1	நீ ரூபவதி, என் பிரியமே! நீ ரூபவதி; உன் முக்காட்டின் நடுவே உன் கண்கள் புறாக்கண்களாயிருக்கிறது; உன் கூந்தல் கீலேயாத் மலையில் தழைமேயும் வெள்ளாட்டு மந்தையைப் போலிருக்கிறது.	உன்ன 4:9 உன்ன 4:10 உன்ன 1:15 உன்ன 2:10 உன்ன 2:14 சங் 45:11 எசே 16:14 2கொரி 3:18
2	உன்பற்கள், மயிர் கத்தரிக்கப்பட்டபின் குளிப்பாட்டப்பட்டுக் கரையேறுகிறவைகளும், ஒன்றாகிலும் மலடாயிராமல் எல்லாம் இரட்டைக் குட்டியீன்றவைகளுமான ஆட்டுமந்தையைப்போலிருக்கிறது.	உன்ன 6:6 எரே 15:16 யோவா 15:7 கொலோ 1:4-6 1தெச 2:13 2பேது 1:5-8
3	உன் உதடுகள் சிவப்பு நூலுக்குச் சமானமும், உன் வாக்கு இன்பமுமாயிருக்கிறது; உன் முக்காட்டின் நடுவே உன் கன்னங்கள் வெடித்த மாதளம்பழம்போலிருக்கிறது.	உன்ன 4:11 உன்ன 5:13 உன்ன 5:16 உன்ன 7:9 சங் 37:30 சங் 45:2 சங் 119:13 நீதி 10:13 நீதி 10:20 நீதி 10:21 நீதி 16:21-24 மத் 12:35 லூக் 4:22 2கொரி 5:18-21 எபே 4:29 கொலோ 3:16 கொலோ 3:17 கொலோ 4:6
4	உன் கழுத்து, பராக்கிரமசாலிகளின் கேடகங்களாகிய ஆயிரம் பரிசைகள் தூக்கியிருக்கிற ஆயுத சாலையாக்கப்பட்ட தாவீதின் கோபுரம்போலிருக்கிறது.	உன்ன 1:10 உன்ன 7:4 2சாமு 22:51 எபே 4:15 எபே 4:16 கொலோ 2:19 1பேது 1:5
5	உன் இரண்டு ஸ்தனங்களும் லீலிபுஷ்பங்களில் மேயும் வெளிமானின் இரட்டைக்குட்டிகளுக்குச் சமானம்.	உன்ன 1:13 உன்ன 7:3 உன்ன 7:7 உன்ன 8:1 உன்ன 8:10 நீதி 5:19 ஏசா 66:10-12 1பேது 2:2
6	பகல் குளிர்ச்சியாகி நிழல் சாய்ந்து போகும்வரைக்கும், நான் வெள்ளைப்போளமலையிலும் சாம்பிராணிமலையிலும் போயிருப்பேன்.	உன்ன 2:17 மல்கி 4:2 லூக் 1:78 2பேது 1:19 1யோவா 2:8 வெளிப் 22:16
7	என் பிரியமே! நீ பூரண ரூபவதி; உன்னில் பழுதொன்றுமில்லை.	உன்ன 4:1 உன்ன 5:16 எண் 24:5 சங் 45:11 சங் 45:13 எபே 5:25-27 கொலோ 1:22 2பேது 3:14 யூதா 1:24 வெளிப் 21:2
8	லீபனோனிலிருந்து என்னோடே வா, என் மணவாளியே! லீபனோனிலிருந்து என்னோடே வா. அமனாவின் கொடுமுடியிலிருந்தும், சேனீர் எர்மோனின் கொடுமுடியிலிருந்தும், சிங்கங்களின் தாபரங்களிலிருந்தும், சிவிங்கிகளின் மலைகளிலிருந்தும் கீழே பார்.	உன்ன 2:13 உன்ன 7:11 சங் 45:10 நீதி 9:6 யோவா 12:26 கொலோ 3:1 கொலோ 3:2
9	என் இருதயத்தைக் கவர்ந்து கொண்டாய்; என் சகோதரியே! என் மணவாளியே! உன் கண்களிலொன்றினாலும் உன் கழுத்திலுள்ள ஒரு சரப்பணியினாலும் என் இருதயத்தைக் கவர்ந்து கொண்டாய்.	உன்ன 4:10 உன்ன 4:12 உன்ன 5:1 உன்ன 5:2 ஆதி 20:12 மத் 12:50 1கொரி 9:5 எபிரெ 2:11-14
10	உன் நேசம் எவ்வளவு இன்பமாயிருக்கிறது; என் சகோதரியே! என் மணவாளியே! திராட்சரசத்தைப் பார்க்கிலும் உன் நேசம் எவ்வளவு மதுரமாயிருக்கிறது! சகல கந்தவர்க்கங்களைப்பார்க்கிலும் உன் பரிமள தைலங்கள் எவ்வளவு வாசனையாயிருக்கிறது!	உன்ன 1:2
11	என் மணவாளியே! உன் உதடுகளிலிருந்து தேன் ஒழுகுகிறது, உன் நாவின்கீழ் தேனும் பாலும் இருக்கிறது, உன் வஸ்திரங்களின் வாசனை லீபனோனின் வாசனைக்கொப்பாயிருக்கிறது.	உன்ன 4:3 உன்ன 5:13 உன்ன 7:9 சங் 71:14 சங் 71:15 சங் 71:23 சங் 71:24 நீதி 16:24 ஓசி 14:2 எபிரெ 13:15
12	என் சகோதரியே! என் மணவாளியே! நீ அடைக்கப்பட்ட தோட்டமும், மறைவு கட்டப்பட்ட நீரூற்றும், முத்திரிக்கப்பட்ட கிணறுமாயிருக்கிறாய்.	உன்ன 6:2 உன்ன 6:11 நீதி 5:15-18 ஏசா 58:11 ஏசா 61:10 ஏசா 61:11 எரே 31:12 ஓசி 6:3 1கொரி 6:13 1கொரி 6:19 1கொரி 6:20 1கொரி 7:34 வெளிப் 21:27
13	உன் தோட்டம் மாதளஞ்செடிகளும், அருமையான கனிமரங்களும், மருதோன்றிச் செடிகளும், நளதச்செடிகளும்,	உன்ன 6:11 உன்ன 7:12 உன்ன 8:2 சங் 92:14 பிரச 2:5 ஏசா 60:21 ஏசா 61:11 யோவா 15:1-3 பிலிப் 1:11
14	நளதமும், குங்குமமும், வசம்பும், லவங்கமும், சகலவித தூபவர்க்க மரங்களும், வெள்ளைப்போளச்செடிகளும், சந்தன விருட்சங்களும், சகலவித கந்தவர்க்கச்செடிகளுமுள்ள சிங்கார வனமாயிருக்கிறது.	யாத் 30:23 எசே 27:19
15	தோட்டங்களுக்கு நீரூற்றும், ஜீவதண்ணீரின் துரவும், லீபனோனிலிருந்து ஓடிவரும் வாய்க்கால்களும் உண்டாயிருக்கிறது.	உன்ன 4:12 பிரச 2:6
16	வாடையே! எழும்பு; தென்றலே! வா; கந்தப்பிசின்கள் வடிய என் தோட்டத்தில் வீசு; என் நேசர் தம்முடைய தோட்டத்துக்கு வந்து, தமது அருமையான கனிகளைப் புசிப்பாராக.	உன்ன 1:4 பிரச 1:6 ஏசா 51:9-11 ஏசா 64:1 எசே 37:9 யோவா 3:8 அப் 2:1 அப் 2:2 அப் 4:31