1	இயேசுவானவரே கிறிஸ்து என்று விசுவாசிக்கிற எவனும் தேவனால் பிறந்திருக்கிறான்; பிறப்பித்தவரிடத்தில் அன்புகூருகிற எவனும் அவரால் பிறப்பிக்கப்பட்டவனிடத்திலும் அன்புகூருகிறான்.	1யோவா 2:22 1யோவா 2:23 1யோவா 4:2 1யோவா 4:14 1யோவா 4:15 மத் 16:16 யோவா 1:12 யோவா 1:13 யோவா 6:69 அப் 8:37 ரோம 10:9 ரோம 10:10
2	நாம் தேவனிடத்தில் அன்புகூர்ந்து அவருடைய கற்பனைகளைக் கைக்கொள்ளும்போது, தேவனுடைய பிள்ளைகளிடத்தில் அன்புகூருகிறோமென்று அறிந்துகொள்ளுகிறோம்.	1யோவா 3:22-24 1யோவா 4:21 யோவா 13:34 யோவா 13:35 யோவா 15:17
3	நாம் தேவனுடைய கற்பனைகளைக் கைக்கொள்வதே அவரிடத்தில் அன்புகூருவதாம்; அவருடைய கற்பனைகள் பாரமானவைகளுமல்ல.	யாத் 20:6 உபா 5:10 உபா 7:9 உபா 10:12 உபா 10:13 தானி 9:4 மத் 12:47-50 யோவா 14:15 யோவா 14:21-24 யோவா 15:10 யோவா 15:14 2யோவா 1:6
4	தேவனால் பிறப்பதெல்லாம் உலகத்தை ஜெயிக்கும்; நம்முடைய விசுவாசமே உலகத்தை ஜெயிக்கிற ஜெயம்.	1யோவா 5:1 1யோவா 3:9
5	இயேசுவானவர் தேவனுடைய குமாரனென்று விசுவாசிக்கிறவனேயன்றி உலகத்தை ஜெயிக்கிறவன் யார்?	1யோவா 5:1 1யோவா 4:15
6	இயேசுகிறிஸ்துவாகிய இவரே ஜலத்தினாலும் இரத்தத்தினாலும் வந்தவர்; ஜலத்தினாலே மாத்திரமல்ல, ஜலத்தினாலும் இரத்தத்தினாலும் வந்தவர். ஆவியானவர் சத்தியமாகையால், ஆவியானவரே சாட்சிகொடுக்கிறவர்.	யோவா 19:34 யோவா 19:35
7	(பரலோகத்திலே சாட்சியிடுகிறவர்கள் மூவர், பிதா, வார்த்தை, பரிசுத்த ஆவி என்பவர்களே, இம்மூவரும் ஒன்றாயிருக்கிறார்கள்;	1யோவா 5:10 1யோவா 5:11 யோவா 8:13 யோவா 8:14
8	பூலோகத்திலே) சாட்சியிடுகிறவைகள் மூன்று, ஆவி, ஜலம், இரத்தம் என்பவைகளே, இம்மூன்றும் ஒருமைப்பட்டிருக்கிறது.	1யோவா 5:7
9	நாம் மனுஷருடைய சாட்சியை ஏற்றுக்கொண்டால், அதைப்பார்க்கிலும் தேவனுடைய சாட்சி அதிகமாயிருக்கிறது; தேவன் தமது குமாரனைக்குறித்துக் கொடுத்த சாட்சி இதுவே.	1யோவா 5:10 யோவா 3:32 யோவா 3:33 யோவா 5:31-36 யோவா 5:39-36 யோவா 8:17-19 யோவா 10:38 அப் 5:32 அப் 17:31 எபிரெ 2:4 எபிரெ 6:18
10	தேவனுடைய குமாரனிடத்தில் விசுவாசமாயிருக்கிறவன் அந்தச் சாட்சியைத் தனக்குள்ளே கொண்டிருக்கிறான்; தேவனை விசுவாசியாதவனோ, தேவன் தம்முடைய குமாரனைக்குறித்துக் கொடுத்த சாட்சியை விசுவாசியாததினால், அவரைப் பொய்யராக்குகிறான்.	1யோவா 5:1 யோவா 3:16
11	தேவன் நமக்கு நித்தியஜீவனைத் தந்திருக்கிறார், அந்த ஜீவன் அவருடைய குமாரனில் இருக்கிறதென்பதே அந்தச் சாட்சியாம்.	1யோவா 5:7 1யோவா 5:10 யோவா 1:19 யோவா 1:32-34 யோவா 8:13 யோவா 8:14 யோவா 19:35 3யோவா 1:12 வெளிப் 1:2
12	குமாரனை உடையவன் ஜீவனை உடையவன், தேவனுடைய குமாரன் இல்லாதவன் ஜீவன் இல்லாதவன்.	1யோவா 2:23 1யோவா 2:24 யோவா 1:12 யோவா 3:36 யோவா 5:24 1கொரி 1:30 கலா 2:20 எபிரெ 3:14 2யோவா 1:9
13	உங்களுக்கு நித்தியஜீவன் உண்டென்று நீங்கள் அறியவும், தேவகுமாரனுடைய நாமத்தின்மேல் நீங்கள் விசுவாசமாயிருக்கவும், தேவகுமாரனுடைய நாமத்தின்மேல் விசுவாசமாயிருக்கிற உங்களுக்கு இவைகளை எழுதியிருக்கிறேன்.	1யோவா 1:4 1யோவா 2:1 1யோவா 2:13 1யோவா 2:14 1யோவா 2:21 1யோவா 2:26 யோவா 20:31 யோவா 21:24 1பேது 5:12
14	நாம் எதையாகிலும் அவருடைய சித்தத்தின்படி கேட்டால், அவர் நமக்குச் செவிகொடுக்கிறாரென்பதே அவரைப் பற்றி நாம் கொண்டிருக்கிற தைரியம்.	1யோவா 3:21 எபே 3:12 எபிரெ 3:6 எபிரெ 3:14 எபிரெ 10:35
15	நாம் எதைக் கேட்டாலும், அவர் நமக்குச் செவிகொடுக்கிறாரென்று நாம் அறிந்திருந்தோமானால், அவரிடத்தில் நாம் கேட்டவைகளைப் பெற்றுக்கொண்டோமென்றும் அறிந்திருக்கிறோம்.	நீதி 15:29 எரே 15:12 எரே 15:13
16	மரணத்துக்கு ஏதுவல்லாத பாவத்தைத் தன் சகோதரன் செய்ய ஒருவன் கண்டால், அவன் வேண்டுதல்செய்யக்கடவன், அப்பொழுது அவனுக்கு ஜீவனைக் கொடுப்பார்; யாருக்கென்றால், மரணத்துக்கு ஏதுவல்லாத பாவத்தைச் செய்தவர்களுக்கே; மரணத்துக்கு ஏதுவான பாவமுண்டு, அதைக்குறித்து வேண்டுதல்செய்ய நான் சொல்லேன்.	ஆதி 20:7 ஆதி 20:17 யாத் 32:10-14 யாத் 32:31-14 யாத் 32:32-14 யாத் 34:9 எண் 12:13 எண் 14:11-21 உபா 9:18-20 2நாளா 30:18-20 யோபு 42:7-9 சங் 106:23 எசே 22:30 ஆமோ 7:1-3 யாக் 5:14 யாக் 5:15
17	அநீதியெல்லாம் பாவந்தான்; என்றாலும் மரணத்துக்கு ஏதுவல்லாத பாவமுமுண்டு.	1யோவா 3:4 உபா 5:32 உபா 12:32
18	தேவனால் பிறந்த எவனும் பாவஞ்செய்யானென்று அறிந்திருக்கிறோம்; தேவனால் பிறந்தவன் தன்னைக் காக்கிறான், பொல்லாங்கன் அவனைத்தொடான்.	1யோவா 5:1 1யோவா 5:4 1யோவா 2:29 1யோவா 3:9 1யோவா 4:6 யோவா 1:13 யோவா 3:2-5 யாக் 1:18 1பேது 1:23
19	நாம் தேவனால் உண்டாயிருக்கிறோமென்றும், உலகமுழுவதும் பொல்லாங்கனுக்குள் கிடக்கிறதென்றும் அறிந்திருக்கிறோம்.	1யோவா 5:10 1யோவா 5:13 1யோவா 5:20 1யோவா 3:14 1யோவா 3:24 1யோவா 4:4-6 ரோம 8:16 2கொரி 1:12 2கொரி 5:1 2தீமோ 1:12
20	அன்றியும், நாம் சத்தியமுள்ளவரை அறிந்துகொள்வதற்கு தேவனுடைய குமாரன் வந்து நமக்குப் புத்தியைத் தந்திருக்கிறாரென்றும் அறிவோம்; அவருடைய குமாரனாகிய இயேசுகிறிஸ்து என்னப்பட்ட சத்தியமுள்ளவருக்குள்ளும் இருக்கிறோம்; இவரே மெய்யான தேவனும் நித்தியஜீவனுமாயிருக்கிறார்.	1யோவா 5:1 1யோவா 4:2 1யோவா 4:14
21	பிள்ளைகளே, நீங்கள் விக்கிரகங்களுக்கு விலகி, உங்களைக் காத்துக்கொள்வீர்களாக. ஆமென்.	1யோவா 2:1