1	பென்யமீன் தேசத்திலுள்ள ஆனதோத் ஊரிலிருந்த ஆசாரியர்களில் ஒருவனாகிய இல்க்கியாவின் குமாரன் எரேமியாவினுடைய வசனங்கள்:	2நாளா 36:21 ஏசா 1:1 ஏசா 2:1 ஆமோ 1:1 ஆமோ 7:10
2	ஆமோனுடைய குமாரனாகிய யோசியா என்கிற யூதாவுடைய ராஜாவின் நாட்களில், அவன் அரசாண்ட பதின்மூன்றாம் வருஷத்தில் இவனுக்குக் கர்த்தருடைய வார்த்தை உண்டாயிற்று.	எரே 1:4 எரே 1:11 1இரா 13:20 ஓசி 1:1 யோனா 1:1 மீகா 1:1
3	அப்புறம் யோசியாவின் குமாரனாகிய யோயாக்கீம் என்கிற யூதாவுடைய ராஜாவின் நாட்களிலும், யோசியாவின் குமாரனாகிய சிதேக்கியா என்கிற யூதாவுடைய ராஜாவின் பதினோராம் வருஷத்து முடிவுமட்டாகவும், எருசலேம் ஊரார் ஐந்தாம் மாதத்தில் சிறைப்பட்டுப்போகும்வரைக்கும் கர்த்தருடைய வார்த்தை அவனுக்கு உண்டாயிற்று.	எரே 25:1-3 எரே 26:1-24 எரே 35:1-36 2இரா 24:1-9 2நாளா 36:5-8
4	கர்த்தருடைய வார்த்தை எனக்கு உண்டாகி, அவர்:	எரே 1:2 எசே 1:3 எசே 3:16
5	நான் உன்னைத் தாயின் வயிற்றில் உருவாக்குமுன்னே உன்னை அறிந்தேன்; நீ கர்ப்பத்திலிருந்து வெளிப்படுமுன்னே நான் உன்னைப் பரிசுத்தம்பண்ணி, உன்னை ஜாதிகளுக்குத் தீர்க்கதரிசியாகக் கட்டளையிட்டேன் என்று சொன்னார்.	சங் 71:5 சங் 71:6 ஏசா 49:1 ஏசா 49:5 லூக் 1:76 கலா 1:15 கலா 1:16
6	அப்பொழுது நான்: ஆ கர்த்தராகிய ஆண்டவரே, இதோ, நான் பேச அறியேன்; சிறுபிள்ளையாயிருக்கிறேன் என்றேன்.	எரே 4:10 எரே 14:13 எரே 32:17
7	ஆனாலும் கர்த்தர்: நான் சிறுபிள்ளையென்று நீ சொல்லாதே, நான் உன்னை அனுப்புகிற எல்லாரிடத்திலும் நீ போய், நான் உனக்குக் கட்டளையிடுகிறவைகளையெல்லாம் நீ பேசுவாயாக.	எரே 1:17 எரே 1:18 யாத் 7:1 யாத் 7:2 எண் 22:20 எண் 22:38 1இரா 22:14 2நாளா 18:13 எசே 2:3-5 எசே 3:17-21 எசே 3:27-21 மத் 28:20 மாற் 16:15 மாற் 16:16 அப் 20:27
8	நீ அவர்களுக்குப் பயப்படவேண்டாம்; உன்னைக் காக்கும்படிக்கு நான் உன்னுடனே இருக்கிறேன் என்று கர்த்தர் சொல்லி,	எரே 1:17 ஏசா 51:7 ஏசா 51:12 எசே 2:6 எசே 2:7 எசே 3:8 எசே 3:9 மத் 10:26 லூக் 12:4 லூக் 12:5 அப் 4:13 அப் 4:29 எபே 6:20
9	கர்த்தர் தமது கரத்தை நீட்டி, என் வாயைத் தொட்டு: இதோ, என் வார்த்தைகளை உன் வாயிலே வைக்கிறேன்.	யாத் 4:11 யாத் 4:12 ஏசா 6:6 ஏசா 6:7 ஏசா 49:2 ஏசா 50:4 லூக் 21:15
10	பார், பிடுங்கவும், இடிக்கவும், அழிக்கவும், கவிழ்க்கவும், கட்டவும், நாட்டவும் உன்னை நான் இன்றையதினம் ஜாதிகளின்மேலும் ராஜ்யங்களின்மேலும் ஏற்படுத்தினேன் என்று கர்த்தர் என்னுடனே சொன்னார்.	எரே 25:15-27 எரே 27:2-7 எரே 46:1-51 1இரா 17:1 வெளிப் 11:3-6
11	பின்னும் கர்த்தருடைய வார்த்தை எனக்கு உண்டாகி அவர்: எரேமியாவே, நீ என்னத்தைக் காண்கிறாய் என்று கேட்டார்; வாதுமை மரத்தின் கிளையைக் காண்கிறேன் என்றேன்.	ஆமோ 7:8 ஆமோ 8:2 சகரி 4:2 சகரி 5:2
12	அப்பொழுது கர்த்தர்: நீ கண்டது சரியே; என் வார்த்தையைத் தீவிரமாய் நிறைவேற்றுவேன் என்றார்.	உபா 5:28 உபா 18:17 லூக் 10:28 லூக் 20:39
13	கர்த்தருடைய வார்த்தை இரண்டாந்தரம் எனக்கு உண்டாகி, அவர்: நீ காண்கிறது என்ன என்று கேட்டார்; பொங்குகிற பானையைக் காண்கிறேன், அதின் வாய் வடக்கேயிருந்து நோக்குகிறது என்றேன்.	ஆதி 41:32 2கொரி 13:1 2கொரி 13:2
14	அப்பொழுது கர்த்தர் என்னை நோக்கி: வடக்கேயிருந்து தீங்கு தேசத்தினுடைய குடிகள் எல்லார்மேலும் வரும்.	எரே 4:6 எரே 6:1 எரே 6:22 எரே 10:22 எரே 31:8 எரே 46:20 எரே 50:9 எரே 50:41 ஏசா 41:25 எசே 1:4
15	இதோ, நான் வடதிசை ராஜ்யங்களின் வம்சங்களையெல்லாம் கூப்பிடுவேன் என்று கர்த்தர் சொல்லுகிறார்; அவர்கள் வந்து அவனவன் தன்தன் சிங்காசனத்தை எருசலேமின் ஒலிமுகவாசல்களுக்கும், அதின் சுற்றுமதில்கள் எல்லாவற்றிற்கும் விரோதமாகவும், யூதா தேசத்து எல்லாப் பட்டணங்களுக்கும் விரோதமாகவும் வைப்பார்கள்.	எரே 5:15 எரே 6:22 எரே 10:22 எரே 10:25 எரே 25:9 எரே 25:28 எரே 25:31 எரே 25:32
16	அவர்கள் என்னைவிட்டு அந்நிய தேவர்களுக்குத் தூபங்காட்டி, தங்கள் கைகளின் கிரியையைப் பணிந்துகொண்ட அவர்களுடைய சகல தீமைகளினிமித்தமும் நான் என் நியாயத்தீர்ப்புகளை அவர்களுக்கு விரோதமாகக் கூறுவேன்.	எரே 4:12 எரே 4:28 எரே 5:9 எரே 5:29 எசே 24:14 யோவே 2:11 மத் 23:35 மத் 23:36
17	ஆகையால் நீ உன் அரையைக் கட்டிக்கொண்டு நின்று, நான் உனக்குக் கட்டளையிடுகிறவைகளையெல்லாம் அவர்களுக்குச் சொல்; நான் உன்னை அவர்களுக்கு முன்பாகக் கலங்கப்பண்ணாதபடிக்கு, நீ அவர்கள் முகத்துக்கு அஞ்சாதிரு.	1இரா 18:46 2இரா 4:29 2இரா 9:1 யோபு 38:3 லூக் 12:35 1பேது 1:13
18	இதோ, தேசமனைத்துக்கும், யூதாவின் ராஜாக்களுக்கும், அதின் பிரபுக்களுக்கும், அதின் ஆசாரியர்களுக்கும், தேசத்தின் ஜனங்களுக்கும் எதிராக நான் உன்னை இன்றையதினம் அரணிப்பான பட்டணமும், இருப்புத்தூணும், வெண்கல அலங்கமும் ஆக்கினேன்.	எரே 6:27 எரே 15:20 ஏசா 50:7 எசே 3:8 எசே 3:9 மீகா 3:8 மீகா 3:9 யோவா 1:42
19	அவர்கள் உனக்கு விரோதமாக யுத்தம்பண்ணுவார்கள்; ஆனாலும் உன்னை மேற்கொள்ளமாட்டார்கள்; உன்னை இரட்சிக்கும்படிக்கு நான் உன்னுடனே இருக்கிறேன் என்று கர்த்தர் சொல்லுகிறார்.	எரே 11:19 எரே 15:10-21 எரே 20:1-6 எரே 26:11-24 எரே 29:25-32 எரே 37:11-21 எரே 38:6-13 சங் 129:2