1	இஸ்ரவேல் இளைஞனாயிருந்தபோது நான் அவனை நேசித்தேன்; எகிப்திலிருந்து என்னுடைய குமாரனை வரவழைத்தேன்.	ஓசி 2:15 உபா 7:7 எரே 2:2 எசே 16:6 மல்கி 1:2
2	அவர்கள் தங்களை அழைக்கிறவர்களின் முகத்துக்கு விலகிப்போய்விட்டார்கள்; பாகால்களுக்குப் பலியிட்டு, விக்கிரகங்களுக்குத் தூபங்காட்டினார்கள்.	ஓசி 11:7 உபா 29:2-4 1சாமு 8:7-9 2இரா 17:13-15 2நாளா 36:15 2நாளா 36:16 நெகே 9:30 ஏசா 30:9-11 எரே 35:13 எரே 44:16 எரே 44:17 சகரி 1:4 சகரி 7:11 லூக் 13:34 யோவா 3:19 அப் 7:51 2கொரி 2:15 2கொரி 2:16
3	நான் எப்பிராயீமைக் கைபிடித்து நடக்கப் பழக்கினேன்; ஆனாலும் நான் தங்களைக் குணமாக்குகிறவரென்று அறியாமற்போனார்கள்.	யாத் 19:4 எண் 11:11 எண் 11:12 உபா 1:31 உபா 8:2 உபா 32:10-12 ஏசா 46:3 ஏசா 63:9 அப் 13:18
4	மனுஷரைக் கட்டி இழுக்கிற அன்பின் கயிறுகளால் நான் அவர்களை இழுத்தேன், அவர்கள் கழுத்துகளின்மேல் இருந்த நுகத்தடியை எடுத்துப் போடுகிறவரைப்போல் இருந்து, அவர்கள் பட்சம் சாய்ந்து, அவர்களுக்கு ஆகாரங்கொடுத்தேன்.	உன்ன 1:4 ஏசா 63:9 யோவா 6:44 யோவா 12:32 2கொரி 5:14
5	மனந்திரும்பமாட்டோமென்றதினால் அவர்கள் எகிப்து தேசத்துக்குத் திரும்பிப்போவதில்லை; அசீரியன் அவர்களுக்கு ராஜா.	ஓசி 7:16 ஓசி 8:13 ஓசி 9:3 ஓசி 9:6
6	ஆகையால் அவர்களுடைய ஆலோசனைகளினிமித்தம் பட்டயம் அவர்கள் பட்டணங்களுக்குள் பாய்ந்து, அவர்கள் தாழ்ப்பாள்களை நிர்மூலம்பண்ணி, அவர்களைப் பட்சிக்கும்.	ஓசி 10:14 ஓசி 13:16 லேவி 26:31 லேவி 26:33 உபா 28:52 உபா 32:25 எரே 5:17 மீகா 5:11
7	என் ஜனங்கள் என்னைவிட்டு விலகுகிற மாறுபாட்டைப் பற்றிக்கொண்டிருக்கிறார்கள்; அவர்களை உன்னதமானவரிடத்தில் வரவழைத்தாலும் ஒருவனும் எழும்புகிறதில்லை.	ஓசி 4:16 ஓசி 14:4 சங் 78:57 சங் 78:58 நீதி 14:14 எரே 3:6 எரே 3:8 எரே 3:11 எரே 8:5 எரே 14:7
8	எப்பிராயீமே, நான் உன்னை எப்படிக் கைவிடுவேன்? இஸ்ரவேலே, நான் உன்னை எப்படி ஒப்புக்கொடுப்பேன்? நான் உன்னை எப்படி அத்மாவைப்போலாக்குவேன்? உன்னை எப்படி செபோயீமைப்போல வைப்பேன்? என் இருதயம் எனக்குள் குழம்புகிறது; என் பரிதாபங்கள் ஏகமாய்ப் பொங்குகிறது.	ஓசி 6:4 எரே 9:7 புலம் 3:33 மத் 23:37 லூக் 19:41 லூக் 19:42
9	என் உக்கிர கோபத்தின்படியே செய்யமாட்டேன்; எப்பிராயீமை அழிக்கும்படித் திரும்பமாட்டேன்; ஏனென்றால் நான் மனுஷனல்ல, தேவனாயிருக்கிறேன்; நான் உன் நடுவிலுள்ள பரிசுத்தர்; ஆகையால் பட்டணத்துக்கு விரோதமாகவரேன்.	ஓசி 14:4 யாத் 32:10-14 உபா 32:26 உபா 32:27 சங் 78:38 ஏசா 27:4-8 ஏசா 48:9 எரே 30:11 எரே 31:1-3 எசே 20:8 எசே 20:9 எசே 20:13 எசே 20:14 எசே 20:21-23
10	அவர்கள் கர்த்தரைப் பின்பற்றுவார்கள்; அவர் சிங்கத்தைப்போல் கெர்ச்சிப்பார்; அவர் கெர்ச்சிக்கும்போது அவர்கள் சந்ததியார் மேற்குத்திசையிலிருந்து நடுங்கி வருவார்கள்.	ஏசா 2:5 ஏசா 49:10 எரே 2:2 எரே 7:6 எரே 7:9 எரே 31:9 மீகா 4:5 சகரி 10:12 யோவா 8:12 ரோம 8:1 2பேது 2:10
11	எகிப்திலிருந்து குருவிகளைப்போலவும், அசீரியா தேசத்திலிருந்து புறாக்களைப்போலவும் பயந்து வருவார்கள்; அப்பொழுது அவர்களை அவர்கள் வீடுகளில் குடியிருக்கப்பண்ணுவேன் என்று கர்த்தர் சொல்லுகிறார்.	ஓசி 3:5 ஓசி 9:3-6 ஏசா 11:11 சகரி 10:10
12	எப்பிராயீமர் பொய்களினாலும், இஸ்ரவேல் வம்சத்தார் வஞ்சகத்தினாலும் என்னைச் சூழ்ந்துகொண்டிருக்கிறார்கள்; யூதாவோவெனில் இன்னும் தேவனோடே அரசாண்டு, பரிசுத்தவான்களோடே உண்மையாயிருக்கிறான்.	ஓசி 7:16 ஓசி 12:1 ஓசி 12:7 சங் 78:36 ஏசா 29:13 ஏசா 44:20 ஏசா 59:3 ஏசா 59:4 மீகா 6:12