1	இப்பொழுது நான் என் நேசரிடத்தில் அவருடைய திராட்சத்தோட்டத்தைக் குறித்து என் நேசருக்கேற்ற ஒரு பாட்டைப் பாடுவேன்; என் நேசருக்கு மகா செழிப்பான மேட்டிலே ஒரு திராட்சத்தோட்டம் உண்டு.	உபா 31:19-22 நியா 5:1-31 சங் 45:1 சங் 101:1
2	அவர் அதை வேலியடைத்து, அதிலுள்ள கற்களைப் பொறுக்கி, அதிலே நற்குல திராட்சச்செடிகளை நட்டு, அதின் நடுவில் ஒரு கோபுரத்தைக்கட்டி, அதில் ஆலையையும் உண்டுபண்ணி, அது நல்ல திராட்சப்பழங்களைத் தருமென்று காத்திருந்தார்; அதுவோ கசப்பான பழங்களைத் தந்தது.	யாத் 33:16 எண் 23:9 உபா 32:8 உபா 32:9 சங் 44:1-3 ரோம 9:4
3	எருசலேமின் குடிகளே, யூதாவின் மனுஷரே, எனக்கும் என் திராட்சத்தோட்டத்துக்கும் நியாயந்தீருங்கள்.	சங் 50:4-6 சங் 51:4 எரே 2:4 எரே 2:5 மீகா 6:2 மீகா 6:3 மத் 21:40 மத் 21:41 மாற் 12:9-12 லூக் 20:15 லூக் 20:16 ரோம 2:5 ரோம 3:4
4	நான் என் திராட்சத்தோட்டத்திற்காகச் செய்யாத எந்த வேலையை அதற்கு இனிச் செய்யலாம்? அது நல்ல திராட்சப்பழங்களைத் தருமென்று நான் காத்திருக்க, அது கசப்பான பழங்களைத் தந்ததென்ன?	ஏசா 1:5 2நாளா 36:14-16 எரே 2:30 எரே 2:31 எரே 6:29 எரே 6:30 எசே 24:13 மத் 23:37 அப் 7:51-60
5	இப்போதும் நான் என் திராட்சத்தோட்டத்துக்குச் செய்வதை உங்களுக்கு அறிவிப்பேன்; அதின் வேலியை எடுத்துப்போடுவேன், அது மேய்ந்துபோடப்படும்; அதின் அடைப்பைத் தகர்ப்பேன், அது மிதியுண்டுபோகும்.	ஆதி 11:4 ஆதி 11:7
6	அதைப் பாழாக்கிவிடுவேன்; அதின் கிளை நறுக்கப்படாமலும், களை கொத்தி எடுக்கப்படாமலும் போவதினால், முட்செடியும் நெரிஞ்சிலும் முளைக்கும்; அதின்மேல் மழை பெய்யாதபடிக்கு மேகங்களுக்கும் கட்டளையிடுவேன் என்கிறார்.	ஏசா 5:9 ஏசா 5:10 ஏசா 6:11 ஏசா 6:12 ஏசா 24:1-3 ஏசா 24:12-3 ஏசா 32:13 ஏசா 32:14 லேவி 26:33-35 உபா 29:23 2நாளா 36:19-21 எரே 25:11 எரே 45:4 லூக் 21:24
7	சேனைகளின் கர்த்தருடைய திராட்சத்தோட்டம் இஸ்ரவேலின் வம்சமே; அவருடைய மனமகிழ்ச்சியின் நாற்று யூதாவின் மனுஷரே; அவர் நியாயத்துக்குக் காத்திருந்தார், இதோ, கொடுமை; நீதிக்குக் காத்திருந்தார், இதோ, முறைப்பாடு.	சங் 80:8-11 சங் 80:15-11 எரே 12:10
8	தாங்கள்மாத்திரம் தேசத்தின் நடுவில் வாசமாயிருக்கும்படி மற்றவர்களுக்கு இடமில்லாமற்போகுமட்டும், வீட்டோடே வீட்டைச் சேர்த்து, வயலோடே வயலைக் கூட்டுகிறவர்களுக்கு ஐயோ!	எரே 22:13-17 மீகா 2:2 ஆபகூ 2:9-12 மத் 23:14 லூக் 12:16-24
9	சேனைகளின் கர்த்தர் என் செவி கேட்கச் சொன்னது: மெய்யாகவே அந்தத் திரளான வீடுகள் பாழாகும்; பெரியவைகளும் நேர்த்தியானவைகளுமாகிய வீடுகள் குடியில்லாதிருக்கும்.	ஏசா 22:14 ஆமோ 3:7
10	பத்தேர் நிலமாகிய திராட்சத்தோட்டம் ஒரேபடி ரசம் தரும்; ஒரு கல விதை ஒரு குறுணி விளையும்.	லேவி 27:16 எசே 45:10 எசே 45:11 யோவே 1:17 ஆகா 1:9-11
11	சாராயத்தை நாடி அதிகாலமே எழுந்து, மதுபானம் தங்களைச் சூடாக்கும்படி தரித்திருந்து, இருட்டிப்போகுமளவும் குடித்துக்கொண்டேயிருக்கிறவர்களுக்கு ஐயோ!	ஏசா 5:22 ஏசா 28:1 நீதி 23:29 நீதி 23:30 பிரச 10:16 பிரச 10:17 ஓசி 7:5 ஓசி 7:6 ஆபகூ 2:15 லூக் 21:34 ரோம 13:13 1கொரி 6:10 கலா 5:21 1தெச 5:6 1தெச 5:7
12	அவர்கள் சுரமண்டலத்தையும், தம்புருவையும், மேளத்தையும், நாகசுரத்தையும், மதுபானத்தையும் வைத்து விருந்துகொண்டாடுகிறார்கள்; ஆனாலும் கர்த்தரின் கிரியையை நோக்குகிறதுமில்லை; அவர் கரத்தின் செய்கையைச் சிந்திக்கிறதுமில்லை.	ஏசா 22:13 ஆதி 31:27 யோபு 21:11-14 தானி 5:1-4 தானி 5:23-4 ஆமோ 6:4-6 லூக் 16:19 யூதா 1:12
13	என் ஜனங்கள் அறிவில்லாமையினால் சிறைப்பட்டுப்போகிறார்கள்; அவர்களில் கனமுள்ளவர்கள் பட்டினியினால் தொய்ந்துபோகிறார்கள்; அவர்களுடைய திரளான கூட்டத்தார் தாகத்தால் நாவறண்டு போகிறார்கள்.	ஏசா 1:7 ஏசா 42:22-25 2இரா 17:6 2நாளா 28:5-8
14	அதினிமித்தம் பாதாளம் தன்னை விரிவாக்கி, தன் வாயை ஆவென்று மட்டில்லாமல் திறந்தது; அவர்கள் மகிமையும், அவர்கள் திரள் கூட்டமும், அவர்கள் ஆடம்பரமும், அவர்களில் களிகூருகிறவர்களும் அதற்குள் இறங்கிப்போவார்கள்.	ஏசா 14:9 ஏசா 30:33 சங் 49:14 நீதி 27:20 எசே 32:18-30 ஆபகூ 2:5 மத் 7:13 வெளிப் 20:13-15
15	சிறியவன் தாழ்த்தப்படுவான், பெரியவனும் தாழ்ச்சியடைவான்; மேட்டிமையானவர்களின் கண்கள் தாழ்ந்துபோகும்.	ஏசா 2:9 ஏசா 2:11 ஏசா 2:17 ஏசா 9:14-17 ஏசா 24:2-4 சங் 62:9 எரே 5:4 எரே 5:5 எரே 5:9 யாக் 1:9-11 வெளிப் 6:15 வெளிப் 6:16
16	சேனைகளின் கர்த்தர் நியாயத்தீர்ப்பினால் உயர்ந்து, பரிசுத்தமுள்ள தேவன் நீதியினால் பரிசுத்தராய் விளங்குவார்.	ஏசா 12:4 1நாளா 29:11 சங் 9:16 சங் 21:13 சங் 46:10 எசே 28:22 எசே 38:23 ரோம 2:5 வெளிப் 19:1-5
17	அப்பொழுது ஆட்டுக்குட்டிகள் கண்டவிடமெல்லாம் மேயும்; கொழுத்தவர்களுடையதாயிருந்து பாழாய்ப்போன நிலங்களைப் பரதேசிகள் அநுபவிப்பார்கள்.	ஏசா 7:21 ஏசா 7:22 ஏசா 7:25 ஏசா 17:2 ஏசா 32:14 ஏசா 40:11 ஏசா 65:10 செப் 2:6 செப் 2:14
18	மாயையின் கயிறுகளால் அக்கிரமத்தையும், வண்டியின் வடங்களால் பாவத்தையும் இழுத்துக்கொண்டு வந்து,	ஏசா 28:15 நியா 17:5 நியா 17:13 2சாமு 16:20-23 சங் 10:11 சங் 14:1 சங் 36:2 சங் 94:5-11 எரே 5:31 எரே 8:5-9 எரே 23:10 எரே 23:14 எரே 23:24 எரே 28:15 எரே 28:16 எரே 44:15-19 எசே 13:10 எசே 13:11 எசே 13:22 செப் 1:12 யோவா 16:2 அப் 26:9
19	நாம் பார்க்கும்படி அவர் தீவிரித்துத் தமது கிரியையைச் சீக்கிரமாய் நடப்பிக்கட்டுமென்றும், இஸ்ரவேலின் பரிசுத்தருடைய ஆலோசனையை நாம் அறியும்படி அது சமீபித்து வரட்டுமென்றும் சொல்லுகிறவர்களுக்கு ஐயோ!	ஏசா 66:5 எரே 5:12 எரே 5:13 எரே 17:15 எசே 12:22 எசே 12:27 ஆமோ 5:18 ஆமோ 5:19 2பேது 3:3 2பேது 3:4
20	தீமையை நன்மையென்றும், நன்மையைத் தீமையென்றும் சொல்லி, இருளை வெளிச்சமும், வெளிச்சத்தை இருளுமாகப் பாவித்து, கசப்பைத் தித்திப்பும், தித்திப்பைக் கசப்புமென்று சாதிக்கிறவர்களுக்கு ஐயோ!	நீதி 17:15 மல்கி 2:17 மல்கி 3:15 மத் 6:23 மத் 15:3-6 மத் 23:16-23 லூக் 11:35 லூக் 16:15 2தீமோ 3:1-5 2பேது 2:1 2பேது 2:18 2பேது 2:19
21	தங்கள் பார்வைக்கு ஞானிகளும், தங்கள் எண்ணத்துக்குப் புத்திமான்களுமாய் இருக்கிறவர்களுக்கு ஐயோ!	யோபு 11:12 நீதி 3:7 நீதி 26:12 நீதி 26:16 யோவா 9:41 ரோம 1:22 ரோம 11:25 ரோம 12:16 1கொரி 3:18-20
22	சாராயத்தைக் குடிக்க வீரரும், மதுவைக் கலந்துவைக்கப் பராக்கிரமசாலிகளுமாயிருந்து,	ஏசா 5:11 ஏசா 28:1-3 ஏசா 28:7-3 நீதி 23:19 நீதி 23:20 ஆபகூ 2:15
23	பரிதானத்திற்காகக் குற்றவாளியை நீதிமானாகத் தீர்த்து, நீதிமானின் நியாயத்தை அவனுக்கு விரோதமாய்ப் புரட்டுகிறவர்களுக்கு ஐயோ!	யாத் 23:6-9 நீதி 17:15 நீதி 24:24 நீதி 31:4 நீதி 31:5
24	இதினிமித்தம் அக்கினிஜூவாலை வைக்கோலைப் பட்சிப்பதுபோலவும், செத்தையானது நெருப்புக்கு இரையாகி எரிந்துபோவதுபோலவும், அவர்கள் வேர் வாடி, அவர்கள் துளிர் தூசியைப்போல் பறந்துபோகும்; அவர்கள் சேனைகளின் கர்த்தருடைய வேதத்தை வெறுத்து, இஸ்ரவேலிலுள்ள பரிசுத்தருடைய வசனத்தை அசட்டைபண்ணினார்களே.	ஏசா 47:14 யாத் 15:7 யோவே 2:5 நாகூ 1:10 மல்கி 4:1 1கொரி 3:12 1கொரி 3:13
25	ஆகையால் கர்த்தருடைய கோபம் தமது ஜனங்களுக்கு விரோதமாய் மூண்டது; அவர் தமது கையை அவர்களுக்கு விரோதமாய் நீட்டி, பர்வதங்கள் அதிரத்தக்கதாயும், அவர்கள் பிணங்கள் நடுவீதிகளில் குப்பை போலாகத்தக்கதாயும், அவர்களை அடித்தார்; இவை எல்லாவற்றிலும் அவருடைய கோபம் ஆறாமல், இன்னும் அவருடைய கை நீட்டினபடியே இருக்கிறது.	உபா 31:17 உபா 32:19-22 2இரா 13:3 2இரா 22:13-17 2நாளா 36:16 சங் 106:40 புலம் 2:1-3 புலம் 5:22 1தெச 2:16
26	அவர் தூரத்திலுள்ள ஜாதியாருக்கு ஒரு கொடியை ஏற்றி, அவர்களைப் பூமியின் கடையாந்தரங்களிலிருந்து பயில்காட்டி அழைப்பார்; அப்பொழுது அவர்கள் தீவிரமும் வேகமுமாய் வருவார்கள்.	ஏசா 11:12 ஏசா 18:3 எரே 51:27
27	அவர்களில் விடாய்த்தவனும் இடறுகிறவனும் இல்லை; தூங்குகிறவனும் உறங்குகிறவனும் இல்லை; அவர்களில் ஒருவனுடைய இடுப்பின் கச்சை அவிழ்வதும், பாதரட்சைகளின் வார் அறுந்துபோவதும் இல்லை.	யோவே 2:7 யோவே 2:8
28	அவர்கள் அம்புகள் கூர்மையும், அவர்கள் வில்லுகளெல்லாம் நாணேற்றினவைகளும், அவர்கள் குதிரைகளின் குளம்புகள் கற்பாறையாக எண்ணப்பட்டவைகளும், அவர்கள் உருளைகள் சுழல்காற்றுக்கு ஒத்தவைகளுமாயிருக்கும்.	சங் 45:5 சங் 120:4 எரே 5:16 எசே 21:9-11
29	அவர்கள் கெர்ச்சிப்பு சிங்கத்தின் கெர்ச்சிப்புபோலிருக்கிறது; பாலசிங்கங்களைப்போலக் கெர்ச்சித்து, உறுமி, இரையைப் பிடித்து, தப்புவிக்கிறவன் இல்லாமல், அதை எடுத்துக்கொண்டு போய்விடுவார்கள்.	ஏசா 31:4 ஆதி 49:9 எண் 24:9 எரே 4:7 எரே 49:19 எரே 50:17 ஓசி 11:10 ஆமோ 3:8 சகரி 11:3
30	அந்நாளில், சமுத்திரம் இரைவதுபோல் அவர்களுக்கு விரோதமாய் இரைவார்கள்; அப்பொழுது தேசத்தைப்பார்த்தால், இதோ, அந்தகாரமும் வியாகுலமும் உண்டு; அதின் மேகங்களினால் வெளிச்சம் இருண்டுபோகும்.	சங் 93:3 சங் 93:4 எரே 6:23 எரே 50:42 லூக் 21:25