1	எங்கள் மூலமாய்க் கேள்விப்பட்டதை விசுவாசித்தவன் யார்? கர்த்தருடைய புயம் யாருக்கு வெளிப்பட்டது?	யோவா 1:7 யோவா 1:12 யோவா 12:38 ரோம 10:16 ரோம 10:17
2	இளங்கிளையைப்போலவும், வறண்ட நிலத்திலிருந்து துளிர்க்கிற வேரைப்போலவும் அவனுக்கு முன்பாக எழும்புகிறார்; அவருக்கு அழகுமில்லை, செளந்தரியமுமில்லை; அவரைப் பார்க்கும்போது, நாம் அவரை விரும்பத்தக்க ரூபம் அவருக்கு இல்லாதிருந்தது.	ஏசா 11:1 எரே 23:5 எசே 17:22-24 சகரி 6:12 மாற் 6:3 லூக் 2:7 லூக் 2:39 லூக் 2:40 லூக் 2:51 லூக் 2:52 லூக் 9:58 ரோம 8:3 பிலிப் 2:6 பிலிப் 2:7
3	அவர் அசட்டைப்பண்ணப்பட்டவரும், மனுஷரால் புறக்கணிக்கப்பட்டவரும், துக்கம் நிறைந்தவரும், பாடு அநுபவித்தவருமாயிருந்தார்; அவரைவிட்டு, நம்முடைய முகங்களை மறைத்துக்கொண்டோம்; அவர் அசட்டைபண்ணப்பட்டிருந்தார்; அவரை எண்ணாமற்போனோம்.	ஏசா 49:7 ஏசா 50:6 சங் 22:6-8 சங் 69:10-12 சங் 69:19-12 சங் 69:20-12 மீகா 5:1 சகரி 11:8 சகரி 11:12 சகரி 11:13 மத் 26:67 மத் 27:39-44 மத் 27:63-44 மாற் 9:12 மாற் 15:19 லூக் 8:53 லூக் 9:22 லூக் 16:14 லூக் 23:18-25 யோவா 8:48 எபிரெ 12:2 எபிரெ 12:3
4	மெய்யாகவே அவர் நம்முடைய பாடுகளை ஏற்றுக்கொண்டு, நம்முடைய துக்கங்களைச் சுமந்தார்; நாமோ, அவர் தேவனால் அடிபட்டு வாதிக்கப்பட்டு, சிறுமைப்பட்டவரென்று எண்ணினோம்.	ஏசா 53:5 ஏசா 53:6 ஏசா 53:11 ஏசா 53:12 மத் 8:17 கலா 3:13 எபிரெ 9:28 1பேது 2:24 1பேது 3:18 1யோவா 2:2
5	நம்முடைய மீறுதல்களினிமித்தம் அவர் காயப்பட்டு, நம்முடைய அக்கிரமங்களினிமித்தம் அவர் நொறுக்கப்பட்டார்; நமக்குச் சமாதானத்தை உண்டுபண்ணும் ஆக்கினை அவர்மேல் வந்தது; அவருடைய தழும்புகளால் குணமாகிறோம்.	ஏசா 53:6-8 ஏசா 53:11-8 ஏசா 53:12-8 தானி 9:24 சகரி 13:7 மத் 20:28 ரோம 3:24-26 ரோம 4:25 ரோம 5:6-10 ரோம 5:15-21 1கொரி 15:3 2கொரி 5:21 எபே 5:2 எபிரெ 9:12-15 எபிரெ 10:10 எபிரெ 10:14 1பேது 3:18
6	நாமெல்லாரும் ஆடுகளைப்போல வழிதப்பித் திரிந்து, அவனவன் தன்தன் வழியிலே போனோம்; கர்த்தரோ நம்மெல்லாருடைய அக்கிரமத்தையும் அவர்மேல் விழப்பண்ணினார்.	சங் 119:176 மத் 18:12-14 லூக் 15:3-7 ரோம 3:10-19 1பேது 2:25
7	அவர் நெருக்கப்பட்டும் ஒடுக்கப்பட்டும் இருந்தார், ஆனாலும் தம்முடைய வாயை அவர் திறக்கவில்லை; அடிக்கப்படும்படி கொண்டுபோகப்படுகிற ஒரு ஆட்டுக்குட்டியைப்போலவும், தன்னை மயிர்க்கத்தரிக்கிறவனுக்கு முன்பாகச் சத்தமிடாதிருக்கிற ஆட்டைப்போலவும், அவர் தம்முடைய வாயைத் திறவாதிருந்தார்.	மத் 26:63 மத் 27:12-14 மாற் 14:61 மாற் 15:5 லூக் 23:9 யோவா 19:9 1பேது 2:23
8	இடுக்கணிலும் நியாயத்தீர்ப்பிலுமிருந்து அவர் எடுக்கப்பட்டார்; அவருடைய வம்சத்தை யாரால் சொல்லிமுடியும்; ஜீவனுள்ளோருடைய தேசத்திலிருந்து அறுப்புண்டுபோனார்; என் ஜனத்தின் மீறுதலினிமித்தம் அவர் வாதிக்கப்பட்டார்.	சங் 22:12-21 சங் 69:12 மத் 26:65 மத் 26:66 யோவா 19:7
9	துன்மார்க்கரோடே அவருடைய பிரேதக்குழியை நியமித்தார்கள்; ஆனாலும் அவர் மரித்தபோது ஐசுவரியவானோடே இருந்தார்; அவர் கொடுமை செய்யவில்லை; அவர் வாயில் வஞ்சனை இருந்ததுமில்லை.	மத் 27:57-60 மாற் 15:43-46 லூக் 23:50-53 யோவா 19:38-42 1கொரி 15:4
10	கர்த்தரோ அவரை நொறுக்கச்சித்தமாகி, அவரைப் பாடுகளுக்குட்படுத்தினார்; அவருடைய ஆத்துமா தன்னைக் குற்றநிவாரணபலியாக ஒப்புக்கொடுக்கும்போது, அவர் தமது சந்ததியைக் கண்டு, நீடித்த நாளாயிருப்பார், கர்த்தருக்குச் சித்தமானது அவர் கையினால் வாய்க்கும்.	ஏசா 42:1 மத் 3:17 மத் 17:5
11	அவர் தமது ஆத்தும வருத்தத்தின் பலனைக் கண்டு திருப்தியாவார்; என் தாசனாகிய நீதிபரர் தம்மைப்பற்றும் அறிவினால் அநேகரை நீதிமான்களாக்குவார்; அவர்களுடைய அக்கிரமங்களைத் தாமே சுமந்துகொள்வார்.	லூக் 22:44 யோவா 12:24 யோவா 12:27-32 யோவா 16:21 கலா 4:19 எபிரெ 12:2 வெளிப் 5:9 வெளிப் 5:10 வெளிப் 7:9-17
12	அவர் தம்முடைய ஆத்துமாவை மரணத்திலூற்றி, அக்கிரமக்காரரில் ஒருவராக எண்ணப்பட்டு, அநேகருடைய பாவத்தைத் தாமே சுமந்து, அக்கிரமக்காரருக்காக வேண்டிக்கொண்டதினிமித்தம் அநேகரை அவருக்குப் பங்காகக் கொடுப்பேன்; பலவான்களை அவர் தமக்குக் கொள்ளையாகப் பங்கிட்டுக்கொள்வார்.	ஏசா 49:24 ஏசா 49:25 ஏசா 52:15 ஆதி 3:15 சங் 2:8 தானி 2:45 மத் 12:28 மத் 12:29 அப் 26:18 பிலிப் 2:8-11 கொலோ 1:13 கொலோ 1:14 கொலோ 2:15 எபிரெ 2:14 எபிரெ 2:15