1	கர்த்தருடைய வார்த்தை எனக்கு உண்டாகி, அவர்:	எரே 1:11 எரே 7:1 எரே 23:28 எசே 7:1 எபிரெ 1:1 2பேது 1:21
2	நீ போய், எருசலேமின் செவிகள் கேட்கும்படிக் கூப்பிட்டுச் சொல்லவேண்டியது என்னவென்றால்: விதைக்கப்படாத தேசமாகிய வனாந்தரத்திலே நீ என்னைப் பின்பற்றிவந்த உன் இளவயதின் பக்தியையும், நீ வாழ்க்கைப்பட்டபோது உனக்கிருந்த நேசத்தையும் நினைத்திருக்கிறேன் என்று கர்த்தர் சொல்லுகிறார்.	எரே 7:2 எரே 11:6 எரே 19:2 நீதி 1:20 நீதி 8:1-4 ஏசா 58:1 ஓசி 8:1 யோனா 1:2 மத் 11:15 லூக் 12:13
3	இஸ்ரவேல் கர்த்தருக்குப் பரிசுத்தமும், அவருடைய விளைவின் முதற்பலனுமாயிருந்தது; அதைப் பட்சித்த யாவரும் குற்றவாளிகளானார்கள்; பொல்லாப்பு அவர்கள்மேல் வந்ததென்று கர்த்தர் சொல்லுகிறார்.	யாத் 19:5 யாத் 19:6 உபா 7:6 உபா 14:2 உபா 26:19 சகரி 14:20 சகரி 14:21 எபே 1:4 1பேது 2:9
4	யாக்கோபின் குடும்பத்தாரே, இஸ்ரவேல் குடும்பத்தின் வம்சங்களே, நீங்கள் எல்லாரும் கர்த்தருடைய வார்த்தையைக் கேளுங்கள்.	எரே 5:21 எரே 7:2 எரே 13:15 எரே 19:3 எரே 34:4 எரே 44:24-26 ஏசா 51:1-4 ஓசி 4:1 மீகா 6:1
5	கர்த்தர் சொல்லுகிறது என்னவென்றால்: எங்களை எகிப்துதேசத்திலிருந்து வரப்பண்ணினவரும், அவாந்தரவெளியும், பள்ளங்களுமுள்ள தேசமும், வறட்சியும், மரண இருளுமுள்ள தேசமும், ஒருவனும் கடவாமலும் ஒரு மனுஷனும் குடியிராமலும் இருக்கிற தேசமுமான வனாந்தரத்தில் எங்களை நடத்தினவருமாகிய கர்த்தர் எங்கேயென்று உங்கள் பிதாக்கள் கேளாமல்,	எரே 2:31 ஏசா 5:3 ஏசா 5:4 ஏசா 43:22 ஏசா 43:23 மீகா 6:2 மீகா 6:3
6	என்னைவிட்டுத் தூரப்பட்டு, மாயையைப் பின்பற்றி, வீணராய்ப் போகிறதற்கு என்னிடத்தில் என்ன அநியாயத்தைக் கண்டார்கள்?	எரே 2:8 எரே 5:2 நியா 6:13 2இரா 2:14 யோபு 35:10 சங் 77:5 ஏசா 64:7
7	செழிப்பான தேசத்தின் கனியையும் நன்மையையும் சாப்பிடும்படிக்கு நான் உங்களை அவ்விடத்துக்கு அழைத்துக்கொண்டுவந்தேன்; ஆனாலும் நீங்கள் அதற்குள் பிரவேசித்தபோது, என் தேசத்தைத் தீட்டுப்படுத்தி, என் சுதந்தரத்தை அருவருப்பாக்கினீர்கள்.	எண் 13:27 எண் 14:7 எண் 14:8 உபா 6:10 உபா 6:11 உபா 6:18 உபா 8:7-9 உபா 11:11 உபா 11:12 நெகே 9:25 எசே 20:6
8	கர்த்தர் எங்கேயென்று ஆசாரியர்கள் சொல்லாமலும், வேதத்தைப் போதிக்கிறவர்கள் என்னை அறியாமலுமிருந்து, மேய்ப்பர்கள் எனக்குத் துரோகம்பண்ணினார்கள்; தீர்க்கதரிசிகள் பாகாலைக்கொண்டு தீர்க்கதரிசனஞ்சொல்லி, வீணானவைகளைப் பின்பற்றினார்கள்.	எரே 2:6 எரே 5:31 எரே 8:10 எரே 8:11 எரே 23:9-15 1சாமு 2:12 ஏசா 28:7 ஏசா 29:10 ஏசா 56:9-12 ஓசி 4:6
9	ஆதலால் இன்னும் நான் உங்களோடே வழக்காடுவேன், உங்கள் பிள்ளைகளின் பிள்ளைகளோடும் வழக்காடுவேன் என்று கர்த்தர் சொல்லுகிறார்.	எரே 2:29 எரே 2:35 ஏசா 3:13 ஏசா 43:26 எசே 20:35 எசே 20:36 ஓசி 2:2 மீகா 6:2
10	நீங்கள் கித்தீமின் தீவுகள்மட்டும் கடந்துபோய்ப் பார்த்து, கேதாருக்கு ஆள் அனுப்பி நன்றாய் விசாரித்து, இப்படிப்பட்ட காரியம் உண்டோ என்றும்,	ஆதி 10:4 ஆதி 10:5 எண் 24:24 1நாளா 1:7 1நாளா 23:1 1நாளா 23:12 சங் 120:5 எசே 27:6 தானி 11:30
11	எந்த ஜாதியாவது தேவர்களல்லாத தங்கள் தேவர்களை மாற்றினது உண்டோ என்றும் பாருங்கள்; என் ஜனங்களோ வீணானவைகளுக்காகத் தங்கள் மகிமையை மாற்றினார்கள்.	எரே 2:5 மீகா 4:5 1பேது 1:18
12	வானங்களே, இதினிமித்தம் பிரமித்துக் கொந்தளித்து, மிகவும் திடுக்கிடுங்கள் என்று கர்த்தர் சொல்லுகிறார்.	எரே 6:19 எரே 22:29 உபா 32:1 ஏசா 1:2 மீகா 6:2 மத் 27:45 மத் 27:50-53
13	என் ஜனங்கள் இரண்டு தீமைகளைச் செய்தார்கள்; ஜீவத்தண்ணீர் ஊற்றாகிய என்னை விட்டுவிட்டார்கள்; தண்ணீர் நிற்காத தொட்டிகளாகிய வெடிப்புள்ள தொட்டிகளைத் தங்களுக்கு வெட்டிக்கொண்டார்கள்.	எரே 2:31 எரே 2:32 எரே 4:22 எரே 5:26 எரே 5:31 சங் 81:11-13 ஏசா 1:3 ஏசா 5:13 ஏசா 63:8 மீகா 2:8 மீகா 6:3
14	இஸ்ரவேல் ஒரு வேலைக்காரனோ? அவன் வீட்டில் பிறந்த அடிமையோ? ஏன் கொள்ளையானான்?	யாத் 4:22 ஏசா 50:1
15	பாலசிங்கங்கள் அவன்மேல் கெர்ச்சித்து, முழங்கி, அவன் தேசத்தைப் பாழாக்கிவிட்டன; அவன் பட்டணங்கள் குடியிராமல் சுட்டெரிக்கப்பட்டன.	எரே 5:6 எரே 25:30 எரே 50:17 நியா 14:5 யோபு 4:10 சங் 57:4 ஏசா 5:29 ஓசி 5:14 ஓசி 11:10 ஓசி 13:7 ஓசி 13:8 ஆமோ 3:4 ஆமோ 3:8 ஆமோ 3:12 நாகூ 2:11
16	நோப், தகபானேஸ் என்னும் பட்டணங்களின் புத்திரரும், உன் உச்சந்தலையை நொறுக்கினார்கள்.	2இரா 18:21 2இரா 23:33 ஏசா 30:1-6 ஏசா 31:1-3
17	உன் தேவனாகிய கர்த்தர் உன்னை வழியிலே நடத்திக்கொண்டுபோகுங்காலத்தில், நீ அவரை விட்டுப்போகிறதினால் அல்லவோ இதை உனக்கு நேரிடப்பண்ணினாய்?	எரே 2:19 எரே 4:18 லேவி 26:15-46 எண் 32:23 உபா 28:15-68 யோபு 4:8 ஏசா 1:4 ஓசி 13:9
18	இப்போதும் சீகோரின் தண்ணீரைக் குடிப்பதற்கு எகிப்துக்குப் போகிறதினால் உனக்குப் பிரயோஜனம் என்ன? ஐப்பிராத்து நதியின் தண்ணீரைக் குடிப்பதற்கு அசீரியாவுக்குப் போகிறதினால் உனக்குப் பிரயோஜனம் என்ன?	எரே 2:36 எரே 37:5-10 ஏசா 30:1-7 ஏசா 31:1 புலம் 4:17 எசே 17:15 ஓசி 7:11
19	உன் தீமை உன்னைத் தண்டிக்கும், உன் மாறுபாடுகள் உன்னைக் கண்டிக்கும்; நீ உன் தேவனாகிய கர்த்தரை விடுகிறதும், என்னைப்பற்றும் பயம் உன்னிடத்தில் இல்லாமலிருக்கிறதும், எத்தனை பொல்லாப்பும் கசப்புமான காரியம் என்று உணர்ந்துகொள் என்று சேனைகளின் கர்த்தராகிய ஆண்டவர் சொல்லுகிறார்.	எரே 2:17 நீதி 1:31 நீதி 5:22 ஏசா 3:9 ஏசா 5:5 ஏசா 50:1 ஓசி 5:5
20	பூர்வகாலந்துவக்கி நான் உன் நுகத்தடியை முறித்து, உன் கட்டுகளை அறுத்தேன்; நான் அடிமைப்படுவதில்லையென்று நீயும் சொன்னாயே; ஆகிலும், உயரமான சகல மேட்டின்மேலும், பச்சையான சகல மரத்தின்கீழும் நீ வேசியாய்த் திரிகிறாய்.	எரே 30:8 யாத் 3:8 லேவி 26:13 உபா 4:20 உபா 4:34 உபா 15:15 ஏசா 9:4 ஏசா 10:27 ஏசா 14:25 நாகூ 1:13
21	நான் உன்னை முற்றிலும் நற்கனிதரும் உயர்குலத் திராட்சச்செடியாக நாட்டினேன்; நீ எனக்குக் காட்டுத்திராட்சச்செடியின் ஆகாத கொடிகளாய் மாறிப்போனது என்ன?	யாத் 15:17 சங் 44:2 சங் 80:8 ஏசா 5:1 ஏசா 5:2 ஏசா 60:21 ஏசா 61:3 மத் 21:33 மாற் 12:1 லூக் 20:9 யோவா 15:1
22	நீ உன்னை உவர்மண்ணினாலே கழுவி, அதிக சவுக்காரத்தைக் கையாடினாலும், உன் அக்கிரமத்தின் கறைகள் எனக்கு முன்பாக இருக்குமென்று கர்த்தராகிய ஆண்டவர் சொல்லுகிறார்.	யோபு 9:30 யோபு 9:31
23	நான் தீட்டுப்படவில்லை; நான் பாகால்களைப் பின்பற்றவில்லை என்று நீ எப்படிச் சொல்லுகிறாய்? பள்ளத்தாக்கிலே நீ நடக்கிற மார்க்கத்தைப் பார்; நீ செய்ததை உணர்ந்துகொள்; தாறுமாறாய் ஓடுகிற வேகமான பெண்ணொட்டகம் நீ.	எரே 2:34 எரே 2:35 ஆதி 3:12 ஆதி 3:13 1சாமு 15:13 1சாமு 15:14 சங் 36:2 நீதி 28:13 நீதி 30:12 நீதி 30:20 லூக் 10:29 ரோம 3:19 1யோவா 1:8-10 வெளிப் 3:17 வெளிப் 3:18
24	வனாந்தரத்திலே பழகினதும், தன் இச்சையின் மதவெறியிலே காற்றை உட்கொள்ளுகிறதுமான காட்டுக்கழுதை நீ; அதின் ஆவலை நிறுத்தி, அதைத் திருப்புகிறவன் யார்? அதைத் தேடுகிறவர்கள் ஒருவரும் வருத்தப்படவேண்டியதில்லை; அதின் மாசத்தில் அதைக் கண்டுபிடிப்பார்கள்.	எரே 14:6 யோபு 11:12 யோபு 39:5-8
25	உன் கால் வெறுங்காலாகாதபடிக்கும், உன் தொண்டை வறட்சியடையாதபடிக்கும் அடக்கிக்கொள் என்றால், நீ: அது கூடாதகாரியம்; நான் அப்படிச் செய்யமாட்டேன்; அந்நியரை நேசிக்கிறேன்; அவர்கள் பிறகே போவேன் என்கிறாய்.	எரே 13:22 உபா 28:48 ஏசா 20:2-4 புலம் 4:4 ஓசி 2:3 லூக் 15:22 லூக் 16:24
26	திருடன் அகப்படுகிறபோது, எப்படி வெட்கப்படுகிறானோ, அப்படியே இஸ்ரவேல் வம்சத்தார் வெட்கப்படுவார்கள்; கட்டையைப் பார்த்து, நீ என் தகப்பன் என்றும்; கல்லைப்பார்த்து, நீ என்னைப் பெற்றாய் என்றும் சொல்லுகிற அவர்களும், அவர்கள் ராஜாக்களும், அவர்கள் பிரபுக்களும், அவர்கள் ஆசாரியர்களும், அவர்கள் தீர்க்தரிசிகளும் வெட்கப்படுவார்கள்.	எரே 2:36 எரே 3:24 எரே 3:25 நீதி 6:30 நீதி 6:31 ஏசா 1:29 ரோம 6:21
27	அவர்கள் தங்கள் முகத்தையல்ல, தங்கள் முதுகை எனக்குக் காட்டினார்கள்; தங்கள் ஆபத்துக்காலத்திலோ எழுந்து எங்களை இரட்சியும் என்கிறார்கள்.	எரே 10:8 சங் 115:4-8 ஏசா 44:9-20 ஏசா 46:6-8 ஆபகூ 2:18 ஆபகூ 2:19
28	நீ உனக்கு உண்டுபண்ணின தேவர்கள் எங்கே? உன் ஆபத்துக்காலத்தில் உன்னை இரட்சிக்கக்கூடுமானால் அவைகள் எழும்பட்டும்; யூதாவே, உன் பட்டணங்களின் இலக்கமும், உன் தேவர்களின் இலக்கமும் சரி.	உபா 32:37 நியா 10:14 2இரா 3:13 ஏசா 45:20 ஏசா 46:2 ஏசா 46:7
29	என்னோடே நீங்கள் வழக்காடுவானேன்? நீங்கள் அனைவரும் எனக்கு விரோதமாய்த் துரோகம் பண்ணினீர்கள் என்று கர்த்தர் சொல்லுகிறார்.	எரே 2:23 எரே 2:35 எரே 3:2
30	நான் உங்கள் பிள்ளைகளை அடித்தது விருதா; சிட்சையை ஏற்றுக்கொள்ளாமற்போனார்கள்; அழிக்கிற சிங்கத்தைப்போல உங்கள் பட்டயம் உங்கள் தீர்க்கதரிசிகளைப் பட்சித்தது.	எரே 5:3 எரே 6:29 எரே 6:30 எரே 7:28 எரே 31:18 2நாளா 28:22 ஏசா 1:5 ஏசா 9:13 எசே 24:13 செப் 3:2 வெளிப் 9:20 வெளிப் 9:21 வெளிப் 16:9
31	சந்ததியாரே, நீங்கள் கர்த்தருடைய வார்த்தையைச் சிந்தித்துப்பாருங்கள்: நான் இஸ்ரவேலுக்கு வனாந்தரமும், காரிருளான பூமியுமாக இருந்தேனோ? பின்னை ஏன் என் ஜனங்கள்; நாங்களே எஜமான்கள், இனி உம்மிடத்தில் நாங்கள் வருவதில்லையென்று சொல்லுகிறார்கள்.	ஆமோ 1:1 மீகா 6:9
32	ஒரு பெண் தன் ஆபரணத்தையும், ஒரு மணவாட்டி தன் ஆடைகளையும் மறப்பாளோ? என் ஜனங்களோ எண்ணிமுடியாத நாட்களாய் என்னை மறந்துவிட்டார்கள்.	எரே 2:11 ஆதி 24:22 ஆதி 24:30 ஆதி 24:53 2சாமு 1:24 சங் 45:13 சங் 45:14 ஏசா 61:10 எசே 16:10-13 1பேது 3:3-5 வெளிப் 21:2
33	நேசத்தைத் தேடும்படிக்கு நீ உன் வழிகளை நயப்படுத்துகிறதென்ன? இவ்விதமாய் நீ பொல்லாத ஸ்திரீகளுக்கும் உன் வழிகளைக் கற்றுக்கொடுத்தாய்.	எரே 2:23 எரே 2:36 எரே 3:1 எரே 3:2 ஏசா 57:7-10 ஓசி 2:5-7 ஓசி 2:13-7
34	உன் வஸ்திர ஓரங்களிலும் குற்றமில்லாத ஏழை ஆத்துமாக்களின் இரத்தம் காணப்படுகிறது; அதைத் தோண்டித் தேடுகிறதினால் அல்ல, அது எல்லாவற்றின்மேலும் வெளியாயிருக்கிறதினால் அதைக் கண்டுபிடித்தேன்.	எரே 7:31 எரே 19:4 2இரா 21:16 2இரா 24:4 சங் 106:37 சங் 106:38 ஏசா 57:5 ஏசா 59:7 எசே 16:20 எசே 16:21 எசே 20:31
35	ஆகிலும்: குற்றமில்லாதிருக்கிறேன் என்றும், அவருடைய கோபம் என்னைவிட்டுத் திரும்பிற்று என்றும் சொல்லுகிறாய்; இதோ, நான் பாவஞ்செய்யவில்லையென்று நீ சொல்லுகிறதினிமித்தம் நான் உன்னோடே வழக்காடுவேன்.	எரே 2:23 எரே 2:29 யோபு 33:9 நீதி 28:13 ஏசா 58:3 ரோம 7:9
36	நீ உன் வழியை மாற்றிமாற்றி இவ்வளவாய் விலகிப்போகிறது என்ன? நீ அசீரியாவினால் வெட்கிப்போனதுபோல எகிப்தினாலும் வெட்கிப்போவாய்.	எரே 2:18 எரே 2:23 எரே 2:33 எரே 31:22 ஓசி 5:13 ஓசி 7:11 ஓசி 12:1
37	நீ உன் கைகளை உன் தலையின்மேல் வைத்துக்கொண்டு இவ்விடத்திலிருந்து புறப்பட்டுப்போவாய்; ஏனெனில், உன் நம்பிக்கைகளைக் கர்த்தர் வெறுத்திருக்கிறார்; அவைகளால் உனக்குக் காரியம் வாய்க்காது.	2சாமு 13:19