1	ஆமோத்சின் குமாரனாகிய ஏசாயா, யூதாவின் ராஜாக்களாகிய உசியா, யோதாம், ஆகாஸ், எசேக்கியா என்பவர்களின் நாட்களில், யூதாவையும் எருசலேமையும் குறித்துக்கண்ட தரிசனம்.	ஏசா 21:2 எண் 12:6 எண் 24:4 எண் 24:16 2நாளா 32:32 சங் 89:19 எரே 23:16 நாகூ 1:1 ஆபகூ 2:2 மத் 17:9 அப் 10:17 அப் 26:19 2கொரி 12:1
2	வானங்களே, கேளுங்கள்; பூமியே, செவிகொடு; கர்த்தர் பேசுகிறார்; நான் பிள்ளைகளை வளர்த்து ஆதரித்தேன்; அவர்களோ எனக்கு விரோதமாய்க் கலகம்பண்ணினார்கள்.	உபா 4:26 உபா 30:19 உபா 32:1 சங் 50:4 எரே 2:12 எரே 6:19 எரே 22:29 எசே 36:4 மீகா 1:2 மீகா 6:1 மீகா 6:2
3	மாடு தன் எஜமானையும், கழுதை தன் ஆண்டவனின் முன்னணையையும் அறியும்; இஸ்ரவேலோ அறிவில்லாமலும், என் ஜனம் உணர்வில்லாமலும் இருக்கிறது என்கிறார்.	நீதி 6:6 எரே 8:7
4	ஐயோ, பாவமுள்ள ஜாதியும், அக்கிரமத்தால் பாரஞ்சுமந்த ஜனமும், பொல்லாதவர்களின் சந்ததியும், கேடு உண்டாக்குகிற புத்திரருமாயிருக்கிறார்கள்; கர்த்தரை விட்டு, இஸ்ரவேலின் பரிசுத்தருக்குக் கோபமுண்டாக்கி, பின்வாங்கிப்போனார்கள்.	ஏசா 1:23 ஏசா 10:6 ஏசா 30:9 ஆதி 13:13 மத் 11:28 அப் 7:51 அப் 7:52 வெளிப் 18:5
5	இன்னும் நீங்கள் ஏன் அடிக்கப்படவேண்டும்? அதிகம் அதிகமாய் விலகிப்போகிறீர்களே; தலையெல்லாம் வியாதியும் இருதயமெல்லாம் பலட்சயமுமாய் இருக்கிறது.	ஏசா 9:13 ஏசா 9:21 எரே 2:30 எரே 5:3 எரே 6:28-30 எசே 24:13 எபிரெ 12:5-8
6	உள்ளங்கால் தொடங்கி உச்சந்தலைமட்டும் அதிலே சுகமேயில்லை; அது காயமும், வீக்கமும், நொதிக்கிற இரணமுமுள்ளது; அது சீழ் பிதுக்கப்படாமலும், கட்டப்படாமலும், எண்ணெயினால் ஆற்றப்படாமலும் இருக்கிறது.	யோபு 2:7 யோபு 2:8 லூக் 16:20 லூக் 16:21
7	உங்கள் தேசம் பாழாயிருக்கிறது; உங்கள் பட்டணங்கள் அக்கினியினால் சுட்டெரிக்கப்பட்டது; உங்கள் நாட்டை அந்நியர் உங்கள் கண்களுக்கு முன்பாக பட்சிக்கிறார்கள்; அது அந்நியரால் கவிழ்க்கப்பட்ட பாழ்ந்தேசம்போல் இருக்கிறது.	ஏசா 5:5 ஏசா 5:6 ஏசா 5:9 ஏசா 6:11 ஏசா 24:10-12 லேவி 26:34 உபா 28:51 2நாளா 28:5 2நாளா 28:16-21 சங் 107:34 சங் 107:39 எரே 6:8
8	சீயோன் குமாரத்தி திராட்சத்தோட்டத்திலுள்ள ஒரு குச்சுபோலவும், வெள்ளரித்தோட்டத்திலுள்ள ஒரு குடிசைபோலவும், முற்றிக்கை போடப்பட்ட ஒரு பட்டணம்போலவும் மீந்திருக்கிறாள்.	ஏசா 4:4 ஏசா 10:32 ஏசா 37:22 ஏசா 62:11 சங் 9:14 புலம் 2:1 சகரி 2:10 சகரி 9:9 யோவா 12:15
9	சேனைகளின் கர்த்தர் நமக்குக் கொஞ்சம் மீதியை வைக்காதிருந்தாரானால், நாம் சோதோமைப்போலாகி, கொமோராவுக்கு ஒத்திருப்போம்.	புலம் 3:22 ஆபகூ 3:2 ரோம 9:29
10	சோதோமின் அதிபதிகளே, கர்த்தருடைய வார்த்தையைக் கேளுங்கள்; கொமோராவின் ஜனமே, நமது தேவனுடைய வேதத்துக்குச் செவிகொடுங்கள்.	1இரா 22:19-23 ஆமோ 3:1 ஆமோ 3:8 மீகா 3:8-12
11	உங்கள் பலிகளின் திரள் எனக்கு என்னத்துக்கு என்று கர்த்தர் சொல்லுகிறார்; ஆட்டுக்கடாக்களின் தகனபலிகளும், கொழுத்த மிருகங்களின் நிணமும் எனக்கு அரோசிகமாயிருக்கிறது; காளைகள், ஆட்டுக்குட்டிகள், கடாக்களுடைய இரத்தத்தின்மேல் எனக்குப்பிரியமில்லை.	ஏசா 66:3 1சாமு 15:22 சங் 50:8 சங் 51:16 நீதி 15:8 நீதி 21:27 எரே 6:20 எரே 7:21 ஆமோ 5:21 மீகா 6:7 மத் 9:13
12	நீங்கள் என் சந்நிதியில் வரும்போது, என் பிராகாரங்களை இப்படி மிதிக்கவேண்டுமென்று உங்களிடத்தில் கேட்டது யார்?	ஏசா 58:1 ஏசா 58:2 யாத் 23:17 யாத் 34:23 உபா 16:16 பிரச 5:1 மத் 23:5
13	இனி வீண் காணிக்கைகளைக் கொண்டுவரவேண்டாம்; தூபங்காட்டுதல் எனக்கு அருவருப்பாயிருக்கிறது; நீங்கள் அக்கிரமத்தோடே ஆசரிக்கிற மாதப்பிறப்பையும், ஓய்வு நாளையும், சபைக்கூட்டத்தையும் நான் இனிச்சகிக்கமாட்டேன்.	எசே 20:39 மல்கி 1:10 மத் 15:9 லூக் 11:42
14	உங்கள் மாதப்பிறப்புகளையும், உங்கள் பண்டிகைகளையும் என் ஆத்துமா வெறுக்கிறது; அவைகள் எனக்கு வருத்தமாயிருக்கிறது; அவைகளைச் சுமந்து இளைத்துப்போனேன்.	ஏசா 61:8 ஆமோ 5:21
15	நீங்கள் உங்கள் கைகளை விரித்தாலும், என் கண்களை உங்களைவிட்டு மறைக்கிறேன்; நீங்கள் மிகுதியாய் ஜெபம்பண்ணினாலும் கேளேன்; உங்கள் கைகள் இரத்தத்தினால் நிறைந்திருக்கிறது.	ஏசா 59:2 1இரா 8:22 1இரா 8:54 எஸ்றா 9:5 யோபு 27:8 யோபு 27:9 யோபு 27:20 சங் 66:18 சங் 134:2 நீதி 1:28 எரே 14:12 எசே 8:17 எசே 8:18 மீகா 3:4 சகரி 7:13 லூக் 13:25-28 1தீமோ 2:8
16	உங்களைக் கழுவிச் சுத்திகரியுங்கள்; உங்கள் கிரியைகளின் பொல்லாப்பை என் கண்களுக்கு மறைவாக அகற்றிவிட்டு, தீமைசெய்தலை விட்டு ஓயுங்கள்;	யோபு 11:13 யோபு 11:14 சங் 26:6 எரே 4:14 அப் 22:16 2கொரி 7:1 யாக் 4:8 வெளிப் 7:14
17	நன்மைசெய்யப் படியுங்கள்; நியாயத்தைத் தேடுங்கள்; ஒடுக்கப்பட்டவனை ஆதரித்து, திக்கற்றப்பிள்ளையின் நியாயத்தையும், விதவையின் வழக்கையும் விசாரியுங்கள்.	ஏசா 1:23 சங் 82:3 சங் 82:4 நீதி 31:9 எரே 22:3 எரே 22:15 எரே 22:16 தானி 4:27 மீகா 6:8 செப் 2:3 சகரி 7:9 சகரி 7:10 சகரி 8:16
18	வழக்காடுவோம் வாருங்கள் என்று கர்த்தர் சொல்லுகிறார்; உங்கள் பாவங்கள் சிவேரென்றிருந்தாலும் உறைந்த மழையைப்போல் வெண்மையாகும்; அவைகள் இரத்தாம்பரச்சிவப்பாயிருந்தாலும் பஞ்சைப்போலாகும்.	ஏசா 41:21 ஏசா 43:24-26 1சாமு 12:7 எரே 2:5 மீகா 6:2 அப் 17:2 அப் 18:4 அப் 24:25
19	நீங்கள் மனம்பொருந்திச் செவிகொடுத்தால், தேசத்தின் நன்மையைப் புசிப்பீர்கள்.	ஏசா 3:10 ஏசா 55:1-3 ஏசா 55:6-3 ஏசா 55:7-3 எரே 3:12-14 எரே 31:18-20 ஓசி 14:1-4 யோவே 2:26 மத் 21:28-32 எபிரெ 5:9
20	மாட்டோம் என்று எதிர்த்துநிற்பீர்களாகில் பட்டயத்துக்கு இரையாவீர்கள்; கர்த்தரின் வாய் இதைச் சொல்லிற்று.	ஏசா 3:11 1சாமு 12:25 2நாளா 36:14-16 எபிரெ 2:1-3
21	உண்மையுள்ள நகரம் எப்படி வேசியாய்ப்போயிற்று! அது நியாயத்தால் நிறைந்திருந்தது, நீதி அதில் குடிகொண்டிருந்தது; இப்பொழுதோ அதின் குடிகள் கொலைபாதகர்.	ஏசா 48:2 நெகே 11:1 சங் 46:4 சங் 48:1 சங் 48:8 ஓசி 11:12 சகரி 8:3 எபிரெ 12:22
22	உன் வெள்ளி களிம்பாயிற்று; உன் திராட்சரசம் தண்ணீர்க்கலப்பானது.	எரே 6:28-30 புலம் 4:1 புலம் 4:2 எசே 22:18-22 ஓசி 6:4
23	உன் பிரபுக்கள் முரடரும் திருடரின் தோழருமாயிருக்கிறார்கள்; அவர்களில் ஒவ்வொருவனும் பரிதானத்தை விரும்பி, கைக்கூலியை நாடித்திரிகிறான்; திக்கற்ற பிள்ளையின் நியாயத்தை விசாரியார்கள்; விதவையின் வழக்கு அவர்களிடத்தில் ஏறுகிறதில்லை.	ஏசா 3:14 2நாளா 24:17-21 2நாளா 36:14 எரே 5:5 எசே 22:6-12 தானி 9:5 தானி 9:6 ஓசி 7:3-5 ஓசி 9:15 மீகா 3:1-3 மீகா 3:11-3 அப் 4:5-11
24	ஆகையால் சேனைகளின் கர்த்தரும் இஸ்ரவேலின் வல்லவருமாகிய ஆண்டவர் சொல்லுகிறதாவது; ஓகோ, நான் என் சத்துருக்களில் கோபம் ஆறி, என் பகைஞருக்கு நீதியைச் சரிக்கட்டுவேன்.	ஏசா 30:29 ஏசா 49:26 ஏசா 60:16 எரே 50:34 வெளிப் 18:8
25	நான் என் கையை உன்னிடமாய்த் திருப்பி, உன் களிம்பு நீங்க உன்னைச் சுத்தமாய்ப் புடமிட்டு, உன் ஈயத்தையெல்லாம் நீக்குவேன்.	சகரி 13:7-9 வெளிப் 3:19
26	உன் நியாயாதிபதிகளை முன்னிருந்ததுபோலவும், உன் ஆலோசனைக்காரரை ஆதியில் இருந்தது போலவும் திரும்பக் கட்டளையிடுவேன்; பின்பு நீ நீதிபுரம் என்றும், சத்திய நகரம் என்றும் பெயர்பெறுவாய்.	ஏசா 32:1 ஏசா 32:2 ஏசா 60:17 ஏசா 60:18 எண் 12:3 எண் 16:15 1சாமு 12:2-5 எரே 33:7 எரே 33:15-17 எசே 34:23 எசே 34:24 எசே 37:24 எசே 37:25 எசே 45:8
27	சீயோன் நியாயத்தினாலும், அதிலே திரும்பிவருகிறவர்கள் நீதியினாலும் மீட்கப்படுவார்கள்.	ஏசா 5:16 ஏசா 45:21-25 ரோம 3:24-26 ரோம 11:26 ரோம 11:27 2கொரி 5:21 எபே 1:7 எபே 1:8 தீத் 2:14 1பேது 1:18 1பேது 1:19
28	துரோகிகளும் பாவிகளுமோ ஏகமாய் நொறுங்குண்டுபோவார்கள்; கர்த்தரை விட்டு விலகுகிறவர்கள் நிர்மூலமாவார்கள்.	யோபு 31:3 சங் 1:6 சங் 5:6 சங் 37:38 சங் 73:27 சங் 92:9 சங் 104:35 சங் 125:5 நீதி 29:1 லூக் 12:45 லூக் 12:46 1தெச 5:3 2தெச 1:8 2தெச 1:9 2பேது 3:7 வெளிப் 21:8
29	நீங்கள் விரும்பின கர்வாலிமரங்களினிமித்தம் வெட்கப்படுவீர்கள்; நீங்கள் தெரிந்துகொண்ட தோப்புகளினிமித்தம் நாணமடைவீர்கள்.	ஏசா 30:22 ஏசா 31:7 ஏசா 45:16 எசே 16:63 எசே 36:31 ஓசி 14:3 ஓசி 14:8 ரோம 6:21
30	இலையுதிர்ந்த கர்வாலிமரத்தைப் போலவும், தண்ணீரில்லாத தோப்பைப் போலவும் இருப்பீர்கள்.	ஏசா 5:6 எரே 17:5 எரே 17:6 எசே 17:9 எசே 17:10 எசே 17:24 மத் 21:19
31	பராக்கிரமசாலி சணற்கூளமும், அவன் கிரியை அக்கினிப்பொறியுமாகி, இரண்டும் அவிப்பாரில்லாமல் ஏகமாய் வெந்துபோகும் என்று சொல்லுகிறார்.	எசே 32:21