1	கர்த்தாவே, நீரே என் தேவன்; உம்மை உயர்த்தி, உமது நாமத்தைத் துதிப்பேன்; நீர் அதிசயமானவைகளைச் செய்தீர்; உமது பூர்வ ஆலோசனைகள் சத்தியமும் உறுதியுமானவைகள்.	ஏசா 26:13 ஏசா 61:10 யாத் 15:2 1நாளா 29:10-20 சங் 99:5 சங் 118:28 சங் 145:1 சங் 146:2 வெளிப் 5:9-14 வெளிப் 7:12
2	நீர் நகரத்தை மண்மேடும், அரணான பட்டணத்தைப் பாழுமாக்கினீர்; அந்நியரின் ராஜதானியை ஊராயிராதபடிக்கும், என்றைக்கும் கட்டப்படாதபடிக்கும் செய்தீர்.	ஏசா 25:12 ஏசா 14:23 ஏசா 17:1 ஏசா 21:9 ஏசா 23:13 உபா 13:16 எரே 51:26 நாகூ 3:12-15
3	ஆகையால் பலத்த ஜனங்கள் உம்மை மகிமைப்படுத்துவார்கள்; கொடூரமான ஜாதிகளின் நகரம் உமக்குப் பயப்படும்.	ஏசா 49:23-26 ஏசா 60:10-14 ஏசா 66:18-20 சங் 46:10 சங் 46:11 சங் 66:3 சங் 72:8-11 எசே 38:23 எசே 39:21 எசே 39:22 சகரி 14:9 சகரி 14:16 வெளிப் 11:13 வெளிப் 11:15-17
4	கொடூரமானவர்களின் சீறல் மதிலை மோதியடிக்கிற பெருவெள்ளத்தைப்போல் இருக்கையில், நீர் ஏழைக்குப் பெலனும், நெருக்கப்படுகிற எளியவனுக்குத் திடனும், பெருவெள்ளத்துக்குத் தப்பும் அடைக்கலமும், வெயிலுக்கு ஒதுங்கும் நிழலுமானீர்.	ஏசா 11:4 ஏசா 14:32 ஏசா 29:19 ஏசா 33:2 ஏசா 66:2 யோபு 5:15 யோபு 5:16 சங் 12:5 சங் 35:10 சங் 72:4 சங் 72:13 சங் 107:41 சங் 119:31 செப் 3:12 யாக் 2:5
5	வறட்சியான இடத்தின் காங்கை மேகத்தினால் தணிவதுபோல், அந்நியரின் மும்முரத்தைத் தணியப்பண்ணுவீர்; மேகத்தின் நிழலினால் வெயில் தணிகிறதுபோல் பெலவந்தரின் ஆரவாரம் தணியும்.	ஏசா 10:8-15 ஏசா 10:32-34 ஏசா 13:11 ஏசா 14:10-16 ஏசா 17:12-14 ஏசா 30:30-33 ஏசா 49:25 ஏசா 49:26 ஏசா 54:15-17 ஏசா 64:1 ஏசா 64:2 சங் 74:3-23 சங் 79:10-12 எரே 50:11-15 எரே 51:38-43 எரே 51:53-57 எசே 32:18-32 எசே 38:9-23 எசே 39:1-10 தானி 7:23-27 தானி 11:36-45 வெளிப் 16:1-19 வெளிப் 20:8 வெளிப் 20:9
6	சேனைகளின் கர்த்தர் இந்த மலையிலே சகல ஜனங்களுக்கும் ஒரு விருந்தை ஆயத்தப்படுத்துவார்; அது கொழுமையான பதார்த்தங்களும், பழமையான திராட்சரசமும், ஊனும் நிணமுமுள்ள பதார்த்தங்களும், தெளிந்த பழமையான திராட்சரசமும் நிறைந்த விருந்தாயிருக்கும்.	ஏசா 25:10 ஏசா 2:2 ஏசா 2:3 சங் 72:14-16 சங் 78:68 மீகா 4:1 மீகா 4:2 சகரி 8:3 எபிரெ 12:22
7	சகல ஜனங்கள்மேலுமுள்ள முக்காட்டையும், சகல ஜாதிகளையும் மூடியிருக்கிற மூடலையும், இந்த மலையிலே அகற்றிப்போடுவார்.	ஏசா 60:1-3 மத் 27:51 லூக் 2:32 அப் 17:30 2கொரி 3:13-18 எபே 3:5 எபே 3:6 எபே 4:18 எபே 5:8 எபிரெ 9:8 எபிரெ 9:24 எபிரெ 10:19-21
8	அவர் மரணத்தை ஜெயமாக விழுங்குவார்; கர்த்தராகிய தேவன் எல்லா முகங்களிலுமிருந்து கண்ணீரைத் துடைத்து, தமது ஜனத்தின் நிந்தையை பூமியிலிராதபடிக்கு முற்றிலும் நீக்கிவிடுவார்; கர்த்தரே இதைச் சொன்னார்.	ஓசி 13:14 1கொரி 15:26 1கொரி 15:54 2தீமோ 1:10 எபிரெ 2:14 எபிரெ 2:15 வெளிப் 20:14 வெளிப் 21:4
9	அக்காலத்திலே: இதோ, இவரே நம்முடைய தேவன்; இவருக்காகக் காத்திருந்தோம், இவர் நம்மை இரட்சிப்பார்; இவரே கர்த்தர், இவருக்காகக் காத்திருந்தோம்; இவருடைய இரட்சிப்பினால் களிகூர்ந்து மகிழுவோம் என்று சொல்லப்படும்.	ஏசா 12:1 செப் 3:14-20 வெளிப் 1:7 வெளிப் 19:1-7
10	கர்த்தருடைய கரம் இந்த மலையிலே தங்கும்; கூளம் எருக்களத்தில் மிதிக்கப்படுவதுபோல, மோவாப் அவர்கீழ் மிதிக்கப்பட்டுப்போகும்.	ஏசா 25:6 ஏசா 11:10 ஏசா 12:6 ஏசா 18:4 சங் 132:13 சங் 132:14 எசே 48:35 செப் 3:15-17 சகரி 9:9-11
11	நீந்துகிறவன் நீந்துவதற்காகத் தன் கைகளை விரிப்பதுபோல் அவர் தமது கைகளை அவர்கள் நடுவிலே விரித்து, அவர்கள் பெருமையையும், அவர்கள் கைகளின் சதிசர்ப்பனைகளையும் தாழ்த்திவிடுவார்.	ஏசா 5:25 ஏசா 14:26 ஏசா 65:2 கொலோ 2:15
12	அவர் உன் மதில்களுடைய உயர்ந்த அரணைக் கீழே தள்ளித் தாழ்த்தித் தரையிலே தூளாக அழிப்பார்.	ஏசா 26:5 எரே 51:58 எரே 51:64 2கொரி 10:4 2கொரி 10:5 எபிரெ 11:30 வெளிப் 18:21