1	ஸ்திரீயினிடத்தில் பிறந்த மனுஷன் வாழ்நாள் குறுகினவனும் சஞ்சலம் நிறைந்தவனுமாயிருக்கிறான்.	யோபு 15:14 யோபு 25:4 சங் 51:5 மத் 11:11
2	அவன் பூவைப்போலப் பூத்து அறுப்புண்கிறான்; நிழலைப்போல நிலைநிற்காமல் ஓடிப்போகிறான்.	சங் 90:5-9 சங் 92:7 சங் 92:12 சங் 103:15 சங் 103:16 ஏசா 40:6-8 யாக் 1:10 யாக் 1:11 யாக் 4:14 1பேது 1:24
3	ஆகிலும் இப்படிப்பட்டவன்மேல் நீர் உம்முடைய கண்களைத் திறந்துவைத்து, உம்முடைய நியாயத்துக்கு என்னைக் கொண்டுபோவீரோ?	யோபு 7:17 யோபு 7:18 யோபு 13:25 சங் 144:3
4	அசுத்தமானதிலிருந்து சுத்தமானதைப் பிறப்பிக்கத்தக்கவன் உண்டோ? ஒருவனுமில்லை.	யோபு 15:14 யோபு 25:4-6 ஆதி 5:3 சங் 51:5 சங் 90:5 யோவா 3:6 ரோம 5:12 ரோம 8:8 ரோம 8:9 எபே 2:3
5	அவனுடைய நாட்கள் இம்மாத்திரம் என்று குறிக்கப்பட்டிருக்கையால், அவனுடைய மாதங்களின் தொகை உம்மிடத்தில் இருக்கிறது; அவன் கடந்துபோகக்கூடாத எல்லையை அவனுக்கு ஏற்படுத்தினீர்.	யோபு 14:14 யோபு 7:1 யோபு 12:10 சங் 39:4 தானி 5:26 தானி 5:30 தானி 9:24 தானி 11:36 லூக் 12:20 அப் 17:26 எபிரெ 9:27
6	அவன் ஒரு கூலிக்காரனைப்போல் தன் நாளின் வேலையாயிற்று என்று ரம்மியப்படுமட்டும் அவன் ஓய்ந்திருக்கும்படி உமது பார்வையை அவனைவிட்டு விலக்கும்.	யோபு 7:16 யோபு 7:19 யோபு 10:20 சங் 39:13
7	ஒரு மரத்தைக்குறித்தாவது நம்பிக்கையுண்டு; அது வெட்டிப்போடப்பட்டாலும் திரும்பத் தழைக்கும், அதின் இளங்கிளைகள் துளிர்க்கும்;	யோபு 14:14 யோபு 19:10 ஏசா 11:1 ஏசா 27:6 தானி 4:15 தானி 4:23-25
8	அதின் வேர் தரையிலே பழையதாகி, அதின் அடிக்கட்டை மண்ணிலே செத்தாலும்,	ஏசா 26:19 யோவா 12:24 1கொரி 15:36
9	தண்ணீரின் வாசனையினால் அது துளிர்த்து, இளமரம்போலக் கிளைவிடும்.	எசே 17:3-10 எசே 17:22-24 எசே 19:10 ரோம 11:17-24
10	மனுஷனோவென்றால் செத்தபின் ஒழிந்துபோகிறான், மனுபுத்திரன் ஜீவித்துப்போனபின் அவன் எங்கே?	யோபு 3:11 யோபு 10:18 யோபு 11:20 யோபு 17:13-16 ஆதி 49:33 மத் 27:50 அப் 5:10
11	தண்ணீர் ஏரியிலிருந்து வடிந்து, வெள்ளம் வற்றிச் சுவறிப்போகிறதுபோல,	யோபு 6:15-18 எரே 15:18
12	மனுஷன் படுத்துக்கிடக்கிறான், வானங்கள் ஒழிந்துபோகுமளவும் எழுந்திருக்கிறதும் இல்லை, நித்திரை தெளிந்து விழிக்கிறதும் இல்லை.	யோபு 10:21 யோபு 10:22 யோபு 30:23 பிரச 3:19-21 பிரச 12:5
13	நீர் என்னைப் பாதாளத்தில் ஒளித்து, உமது கோபம் தீருமட்டும் என்னை மறைத்து, என்னைத் திரும்ப நினைக்கும்படிக்கு எனக்கு ஒரு காலத்தைக் குறித்தால் நலமாயிருக்கும்.	யோபு 3:17-19 ஏசா 57:1 ஏசா 57:2
14	மனுஷன் செத்தபின் பிழைப்பானோ? எனக்கு மாறுதல் எப்போது வருமென்று எனக்குக் குறிக்கப்பட்ட போராட்டத்தின் நாளெல்லாம் நான் காத்திருக்கிறேன்.	யோபு 19:25 யோபு 19:26 எசே 37:1-14 மத் 22:29-32 யோவா 5:28 யோவா 5:29 அப் 26:8 1கொரி 15:42-44 1தெச 4:14-16 வெளிப் 20:13
15	என்னைக் கூப்பிடும், அப்பொழுது நான் உமக்கு உத்தரவு சொல்லுவேன்; உமது கைகளின் கிரியையின்மேல் விருப்பம் வைப்பீராக.	யோபு 13:22 சங் 50:4 சங் 50:5 1தெச 4:17 1யோவா 2:28
16	இப்பொழுது என் நடைகளை எண்ணுகிறீர்; என் பாவத்தின்மேலல்லவோ கவனமாயிருக்கிறீர்.	யோபு 10:6 யோபு 10:14 யோபு 13:27 யோபு 31:4 யோபு 33:11 யோபு 34:21 சங் 56:6 சங் 139:1-4 நீதி 5:21 எரே 32:19
17	என் மீறுதல் ஒரு கட்டாகக் கட்டப்பட்டு முத்திரைபோடப்பட்டிருக்கிறது, என் அக்கிரமத்தை ஒருமிக்கச் சேர்த்தீர்.	யோபு 21:19 உபா 32:34 ஓசி 13:12
18	மலைமுதலாய் விழுந்து கரைந்துபோகும்; கன்மலை தன் இடத்தைவிட்டுப்பேர்ந்துபோகும்.	சங் 102:25 சங் 102:26 ஏசா 40:12 ஏசா 41:15 ஏசா 41:16 ஏசா 54:10 ஏசா 64:1 எரே 4:24 வெளிப் 6:14 வெளிப் 8:8 வெளிப் 20:11
19	தண்ணீர் கற்களைக் குடையும்; ஜலப்பிரவாகம் பூமியின் தூளில் முளைத்ததை மூடும்; அப்படியே மனுஷன் கொண்டிருக்கும் நம்பிக்கையை அழிக்கிறீர்.	ஆதி 6:17 ஆதி 7:21-23
20	நீர் என்றைக்கும் அவனைப் பெலனாய் நெருக்குகிறதினால் அவன் போய்விடுகிறான்; அவன் முகரூபத்தை மாறப்பண்ணி அவனை அனுப்பிவிடுகிறீர்.	பிரச 8:8
21	அவன் பிள்ளைகள் கனமடைந்தாலும் அவன் உணரான்; அவர்கள் சிறுமைப்பட்டாலும் அவர்களைக் கவனியான்.	1சாமு 4:20 சங் 39:6 பிரச 2:18 பிரச 2:19 பிரச 9:5 ஏசா 39:7 ஏசா 39:8 ஏசா 63:16
22	அவன் மாம்சம் அவனிலிருக்குமளவும் அதற்கு நோவிருக்கும்; அவன் ஆத்துமா அவனுக்குள்ளிருக்குமட்டும் அதற்குத் துக்கமுண்டு என்றான்.	யோபு 19:20 யோபு 19:22 யோபு 19:26 யோபு 33:19-21