1	எப்பிராயீம் காற்றை மேய்ந்து, கொண்டற்காற்றைப் பின்தொடருகிறான்; அவன் நாள்தோறும் பொய்யையும் கேட்டையும் வர்த்திக்கப்பண்ணி, அசீரியரோடே உடன்படிக்கைப்பண்ணுகிறான்; எகிப்துக்கு எண்ணெய் கொண்டுபோகப்படுகிறது.	ஓசி 8:7 யோபு 15:2 எரே 22:22
2	யூதாவோடும் கர்த்தருக்கு வழக்கு இருக்கிறது; அவர் யாக்கோபை அவன் வழிகளுக்குத்தக்கதாக விசாரிக்கப்போகிறார்; அவன் கிரியைகளுக்குத்தக்கதாக அவனுக்கு நீதியைச் சரிக்கட்டுவார்.	ஓசி 4:1 எரே 25:31 மீகா 6:2
3	அவன் தாயின் கர்ப்பத்திலே தன் சகோதரனுடைய குதிகாலைப் பிடித்தான்; தன் பெலத்தினால் தேவனோடே போராடினான்.	ஆதி 25:26 ரோம 9:11
4	அவன் தூதனானவரோடே போராடி மேற்கொண்டான், அழுது அவரை நோக்கிக் கெஞ்சினான்; பெத்தேலிலே அவர் அவனைக் கண்டு சந்தித்து, அவ்விடத்திலும் நம்மோடே பேசினார்.	ஆதி 32:29 ஆதி 48:15 யாத் 3:2-5 ஏசா 63:9 மல்கி 3:1 அப் 7:30-35
5	கர்த்தராகிய அவர் சேனைகளின் தேவன்; யேகோவா என்பது அவருடைய நாமசங்கீர்த்தனம்.	ஆதி 28:16 ஆதி 32:30
6	இப்போதும் நீ உன் தேவனிடத்தில் திரும்பு; தயவையும் நியாயத்தையும் கைக்கொண்டு, இடைவிடாமல் உன் தேவனை நம்பிக்கொண்டிரு.	ஓசி 14:1 நீதி 1:23 ஏசா 31:6 ஏசா 55:6 ஏசா 55:7 எரே 3:14-22 புலம் 3:39-41 யோவே 2:13 சகரி 1:3 அப் 2:38 அப் 26:20
7	அவன் வியாபாரி, கள்ளத்தராசு அவன் கையில் இருக்கிறது; அநியாயஞ்செய்ய விரும்புகிறான்.	எசே 16:3 சகரி 14:21 யோவா 2:16
8	எப்பிராயீம்: நான் ஐசுவரியவானானேன்; நான் பொருளைச் சம்பாதித்தேன்; நான் பிரயாசப்பட்டுத் தேடின எல்லாவற்றிலும் பாவமாகிய அக்கிரமம் என்னிடத்தில் கண்டுபிடிக்கப்படுவதில்லையென்று சொல்லுகிறான்.	யோபு 31:24 யோபு 31:25 சங் 49:6 சங் 52:7 சங் 62:10 சகரி 11:5 லூக் 12:19 லூக் 16:13 1தீமோ 6:5 1தீமோ 6:17 வெளிப் 3:17
9	உன்னை எகிப்து தேசத்திலிருந்து அழைத்துவந்தது முதற்கொண்டு உன் தேவனாகிய கர்த்தராயிருக்கிற நான், பண்டிகை நாட்களில் செய்யப்படுகிறதுபோல், திரும்பவும் உன்னைக் கூடாரங்களில் தாபரிக்கப்பண்ணுவேன்.	ஓசி 13:4 யாத் 20:2 லேவி 19:36 லேவி 26:13 எண் 15:41 சங் 81:10 மீகா 6:4
10	அப்படியே தீர்க்கதரிசிகளோடே சொன்னேன்; நான் அநேகம் தரிசனங்களை அருளினேன்; தீர்க்கதரிசிகளைக் கொண்டு உவமைகளால் பேசினேன்.	1இரா 13:1 1இரா 14:7-16 1இரா 17:1 1இரா 18:21-40 1இரா 19:10 2இரா 17:13 நெகே 9:30 எரே 25:4 ஆமோ 7:14
11	கீலேயாத் அக்கிரம ஸ்தலமோ? ஆம், அவர்கள் அபத்தரானார்கள்; கில்காலிலே காளைகளைப் பலியிடுகிறார்கள்; அவர்களுடைய பீடங்கள் வயல்வரப்புகளில் இருக்கிற கற்குவியல்களைப்போல் இருக்கிறது.	ஓசி 6:8 1இரா 17:1
12	யாக்கோபு சீரியா தேசத்துக்கு ஓடிப்போய், இஸ்ரவேல் ஒரு பெண்ணுக்காக ஊழியஞ்செய்து, ஒரு பெண்ணுக்காக ஆடு மேய்த்தான்.	ஆதி 27:43 ஆதி 28:1-29 உபா 26:5
13	கர்த்தர் ஒரு தீர்க்கதரிசியைக் கொண்டு இஸ்ரவேலை எகிப்திலிருந்து புறப்படப்பண்ணினார்; தீர்க்கதரிசியினால் காக்கப்பட்டான்.	ஓசி 13:4 ஓசி 13:5 யாத் 12:50 யாத் 12:51 யாத் 13:3 1சாமு 12:8 சங் 77:20 ஏசா 63:11 ஏசா 63:12 ஆமோ 2:11 ஆமோ 2:12 மீகா 6:4 அப் 3:22 அப் 3:23 அப் 7:35-37
14	எப்பிராயீமோ அவரை மிகவும் கோபப்படுத்தினான்; ஆகையால் அவனுடைய ஆண்டவர் அவனுடைய இரத்தப்பழிகளை அவன்மேல் சுமத்தி, அவன் செய்த நிந்தையை அவன்மேல் திருப்புவார்.	2இரா 17:7-18 எசே 23:2-10