1	சாலொமோன் பாடின உன்னதப்பாட்டு.	சங் 14:1 ஏசா 5:1
2	அவர் தமது வாயின் முத்தங்களால் என்னை முத்தமிடுவாராக: உமது நேசம் திராட்சரசத்தைப்பார்க்கிலும் இன்பமானது.	உன்ன 5:16 உன்ன 8:1 ஆதி 27:26 ஆதி 27:27 ஆதி 29:11 ஆதி 45:15 சங் 2:12 லூக் 15:20 அப் 21:7 1பேது 5:14
3	உமது பரிமளதைலங்கள் இன்பமான வாசனையுள்ளவைகள்; உமது நாமம் ஊற்றுண்ட பரிமளதைலமாயிருக்கிறது; ஆகையால் கன்னியர்கள் உம்மை நேசிக்கிறார்கள்.	உன்ன 3:6 உன்ன 4:10 உன்ன 5:5 உன்ன 5:13 யாத் 30:23-28 சங் 45:7 சங் 45:8 சங் 133:2 நீதி 27:9 பிரச 7:1 ஏசா 61:3 யோவா 12:3 2கொரி 2:14-16 பிலிப் 4:18
4	என்னை இழுத்துக்கொள்ளும், உமக்குப் பின்னே ஓடிவருவோம்; ராஜா என்னைத் தமது அறைகளில் அழைத்துக்கொண்டு வந்தார்; நாங்கள் உமக்குள் களிகூர்ந்து மகிழுவோம்; திராட்சரசத்தைப்பார்க்கிலும் உமது நேசத்தை நினைப்போம்; உத்தமர்கள் உம்மை நேசிக்கிறார்கள்.	எரே 31:3 ஓசி 11:4 யோவா 6:44 யோவா 12:32 பிலிப் 2:12 பிலிப் 2:13
5	எருசலேமின் குமாரத்திகளே! கேதாரின் கூடாரங்களைப்போலவும், சாலொமோனின் திரைகளைப்போலவும் நான் கறுப்பாயிருந்தாலும், அழகாயிருக்கிறேன்.	ஏசா 53:2 மத் 10:25 1கொரி 4:10-13 1யோவா 3:1
6	நான் கறுப்பாயிருக்கிறேன் என்று பாராதேயுங்கள்; வெய்யில் என்மேற்பட்டது; என் தாயின் பிள்ளைகள் என்மேல் கோபமாயிருந்து, என்னைத் திராட்சத்தோட்டங்களுக்குக் காவற்காரியாக வைத்தார்கள்; என் சொந்தத் திராட்சத்தோட்டத்தையோ நான் காக்கவில்லை.	ரூத் 1:19-21
7	என் ஆத்தும நேசரே! உமது மந்தையை எங்கே மேய்த்து, அதை மத்தியானத்தில் எங்கே மடக்குகிறீர்? எனக்குச் சொல்லும்; உமது தோழரின் மந்தைகள் அருகே அலைந்து திரிகிறவளைப்போல நான் இருக்கவேண்டியதென்ன?	உன்ன 2:3 உன்ன 3:1-4 உன்ன 5:8 உன்ன 5:10 உன்ன 5:16 சங் 18:1 சங் 116:1 ஏசா 5:1 ஏசா 26:9 மத் 10:37 யோவா 21:17 1பேது 1:8 1பேது 2:7
8	ஸ்திரீகளில் ரூபவதியே! அதை நீ அறியாயாகில், மந்தையின் காலடிகளைத் தொடர்ந்துபோய், மேய்ப்பர்களுடைய கூடாரங்களண்டையில் உன் ஆட்டுக்குட்டிகளை மேயவிடு.	உன்ன 1:15 உன்ன 2:10 உன்ன 4:1 உன்ன 4:7 உன்ன 4:10 உன்ன 5:9 உன்ன 6:1 உன்ன 6:4-10 உன்ன 7:1-13 சங் 16:3 சங் 45:11 சங் 45:13 எபே 5:27 வெளிப் 19:7 வெளிப் 19:8
9	என் பிரியமே! பார்வோனுடைய இரதங்களில் பூண்டிருக்கிற பரிகள் பவுஞ்சுக்கு உன்னை ஒப்பிடுகிறேன்.	உன்ன 2:2 உன்ன 2:10 உன்ன 2:13 உன்ன 4:1 உன்ன 4:7 உன்ன 5:2 உன்ன 6:4 யோவா 15:14 யோவா 15:15
10	ஆபரணாதிகள் பூண்ட உன் கன்னங்களும், ஆரங்கள் பூண்ட உன் கழுத்தும் அழகாயிருக்கிறது.	ஆதி 24:22 ஆதி 24:47 ஏசா 3:18-21 எசே 16:11-13 2பேது 1:3 2பேது 1:4
11	வெள்ளிப் பொட்டுகளுள்ள பொன் ஆபரணங்களை உனக்குப் பண்ணுவோம்.	உன்ன 8:9 ஆதி 1:26 சங் 149:4 எபே 5:25-27 பிலிப் 3:21
12	ராஜா தமது பந்தியிலிருக்குந்தனையும் என்னுடைய நளததைலம் தன் வாசனையை வீசும்.	உன்ன 7:5 சங் 45:1 மத் 22:11 மத் 25:34
13	என் நேசர் எனக்கு என் ஸ்தனங்களின் நடுவில் தங்கும் வெள்ளைப்போளச் செண்டு.	உன்ன 4:6 உன்ன 4:14 உன்ன 5:1 உன்ன 5:5 உன்ன 5:13 ஆதி 43:11 சங் 45:8 யோவா 19:39
14	என் நேசர் எனக்கு எங்கேதி ஊர் திராட்சத்தோட்டங்களில் முளைக்கும் மருதோன்றிப் பூங்கொத்து.	உன்ன 1:13 உன்ன 2:3
15	என் பிரியமே! நீ ரூபவதி; நீ ருபவதி; உன் கண்கள் புறாக்கண்கள்.	உன்ன 1:8 உன்ன 4:1 உன்ன 4:7 உன்ன 4:10 உன்ன 5:12 உன்ன 7:6
16	நீர் ரூபமுள்ளவர்; என் நேசரே! நீர் இன்பமானவர்; நம்முடைய மஞ்சம் பசுமையானது.	உன்ன 2:3 உன்ன 5:10-16 சங் 45:2 சகரி 9:17 பிலிப் 3:8 பிலிப் 3:9 வெளிப் 5:11-13
17	நம்முடைய வீட்டின் உத்திரங்கள் கேதுருமரம், நம்முடைய மச்சு தேவதாருமரம்.	உன்ன 8:9 2நாளா 2:8 2நாளா 2:9 சங் 92:12 1தீமோ 3:15 1தீமோ 3:16 எபிரெ 11:10 1பேது 2:4 1பேது 2:5