| 1 | பின்னும் கர்த்தர் மோசேயை நோக்கி: |
| 2 | நீ இஸ்ரவேல் புத்திரரோடே சொல்ல வேண்டியது என்னவென்றால்: ஒரு ஸ்திரீ கர்ப்பவதியாகி ஆண்பிள்ளையைப் பெற்றால், அவள் சூதகஸ்திரீ விலக்கமாயிருக்கும் நாட்களுக்குச் சரியாக ஏழுநாள் தீட்டாயிருப்பாள். | ஆதி 1:28 ஆதி 3:16 யோபு 14:4 யோபு 15:14 யோபு 25:4 சங் 51:5 லூக் 2:22 ரோம 5:12-19 |
| 3 | எட்டாம் நாளிலே அந்தப் பிள்ளையினுடைய நுனித்தோலின் மாம்சம் விருத்தசேதனம் பண்ணப்படக்கடவது. | ஆதி 17:11 ஆதி 17:12 உபா 30:6 லூக் 1:59 லூக் 2:21 யோவா 7:22 யோவா 7:23 ரோம 3:19 ரோம 4:11 ரோம 4:12 கலா 3:17 கலா 5:3 பிலிப் 3:5 கொலோ 2:11 |
| 4 | பின்பு அவள் முப்பத்துமூன்றுநாள் தன் உதிரச் சுத்திகரிப்பு நிலையிலே இருந்து, சுத்திகரிப்பின் நாட்கள் நிறைவேறுமளவும் பரிசுத்தமான யாதொரு வஸ்துவைத் தொடவும் பரிசுத்த ஸ்தலத்துக்குள் வரவுங் கூடாது. | லேவி 15:25-28 ஆகா 2:13 லூக் 2:22 லூக் 2:23 |
| 5 | பெண்பிள்ளயைப் பெற்றாளாகில், அவள், இரண்டு வாரம் சூதகஸ்திரீயைப்போலத் தீட்டாயிருந்து, பின்பு அறுபத்தாறுநாள் உதிரச் சுத்திகரிப்பு நிலையிலே இருக்கக்கடவள். | லேவி 12:2 லேவி 12:4 ஆதி 3:13 1தீமோ 2:14 1தீமோ 2:15 |
| 6 | அவள் ஆண்பிள்ளையையாவது பெண்பிள்ளையையாவது பெற்றதற்காக அவளுடைய சுத்திகரிப்பின் நாட்கள் நிறைவேறினபின்பு, அவள் ஒருவயதான ஆட்டுக்குட்டியை சர்வாங்கதகனபலியாகவும், ஒரு புறாக்குஞ்சையாவது காட்டுப்புறாவையாவது பாவநிவாரண பலியாகவும், ஆசரிப்புக் கூடாரவாசலில் ஆசாரியனிடத்திற்குக் கொண்டுவரக்கடவள். | லேவி 1:10-13 லேவி 5:6-10 லேவி 14:22 லேவி 15:14 லேவி 15:29 எண் 6:10 லூக் 2:22 யோவா 1:29 2கொரி 5:21 எபிரெ 7:26 1பேது 1:18 1பேது 1:19 |
| 7 | அதை அவன் கர்த்தருடைய சந்நிதியில் பலியிட்டு, அவளுக்காகப் பாவநிவிர்த்தி செய்வானாக; அப்பொழுது அவள் தன் உதிர ஊறலின் தீட்டு நீங்கிச்சுத்தமாவாள். இது ஆண்பிள்ளையையாவது பெண்பிள்ளையையாவது பெற்றவளைக்குறித்த பிரமாணம். | லேவி 1:4 லேவி 4:20 லேவி 4:26 லேவி 4:31 லேவி 4:35 யோபு 1:5 யோபு 14:4 ரோம 3:23 ரோம 3:26 1கொரி 7:14 எபிரெ 9:12-14 |
| 8 | ஆட்டுக்குட்டியைக் கொண்டுவர அவளுக்குச் சக்தியில்லாதிருந்தால், இரண்டு காட்டுப்புறாக்களையாவது இரண்டு புறாக்குஞ்சுகளையாவது, ஒன்றைச் சர்வாங்க தகனபலியாகவும் மற்றொன்றைப் பாவநிவாரணபலியாகவும் கொண்டுவரக்கடவள்; அதினால் ஆசாரியன் அவளுக்காகப் பாவநிவிர்த்தி செய்யக்கடவன்; அப்பொழுது அவள் சுத்தமாவாள் என்று சொல் என்றார். | லேவி 1:14 லேவி 5:7 லேவி 14:22 லேவி 15:14 லேவி 15:29 லூக் 2:22 லூக் 2:24 2கொரி 8:9 |
