1	இவை எல்லாவற்றையும் நான் என் மனதிலே வகையறுக்கும்படிக்குச் சிந்தித்தேன்; நீதிமான்களும் ஞானிகளும், தங்கள் கிரியைகளுடன், தேவனுடைய கைவசமாயிருக்கிறார்கள்; தனக்குமுன் இருக்கிறவர்களைக்கொண்டு ஒருவனும் விருப்பையாவது வெறுப்பையாவது அறியான்.	பிரச 1:17 பிரச 7:25 பிரச 8:16 பிரச 12:9 பிரச 12:10
2	எல்லாருக்கும் எல்லாம் ஒரேவிதமாய்ச் சம்பவிக்கும்; சன்மார்க்கனுக்கும் துன்மார்க்கனுக்கும், நற்குணமும் சுத்தமுமுள்ளவனுக்கும் சுத்தமில்லாதவனுக்கும், பலியிடுகிறவனுக்கும் பலியிடாதவனுக்கும், ஒரேவிதமாய்ச் சம்பவிக்கும்; நல்லவனுக்கு எப்படியோ பொல்லாதவனுக்கும் அப்படியே; ஆணையிடுகிறவனுக்கும் ஆணையிடப் பயப்படுகிறவனுக்கும் சமமாய்ச் சம்பவிக்கும்.	பிரச 2:14-16 யோபு 21:7-34 சங் 73:3 மல்கி 3:15
3	எல்லாருக்கும் ஒரேவிதமாய்ச் சம்பவிக்கிறது சூரியனுக்குக் கீழே நடக்கிறதெல்லாவற்றிலும் விசேஷித்த தீங்காம்; ஆதலால் மனுபுத்திரரின் இருதயம் தீமையினால் நிறைந்திருக்கிறது; அவர்கள் உயிரோடிருக்கும் நாளளவும் அவர்கள் இருதயம் பைத்தியங்கொண்டிருந்து, பின்பு அவர்கள் செத்தவர்களிடத்திற்குப் போகிறார்கள்.	பிரச 8:11 ஆதி 6:5 ஆதி 8:21 யோபு 15:16 சங் 51:5 எரே 17:9 மத் 15:19 மத் 15:20 மாற் 7:21-23 ரோம 1:29-31 தீத் 3:3
4	இதற்கு நீங்கலாயிருக்கிறவன் யார்? உயிரோடிருக்கிற அனைவரிடத்திலும் நம்பிக்கையுண்டு; செத்த சிங்கத்தைப்பார்க்கிலும் உயிருள்ள நாய் வாசி.	யோபு 14:7-12 யோபு 27:8 ஏசா 38:18 புலம் 3:21 புலம் 3:22 லூக் 16:26-29
5	உயிரோடிருக்கிறவர்கள் தாங்கள் மரிப்பதை அறிவார்களே, மரித்தவர்கள் ஒன்றும் அறியார்கள்; இனி அவர்களுக்கு ஒரு பலனுமில்லை, அவர்கள் பேர்முதலாய் மறக்கப்பட்டிருக்கிறது.	பிரச 7:2 யோபு 30:23 எபிரெ 9:27
6	அவர்கள் சிநேகமும், அவர்கள் பகையும், அவர்கள் பொறாமையும் எல்லாம் ஒழிந்துபோயிற்று; சூரியனுக்குக் கீழே செய்யப்படுகிறதொன்றிலும் அவர்களுக்கு இனி என்றைக்கும் பங்கில்லை.	யாத் 1:8 யோபு 3:17 யோபு 3:18 சங் 146:3 சங் 146:4 நீதி 10:28 மத் 2:20
7	நீ போய், உன் ஆகாரத்தைச் சந்தோஷத்துடன் புசித்து, உன் திராட்சரசத்தை மனமகிழ்ச்சியுடன் குடி; தேவன் உன் கிரியைகளை அங்கீகாரம்பண்ணியிருக்கிறார்.	ஆதி 12:19 மாற் 7:29 யோவா 4:50
8	உன் வஸ்திரங்கள் எப்பொழுதும் வெள்ளையாயும், உன் தலைக்கு எண்ணெய் குறையாததாயும் இருப்பதாக.	2சாமு 19:24 எஸ்தர் 8:15 வெளிப் 3:4 வெளிப் 3:5 வெளிப் 7:9 வெளிப் 7:13 வெளிப் 7:14 வெளிப் 16:15 வெளிப் 19:8 வெளிப் 19:14
9	சூரியனுக்குக்கீழே தேவன் உனக்கு நியமித்திருக்கிற மாயையான நாட்களிலெல்லாம் நீ நேசிக்கிற மனைவியோடே நிலையில்லாத இந்த ஜீவவாழ்வை அநுபவி; இந்த ஜீவனுக்குரிய வாழ்விலும், நீ சூரியனுக்குக்கீழே படுகிற பிரயாசத்திலும் பங்கு இதுவே.	நீதி 5:18 நீதி 5:19 நீதி 18:22 நீதி 19:14 மல்கி 2:15
10	செய்யும்படி உன் கைக்கு நேரிடுகிறது எதுவோ, அதை உன் பெலத்தோடே செய்; நீ போகிற பாதாளத்திலே செய்கையும் வித்தையும் அறிவும் ஞானமும் இல்லையே.	எண் 13:30 1நாளா 22:19 1நாளா 28:20 1நாளா 29:2 1நாளா 29:3 2நாளா 31:20 2நாளா 31:21 எஸ்றா 6:14 எஸ்றா 6:15 நெகே 2:12-20 நெகே 3:1-16 நெகே 4:2 நெகே 4:6 நெகே 4:9-13 நெகே 4:17-23 நெகே 13:8-31 சங் 71:15-18 எரே 29:13 மத் 6:33 யோவா 4:34 ரோம 12:11 ரோம 15:18-20 1கொரி 9:24 1கொரி 9:26 1கொரி 15:10 1கொரி 16:10 எபே 5:16 கொலோ 3:23 2பேது 1:12-15
11	நான் திரும்பிக்கொண்டு சூரியனுக்குக் கீழே கண்டதாவது: ஓடுகிறதற்கு வேகமுள்ளவர்களின் வேகமும், யுத்தத்துக்குச் சவுரியவான்களின் சவுரியமும் போதாது; பிழைப்புக்கு ஞானமுள்ளவர்களின் ஞானமும் போதாது; ஐசுவரியம் அடைகிறதற்குப் புத்திமான்களின் புத்தியும் போதாது; தயவு அடைகிறதற்கு வித்துவான்களின் அறிவும் போதாது; அவர்களெல்லாருக்கும் சமயமும் தேவச்செயலும் நேரிடவேண்டும்.	பிரச 2:12 பிரச 4:1 பிரச 4:4 மல்கி 3:18
12	தன் காலத்தை மனுஷன் அறியான்; மச்சங்கள் கொடிய வலையில் அகப்படுவதுபோலவும், குருவிகள் கண்ணியில் பிடிபடுவதுபோலவும், மனுபுத்திரர் பொல்லாத காலத்திலே சடிதியில் தங்களுக்கு நேரிடும் ஆபத்தில் அகப்படுவார்கள்.	பிரச 8:5-7 பிரச 8:11-7 லூக் 19:42-44 2கொரி 6:2 1பேது 2:12
13	சூரியனுக்குக் கீழே ஞானமுள்ள காரியத்தையும் கண்டேன்; அது என் பார்வைக்குப் பெரிதாய்த் தோன்றிற்று.	பிரச 9:11 பிரச 6:1 பிரச 7:15 பிரச 8:16
14	ஒரு சிறு பட்டணம் இருந்தது, அதிலே இருந்த குடிகள் கொஞ்ச மனிதர்; அதற்கு விரோதமாய் ஒரு பெரிய ராஜா வந்து, அதை வளைந்துகொண்டு, அதற்கு எதிராகப் பெரிய கொத்தளங்களைக் கட்டினான்.	2சாமு 20:15-22 2இரா 6:24-33 2இரா 7:1-20
15	அதிலே ஞானமுள்ள ஒரு ஏழை மனிதன் இருந்தான்; அவன் தன் ஞானத்தினாலே அந்தப் பட்டணத்தை விடுவித்தான்; ஆனாலும் அந்த ஏழை மனிதனை ஒருவரும் நினைக்கவில்லை.	ஆதி 40:23 எஸ்தர் 6:2 எஸ்தர் 6:3
16	ஆகையால் ஏழையின் ஞானம் அசட்டைபண்ணப்பட்டு, அவன் வார்த்தைகள் கேட்கப்படாமற்போனாலும், பெலத்தைப்பார்க்கிலும் ஞானமே உத்தமம் என்றேன்.	பிரச 9:18 பிரச 7:19 நீதி 21:22 நீதி 24:5
17	மூடரை ஆளும் அதிபதியின் கூக்குரலைப்பார்க்கிலும் ஞானிகளுடைய அமரிக்கையான வார்த்தைகளே கேட்கப்படத்தக்கவைகள்.	ஆதி 41:33-40 1சாமு 7:3-6 நீதி 28:23 ஏசா 42:2 ஏசா 42:4 யாக் 1:20 யாக் 3:17 யாக் 3:18
18	யுத்த ஆயுதங்களைப்பார்க்கிலும் ஞானமே நலம்; பாவியான ஒருவன் மிகுந்த நன்மையைக் கெடுப்பான்.	யோசு 7:1 யோசு 7:5 யோசு 7:11 யோசு 7:12 யோசு 22:20 1சாமு 14:28 1சாமு 14:29 1சாமு 14:36-46 2சாமு 20:1 2சாமு 20:2 2தெச 2:8-12 2தீமோ 2:16-18 2தீமோ 3:8 2தீமோ 4:3 2தீமோ 4:4 தீத் 1:10 தீத் 1:11 எபிரெ 12:15 எபிரெ 12:16