| 1 | இராக்காலங்களில் என் படுக்கையிலே என் ஆத்தும நேசரைத் தேடினேன்; தேடியும் நான் அவரைக் காணவில்லை. | சங் 4:4 சங் 6:6 சங் 22:2 சங் 63:6-8 சங் 77:2-4 ஏசா 26:9 |
| 2 | நான் எழுந்து நகரத்தின் வீதிகளிலும் தெருக்களிலும் திரிந்து, என் ஆத்தும நேசரைத் தேடுவேன் என்றேன்; தேடியும் நான் அவரைக் காணவில்லை. | உன்ன 5:5 ஏசா 64:7 யோவா 1:6 மத் 26:40 மத் 26:41 ரோம 13:11 1கொரி 15:34 எபே 5:14 |
| 3 | நகரத்திலே திரிகிற காவலாளர் என்னைக் கண்டார்கள்: என் ஆத்தும நேசரைக் கண்டீர்களா என்று அவர்களைக் கேட்டேன். | உன்ன 5:7 ஏசா 21:6-8 ஏசா 21:11-8 ஏசா 21:12-8 ஏசா 56:10 ஏசா 62:6 எசே 3:17 எசே 33:2-9 எபிரெ 13:17 |
| 4 | நான் அவர்களை விட்டுக் கொஞ்ச தூரம் கடந்துபோனவுடனே, என் ஆத்தும நேசரைக் கண்டேன்; அவரை நான் என் தாயின் வீட்டிலும் என்னைப் பெற்றவளின் அறையிலும் கொண்டுவந்து விடுமட்டும் விடாமல் பற்றிக்கொண்டேன். | உன்ன 6:12 நீதி 8:17 ஏசா 45:19 ஏசா 55:6 ஏசா 55:7 எரே 29:13 புலம் 3:25 மத் 7:7 |
| 5 | எருசலேமின் குமாரத்திகளே! எனக்குப் பிரியமானவர்களுக்கு மனதாகுமட்டும் நீங்கள் அவளை விழிக்கப்பண்ணாமலும் எழுப்பாமலுமிருக்கும்படி, வெளிமான்கள்மேலும் வெளியின் மரைகள்மேலும் உங்களை ஆணையிடுகிறேன். | உன்ன 2:7 உன்ன 8:4 மீகா 4:8 |
| 6 | வெள்ளைப்போளத்தினாலும் சாம்பிராணியினாலும் வர்த்தகருடைய சகலவித கந்தப்பொடியினாலும் உண்டாகிய வாசனையை வீசி, தூபஸ்தம்பங்களைப்போல் வனாந்தரத்திலிருந்து வருகிற இவர் யார்? | உன்ன 8:5 உபா 8:2 ஏசா 43:19 எரே 2:2 எரே 31:2 வெளிப் 12:6 வெளிப் 12:14 |
| 7 | இதோ, சாலொமோனுடைய மஞ்சம்; இஸ்ரவேலின் சவுரியவான்களில் அறுபது சவுரியவான்கள் அதைச் சுற்றிநிற்கிறார்கள். | உன்ன 3:9 உன்ன 1:16 |
| 8 | இவர்களெல்லாரும் பட்டயம் பிடித்து, யுத்தத்துக்குப் பழகினவர்களாயிருக்கிறார்கள்; இராக்கால பயத்தினிமித்தம் அவனவனுடைய பட்டயம் அவனவன் அரையிலிருக்கிறது. | சங் 45:3 சங் 149:5-9 ஏசா 27:3 எபே 6:16-18 |
| 9 | சாலொமோன் ராஜா தனக்கு லீபனோனின் மரத்தினால் ஒரு இரதத்தைப் பண்ணுவித்தார். | உன்ன 3:7 2சாமு 23:5 வெளிப் 14:6 |
| 10 | அதின் தூண்களை வெள்ளியினாலும், அதின் தட்டைப் பொன்னினாலும், அதின் ஆசனத்தை இரத்தாம்பரத்தினாலும் பண்ணுவித்தார்; அதின் உட்புறத்திலே எருசலேமின் குமாரத்திகளினிமித்தம் நேசம் என்னும் சமுக்காளம் விரித்திருந்தது. | சங் 87:3 1தீமோ 3:15 1தீமோ 3:16 வெளிப் 3:12 |
| 11 | சீயோன் குமாரத்திகளே! நீங்கள் புறப்பட்டுப்போய், ராஜாவாகிய சாலொமோனின் கலியாணநாளிலும், மனமகிழ்ச்சியின் நாளிலும், அவருடைய தாயார் அவருக்குச் சூட்டின முடியோடிருக்கிற அவரைப் பாருங்கள். | உன்ன 7:11 எபிரெ 13:13 |
