| 1 | என் சகோதரியே! என் மணவாளியே! நான் என் தோட்டத்தில் வந்தேன், என் வெள்ளைப்போளத்தையும் என் கந்தவர்க்கங்களையும் சேர்த்தேன்; என் தேன்கூட்டை என் தேனோடு புசித்தேன்; என் திராட்சரசத்தை என் பாலோடும் குடித்தேன். சிநேகிதரே! புசியுங்கள்; பிரியமானவர்களே! குடியுங்கள், பூர்த்தியாய்க் குடியுங்கள். | உன்ன 4:16 உன்ன 6:2 உன்ன 6:11 உன்ன 8:13 ஏசா 5:1 ஏசா 51:3 ஏசா 58:11 ஏசா 61:11 யோவா 14:21-23 |
| 2 | நான் நித்திரைபண்ணினேன், என் இதயமோ விழித்திருந்தது; கதவைத் தட்டுகிற என் நேசரின் சத்தத்தைக் கேட்டேன்: என் சகோதரியே! என் பிரியமே! என் புறாவே! என் உத்தமியே! கதவைத் திற; என் தலை பனியினாலும், என் தலைமயிர் இரவில் பெய்யும் தூறலினாலும் நனைந்திருக்கிறது என்றார். | உன்ன 3:1 உன்ன 7:9 தானி 8:18 சகரி 4:1 மத் 25:4 மத் 25:5 மத் 26:40 மத் 26:41 லூக் 9:32 எபே 5:14 |
| 3 | என் வஸ்திரத்தைக் கழற்றிப்போட்டேன்; நான் எப்படி அதைத் திரும்பவும் உடுப்பேன், என் பாதங்களைக் கழுவினேன், நான் எப்படி அவைகளைத் திரும்பவும் அழுக்காக்குவேன் என்றேன். | நீதி 3:28 நீதி 13:4 நீதி 22:13 மத் 25:5 மத் 26:38-43 லூக் 11:7 ரோம 7:22 ரோம 7:23 |
| 4 | என் நேசர் தமது கையைக் கதவுத் துவாரத்தின் வழியாய் நீட்டினார், அப்பொழுது என் உள்ளம் அவர்நிமித்தம் பொங்கினது. | உன்ன 1:4 சங் 110:3 அப் 16:14 2கொரி 8:1 2கொரி 8:2 2கொரி 8:16 பிலிப் 2:13 |
| 5 | என் நேசருக்குக் கதவைத் திறக்க நான் எழுந்தேன்; பூட்டின கைப்பிடிகள்மேல் என் கைகளிலிருந்து வெள்ளைப்போளமும், என் விரல்களிலிருந்து வாசனையுள்ள வெள்ளைப்போளமும் வடிந்தது. | உன்ன 5:2 லூக் 12:36 எபே 3:17 வெளிப் 3:20 |
| 6 | என் நேசருக்குக் கதவைத் திறந்தேன்; என் நேசரோ இல்லை, போய்விட்டார்; அவர் சொன்ன வார்த்தையால், என் ஆத்துமா சோர்ந்துபோயிற்று. அவரைத் தேடினேன், அவரைக் காணவில்லை; அவரைக் கூப்பிட்டேன், அவர் எனக்கு மறுஉத்தரவு கொடுக்கவில்லை. | சங் 30:7 ஏசா 8:17 ஏசா 12:1 ஏசா 50:2 ஏசா 54:6-8 ஓசி 5:6 ஓசி 5:15 மத் 15:22-28 வெளிப் 3:19 |
| 7 | நகரத்தில் திரிகிற காவலாளர் என்னைக் கண்டு, என்னை அடித்து, என்னைக் காயப்படுத்தினார்கள்; அலங்கத்தின் காவற்காரர் என்மேலிருந்த என் போர்வையை எடுத்துக்கொண்டார்கள். | உன்ன 3:3 ஏசா 6:10 ஏசா 6:11 ஓசி 9:7 ஓசி 9:8 அப் 20:29 அப் 20:30 2கொரி 11:13 |
| 8 | எருசலேமின் குமாரத்திகளே! என் நேசரைக் கண்டீர்களானால், நான் நேசத்தால் சோகமடைந்திருக்கிறேன் என்று அவருக்குச் சொல்லும்படி உங்களை ஆணையிடுகிறேன். | உன்ன 2:7 உன்ன 8:4 |
| 9 | ஸ்திரீகளுக்குள் ரூபவதியே! மற்ற நேசரைப்பார்க்கிலும் உன் நேசர் எதினால் விசேஷித்தவர்? நீ இப்படி எங்களை ஆணையிட, மற்ற நேசரைப்பார்க்கிலும் உன் நேசர் எதினால் விசேஷித்தவர்? | ஏசா 53:2 மத் 16:13-17 மத் 21:10 யோவா 1:14 2கொரி 4:3-6 |
| 10 | என் நேசர் வெண்மையும் சிவப்புமானவர்; பதினாயிரம்பேர்களில் சிறந்தவர். | உன்ன 2:1 உபா 32:31 சங் 45:17 ஏசா 66:19 எபிரெ 7:26 |
| 11 | அவர் தலை தங்கமயமாயிருக்கிறது; அவர் தலைமயிர் சுருள் சுருளாயும், காகத்தைப்போல் கருமையாயுமிருக்கிறது. | தானி 2:37 தானி 2:38 எபே 1:21 எபே 1:22 |
| 12 | அவருடைய கண்கள் தண்ணீர் நிறைந்த நதிகளின் ஓரமாய்த் தங்கும் புறாக்கண்களுக்கு ஒப்பானவைகளும், பாலில் கழுவப்பட்டவைகளும், நேர்த்தியாய்ப் பதிக்கப்பட்டவைகளுமாயிருக்கிறது. | உன்ன 1:15 உன்ன 4:1 எபிரெ 4:13 |
| 13 | அவர் கன்னங்கள் கந்தவர்க்கப்பாத்திகளைப்போலவும், வாசனையுள்ள புஷ்பங்களைப்போலவுமிருக்கிறது; அவர் உதடுகள் லீலிபுஷ்பங்களைப் போன்றது, வாசனையுள்ள வெள்ளைப்போளம் அதிலிருந்து வடிகிறது. | உன்ன 1:10 ஏசா 50:6 |
| 14 | அவர் கரங்கள் படிகப்பச்சை பதித்த பொன்வளையல்களைப்போலிருக்கிறது; அவர் அங்கம் இந்திரநீல இரத்தினங்கள் இழைத்த பிரகாசமான யானைத் தந்தத்தைப்போலிருக்கிறது. | யாத் 15:6 சங் 44:4-7 சங் 99:4 ஏசா 9:7 ஏசா 52:13 |
| 15 | அவர் கால்கள் பசும்பொன் ஆதாரங்களின்மேல் நிற்கிற வெள்ளைக்கல் தூண்களைப்போலிருக்கிறது; அவர் ரூபம் லீபனோனைப்போலவும் கேதுருக்களைப்போலவும் சிறப்பாயிருக்கிறது. | வெளிப் 1:15 |
| 16 | அவர் வாய் மிகவும் மதுரமாயிருக்கிறது; அவர் முற்றிலும் அழகுள்ளவர். இவரே என் நேசர்; எருசலேமின் குமாரத்திகளே! இவர் என் சிநேகிதர். | உன்ன 1:2 சங் 19:10 சங் 119:103 எரே 15:16 |
