1	அந்நாளில் ஏழு ஸ்திரீகள் ஒரே புருஷனைப் பிடித்து: நாங்கள் எங்கள் சொந்த ஆகாரத்தைப் புசித்து, எங்கள் சொந்த வஸ்திரத்தை உடுப்போம்; எங்கள் நிந்தை நீங்கும்படிக்கு உன் பேர்மாத்திரம் எங்கள்மேல் விளங்கட்டும் என்பார்கள்.	ஏசா 2:11 ஏசா 2:17 ஏசா 10:20 ஏசா 17:7 லூக் 21:22
2	இஸ்ரவேலில் தப்பினவர்களுக்கு அந்நாளிலே கர்த்தரின் கிளை அலங்காரமும் மகிமையுமாயிருக்கும்; பூமியின் கனி அவர்களுக்குச் சிறப்பும் அலங்காரமுமாயிருக்கும்.	ஏசா 11:1 ஏசா 60:21 எரே 23:5 எரே 33:15 எசே 17:22 எசே 17:23 சகரி 3:8 சகரி 6:12
3	அப்பொழுது ஆண்டவர், சீயோன் குமாரத்திகளின் அழுக்கைக் கழுவி, நியாயத்தின் ஆவியினாலும், சுட்டெரிப்பின் ஆவியினாலும், எருசலேமின் இரத்தப்பழிகளை அதின் நடுவிலிருந்து நீக்கிவிடும்போது,	ஏசா 1:27 ஏசா 52:1 ஏசா 60:21 எசே 36:24-28 எசே 43:12 சகரி 14:20 சகரி 14:21 எபே 1:4 கொலோ 3:12 எபிரெ 12:14 1பேது 2:9
4	சீயோனில் மீதியாயிருந்து, எருசலேமில் தரித்திருந்து ஜீவனுக்கென்று பேரெழுதப்பட்டவனெவனும் பரிசுத்தனென்று சொல்லப்படுவான்.	ஏசா 3:16-26 புலம் 1:9 எசே 16:6-9 எசே 22:15 எசே 36:25 எசே 36:29 யோவே 3:21 செப் 3:1 சகரி 3:3 சகரி 3:4 சகரி 13:1 சகரி 13:9 மல்கி 3:2 மல்கி 3:3
5	அப்பொழுது கர்த்தர் சீயோன் மலையிலுள்ள எல்லா வாசஸ்தலங்களிலும், அதின் சபைகளின்மேலும், பகலில் மேகத்தையும் புகையையும், இரவில் கொழுந்துவிட்டு எரியும் அக்கினிப்பிரகாசத்தையும் உண்டாக்குவார்; மகிமையானவைகளின் மேலெல்லாம் காவல் உண்டாயிருக்கும்.	ஏசா 32:18 ஏசா 33:20 சங் 87:2 சங் 87:3 சங் 89:7 சங் 111:1 மத் 18:20 மத் 28:20
6	பகலிலே வெயிலுக்கு நிழலாகவும், பெருங்காற்றுக்கும் மழைக்கும் அடைக்கலமாகவும், மறைவிடமாகவும், ஒரு கூடாரம் உண்டாயிருக்கும்.	ஏசா 8:14 ஏசா 25:4 சங் 27:5 சங் 91:1 சங் 121:5 சங் 121:6 நீதி 18:10 எசே 11:16 எபிரெ 6:18 வெளிப் 7:16