளில் ஒன்று மண்பாண்டத்திற்குள் விழுந்தால், அதற்குள் இருக்கிறவை யாவும் தீட்டுப்பட்டிருக்கும்; அதை உடைத்துப்போடவேண்டும்.	லேவி 11:35 லேவி 14:45 எரே 48:38 2கொரி 5:1-8 பிலிப் 3:21
34	புசிக்கத்தக்க போஜனபதார்த்தத்தின்மேல் அந்தத் தண்ணீர் பட்டால், அது தீட்டாகும்; குடிக்கத்தக்க எந்தப்பானமும் அப்படிப்பட்ட பாத்திரத்தினால் தீட்டுப்படும்.	நீதி 15:8 நீதி 21:4 நீதி 21:27 நீதி 28:8 தீத் 1:15
35	அவைகளின் உடலில் யாதொன்று எதின்மேல் விழுதோ, அதுவும் தீட்டுப்படும்; அடுப்பானாலும் மண்தொட்டியானாலும் தகர்க்கப்படுவதாக; அவைகள் தீட்டுப்பட்டிருக்கும்; ஆகையால், அவைகள் உங்களுக்குத் தீட்டாயிருக்கக்கடவது.	லேவி 11:33 லேவி 6:28 லேவி 15:12 2கொரி 5:1-7
36	ஆனாலும், நீரூற்றும் மிகுந்த ஜலம் உண்டாகிய கிணறும், சுத்தமாயிருக்கும்; அவைகளிலுள்ள உடலைத் தொடுகிறவனோ தீட்டுப்படுவான்.	சகரி 13:1 யோவா 4:14
37	மேற்சொல்லியவைகளின் உடலில் யாதொன்று விதைத்தானியத்தின்மேல் விழுந்தால், அது தீட்டுப்படாது.	1கொரி 15:37 1பேது 1:23 1யோவா 3:9 1யோவா 5:18
38	அந்த உடலில் யாதொன்று தண்ணீர் வார்க்கப்பட்டிருக்கிற விதையின்மேல் விழுந்ததானால், அது உங்களுக்குத் தீட்டாயிருக்கக்கடவது.
39	உங்களுக்கு ஆகாரத்துக்கான ஒரு மிருகம் செத்தால், அதின் உடலைத்தொடுகிறவன் சாயங்காலம்மட்டும் தீட்டுப்பட்டிருப்பான்.	லேவி 11:24 லேவி 11:28 லேவி 11:31 லேவி 11:40 லேவி 15:5 லேவி 15:7 எண் 19:11 எண் 19:16
40	அதின் மாம்சத்தைப் புசித்தவன் தன் வஸ்திரங்களைத் தோய்க்கக்கடவன்; அவன் சாயங்காலம்மட்டும் தீட்டுப்பட்டிருப்பான்; அதின் உடலை எடுத்துப்போனவனும் தன் வஸ்திரங்களைத் தோய்க்கக்கடவன்; அவனும் சாயங்காலம்மட்டும் தீட்டுப்பட்டிருப்பான்.	லேவி 11:25 லேவி 17:15 லேவி 17:16 லேவி 22:8 யாத் 22:31 உபா 14:21 ஏசா 1:16 எசே 4:14 எசே 36:25 எசே 44:31 சகரி 13:1 1கொரி 6:11 1கொரி 10:21 1யோவா 1:7
41	தரையில் ஊருகிற பிராணிகளெல்லாம் உங்களுக்கு அருவருப்பாயிருக்கக்கடவது; அவை புசிக்கப்படலாகாது.	லேவி 11:20 லேவி 11:23 லேவி 11:29
42	தரையில் ஊருகிற சகல பிராணிகளிலும், வயிற்றினால் நகருகிறவைகளையும், நாலுகாலால் நடமாடுகிறவைகளையும் அநேகங் கால்களுள்ளவைகளையும் புசியாதிருப்பீர்களாக; அவைகள் அருவருப்பானவைகள்.	ஆதி 3:14 ஆதி 3:15 ஏசா 65:25 மீகா 7:17 மத் 3:7 மத் 23:23 யோவா 8:44 2கொரி 11:3 2கொரி 11:13 தீத் 1:12
43	ஊருகிற எந்தப் பிராணிகளிலும் உங்களை அருவருப்பாக்கிக்கொள்ளாமலும், அவைகளால் தீட்டுப்படாமலும் இருப்பீர்களாக; அவைகளாலே நீங்கள் தீட்டுப்படுவீர்கள்.	லேவி 11:41 லேவி 11:42 லேவி 20:25
44	நான் உங்கள் தேவனாகிய கர்த்தர், நான் பரிசுத்தர்; ஆகையால், தரையில் ஊருகிற எந்தப் பிராணிகளிலும் உங்களைத் தீட்டுப்படுத்தாமல், உங்களைப் பரிசுத்தமாக்கிக்கொண்டு, பரிசுத்தராயிருப்பீர்களாக.	யாத் 20:2
45	நான் உங்கள் தேவனாயிருக்கும்படி உங்களை எகிப்து தேசத்திலிருந்து வரப்பண்ணின கர்த்தர், நான் பரிசுத்தர்; ஆகையால். நீங்களும் பரிசுத்தராயிருப்பீர்களாக.	யாத் 6:7 சங் 105:43-45
46	சுத்தமானதற்கும் அசுத்தமானதற்கும், புசிக்கத்தக்க ஜந்துக்களுக்கும் புசிக்கத்தகாத ஜந்துக்களுக்கும் வித்தியாசம் பண்ணும்பொருட்டு,	லேவி 7:37 லேவி 14:54 லேவி 15:32 எசே 43:12
47	மிருகத்துக்கும், பறவைகளுக்கும், தண்ணீர்களில் நீந்துகிற சகல ஜீவஜந்துக்களுக்கும், பூமியின்மேல் ஊருகிற சகல பிராணிகளுக்கும் அடுத்த பிரமாணம் இதுவே என்று சொல்லுங்கள் என்றார்.	லேவி 10:10 எசே 44:23 மல்கி 3:18 ரோம 14:2 ரோம 14:3 ரோம 14:13-23